|
عالم المرأة منتدى يهتم بكل ما يخص المرأة و صحتها و أناقتها |
![]() |
|
أدوات الموضوع | انواع عرض الموضوع |
#1
|
||||
|
||||
![]() بسم الله والصلاة والسلام على رسول الله اللهم لا سهل الا ما جعلته سهلا انت تجعل الحزن ان شئت سهلا. بنتك حتة من قلبك ربنا رزقك بيها، وجعلها امانة بين أيديكي ، وطبعا عارفين ان البنات القمرات أمهات المستقبل بأذن الله علشان كده عاوزين نتجنب كل شيء سلبي في تربية البنات دي مجموعة من النصائح جمعتها من خلال السلبيات والايجابيات اللي لاحظتها في التربيه 1- اهمال مشاعرالبنت من طفولتها ... خاصة لو في أطفال غيرها .... بصي لو شعر طفلتك فضل كل يوم ميتسرحش هيتلف ويدبل ويتقطع و الناس هتعيب عليكي وبنتك هتشوف نفسها قليلة ومش واثقة من نفسها. كذلك مشاعر طفلتك محتاجة لرعاية باستمرار وحنان, وعطف , ورقة مشاعر, واحتواء علميها تكون ملكة بحنانك ورقتك . والا هتتقطع من جواها حزن وحيرة وهتفقد ثقتها بنفسها. اذا مكانش حنيتك لبنتك واولادك هتكون لمين ؟؟؟ 2-قربيها منك وحسسيها انها مهمة عندك وكبيرة في عينك حسسيها انك معتزة بيها وفخورة انها بنتك. حبك ليها خليه حب غير مشروط (مش ذاكري علشان احبك ) لا انا بحبك لانك بنتي حبيبتي ..... وتاكدي قد ما تسقيها حنان هتديكي في كبرك باذن الله . 3- لو هيا الكبيرة اوعي تسرقي طفولتها وتعتبريها خادمة لاطفالك الأصغر .... مش ذنبها انها اتولدت الأول ..... اه علميها تشيل مسئولية بس بحدود .... حقها تمارس رياضة وتلعب وتكتشف كل شيء حواليها مش بس ترضع اخوها وتغير له وتنضف لك البيت.ولو عملت كده لازم تشجعيها وتكافئيها وتميزيها بينك وبينها على مجهودها معاكي. 4- خلي للبنت اللي على طول بتساعدك الاحترام والتقدير من اخواتها .... علميهم زي مابتتعب معاهم يقدروها ويحترموها ....ونوعي المكافاة بين مادي ومعنوي. 5- خلي لها هدف في الحياة من صغرها .... واتكلمي معاها وناقشيها خلي شخصيتها تنضج وتعرف ان في لها حضن كبير وعقل بيستوعبها . 6- عامليها كاخت كبرى ليها تفضفض معاها اه لكن بتسمع كلامها وتحترمه وتقدره . 7- علميها ازاي تهتم بنضافتها الشخصية وملابسها وبشرتها وشعرها وشياكتها . 8- علميها تتكلم ازاي برقة وتاكل ازاي علميها الشياكة والرقي . 9- حفظيها القران وعلميها حب ربنا واغرسي فيها معنى الايمان ومراقبة الله علميها ( الله شاهدي , الله ناظري , الله رقيب علي ) علميها الالتزام بالاذكار الصباح والمساء وقبل دخول الحمام وقبل تغيير ملابسها وحصنيها دايما. 10- اشغلي وقتها دايما بالغاز بمسابقات اشغال يدوية هواية رياضة معينة لازم تكون مشغولة بشئ مفيد. 11- درجيها قبل البلوغ على الحجاب واحنا بنلبسه ليه .... وكلميها عن صحابيات الرسول وضحوا قد ايه في سبيل رضا الله علشان كده هنقتدي بيهم.... كلميها قبل البلوغ عن طبيعة مرحلة البلوغ والدورة وازاي نتطهر منها .... عرفيها ان ده شيء عادي متتكسفش منه واحتويها اوي في المرحلة دي . 12- اوعي تصدي بنتك او تجرحيها قدام الناس خليها دايما بنتك اللي بتفتخري بيها . 13- كل ماتكبر حبيها اكتر واستوعبيها اكتر كوني لها حصن امان وراحة . 14- ازرعي فيها حب الخير والبهجة والسرور علميها التفاؤل وازاي تفيض بيه على اللي حواليها .علميها القناعة والرضا وحب الخير للجميع والحياء . 15 – اسمعيها بقلبك وعقلك وحسي بيها وبدقات قلبها . 16- خليها تشترك في أنشطة خيرية ... خليها تحس بالسعادة من مساعدة الاخرين. 17 – ادعيلها من صغرها بالزوج التقي الأمين الحليم الرحيم . 