|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
24-12-2008, 09:34 PM
|
||||
|
||||
انا اتعقدت خلاص .. !
بسم الله الرحمن الرحيم
بصوا يا جماعه انا فعلا اتخنقت وجبت اخري بقى ماليش نفس لا اذاكر ولا اعمل اي حاجه في حياتي اصلا معرفش السنه دي مش متفائله بيها اطلاقاً .. حاسه ان الامتحانات هتبقى اصعب من 2008 و اتعقدت من الناس اللي معايا في الدروس في درس الفيزيا خصوصاً .. كلهم جايبين 98 و 99 و ارقام فلكيه كده  و معايا بنت في درس الفيزيا بجد عقدتني كل حصه تجيب للمستر شوية مسائل ماتتحلش و تتمنظر علينا .. و يوم لما يكون المستر عامل لنا امتحان بتيجي بدري و تقعد تقولنا (انا مش مذاكره حاجه .. انا مش عارفه حاجه .. انا هسقط انا انا) لحد ما اخر مره انا انفعلت عليها و قولت لها (طيب معلش انا هقوم اقعد لوحدي شويه لحد ما المتسر ييجي ماعنديش استعداد اسمع كلام غريب) بجد زهقت خلااااااص الفيزيا دي حاسه انها عائق بيني و بين اي حاجه .. و مش عايزه اعقد نفسي منها عشان اعرف امشي فيها و عندي رعب رهيب مايتوصفش زي ما يكون فوبيا كده من امتحان الفيزيا و من الفيزيا نفسها و خلاص زهقت بجد و بقيت كارهه الدنيا بسببها  زهقت خلاص يا جماعه و حاسه اني بضيع و اني مش راح اوصل لحاجه .. ولو جبت 50% يبقى فل الفل خلاص بجد فاض بيا و بحلم ان الامتحان ييجي دلوقتي قبل اي وقت تاني مع لسه ادامه كتييير (6 شهور) قولوا لي اعمل ايه .. لما باجي ادعي ربنا يسهلها لي بقول في نفسي ( و هو راح يسهلها ازاي و انا سلبيه كده) ادعولي بالله عليكم و اسفه اني عقدتكم
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#2
24-12-2008, 10:12 PM
|
||||
|
||||
|
انا والله ما عارفه اقولك ايه
انا كمان نفس المشكله بس مش تخنقت من الفيزياء بس لاء ده من كل المواد بس اهدي وممتسمحيش لاي حد يستفزك ومتسمعيش لكلام حد بخصوص المذاكره اعملي اللي اعليكي وربنا ان شاء الله يوفقك
__________________
اللهم اني ظلمت نفسي ظلما كثيرا ولا يغفر الذنوب الا انت فاغفر لي مغفرة من عندك وارحمني انك انت الغفور الرحيم
|
|
#3
24-12-2008, 10:15 PM
|
|||
|
|||
|
ليه كده كل اليأس ده
ان شاء الله ربنا يسهلهالك كده وهتبقي فل الفل ان شاء الله انتى بس صلى واتقربى من ربنا وركزى فى المذاكره ومتشغليش نفسك باى حاجه خااااااالص وهتلاقى نفسك بقيتي كويسه وان شاء الله هتبقي احسن من زميلتك دى اللى بتقولى عليها شاطره انتى بس كونى صادقه مع نفسك ومع اللى حواليكي ومتحاوليش تبقي خبيثه زيها كده وان شاء الله ربنا يزفقك اختك فى الله <<< جهـــــــــــاد>>>
|
|
#4
24-12-2008, 11:09 PM
|
||||
|
||||
|
بوسي حبيبتي بتقول كده !!!!!!!!!!!!!!
