أسئلة الاعضاء و طلباتهم

[IHerOI]

بالحرف والكلمة يا بوب
يعني لو حالل سؤال غلط ومرة تانية حليته صح بياخد الصح
لو حليت السؤال 10 مرات وفي اجابة واحدة منهم صح بياخد الصح

[ملاك صعب الامتلاك]

المشاركة الأصلية كتبت بواسطة ميدو تايجر1

لو حد حل المسأله الاخير خالص فى الديناميكا يريت يقولنا جاب القدره بكام؟
والعجله بكام؟

100/3
0.725

[ملاك صعب الامتلاك]

المشاركة الأصلية كتبت بواسطة iheroi

بصي يا يارا المسألة بدرجتين ونص عملتي خطوات بتاخدي 2 حتى لو كانت التعويضات والناتج غلط طالما ماشية بخطوات بتاخدي 2

طمنتني انا كمان الحمد لله

[ahmedalian51]

العجلة في اخر سوال في الديناميك كام وجت ازاي ؟
بسررعة ربنا يخليكو

[assaf1]

السلام عليكم ورحمة الله وبركاته


ممكن اجابة الامتحان بالكامل

[IHerOI]

المشاركة الأصلية كتبت بواسطة ملاك صعب الامتلاك

100/3
0.725

انا محلتش السؤال ده بس اصحابي بيقولو هتطلع 0.225 او حاجة زي كدة
وعمالين يتخانقو عشان بيقولو مش هنجمع القدرة
هنشتغل بالجديدة بس

[عبدالرحمن كمال]

اشكركم جدا على الرد

[بيتر يونان ناشد]

وانا عامل ف عزم الاذدواج جايب ال ميم وراسم وجايب المعيار بس معوض غلط ايه نظامي انا مطلع العزم ب 300 و ال ق 6

[Sara Essam nour]

في السؤال الاول استاتيكا ب حليت المسئلة علي ان طول الضلع 12 بس ماشية القولنين والخطوات صح هنقص علي المسئلة كلها حد يرد عليا ضروووري

[bebolion]

المشاركة الأصلية كتبت بواسطة sara essam nour

في السؤال الاول استاتيكا ب حليت المسئلة علي ان طول الضلع 12 بس ماشية القولنين والخطوات صح هنقص علي المسئلة كلها حد يرد عليا ضروووري

لا هينقصك بس حاجه بسيطة على الناتج النهائى لانه هيطلع غلط بس مادام الخطوات صح مش بيعمل المسالة كلها غلط فى الميكانيكا .. حصلت معايا وانا فى ثانوية عامه وكتبت رقم غلط وكملت عليه وجبت 20 - 20 لانه نقصنى عليها حاجه بسيطة وفى القسمة راحت

[Sara Essam nour]

اكيد لان القوانين صح بس انا احسبو جايب طول الضلع رحت جايبة ارتفاع جديد فالارقام ماشية غلط

[bebolion]

فى الميكانيكا لما بتغلطى فى حاجه بيحاسبك عليها هى بس وطول ما انت مكملة خطوات صح يبقى خلاص الحل تمام هتنقصى بس على طول الضلع الغلط دا لو دى غلطتك الوحيدة فى المسالة ..

[Sara Essam nour]

يارب الامتحان كل صح الحمد لله وجاية اغلط ف اتفه حاجه تخلف ربنا يستر

[ehabelsapa]

اومال المصححين بيقولولك متشطبش على حاجة ليه

لأن كل شئ بيتعلم على ما اعتقد


واللى ربنا مديهولك هو اللى هيصير

أنا فى السؤال الخامس ب
حليت مسألة بقانون طلعت الكتلة بـ 0.04 كجم وبعدبن عملتها بقانون تاني طلعت الكتلة بـ .0.2 كموبحسب نفسى غلط وقعدت حوالى ربع ساعة اعيد تعويض الارقام تطلع نفس النواتج

وسألت الواد اللى جمبى من غير ما حد ياخد باله - ههههه - قالى بـ 0.04 كجم فقولت خلاص يبقى 0.04 كجم هلى اللى صح

وروحت شطبط بالقلم الرصاص الحل اللى طلعلى 0.2 كجم

وبعدين الملاحظ قاللى انت بتشطب ليه ؟ - قولتله اصل الرياضيات مفيهاش حل آخر وتطلع اجابتين مختلفتين

وبعدين وهو بيلم الورق بقى من العيال
والعيال ماشية روحت نديت بأعلى صوتى على صاحب تاني ليا من غير ما حد ياخد باله وقالى هتبقى 0.2 كجم

روحت بسرعة قبل ما ياخد الورقة منى ماسح التشطيب اللى على الحل اللى ناتجه 0.2 كجم

وكدا يبقى انا عامل حلين

والله اعلم بقى ايه اللى هيحصل

بس انا قولت حتى لو مدنيش درجات فى السؤال دا --- انا كدا كدا متاكد اننى حالل الباقى صح

[ehabelsapa]

بالنسبة للسؤال الخامس ب

اللى اجابته دى







انا عملت الحل الأول بدون استخدام المقاومة :

الجسم تحرك من السكون وبالتالى تكون طاقة الحركة عند القمة = صفر وعند القاع أقصى ما يكمن
وطاقة الوضع عند قاع المنحدر = صفر

طاقة الوضع عن قمة المنحدر = طاقة الحركة عن على القاعدة

ط أ + ض أ = ط ب + ض ب

ض ب = صفر
ط أ = صفر

إذن :

ض أ = ط ب

بما أن :

ط ب = 1.96

إذن :

ك د ف جا هـ = 1.96

بما أن :

ف = 16
د = 9.8
جا هـ = 5÷16

إذن :

ك × 9.8 × 16 × 5 ÷ 16 = 1.96

إذن :

49 ك = 1.96

ومنها

ك = 1.96 ÷ 49
إذن :

ك = 0.04
كجم

دا حل أنا عملته



وبعدين فى الصفحة اللى بعدها
عملت حل آخر بقانون مبدأ الشغل والطاقة
وطلعت : ك = 0.2 كجم ...

زي ما فى الحل اللى فى الصورة اللى أول الموضوع دا
طبع الحل فى الصورة
1 ÷ 5 كجم
هيا هياها 0.2 كجم


هم دلوقتى هياخدوا بأى حل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