500 ألف إدارى يعتصمون أمام قصر عابدين الأحد

[Mr. Medhat Salah]

الهمه يا رجاله

[محمد عباس 011]

أعلن إداريو التربية والتعليم عن اعتزامهم القيام بوقفة احتجاجية كبرى صباح الأحد القادم أمام قصر عابدين، للمطالبة بحقهم فى أموال حافز الإثابة بعد رفض يوسف بطرس غالى صرفها لهم بحجة تقاضيهم مكافأة نهاية الامتحانات، بحسب تصريحات مندوبه ممتاز السعيد أمس، الأربعاء، أمام مجلس الشعب، والتى أكد فوزى عبد الفتاح رئيس لجنة الدفاع عن حقوق العاملين بالتعليم، أنها أصابت الإداريين بالإحباط الشديد والألم، أفقدهم الأمل فى حل الأزمة عن طريق الوزراء.

وأضاف فوزى عبد الفتاح رئيس لجنة الدفاع عن حقوق العاملين بالتعليم، أن الوقفة الاحتجاجية أمام قصر عابدين ستكون بديلا لتلك التى أعلنوا عنها أمام مجلس الشعب الثلاثاء المقبل، والتى قرر الإداريون إلغاءها بسبب إحساسهم بعدم وقوف أعضاء البرلمان فى صفهم، موضحا أن لجنة الدفاع عن التعليم دعت 500 ألف إدارى للوقوف أمام قصر عابدين، ومن لم يستطع فليقف احتجاجا داخل إدارته التعليمية.

من ناحية أخرى أكد الدكتور يسرى الجمل وزير التربية والتعليم، أنه بدأ منذ أمس، الأربعاء، التنسيق مع الدكتور يوسف بطرس غالى وزير المالية والدكتور أحمد درويش وزير التنمية الإدارية لحل أزمة صرف حافز الإثابة للإداريين، بعد أن عادت الأزمة لنقطة الصفر، وكشف الجمل عن قرب انتهاء الأزمة من الحل بعد إبداء وزير المالية مرونة فى تدبير 316 مليون جنيه لصرف مرحلة أولى من الحافز.
http://www.youm7.com/News.asp?NewsID=76483

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى

[سيف سالم]

سبق ان اشرنا لهذا الوضع باحد مشاركتنا
مينفعش صرف حافز الاثابة للاداري فقط دون المعلم لمخالفة القانون
لابد من اصدار قانون جديد بموصفات معينة تسمح للاداري ولا تسمح للمعلم
بس لو المعلم دعى لاضراب ودا صعب جدا لطبيعة المعلم (كونه ...............) بس مش مستحيل سيتم الصرف فورا لجميع العاملين

[هدى مجدى]

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى

[خلاف خلاف]

الجنازه حاره والميت كلب