|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
11-02-2014, 03:32 PM
|
||||
|
||||
عايزة اتفوق واجتهد بس ازااي ؟؟؟!!1
السلام عليكم انا يا ناس كرهت البتاعة اللي اسمها مذاكرة دي وربنا كرهتها انا مش قادرة اصلا افتح كتاب وكل يوما لزمن اقول هبدا من انهاردة وانهاردة دهون مش بيجي اصلا والله انا عارفة اني لو مادخلتش صيدلة ديت ممكن انتحر لاني بالنسبة ليا دخولها حياة او موت وممكن محدش يصدق لو قلت انو ممكن اكون مش فاتحة كتاب بدون مبالغة اقسم بالله مش عارفة اي حاجة تقريبا حاسة اني ضيعت خلاص وحلمي اللي كنت بقول عملو ضاع واني تايهه في الدنيا ديت حد بالله عليكم يقولي اعمل وانا هقدر ألحق اذاكر واخلص المناهج دي كلها والا لا ؟ واعمل ايه عشان اقدر اسهر لاني والله مش بقدر اسهر ابدا وعندي بابا بيضغط عليا أوي وبيقولي علطول ذاكري وانا والله مش قادرة  طيب حد يقولي هو المفروض اخلص المنهج امتي واراجع امتي وفين الوقت اللي احل فيه وانام قد ايه كدا حاسة اني حتي لو بدات اذاكر خايفة مش اجيب مع انو كلو بيقولي دماغي حلوة بس لو تستغليها وغير كدا بابا عشمان فيا أأأوي اني ادخل بيقولي لو ذاكرتي اليوم دوول هتجيبي ان شاء الله حد بقا يقولي هقدر اخلص ازاي واعمل ايه بالله عليكم ومحدش يوهمني بكلام خيال عايزة حاجة اقدر اعملها بحيث ادخل الكلية اللي عايزاهاوازاي اقدر استفيد من المدرسين والنت وهو عادي لو استغني عن الدروس اليومين دول لحد اخر شهر 3 بحيث اخلص مذاكرة وبعدين ابدا معاهم مراجعة والا اعمل ايه اسئلة كتير أوي عايزة حد يردلي عليها ؟؟ وشكرا ليكو مقدما والسلام عليكم ورحمة الله 
|
|
#2
11-02-2014, 03:36 PM
|
||||
|
||||
بالله عليكم حد يرد عليا ويقولي اعمل ايه انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
|
#3
11-02-2014, 04:29 PM
|
|||
|
|||
|
والله لو كنت ائدر انصحك كنت نصحتك لكن انا للاسف حالي يمكن اوحش من حالك دا تاني بس مش هئدر ائولك غير ربنا يوفقك يااااااارب ويوفقنا جميعا باذن الله
واتمني انو حد يفيدك لاني في نفس الضياع دا وربنا يهدي ويوفق الجميع ياااااااااااااااااااااااااارب
|
|
#4
12-02-2014, 04:29 PM
|
|||
|
|||
|
كلنا كده ونقول عايزين نخش صيدلة وطب وهندسة
انا حاسس ان النهاية قربت وخصوصا اني ولد دخول اي حاجه غير هندسة بالنسبالي تعني الموت مع اني خلاص حاسس اني مش هذاكر بقية حياتي زهقت بطريقة غبية كنت في الاول بفتح الكتاب خمس دقايق الاقي الوقت عدي يجي 5 ساعات دلوقت بفتح الكتاب احس انهم يجي خمس ساعات اجي ابص في الساعة مالاقيش عدي خمس دقايق حتي والمشكلة اني باكافيء نفسي بخمس ساعات راحة واقول هذاكر بالليل ويجي بالليل وانام i am hopless
|
|
#5
12-02-2014, 07:30 PM
|
|||
|
|||
|
اقتباس:
__________________
ثَمَّ يَضَعَكَ اللَّهُ مَوْضِع مَنِ اِنْتَقَدْتِ وَكَرِهْتِ، حُتِّي يَرِيَكَ ضِعْفُكَ.. فَيَتَوَاضَعُ قُلَّبُكَ... وَتَلْتَمِسُ لِغَيْرُكَ الف عُذُرٌ !!
