هوا أنا شايل كده مادة ولا مادتين

[خالد النسر]

ياجماعة انا مدبلر
بس مش عارف عندي مادة ولا اتنين

الفصل الاول كنت شايل انجليزي وواخد فيه 4
وكان فيه مادة تانية كنت جايب فيها 7


الفصل التاني خدت على قفايا في اكتر من مادة
:abdoog8:
المهم عايز اعرف المادة اللي انا جايب فيها 7
بتترفع
ولا ايه ؟؟؟
ياريت اجابة موثوقة

[vampire1188]

طالما انتا جايب 7 في مادة .. وانتا شايل اكتر من 3 مواد .. يبقي مش هاتترفع

بمعني انك الـ 7 دي بتترفع في حالة واحده بس .. وهوا ان الرفع يغير حالتك من راسب لناجح

انتا دلوقتي شايل مواد في الترم التاني (الله اعلم كام مادة!) ..

وفي الترم الاولاني شايل مادتين منهم واحده 7 .. يبقي مش هاتترفع .. لإن انتا كدا كدا عايد السنة

انما لو انتا مثلا شايل 3 مواد .. ومنهم مادة جايب فيها 7 ..

يبقي الـ 7 تترفع تبقي 10 .. وتطلع السنة اللي بعدها بمادتين

[فرسان الحق]

طب يا فامبير باشا لو جبت فى ماده واحده7 و بقيت المواد ناجح فيها هتترفع ولا لا؟

[لومة fces]

انا بيتهيالى هتترفع لان درجات الرأفة 4 درجات
المهم ما يبقوش كلهم فى مادة واحدة يعنى لو 6 مش هتترفع
بس بصراحة مش متاكدة اوى

[vampire1188]

طب يا فامبير باشا لو جبت فى ماده واحده7 و بقيت المواد ناجح فيها هتترفع ولا لا؟

لا .. هاتنجح وهاتعدي للسنة اللي بعديها .. بس هاتبقي شايل مادة واحده بس

( درجات الرأفة مابتتاخدش الا في حالة تغيير الحالة بس من راسب لناجح )

[لومة fces]

المشاركة الأصلية كتبت بواسطة vampire1188

لا .. هاتنجح وهاتعدي للسنة اللي بعديها .. بس هاتبقي شايل مادة واحده بس

( درجات الرأفة مابتتاخدش الا في حالة تغيير الحالة بس من راسب لناجح )

منكم نستفيد بس انا كان عندى السنة اللى فاتت مادة واحدة جايبة فيها 8
واترفعت بقت 10 وعديت صافى

[vampire1188]

انا كان عندى السنة اللى فاتت مادة واحدة جايبة فيها 8
واترفعت بقت 10 وعديت صافى

8 مش 7 ..

لإن 7 تندرج تحت تقدير ضعيف جدا .. وبالتالي مالهاش رفع الا في حالة انها تغير حالتك ..

سواءا كنتي من راسب لناجح .. او من انتساب لانتظام

انا السنة اللي فاتت كان مابين اني احول انتظام وانتساب درجة واحده !!

بمعني .. ان انا في الترم الاولاني شيلت محاسبة .. والترم التاني جيبت جيد جدا

من الاخر .. التقدير العام كان جيد (133) .. بس كنت جايب 6 في المحاسبة ..

فعشان المحاسبة تقديري فيها ضعيف جدا فماترفعتش ..

لكن لو كنت جايب فيها 8 كنت عديت صافي وحولت انتظام ..

بس تقولي ايه بقي .. قلة *** من الدكاترة !!

[فرسان الحق]

الف شكر ليك يا فامبير باشا على التوضيح

[molly_2010]

السلام عليكوااااااااا
عاملين ايه ؟؟؟انا طالبه فالفرقه الاولى تجارة المنصورة وامتحنت اقتصاد وخايفه جدا من فكرة انى اشيلوه ياريت تقولولى المقبول من كام وامتى ممكن يشيلونى الماده الحزينه دى اصل الحياه كده مش تمام
وبس وياريت الرد والاهتمام باى
عندى حاجه نفسى تعرفوها اوى
؟؟؟؟؟""""""""""""""""""""""""من جعل الله همه
كفاه الله هم كل شىء؟؟؟؟؟؟؟؟؟؟"""""""""""""""""""""""""""
موللى

[vampire1188]

وبس وياريت الرد والاهتمام

بصي يا مولي .. انتي طبعاً عندك في المنصورة بتاخدي 6 مواد

كل مادة بتتحسبلك من 20 درجة ..

اذن فالمجموع الكلي هايبقي 20 درجة × 6مواد = 120 درجة (للترم الواحد)

اذن السنة كلها هاتبقي (120×2) = 240 درجة ..

التقديرات بالنسبة لكل مادة كالآتى >>

امتياز من 18 : 20 - جيد جدا من 16 : 17 - جيد من 13 : 15 - مقبول من 10 : 12

التقديرات بالنسبة للترم الواحد كالآتى >>

امتياز من 108 : 120 - جيد جدا من 96 : 107 - جيد من 78 : 95 - مقبول من 60 : 77

التقديرات بالنسبة للسنة كاملة كالآتى >>

امتياز من 216 : 240 - جيد جدا من 256 : 215 - جيد من 156 : 214 - مقبول من 120 : 155

معا ملاحظة انك لو شيلتي مادة واحده بس يبقي انتي كدا مش هايتكتبلك تقدير في نهاية السنة

بس المجموع هايتحسبلك زي ماهوا في التراكمي .. اللي هوا 960