جربت الجامعه ادخل وقول رايك

[a_2007]

اولا ازيكم كلكم سلامى للجميع والف الف مبروووك عالاجازة اخيرا ارتحنا من جو الامتحانات والمذاكرة شويه ويارب بقى النتيجه تبقى كويسه لينا كلنا ان شاء الله


ادخل فالموضوع بقى كلنا كنا داخلين الجامعه محتارين مننا الى مفكر انه هيدخل يعيش حياته خصوصا بعد قرف الثانويه العامه والى جرالنا ومننا الى داخل خايف منها وخصوصا لو مكنش عنده اصحاب فيها ودلوقتى عدى نص ترم واكيد حصلتلنا مواقف كتييييير فيها منها الحلو ومنها الوحش وجربنا الامتحانات والمذاكرة ياترى رايكم فيها ايه بعد ما جربتم عايزة كل واحد يكتب رايه وياريت لو حكالنا شويه عن الى جراله والى اكبر مننا برضه يقوللنا احساسهم كان ايه اول سنه وايه الفرق بين اول سنه ليهم فالجامعه وبين دلوقتى مستنيه ردودكم كلكم ويارب الموضوع يكون عجبكم

[فرسان الحق]

انا اول ما دخلت حبيت الجامعه جدا و عجبنى جو الجامعه لكن بعد شهر تقريبا زهقت منها و من المحاضرات و من البشر الكتير اللى فيها و كنت بتخنق من الزحمه و مكنتش بروح غير للجيم و فى الشهر الاخير لما احتجت حاجات وورق و كده لاقيت اصحابى رجاله فعلا و مخلصين و ساعدونى و كان فيه ناس ميعرفنيش لما كنت بطلب منهم حاجه بيعملوها لى على طول و بعد كده بقوا اصحابى و ساعتها زو بقيت عاوز اساعد اى حد علشان كده حتى فى ايام الامتحانات كان اى حاجه اعرفها كنت بكتبها فى المنتدى من غير تردد و بقى الجامعه بالنسبه ليا احضر محاضرات و اروح جيم و اروح على طول بعد ما كنت فى اول السنه و لمدة شهرين تقريبا لازم اطلع من الجامعه على المغرب حتى لو مخلص المحاضرات الصبح و ساعات كنت بعقد لبليل كمان فى الجامعه

[لومة fces]

هو موضوع حلو وفى وقته فعلا
انا عن نفسى اول ما دخلت الجامعة فى الاول كنت مخنوقة منها شوية وخصوصا انى ما كنتش اعرف حد من اللى معايا فى الكلية وكمان عندى ما كانتش الناس بتتعرف على بعض بسرعة ويعملوا جروب وكده زى فى عربى بس بعد كده يعنى عرفت شوية وكمان كنت بقعد مع صحابى اللى كانوا معايا من ثانوى وكده وبعد كده خدت عالجامعة وايام الجامعة حلوة والله
بس مش كل الايام هى بس الايام اللى بكون فيها مع صحابى بحضر محاضرات ونقعد شوية ناكل او نتكلم كده انما الامتحانات بتبقى الجامعة وحشة اووووووى

[a_2007]

بجد ميرسيه قوووى لكل الى ردوا وعايزة اكتر عايزة الكل يقول رايه ياجماعه

[a_2007]

المشاركة الأصلية كتبت بواسطة فرسان الجحيم

انا اول ما دخلت حبيت الجامعه جدا و عجبنى جو الجامعه لكن بعد شهر تقريبا زهقت منها و من المحاضرات و من البشر الكتير اللى فيها و كنت بتخنق من الزحمه و مكنتش بروح غير للجيم و فى الشهر الاخير لما احتجت حاجات وورق و كده لاقيت اصحابى رجاله فعلا و مخلصين و ساعدونى و كان فيه ناس ميعرفنيش لما كنت بطلب منهم حاجه بيعملوها لى على طول و بعد كده بقوا اصحابى و ساعتها زو بقيت عاوز اساعد اى حد علشان كده حتى فى ايام الامتحانات كان اى حاجه اعرفها كنت بكتبها فى المنتدى من غير تردد و بقى الجامعه بالنسبه ليا احضر محاضرات و اروح جيم و اروح على طول بعد ما كنت فى اول السنه و لمدة شهرين تقريبا لازم اطلع من الجامعه على المغرب حتى لو مخلص المحاضرات الصبح و ساعات كنت بعقد لبليل كمان فى الجامعه