|
|
#6
13-02-2014, 07:36 AM
|
|||
|
|||
|
صلى على النبى...انا هدخل فى الموضوع على طوووووووول
انتوا المفروض تكونوا خلصتوا الدروس علشان المناهج صغيرة اوى... نفترض انكوا لسة مخلصتوش هتقعدى من العربى والانجليزى والجيلوجيا.... العربى اعتقد 8 قراءة+10 نصوص+القصة+10 ادب بصى بقى نفترض قاعد 7 اسابيع على شهر 4 8 قراءة هتذاكرى 7 بس هتاخدى كل اسبوع درس قراءة تذاكريه مذاكرة جامده اووووى+ تحلى عليه امتحانات واسئلة وتنهيه بمعنى الكلمة يعنى على اول 4 تكونى خلصتى القراءة 10\10 وقبل ما تذاكرى درس تراجعى الدرس اللى قبله قرايه فى ربع ساعة تركييييييييييييييز النصوص..هتاخدى كل نص كبير مع الادب بتاعه فى اسبوووووع +النصوص الصغيرة زى التدخين والنسور ومش فاكر ايه تانى هتاخدى 2 فى الاسبوع بحيث تخلصى النصوص والادب على شهر 4 وتحلى كتييييير وراء كل نص وادبه مثلا السبت درس قراءة الحد حل درس قراءة الاتنين درس نصوص التلات حل درس النصوص الاربع درس ادب +حله الخميس 3 فصول قصة الجمعه حل نحو وبلاغة مش هتكلم عن القصة لانها سهلة جداااااااااااااا خصوصا الجذء الاول فانتى خدى 3 ولا 4 كل اسبوع خلصيهم كويس وعلى شهر 4 تكونى انتهيتى من العربى وتعملى جدول مراجعه كويسة يناسبك..وملكيش دعوة الدرس هيخلص امتى وملكيش دعوة بزمايلك كده العربى معاااااااكى فرصة تقفليه وتبقى احسن من اللى ذاكر من اول السنة بس انتى تدخلى الاوضه بتعتك وتفرشى كتب العربى كلها قدامك وتعملى جدول مذاكرة للعربى بحيث على اول 4 يكون تمااااام حتى لو وصلتى لنص 4 مش مهم عاااااااااادى ..قسمى بقى الاسبوع ده هذاكر كذا وكذا وكذا ...هتلاقى الموضوع اتلم وبقى زى الفل بس ارجوكى لو فيه يوم من الاسبوع قعدى تستهبلى ومذاكرتيش اللى عليكى مذاكرة جد يارييت ترمى نفسك من البلكونة والله العظيم تقدرى تبقى 10\10 فى العربى وتدخلى الامتحان وكأنك مذاكرة المنهج 60 مرة ........................... اتفقنا...؟؟ فهمتى؟؟ يلا روحى هاتى كشكول جديد واعمل جدول كبببببر للعربى لوحده وقسمى الايام والاسابيع يوم كذا هذاكر كذا ويوم كذا هراجعع كذا بحيييييث اول او نص 4 تكونى ذاكرتى العربى وحليتى كل اسئلة الامتحاانات.وفى شهر 4 يبقى اعملى جدول مراجعه بس خلينا هنا الاول ........................ نفس الكلام الانجليزى..اقعدى من الدرس لانه مش مستاااااااهل نصيحة بقى تخليكى واكتشااااااف فى الانجليزى... ارمى كتاب الشرح اللى معاكى واجرى على اقرب مكتبة هاتى زابيست و توب استيودنت و سنيور مراجعه نهااااااائية وابدأى ذاكرى منهم وحلى منهم معاااااااااكى لاول 5 تكونى لميتى المنهج مذاكرة وحل من ال3 كتب دووووول نفترض انك هتذاكرى 3 سااعات انجليزى فى اليوم... يبقى فى ال6 ايام هتذاكرى 18 ساااااعة هتذاكرى فى الاسبوع 2 يونيت بحلهم سهل جداااا الحل فى الملخص الواحد مش هياخد منك ساعة ..وعودى نفسك على السرعه متنحيش فى السؤال انجزززززززززى وكل يوم جمعه امسكى فصل قصة ذاكريه كويس اوووووى وحلى عليه كتير وارميه يلاااااا اجرى اشترى كتب الانجليزى االى قولتلك عليهم واعملى جدولك بتاع الانجليزى اول 5 تكونى مخلصة ال3 كتب مذاكرة وحل متنسيش كل يوم تحلى 5 تراجم وكل اسبوع براجراف..ظبتى حاللك فيهم ..................... كفاية لغاية كده تلخيص ...لو طبقتى اللى بقولك عليه فى العربى والانجليزى...اضمنلك درجة عاليه جدا فى الاتنين ملحوظة..انا كنت بعمل كده فى العربى وجبت 58.5 من 60 فى السنتين وانجليزى 2 عملت كده وجبت 24.5 بس 3 اانا فاشل ومأجل السنااااادى ادعيلى بقى
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 05:59 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
