الى داخل ثانوى اجمع (نصايح حطها حلقة فى ودنك )

[مريم السباعى.]

1السلام عليكم
دول كام حاجة كدا لكل الى داخل ثانوي او فى ثانوي حطهم حلقة فى ودنك وان شاء الله حتفدكم كتير

_انتى كبرتى يا بيضة
لازم تعرف كويس انك مدام بقيت فى ثانوى تنسا خالص اى سنة مضت اوكى هى زى اى سنة وانت يعنى زى منتا مش حتتحول ولا حاجة بس نظامها حاجةة تانية ثانوى يعنى مجموع ومجموع يعنى كلية وكليه يعنى حلم بتحلم بى من صغرك انت واهللك ومصاريف ودروس قد كدة و يعنى مسؤلللللللللللللللللللللللللللللية
لازم تكون راجل بجد (للبنت وللولد) ولازم تعرف ان متستناش حد يقوللك قوم ذاكر لا يابا حضرتك اول واحد لازم تكون من جواك يهمك ان تذاكر وتعقد على الكتاب وتشوف شغللك لانك خلاص كبرت وبقيت طول درفة الباب فيعنى مسؤلية مسؤلية مش لعب عيال تمام
2_احفظ ثم احفظ ثم احفظ ولو عندك وقت افهم
طبعا كتيييييييييييييييييييييييييييييييييير حيعرضه فى الكلام دة بس عن تجربة ومن واحدة بتركه شئ اسمه حفظ تعبت منه كتير لانى لاسف كنت فاكرة زى نظام اعدادى الخص واكتبله السطرين الى فيهم الفايدة وشكرا هو صحيح القدرة على التلخيص فدتنى كتير بس اكتشفت لو عايز تكتب اجابة نموذجية بمعنى الكلمة يبقى لازمت تحفظ كويس قوى تشوف مدرس يفهمك ويعودك على حفظ كويس قوى حفظ +فهم حلو قووووووووى وكويس موت
فهم من غير حفظ كويس لاسف حتعك الدنيا
حافظ ومش فاهم قوى اضمنك نص الدرجة وقد يكون كلها
ودة فى نظام ثانوية عامة طبعا اعدا االمواد الى فى الغالب بتحتاج لفهم اكبر زى الرياضة والفزياء مثلا تمام

3_ غصب عنك مش بمزاج
اياك واياك واياك انك تتعامل مع المذاكرة على انها ن باب المزاج او تتلكك كل شوية ومتذكرش علشان حضرتك مش فى المود لا يابابا ابسليوتلى المذاكرة دى لازم تكون عندك طقس من طقوس حياتك اليومية يعنى قبل متدخل حجرة مذكرتك او تعقدعلى مكتبك زى الباشا كدة حط شنطة براه فيها كل المشاكل النفسية وخناقات البيت ورغى الصحاب برا على الباب اعةد نفسك تفصل نفسك خالص لما تدخل تذاكر وبتدريب حتلاقى نفسك قادر تفصل بس تعود نفسك اذان اتفقنا على الباب قبل متدخل حط شنطة (المشاكل النفسية والعاطفية والاسرية والسرحان ورغى الصحاب )وصلى كدة قبل متذكر وانسى اى شئ الا انك بتشتغل غللك ولازم تخلص لى
4_دارى على شمعتك تقيد
بلاش حسن النية الزيادة دة ورغى وانا بذاكر وانا بنيل مش بقوللك ابقى سوسة او لئيم او متسعدتش حد من اصحابك بس مترغيش كتير عن نفسك لان العين اله اكبر بيتجى طحن فى الموضوع دة بذات وتلاقى نفسك خير الله مخير لا اطايق الكتاب ولا الى حاطه ولا المدرس نفسه ويمكن مش طايق حتى الناس الى فى البيت فيعنى خد بالللك (بس متخدهاش تلكيكة ها)
5_ان الله يحرم العبد من رزق بسبب ذنب فعله
حاول ابعد عن الذنوب والمعاصى بقدر امكانك سؤاء بقا فى ثانوى غير ثانوى دة شئ لاااااااااااااااازم والله العظيم بجد يا جماعة حسن علاقتك بالله يتحسن للك كل شئ وحتلاقى ربنا بيفتح عليك من حيث لا تحستب ام الذنوب مش حتيجب غير الهم وقبضة النفس فبجد كن مع الله يستقم للك كل شئ ومتناس دعاوى والديك فى الطالعة والنازلة بسبب وغير سبب والله حتعرف قيمة الدعاوى دى
6_كن رزل وبارد
بمعناه ااااااااااااااااااااايه يعنى مفيش حاجة اسمها لا انا بكسف اسئل المستر ولا لا اصله شد عليا بطريقة مش حلوة فانا بكسف اسئلة لالالالالالالالالالالالالالالا انسا كنت تلما وباردا وغلسا واسئل فى الصغيرة قبل الكبيرة علفكرة من جواه مهما اظهر انه خلاص شوية وحيتخنق نك بس من جواه المدرسين بيحترمو قوى النوع دة اسئل فى اى شئ مش فاهمه وحل من كل مكان خصوصا التقويم وكتاب المدرسة واختار المدرس الى يشغللك بجد ويطحنك امتحانت يفرحتى بمدرس مريحك ومخليك برته طول السنة وفى الاخر تيجى تحتاس وتلاقى نفسك مش عارف تمسك امتحان على بعضه تحله بثقه