شوف يا قمر اولا :ما تسمعيش لكلام اي حد ذاكرت ما ذاكرتش مالك دخل فيها ابدا ابدا ابدا ما تتاثريش بكلامها .. ثانيا بقى :الفيزيا دي اسلوب تفكير ،تقنية خاصة كده ،، يعني مهما كانت صعبة لو حبيتيها هاتستمتعي وانتي بتواجهي مسالة بنت 60ف 70 يعني مثلا مج نسكافيه بعد ما تصحي من النوم كده سواء بالليل او النهار وابعدي عن الازعاج خالص ها واييييييييييييييه هاتي م الاول بتركيز وعيشي بقى اولا هاتحسي انها سهلة وتافهه مووت وهاتقهري البنت اللي شايفة نفسها دي وهاتعديها بمراحل ولما تجيبي ال100%ماتنسيش تدعيلي
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#5
25-12-2008, 01:31 AM
|
||||
|
||||
|
أنا هقولك حاجة صغيرة أوى ويا رب تفيدك
كونى نفسك على فكرة كلنا كنا كده وأنا افتكر انى الفيزياء دى كانت مطلعة عينى بس الحمد لله جبت فيها 48 ومكنتش أتوقع أبدا الكلام ده اعملى اللى عليكى وسيبك من الناس وأصحابك والحورات اللى بتحصل فى ثانوى دى وان شاء الله ربنا معاكى
__________________
يا رب
|
|
#6
25-12-2008, 01:36 AM
|
||||
|
||||
|
اهم حاجة الثقة في النفس ..
ماتخليش واحده زي دي تخليكي تفقدي ثقتك بنفسك .. الطلبة معا بعضهم دلوقتي بيستخدموا اساليب الاحباط المتنوعة عشان يحبطوا الناس التانية .. عشان هما ينجحوا ويتفوقوا عليهم .. وبالتالي ماتسمحيش ليهم انهم يحبطوكي من اصله وخدي الكلام منها بصدر رحب .. بمعني اصح .. اتعلمي تبقي باردة في المواقف دي .. هيا قالتلك انها ماذاكرتش .. وماله ؟! .. قوليلها انا كمان ماذاكرتش وهاسقط كمان !! اهم حاجة انك انتي تبقي ماشية بخطى ثابته .. لغاية ما الـ 6 شهور الجايين دول يعدوا على خير وتمتحني وتخلصي عشان من المتعارف عليه ان الثانوية العامة دي شر لابد منه ! وعلى الجميع المرور بيه !! ومش انتي لوحدك اللي طالع عينك .. فيه على الاقل نص مليون طالب تاني طالع عينه زيك ومش انتي لوحدك اللي طلع عينه .. فيه ملايين اتخرجوا من الثانوية العامة وعدوا منها قبلك .. وهما مش احسن منك ماتخليش اليأس يسيطر عليكي .. والهاتف اللي كل شوية يجيلك ويقولك( انا مخنوقة ، انا هاسقط ، انا مش فاهمة حاجة ) يسيطر عليكي .. انا كنت زيك كدا .. ومازلت والله بس طبعاً بيختلف من ثانوي الجامعة .. انا عن نفسي بعالج الحالة دي باني اول مابلاقي نفسي مخنوق فعلا ومش عارف اذاكر بقوم قافل الكتاب وقافل الملازم وقايم اعمل اي حاجة .. لغاية مابالي يروق خاااااالص وارجع افتح الكتاب تاني .. لإن انا عارف اني لو قعدت وانا مخنوق مش هاستوعب حاجة وهاتخنق اكتر .. فمالوش لازمة اوجع دماغي ..
