هل توقف صرف الكادر لاجل غير مسمى

[صفاء عزمى]

سمعت اشاعات بانه تقرر ايقاف كادر لاجل غير مسمى بسبب مشاكل الاداريين
فنحن فى الواسطى ببنى سويف صرفنا 12-1 فى اوائل فبراير وصرفنا شهر فبراير مع مرتب ثم توقف الصرف من يومها
ارجوكم الافادة

[توفيق رفعت عجيز]

اكيد الواسطي فيها حاجة غلط اشمعنا هي ما كل الدنيا صرفت ربنا يوفقكم وتصرفوا
وبعدين ما تزعليش الحكومة بتحوشهملك يمكن تشتري منهم عربية

[مجدى ناصر]

لا الدقهلية لم تسمع عن هذه الإشاعة ويارب يكون إشاعة

[amrorg2020]

فى كلام أكيد إنه لن يتم الصرف مع مرتبات الشهر ولكن سيتم صرف شهور ( مايو ويونية ويوليو ) مجمع حتى انتهاء السنة المالية 2008/2009م والله أعلم ولنا حميعاً الله وحسبنا الله ونعم الوكيل

[الأستاذة هدى]

رجعنا تانى لسمعت إشاعة؟؟؟ رجاء من يسمع خبر سىء يحتفظ بيه لنفسه ولا يذيعه إلا فقط لا قدر الله تحقق حتى يأخذ النصيحة من الزملاء أما غير ذلك فلا داعى لتكديرنا اكثر مما نحن مكدرون !!!!!!!!
ولنستخدم قول رسول الله صلى الله عليه وسلم : " بشروا ولا تنفروا " صدق رسول الله صلى الله عليه وسلم

[مستر محمد سلامه]

ربنا يستر بس نقبض الاول عندنا بدأ الصرف بس مدرستنا كبيرة و فيها اخطاء ده اللي مأخر الصرف كله خير

[توفيق رفعت عجيز]

اصلا مفيش حاجة ماشية مترتبة في التربية والتعليم وكل الامور ماشية بالقطعة وان دل علي شيء فأنما يدل علي العشوائية في التخطيط والتنفيذ

[عاشقة الموج]

صح الكلام لأننا فى 6 أكتوبر لم نقبض ...

و مسئول الصرف صرح بهذا الخبر ...

و سيكون الصرف بالجمع كل شهرين مع بعض ...

وبعده يدخل الصرف على المرتب بعد شهر 7-2009......