فعلا عندك حق الواحد فالاول كان عاجبه قووى جو الجامعه خصوصا ان كليتنا جوه الجامعه فتفضل تشوف ناس كتير لحد لما توصل كليتك حتى انا والله كنت بحب اقعد ققوى فالكليه بتاعتنا عشان هى بجد جميله لحد لما زهقت بقيت من البيت للجامعه ومن الجامعه للبيت مش عارفه احنا اتخنقنا منها بسرعه ولا ايه بس لعلمك انا حصلى عكسك تماما انا كل لما كنت اطلب حاجه من حد كان ينفضلى لدرجه ان البنات عندنا حاجه صعبه قووى محدش بيدى حاجه لحد واللله بس برضه كان فيها ايام كويسه

[a_2007]

المشاركة الأصلية كتبت بواسطة لومة fces

هو موضوع حلو وفى وقته فعلا
انا عن نفسى اول ما دخلت الجامعة فى الاول كنت مخنوقة منها شوية وخصوصا انى ما كنتش اعرف حد من اللى معايا فى الكلية وكمان عندى ما كانتش الناس بتتعرف على بعض بسرعة ويعملوا جروب وكده زى فى عربى بس بعد كده يعنى عرفت شوية وكمان كنت بقعد مع صحابى اللى كانوا معايا من ثانوى وكده وبعد كده خدت عالجامعة وايام الجامعة حلوة والله
بس مش كل الايام هى بس الايام اللى بكون فيها مع صحابى بحضر محاضرات ونقعد شوية ناكل او نتكلم كده انما الامتحانات بتبقى الجامعة وحشة اووووووى

فعلا والله نفس الى حصلى بس الواحد بيحاول يتصاحب ع ناس جداد بس انا بالنسبه لى ملقتش زى اصحاب ثانوى الصراحه كنوا اجدع اصحاب وربنا يخليهم ليا

[sunsero2000]

الجامعه كلها ولا تيجى يوم جمب ايام ثانوى خصوصا 3 ثانوى ده عن نفسى مش عارف انتو ايه بقه

[a_2007]

والله انا عندى 3 ثانوى دى كانت ايام سودا والحمد لله ممكن اقولك 2 ثانوى او اولى ثانوى يبقى عندك حق حتى الاصحاب كانوا اصحاب بجد قووى بس قولى ياترى عرفت تعمل اصحاب فالجامعه ولا يعنى

[sunsero2000]

المشاركة الأصلية كتبت بواسطة a_2007

والله انا عندى 3 ثانوى دى كانت ايام سودا والحمد لله ممكن اقولك 2 ثانوى او اولى ثانوى يبقى عندك حق حتى الاصحاب كانوا اصحاب بجد قووى بس قولى ياترى عرفت تعمل اصحاب فالجامعه ولا يعنى

اهو عملت شويه اصحاب كده مش كتير يعنى عشان انا مش بقعد فيها اصلا بزهق بسرعه منها
بس الترم التانى ان شاء الله ناوى على حاجات كتير

[jeme.89]

موضوعك جامد اخر حاجه انا بقى حصلي موقف هو تقريبا اكثر موقف فيه احراج وانت في الكليه كنا قاعدين في محاضرت رياضه المهم المدرج كلو كلن بيضحك على حاجه في المحاضره وانا زي الاهبل ضحكت معاهم المهم الدكتور التعصب قال الولد الي قاعد هناك زشاور عليا قالي اطلع برا المهم وانا طالع بصراحه الدكتور زفنا واحنا طالعين تمام جاي اطلع قالي سلم كرنيهك واطلع المهم عشان مطولش عليكو حاولت اعتزلة مرضيش وبيشتم قال هحولك على التحقيق يمين شمال مش راضي يسامحني حولني على وكيل الكليه قعد يهزني شويه ومش هتقدر تقولو اي حاجه تمام حولني بجد على التحقيق بعد كده احقق معيا لقيتو مقدم فيا شكوى بجد لوكلامه طالع صح كنت المفروض اتفصل من الكليه قال بيخل با الاداب العامه وعمل فوضى في المدرج وشويه حاجات كده مش فاكرهم المهم بعد كده خد التحقيق وقلنا لي المحاميه انو انا معديش مشكله اني اعتزلو قدام المدرج كلو فقوفق اني اعتزلو المهم جيه اليوم بتاع الاعتزار طلع معنا راجل طيب ومرضيش انو احنا نعتزلو بس سا محنا في الاخر

بس بقى بجد عندك دكتور كبير في السن وبيقدايك من الكلام يبقى متحولش تتكلم خالص لانو اقل حاجه ممكن يعملها لك انة يشيلك مادتين واشد حاجه فصل سنتين
ومعلش طولت عليكو
شكرااااااااااااااا

[a_2007]