7_لا تعلق نفسك باشخاص
ودى خصوصا للبنات يعنى مش علشن صحبتك او صحبك مش رايح الدرس انهاردة حضرتك تاجل وتقول خلاص ابقى اروح معاه الحصة الى حيعوض فيها الحصة ولا تبقى تابع لصحبك ذاكر تذاكر مذكرش تحس نفسك مش طايق لالالالالالالالالالا حاول كن مستقل شوية فى الموضوع دة ومتغلش باللك بحكاوى الصحاب وانت عمت ايه وان تشكلك مذاكر والكلام دة خليك مع نفسك كدة لقيت صاحب كويس حلو ملقتشى يبقى مع نفسك

8_اياك و ازمة شهر 4 و5
ليه حديت الشهرين دول بذات لان ممكن تلاقى نفسك جاللك حالة نفسيا وحالة نسيان غير عادية وتقول ينهار اسود انا مش نافع وتبص فى الكتاب مش فاكر عااااااااااااااااااااادى جدا كلنا مرينا بدة وتحس انك عايز تقول لوالديك يارت اجل السنادى والكلام دة كله حتعدى منه بسلام بشرط تكون فهمت النصايح الى فوق دى كويس
كلمة اخيرة

صدقونى بجد مفيش اى تعب فى الدنيا يساوى لحظة فرحتك بنتيجتك وفرحة اهللك ساعتها حتحس التعب دة كله ميجيش نقطة فى بحر فرحتك يارب يرزقنا جميعا بنتيجة جميلة يارب ونكون من المتفوقين قولو ااااااااااامين
دول كام حاجة كدة من الخبرة الى اكتسبتها فى الثانوية العامة بدعى ربنا تفديكم لانها بجد نصايح من دهب وعن تجربة شخصية جدااااااااااا وانا تحت امركم فى اى شئ خاص باسليب المذكرة بس انا كنت علمى علوم فيعنى على قد مقدر حفدكم واسفة على اطالتى وربنا يوفقنا جميعا يارب وادعولى لحسن لسة داخلة اولى جامعة وبنشوف نظامها ايه دى كمان
دعاوتكم

[MeNa MaShakel]

Good Topic Bs Ya ret El nas t3ml Behom
hhhhhhhhhhh ana tb3n msh b3ml kda
Kbrt :D

[مريم السباعى.]

المشاركة الأصلية كتبت بواسطة MeNa MaShakel

Good Topic Bs Ya ret El nas t3ml Behom
hhhhhhhhhhh ana tb3n msh b3ml kda
Kbrt :D

اولا لازم واجب الضيافة وهو انك نورت الوبيك وبمرور حضرتك
اما بقا بعيدا عن لغة الفيس بوك دى الى مش بفهم نصها تقريبا طول نتا مكبر ال gومروقdيبقى مفيش داعى كنت تدخل من الاول وماصريف وكلام فاضى وكمان اذا كا من اول السنة وبتقول كد ةاال اخرتها ايه امممممممم شكلك مقرتيش النصايح كويس
بص يبنى كلمة لله هى سنة كدة كدة غصب عنك ش بمزاج حتقضيها متتعب فيها وجرب تذاكر بنتحار يعنى بمعنى كلمة انتحار ومين عالم مش مكن تطلع غير منتا متوقع مدام كدة كدة هى السنة
انصحك تفكر بطريقة ايجابية اكتر لانك ممهما كنت متعقد مش حتيجى زى الاحاس سالى كنت حاسة فى ثانوى ومش طايقة نفسى بس بعد كتير عرفت انى كنت هبلة موت والحمد لله لحقت نفسى
خالص شكرى وتقديرى

[MeNa MaShakel]