|
|
#7
25-12-2008, 05:40 PM
|
||||
|
||||
|
صدقيني انا الوقت ده من السنة اللي فاتت ( تالتة ثانوي يعني ) كنت عامل زيك كده و فاقد الامل
إلا في ربنا طبعا بس مع مرور الوقت هتلاقي الفيزيا بقت سهلة بإذن الله و هتحسي انك داخلة الامتحان و انتي في جيبك ال50 درجة بإذن الله بس انتي شدي حيلك شوية و ادعي ربنال و خليكي عندك ثقة كبيرة في ربنا و ربنا معاكي
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي
|
|
#9
25-12-2008, 06:12 PM
|
||||
|
||||
|
اقتباس:
وانتى قدامك الفرصة والله هتقدرى تبداى ومتسمعيش كلام اى حد من اصحابك تجاهلى كلامهم وابداى انتى صح مع نفسك وهتلحقى تخلصى المنهج وتراجعى اكتر من مرة وربنا يوفقك
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
|
#10
25-12-2008, 07:42 PM
|
|||
|
|||
|
اول حاجه ربنا معاكى ومعانا كلنا يارب ويكملها ع خير
انا اللى مشكلتى مشكله بستهبل استهبال مفيضش زيه كل يوم بقول خلاص هذاكر بجد وتلاقيه زى الى قبله حاسه ان خلاص ذاكرت ولا مذاكرتش محصله بعضها مش عارفه جبت الاحساس ده منين بس بجد حالتى صعبه بروح درس الاحياء وانا عاصره ع نفسى طن ليمون بجد مش طايقه الماده دى خالص ببقى قاعده ف الدرس هعيط خلاص مش طايقه انا حالتى بجد ماتتوصفش بصى يا بوسى اعتبريها كده اللى يشوف بلوة غيره تهون عليها بلوته استعينى كده بربنا واللى فيه الخير ربنا يعمله
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#11
25-12-2008, 10:25 PM
|
||||
|
||||
|
اقتباس:
مش هاقولك الفيزيا سهلة وهاتيجي معاكي بالمذاكرة و....و........ لا لكن لازم عندك هدف واعظم هدف لازم يكون عندك انك ترفعي وتحسني صورة دينك عند الناس اللي بره وده مستحيل يحصل بدون ماتذاكرة وتعصري على نفسك 25طن لمون ده نوع من انواع الصبر تؤجري عليه ربنا يوفقك ياحبيبتي بس فكري ف هدفك كويس فكري يوم النتيجة ممكن تكوني مبسوطة ومزقططة ازاي وممكن تكوني لا قدر الله.......... وحددي حالتك ف اليوم ده من دلوقتي حالا وتحت امرك انا ف اي حاجة
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#12
29-12-2008, 09:21 PM
|
||||
|
||||
|
بجد شكراً اوي يا جماعه على كلامكم
و في الاول و الاخر برجع و بقول ولا وجع القلب يا قلبي بكره الايام تعدي و نخلص من ثانويه عامه
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#13
06-01-2009, 06:21 PM
|
||||
|
||||
|
ربنا معاكي ان شاء الله تخلصي من شبح الثانويه دتدخلي الكليه اللي بتتمنيها
__________________
|
|
#14
16-01-2009, 01:04 AM
|
||||
|
||||
|
السلام عليكم بصي يا ست البنات انا مش هقلك كلام جرايد بقا زي اللي بنسمعو كتير ده لا انا من رايي ان علشان لسة بدري ع الامتحانات فتلاقي بس لسه شوية دلع كده انما حين يشتعل الفتيل على اقتراب الامتحانات هتلاقيكي بتاكلي في الورق اكل اااااه صدقيني والله وصدقيني لو انتي ليكي هدف قدامك وثقتك بنفسك هي اللي موجهاكي لاااااااااازم هتخلصي كل اللي عليكي قبل ما الفتيل يخلص والقنبله تفرقع في وشك وساعتها بقا هندور على دكتور تجميل ( الجامعات الخاصة ) يداري اللي عملتو القنبلة (الثانوية العامه ) بالمناسة توقيعك رااااااااااااااااااائع  تحيااااااتي
__________________
؟ عضو مبهم يحمل اكثر من 1100 مشاركة واتمنى ان اظل مبهم ولا يتعرف علي احد
آخر تعديل بواسطة فاعــ خير ــل ، 16-01-2009 الساعة 01:07 AM
|
|
#15
16-01-2009, 01:08 AM
|
||||
|
||||
|
جامعات خاصه
ليه الفال ده يا عاشق القلم هو انا لاقيه اكل 
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 02:56 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
