مرتب المدرس المتعاقد في عمان + مميزاتها + عيوبها

[منار على]

المشاركة الأصلية كتبت بواسطة دعاء دودوي

هو حضرتك لسه في عمان
عايزة اسالك ايه الوضع هناك في وقتنا ده
هل السفر مجدي ولا لا

السفر مجدى لعمان طبعا هتاخدى راتب يعادل 9 الاف مصرى بس انا كلامى طبعا على العقد الحكومى بس عمان البلد والمعيشه صعبه يعنى سيادتك غالبا هتتحدفى فى مكان نائى واماكنهم النائيه مش زى عندنا اماكنهم النائيه يعنى هتعيشى فى الصحرا والجبال وان كنتى محظوظه هتشتغلى فى مكان فيه خدمات وقريب من مدينه ساعه او اتنين وزى ماقولتلك السفر مجدى لو لوحدك لكن مع اسرتك لا طبعا الا ان زوجك اشتغل هو كمان

[botta]

ارجو الرد السريع جالي عقد ب 300 ريال في حاله سكن و تنقلات وتذاكر طائرة علي الشركه في امارة جعلان هل هذا مجزي

[حمدى النجار]

توكل على الله فى السفر سبع فوائد

[منار على]

المشاركة الأصلية كتبت بواسطة botta

ارجو الرد السريع جالي عقد ب 300 ريال في حاله سكن و تنقلات وتذاكر طائرة علي الشركه في امارة جعلان هل هذا مجزي

300 ريال يعنى 6 الاف مصرى ولو الاقامه عليهم والتذاكر والانتقالات يبقى تمام هتصرفى فى الشهر بالكتير 75 ريال مدام مش فى مدينه يعنى هتحوشى 4500 تقريبا مصرى فى الشهر
بس ملحوظه لو حضرتك متجوز اكيد هتبعت لاولادك ومراتك فلوس شوف هتبعت كام
يعنى احسب فى السنه كلها دخلك كام وشيل اللى هتبعته لولادك وشيل كمان من 7 ل10 الاف مصرى حسب خبرتك هنا لانك اكيد هتدفعهم اجازات وشوف بقى الباقى هل يستاهل غربتك ولا لا بس نصيحه بقى حاولى تتأكدى من العقد والشركة اللى هتسفرك لان بتبقى فيه عمليات نصب وممكن عقدك يتغير لما تدخلى البلد

[mohameddeif]

محدش عنده اخبار الوضع حاليا عامل إيه ؟