المشاركة الأصلية كتبت بواسطة مريم السباعى

اولا لازم واجب الضيافة وهو انك نورت الوبيك وبمرور حضرتك
اما بقا بعيدا عن لغة الفيس بوك دى الى مش بفهم نصها تقريبا طول نتا مكبر ال gومروقdيبقى مفيش داعى كنت تدخل من الاول وماصريف وكلام فاضى وكمان اذا كا من اول السنة وبتقول كد ةاال اخرتها ايه امممممممم شكلك مقرتيش النصايح كويس
بص يبنى كلمة لله هى سنة كدة كدة غصب عنك ش بمزاج حتقضيها متتعب فيها وجرب تذاكر بنتحار يعنى بمعنى كلمة انتحار ومين عالم مش مكن تطلع غير منتا متوقع مدام كدة كدة هى السنة
انصحك تفكر بطريقة ايجابية اكتر لانك ممهما كنت متعقد مش حتيجى زى الاحاس سالى كنت حاسة فى ثانوى ومش طايقة نفسى بس بعد كتير عرفت انى كنت هبلة موت والحمد لله لحقت نفسى
خالص شكرى وتقديرى

اولا ميرسى لذوقك
مفيش داعى لكلمة حضرتك انا مجرد طالب عادى
المشكله انى متقلب الاحوال
يوم اقول لازم مضيعش وقت علشان لازم احقق هدفى وكده
واذاكر بقى واقضيها
لكن اجى تانى يوم ويجيلى اكتئاب
انا انسان متقلب احوال بدرجه غريبه

[مريم السباعى.]

المشاركة الأصلية كتبت بواسطة mena mashakel

اولا ميرسى لذوقك
مفيش داعى لكلمة حضرتك انا مجرد طالب عادى
المشكله انى متقلب الاحوال
يوم اقول لازم مضيعش وقت علشان لازم احقق هدفى وكده
واذاكر بقى واقضيها
لكن اجى تانى يوم ويجيلى اكتئاب
انا انسان متقلب احوال بدرجه غريبه

عارف يا مينا المشكلة فى ايه اننا بنفتكراننا لوحدينا الى كدة ودة مش صحيح وانا زيك علفكرة كنت فاكرة الوحيدة المتقلبة وبكتئب بسرعة والكلام دة بس طلع مشا الله نصف الناس الى فى سننا كدة ودى طبيعة المرحلة السنية الى احنا فيها وشوية بشوية الامور حتهدى وطريقة تفكيرنا حتتغير بس احنا نحاول نتعامل ببساطة ندى الامر على قده فكر فيما تفكر لما تلاقى نفسك مخنوق هات ورقة واكتب انا مخنوق علشان كذا وكذا وشوف يستاهل ولا وزى مقولت فوق اياك تخلى المذاكرة بالمزاج صدقنى حتروح فى مشكلة عميقة كدا اعتبرها واجب زى الصلاة زى اى شئ واجب ضرورى تعمله فى حياتك زى اكللك بالضبط ويمكن اهم فاهم قصدى

[MeNa MaShakel]

المشاركة الأصلية كتبت بواسطة مريم السباعى

عارف يا مينا المشكلة فى ايه اننا بنفتكراننا لوحدينا الى كدة ودة مش صحيح وانا زيك علفكرة كنت فاكرة الوحيدة المتقلبة وبكتئب بسرعة والكلام دة بس طلع مشا الله نصف الناس الى فى سننا كدة ودى طبيعة المرحلة السنية الى احنا فيها وشوية بشوية الامور حتهدى وطريقة تفكيرنا حتتغير بس احنا نحاول نتعامل ببساطة ندى الامر على قده فكر فيما تفكر لما تلاقى نفسك مخنوق هات ورقة واكتب انا مخنوق علشان كذا وكذا وشوف يستاهل ولا وزى مقولت فوق اياك تخلى المذاكرة بالمزاج صدقنى حتروح فى مشكلة عميقة كدا اعتبرها واجب زى الصلاة زى اى شئ واجب ضرورى تعمله فى حياتك زى اكللك بالضبط ويمكن اهم فاهم قصدى

أه انا فاهم بس لو ذاكرت من غير مزاج زى ما قعدت زى ما قمت ومفيش حاجه اتغيرت :D
ربنا يستر الواحد مره يقول لازم انحر نفسى علشان ادخل اللى عاوزه
ومره يقول يا راجل كبر مخك

[To Be Is To Do]

معلش أنا حابب بس أعلق على كام نقطه

أولا النقطه رقم 2 الجمله الشهيره فيها " ده حافظ مش فاهم " الجمله دى منتشره جدا بين الطلاب وبعضها مع إنى شايف إن 80 % من المواد بتاعتنا حفظ إن لم يكن أكثر والباقى فهم

