امتحان ادارة شبين الكوم ( خارق للعادة )

[اسامة يحيي علي]

امتحن ادارة شبين الكوم
امتحان ربنا يسامح ال وضعه

[ahmed767]

excellent ولو مش مصدق شوف امتحان ادارة غرب الزقازيق

[عمرو فرنسى]

اللهم صلى وسلم وبارك على سيدنا محمد

[آدم محمود]

فعلا يا أستاذ أسامة ده امتحان ولا فى الأحلام ومسمع فى الأدارة كلها والطلبة فى مدرستى ولأول مرة تخرج فى أخر دقيقة من الوقت ومش عارفه هى حلت صح ولا غلط مع العلم أن طلبة الألمانى خارجين فى نصف الوقت وضامنين الدرجة النهائية مش عارف الإمتحان ده لصالح مين ...... ومدرسة زى المساعى المشكورة بشبين الكوم وبعدد طلابها مفيش غير طالب واحد حاصل على الدرجة النهائية طب ده يرضى ربنا؟ نظام الإمتحان الجديد المفروض انه للتسهيل على الطالب بس للأسف والله بالشكل دة النظام القديم أحسن بكتييير .... وطبعا لأول مرة هنشوف الفرنساوى فى الدور الثانى ان شاء الله طالما الفكر لم يتغير... الواحد بيحس ان اللى بيحط الإمتحان زى ما بيكون بيدور على كل الجمل اللى ممكن الطالب يقع فيها دون النظر لمواصفات الورقة الإمتحانية وتنوع الأسئلة من حيث الصعوبة لكى تناسب جميع المستويات وده بيخدم اللغات الأخرى المنافسة للفرنسية وطبعا امتحان زى ده هيسمع للأجيال القادمة وهيخليها تفكر ملبيون مرة فى اختيار الفرنساوى علما بان مدرسين المواد المنافسة بيستغلو امتحان زى ده فى الدعاية لمادتهم وللأسف هذا يتم بأيدينا..........

[آدم محمود]

انا عايز اعرف رأى الأساتذة الأفاضل المشرفين على مادة اللغة الفرنسية فى هذا الإمتحان وهل هو فى مستو ى الطالب المتوسط ام الطالب الممتاز وخصوصا القطعة وسؤال القواعد ثم أين عناصر الموضوع اللى موجودة فى مواصفات الورقة الإمتحانية فى النظام الجديد وأين معظم قواعد التيرم الأول ؟ أين سوال الضمائر الشخصية؟ أه نسيت ده موجود فى سؤال المواقف رقم 3 طب ده يرضى ربنا؟؟؟

[مسيو / السيد شلبى]

ربنا يكون فى هون الطلبة

ويا بخت الالمانى

وسوء درجات الترم الاول

[مسيو / السيد شلبى]

ومش عاوزين الطلبة تهرب من اختيار اللغة الفرنسية وتختار الالماني اللي بيجيبوا فيه الدرجة النهائية

[مسيو / السيد شلبى]

ومش عاوزين الطلبة تهرب من اختيار اللغة الفرنسية وتختار الالماني اللي بيجيبوا فيه الدرجة النهائية

[آدم محمود]

طبعا يا مسيو السيد الألمانى بالشكل ده هو الإختيار الأحسن بالنسبة للطلبة ولا عزاء للفرنساوى

[شلبى الشوال]

طبعا طول ما فيه عقليات زى دى فى اللغة الفرنسية يبقى : À dieu le français et Bienvenue l'allemand

[oushou]

اتفق معكم جميعا يا مسيو السيد شلبى و يا ريت تيجى على الالمانى و بس و لكن الايطالى كمان

[عبده التراس]

دى قطعة منقولة من على منتدى اسبانى للغة الفرنسية وهى فى المستوىa2+
وتقولك جديد بالضبط زى الكتب الخارجية اللى محسسانى انت الطالب مفيش غير الفرنساوى وعملت لنا 15 منهج فى بعض من منهج بسيط ارجمو من فى الأرض يرحكمكم من فى السماء وبعدين لما موجه المادة يعمل كده ليه بنلوم على الكلاكيع اللى بيعمله المدرسين فى امتحان الشهر يا جماعة احترام اى مادة ومكانتها انها تكون لها معايير ثابته مش كل واحد يعمل اللى فى مزاجه وحسبى الله ونعم الوكيل

[mohamed-abdulghafar]

حسبى الله ونعم الوكيل حاجه تعقد والله يكون فى عون الطلبة والمدرسين اللى بيدوهم من الكلام اللى هيقولوا الطلبة بعد تعبهم معاهم طول السنه