18- لما تبقى عروسة اختاريلها المناسب اسالوا عنه كويس في بيته وشغله واوعي تستعجلي عليها واحترمي احساسها بالرفض لعريس معين. . اوعي تحسسيها انها اتخلقت علشان الجواز وبس وتعايريها انها اتاخرت في الجواز ولا عريس جه ومشى ولا كده .... خليكي حساسة قدري قد ايه بنتك بتتالم واوعي تزودي جرحها .... فهميها ان الحياة اتخلقنا فيها لاهداف كتير لازم نحددها ونسعى لتحقيقها الأمان مش بس في الزواج الى ان يأتي المناسب باذن الله. - اكرمي بنتك ودلعيها لو اتاخرت في الزواج شوية . - علميها ان الانسان اتخلق في كبد وشقاء كله تعبان كله مجروح لانها دنيا وفي هدف اسمى وصورة مكتملة مش هنا في الاخرة في الجنة لما ننجح في الصبر والثبات والثقة واليقين مصطلحات خليها منهج حياة لبنوتك وقلبك وعقلك . 19- خلي عندك علاقات اجتماعية واسعة بنتك تتعرف منه . 20- وبعد زواجها باذن الله ربيتي وتعبتي مليتيها حنان ورقة وادب وتربية ودين وتحمل مسئولية واخترتيلها الزوج القوي الأمين كده جزاكي الله كل خير .بس اوعي تتدخلي في حياتها سيبيها تسعى وتجاهد وهتنجح باذن الله طالما نجحتي في تربيتها بجد. وفي النهاية متنسيش ان بنتك دي اللي اتكونت في رحمك وتمنيتيها طول عمرك .... كنتي بتتمني تشوفيها قدام عينك وتليسيها وتدلعيها وتبسطيها بنتك المسئولة منك انتي وهتتسالي عنها يوم القيامة.اهي بين ايديكي انجحي في انك تقدميها كيان ناجح للمجتمع. ربي استر بناتنا واسعدهم وهنيهم وعفهم بالازواج الصالحين المتقين الأقوياء الأمناء واحفظهم من بين يديهم ومن خلفهم وعن يمينهم وشمالهم وفوقهم ونعوذ بعظمتك ان يغتالوا من تحتهم.... وارضيهم وباركهم .
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! آخر تعديل بواسطة مس منه ، 19-02-2014 الساعة 10:39 AM |
#2
|
||||
|
||||
![]() ![]()
__________________
![]() |
#3
|
||||
|
||||
![]() حقا موضوع مهم و رائع جدا اشكرك جزيل الشكر " مس منة " ![]()
__________________
![]() Good FRIENDS are hard to find
harder to leave ! and impossible to forget |
#4
|
|||
|
|||
![]()
جزاك الله كل خيييييير مس منه
ويا رب اشوف بناتى احلى عرايس |
#5
|
||||
|
||||
![]()
شكرا جزيلا لحضرتك وربنا يباركلك فيهم ويحفظهملك ياارب
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! |
#6
|
||||
|
||||
![]()
موضوع رائع ومهم تسلم اياديك
تحياتي |
#7
|
||||
|
||||
![]()
استاذتى الغاليه نغم نورتى الموضوع بطلتك الجميله
![]()
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! |
#8
|
||||
|
||||
![]()
شكرآ جزيلا على الموضوع الرائع و المميز
واصلى تالقك معنا في المنتدى بارك الله فيك ... ننتظر منك الكثير من خلال ابداعاتك المميزة لك منـــــــ اجمل تحية ــــــــــي
__________________
كنتَ كبيرا
فصرتَ أصغر مما كنت أتوقع هذا قدرك الحقيقى |
#9
|
||||
|
||||
![]() اقتباس:
![]()
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! |
#10
|
||||
|
||||
![]()
ما شاء الله
نصائح رااائعة ... يسلمووو مس منة بالتوفيق ان شاء الله
__________________
أستغفرك ربى حتى ترضى ....... حتى تغفر حتى تطيب لنا الحياة |
#11
|
||||
|
||||
![]()
نورتى الموضوع يا قمر كل سنه وانتى طيبه يا حبيبتى
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! |
#12
|
||||
|
||||
![]()
نصائح غالية وهامة جدا جداً
شكراً جزيلاً لحضرتِك على الموضوع الجميل
__________________
|
#13
|
||||
|
||||
![]() اقتباس:
نورت الموضوع وكل سنه وحضرتك طيب
__________________
![]() من السهل أن ينسى الانسان نفسه .. لكن من الصعب ان ينسى نفساً سكنت نفسه ! |
#14
|
|||
|
|||
![]()
اشكرك ياقمر على هذا الموضوع الاكثر من رائع
|
![]() |
العلامات المرجعية |
أدوات الموضوع | |
انواع عرض الموضوع | |
|
|