ثانيا النقطه رقم 4 فعلا عندك حق وأنا كنت بقع فى الحته دى دايما وكنت كل ما أذاكر حاجه أروح أقول لصحابى " على فكره أنا ذاكرت كذا وخد بالك من الحته كذا وحل المسأله كذا والحته دى المدرس كاتبها كذا مع انها فى الكتاب كذا " وجت عليا فتره كنت كاره نفسى ومش عارف اذاكر ومنهار ونفسيتى زفت ولكن محرمتش برده للأسف

ثالثا النقطه رقم 6 لا دى عندك فيها أكبر حق ده أنا كنت مش بنى آدم فى الموضوع ده وكنت أروح للمستر قبل الدرس بنص ساعه وأجيبله مسائل مش عارفها وأقعد معاه بعد الدرس ساعه أتناقش معاه فى حاجات مش فاهمها وكنت أنا وصحابى أيام الإمتحانات نسهر مع بعض على الموبايل أى نقطه حد مش عارفها يتصل بالتانى على طول ونقول لبعض أسئله صعبه ونتناقش فيها

رابعا النقطه رقم 3 أنا وقعت فى النقطه دى لإنى ودنى بس مش ودنى بمعنى رغاى فى الهجس وخلاص لا أنا من النوع إللى بحب أقف مع الناس فى مشاكلها وأحب أحلها معاهم ونوصل لنتائج مريحه ليهم وكان أى حد يقع فى مشكله كنت أنا وصحابى تلاقينا جنبه
لكن
المشاكل العاطفيه ممرتش بيها
و
الأسريه كنت بنفضلها يعنى الحاج يزعق الحاجه تشدّ عليا كنت بكبر جامد ومع أول مقابله بينى وبين صحابى كنت بنسى المشاكل دى

خامسا النقطه رقم 7 لا دى أنا أختلف معاكى فيها لأنى أنا وصحابى كنا مش بنروح الدروس غير مع بعض دايما وعمر محد راح لوحده وده كان دافع لينا جدا لاننا اثناء المواصلات كنا بنشوف إللى مش عارفينه مثلا فى الواجب ونتناقش فيه ، نراجع نواتج المسائل مثلا
نقول لبعض كلمات إنجلش جديده
يمكن
الوضع مختلف بالنسبه للبنات

وأخيرا أحب أتوجه بخالص الشكر لصاحبه التوبيك على هذا التوبيك الرائع والمفيد جدا جدا جدا

بارك الله فيكى

[مريم السباعى.]

المشاركة الأصلية كتبت بواسطة eng _ khaled zakareya

معلش أنا حابب بس أعلق على كام نقطه

أولا النقطه رقم 2 الجمله الشهيره فيها " ده حافظ مش فاهم " الجمله دى منتشره جدا بين الطلاب وبعضها مع إنى شايف إن 80 % من المواد بتاعتنا حفظ إن لم يكن أكثر والباقى فهم

ثانيا النقطه رقم 4 فعلا عندك حق وأنا كنت بقع فى الحته دى دايما وكنت كل ما أذاكر حاجه أروح أقول لصحابى " على فكره أنا ذاكرت كذا وخد بالك من الحته كذا وحل المسأله كذا والحته دى المدرس كاتبها كذا مع انها فى الكتاب كذا " وجت عليا فتره كنت كاره نفسى ومش عارف اذاكر ومنهار ونفسيتى زفت ولكن محرمتش برده للأسف

ثالثا النقطه رقم 6 لا دى عندك فيها أكبر حق ده أنا كنت مش بنى آدم فى الموضوع ده وكنت أروح للمستر قبل الدرس بنص ساعه وأجيبله مسائل مش عارفها وأقعد معاه بعد الدرس ساعه أتناقش معاه فى حاجات مش فاهمها وكنت أنا وصحابى أيام الإمتحانات نسهر مع بعض على الموبايل أى نقطه حد مش عارفها يتصل بالتانى على طول ونقول لبعض أسئله صعبه ونتناقش فيها

رابعا النقطه رقم 3 أنا وقعت فى النقطه دى لإنى ودنى بس مش ودنى بمعنى رغاى فى الهجس وخلاص لا أنا من النوع إللى بحب أقف مع الناس فى مشاكلها وأحب أحلها معاهم ونوصل لنتائج مريحه ليهم وكان أى حد يقع فى مشكله كنت أنا وصحابى تلاقينا جنبه
لكن
المشاكل العاطفيه ممرتش بيها
و
الأسريه كنت بنفضلها يعنى الحاج يزعق الحاجه تشدّ عليا كنت بكبر جامد ومع أول مقابله بينى وبين صحابى كنت بنسى المشاكل دى