المشاركة الأصلية كتبت بواسطة jeme.89

موضوعك جامد اخر حاجه انا بقى حصلي موقف هو تقريبا اكثر موقف فيه احراج وانت في الكليه كنا قاعدين في محاضرت رياضه المهم المدرج كلو كلن بيضحك على حاجه في المحاضره وانا زي الاهبل ضحكت معاهم المهم الدكتور التعصب قال الولد الي قاعد هناك زشاور عليا قالي اطلع برا المهم وانا طالع بصراحه الدكتور زفنا واحنا طالعين تمام جاي اطلع قالي سلم كرنيهك واطلع المهم عشان مطولش عليكو حاولت اعتزلة مرضيش وبيشتم قال هحولك على التحقيق يمين شمال مش راضي يسامحني حولني على وكيل الكليه قعد يهزني شويه ومش هتقدر تقولو اي حاجه تمام حولني بجد على التحقيق بعد كده احقق معيا لقيتو مقدم فيا شكوى بجد لوكلامه طالع صح كنت المفروض اتفصل من الكليه قال بيخل با الاداب العامه وعمل فوضى في المدرج وشويه حاجات كده مش فاكرهم المهم بعد كده خد التحقيق وقلنا لي المحاميه انو انا معديش مشكله اني اعتزلو قدام المدرج كلو فقوفق اني اعتزلو المهم جيه اليوم بتاع الاعتزار طلع معنا راجل طيب ومرضيش انو احنا نعتزلو بس سا محنا في الاخر

بس بقى بجد عندك دكتور كبير في السن وبيقدايك من الكلام يبقى متحولش تتكلم خالص لانو اقل حاجه ممكن يعملها لك انة يشيلك مادتين واشد حاجه فصل سنتين
ومعلش طولت عليكو
شكرااااااااااااااا

بجد موقف صعب جدااا بس الحمد لله انها عدت ع خير انا بقى حصل قدامى نفس الموقف الى انت بتحكيه ده بس الولد اعتذر فعلا قدام الدفعه وكان الدكتور عايز يفصله وقال الى موافق يرفع ايده دكتور ديمقراطى حضرته فمحدش رفع ايديه فعفى عنه وسابه بس الحمد لله انها جات ع قد كده

[molly_2010]

ازيكوا ياجماعه حلو اوى الموضوع ده
وبالنسبه ليا انا بقى فى بدايه دخول السنه اتعرفت على بنات وافتكرت الحياه احلوت وبجد الجامعه كانت لزيزة اوى اوى يعنى
بس للاسف بعد كده اتضحلى ان مش دول اللى يتصاحبوا واخرهم اصحاب مصالح بجد كرهت الجامعه ساعتها لانى بقيت لوحدى ومنزلتش فترة بس بعد كده قولت مش هوقف حياتى على ناس مش ناس
وابتديت انزل الجامعه كده من تانى بس لوحدى بصراحه كنت مقضياها من البيت للجامعه ومن الجامعه للبيت المحاضرة تخلص 5 دقايق اكون فالبيت بس والله الجامعه دى جاااااااااامده وايام بجد حلوى اوى بس كان نفسى اصحابى بتوع ثانوى يبقوا معايا اعتقد كانت هيبقى ليها طعم تانى
بس ان شاء الله الترم ده هيكون غير ومختلف لانها ايام بجد متستحقش ان اى حد يضيعها
انا عن نفسى شايفه ان ايام ثانوى دى ايام الله لايرجعها بجد بس الحلو فيها الاصحاب اللى بجد الواحد طلع بيهم من ايام المعانه دى
وبالنسبه للموقف اللى حصل لزملنا هنقول ايه دكاترة ملهاش حل؟؟؟
انا بقى بصراحه خايفه اوى من النتيجه ويارب تعدى على خير وكلنا ننجح
واسفه لانى طولت ومرة تانيه سلامى ليكوا والموضوع جد يستحق المشاركه
تحياتى موللى الدلوعه!!
سلاممممممممممممممممممممممممممممممممممممممممممممممم مممممم

[a_2007]

ميرسى ياجميل ع مرورك بس ع فكرة مش لوحدك انا كمان حصلى زى مانتى قولتى بالظبط
بس اتمنالك ترم جديد وحلو ان شاء الله وع فكرة احنا ممكن نبقى اصحاب وصدقينى مش هتندمى والله

[molly_2010]

ازيك a_2000انا عاوزة ايميلك ضرورى

[jeme.89]

المشاركة الأصلية كتبت بواسطة molly_2010

ازيك a_2000انا عاوزة ايميلك ضرورى

طلب صريح جدا ا ا ا