خامسا النقطه رقم 7 لا دى أنا أختلف معاكى فيها لأنى أنا وصحابى كنا مش بنروح الدروس غير مع بعض دايما وعمر محد راح لوحده وده كان دافع لينا جدا لاننا اثناء المواصلات كنا بنشوف إللى مش عارفينه مثلا فى الواجب ونتناقش فيه ، نراجع نواتج المسائل مثلا
نقول لبعض كلمات إنجلش جديده
يمكن
الوضع مختلف بالنسبه للبنات

وأخيرا أحب أتوجه بخالص الشكر لصاحبه التوبيك على هذا التوبيك الرائع والمفيد جدا جدا جدا

بارك الله فيكى

اولا شكرا جزيلا على مروك الرائع وتعليقك الاورع وبمننا متفقين فى اغلب النقاط معاد النقطة الاخيرة ولكن انا اقصد كن مع صحابك فى الخير لو شاطر يعنى وبتشجعه بعض لكن ف ى واحد تلاقى مصاحب واحد كسلان كل شوية يغيب والتانىي غيب ويا جدعنة وخصوصا فى البنات فدة بقا الصحوبية الى زى قلتها وتجيب ورا مش قدام ابدا
وبجد نورت التوبيك يا بشمهندس
خالص تقديرى

[مريم السباعى.]

المشاركة الأصلية كتبت بواسطة mena mashakel

أه انا فاهم بس لو ذاكرت من غير مزاج زى ما قعدت زى ما قمت ومفيش حاجه اتغيرت
ربنا يستر الواحد مره يقول لازم انحر نفسى علشان ادخل اللى عاوزه
ومره يقول يا راجل كبر مخك

ايوة تمام مختلفناش بس مه تعود نفسك تغير مودك حسب الوقف ودة بتدريب مش علطول كدة رة ورا مرة حتى مش بس علشان المذاكرة لا علشان اىشئ فى البيت وربنا يسترها علينا جميعا يارب ويوفقك باذن الله
بس كفينا تكبير مخ بقا ها

[MeNa MaShakel]

المشاركة الأصلية كتبت بواسطة مريم السباعى

ايوة تمام مختلفناش بس مه تعود نفسك تغير مودك حسب الوقف ودة بتدريب مش علطول كدة رة ورا مرة حتى مش بس علشان المذاكرة لا علشان اىشئ فى البيت وربنا يسترها علينا جميعا يارب ويوفقك باذن الله
بس كفينا تكبير مخ بقا ها

ان شاء الله




هههههههههههههههههههههههههههههههههههه منه لله مبارك :D

[beta777]

موضوع جمييل جدا ومفيد ارجو التثبيت^__^

[مريم السباعى.]

المشاركة الأصلية كتبت بواسطة bassam777

موضوع جمييل جدا ومفيد ارجو التثبيت^__^

اشكرك يا باسم نورت التوبيك

[shahd.]

[مريم السباعى.]

المشاركة الأصلية كتبت بواسطة shahd.

ميرسى يا قمر على الصورة الجميلة دى وتوقيعك حلو قوى علفكرة واتمنى فعلا تكون النصايح دى فدتكم ولو بشئ بسيط
نورتينى

[rana rory]

موضوع جميل يا ميمو و نصائح اجمل
و انا بتفق معاكى فى بعض النقاط لكن بختلف
فى موضوع الحفظ دا ممكن يكون عشان انا علمى مش عارفه
بس الحفظ هيخلينا نقع فى اخصاء و بمجرد ان السؤال يلف لفه طويله كده
هنتوه لكن لو فهمتى المعلومه حتى لو لفه انتى فاهمه فمش هيفرق

ثانيا موضوع الصحاب يعنى من وجهه نظرى لا مش ينفع خالص لان الصحاب لما يساعدوا بعض
هيكون افضل لان لو واحده مثلا بدات تنزل ننبها و نساعد بعض مسائل جديده او افكار جديده
دا بيكون نفع لينا و ليهم و كمان دا تشجيع

موضوع الرزاله و البرود دا مش عندى خالص انا بتكثف جدا انى اسال
و لو سالت يبقى نادرا بفضل انا ورا الحاجه دى لحد معرفها يمكن دا يكون عيب بس انا هعمل
بنصيحتك ان شاء الله

جزاكى الله خيرا و اسفه على التطويل