لمن يحتاج المساعده بخصوص طب اسنان

[طالبة حالمة]

نفسى تعملوا موضوع مثبت تحطوا فيه كل ادوات ومعلومات عن طب أسنان فى كل السنوات وكيفية المذاكرة
كما فى اقسام الكليات التانية فى المنتدى

[medoash]

تم اعاده فتح الموضوع مرة اخرى لاى استفسارات ... ان شاء الله اقدر افيدكم

اخوكم محمد اشرف رابعه طب اسنان الاسكندرية

[RENISTA]

لو سمحت كنت عاوز اعرف شروط التحويل من اسنان طنطا للقاهرة
بعد سنة اعدادي ف طنطا

[Pseudonym]

أنا كان حلمي ادخل بشري من زمااااان و عمري ما فكرت غير فيه وعمري مافكرت فأسنان و بكره صيدلة جداً لأنه بيبقى بياع في الاخر و مسيرته العلمية بتنتهي.. و من بعد النتيجة (لما عرفت ان صعب تجيلي بشري) وانا مش عارف اعمل ايه .. و كنت محتار بين صيدلة و أسنان.. و رسيت على اسنان .. انا عايز اسأل سؤال غريب شوية ويمكن يكون ساذج بس انا بدور على اي امل .. هو ممكن بعد ما ادخل أسنان اقدم طلب عشان احول بشري؟؟؟ (على اساس في ناس بتحول من بشري لـ أسنان , فأدخل بدلهم) ولا مافيش حاجة اسمها كدة؟ .. معلش طولت عليكي يا دكتور

[medoash]

المشاركة الأصلية كتبت بواسطة renista

لو سمحت كنت عاوز اعرف شروط التحويل من اسنان طنطا للقاهرة
بعد سنة اعدادي ف طنطا

طبعا موضوع التحويل دا موضوع اللى يقدر يفيدك فيه شئون الطلبة بكل كلية

بس الى بيحصل ان فى كليات بتقبل التحويل وفى كليات بترفض اى تحويل نهائى ولازم يكون مع حضرك حاجة ثبت الاقامة بمحافظة القاهرة

كمان لو فى مواد فى القاهرة فى اول سنة اكتر من طنطا دى بتشيلها وبتمتحن فيها فى القاهرة ولو فى مواد انت خدتها فى اعدادى طنطا وفى القاهرة لسه هيخدوها دى بتتلغى من عليك


بس طبعا اللى هيقدر يقلك القول الفص فى الكلام دا كله شئون الطلبة بكلية طب الاسنان جامعه القاهرة بعد الرجوع لادارة الكلية

[medoash]

المشاركة الأصلية كتبت بواسطة pseudonym

أنا كان حلمي ادخل بشري من زمااااان و عمري ما فكرت غير فيه وعمري مافكرت فأسنان و بكره صيدلة جداً لأنه بيبقى بياع في الاخر و مسيرته العلمية بتنتهي.. و من بعد النتيجة (لما عرفت ان صعب تجيلي بشري) وانا مش عارف اعمل ايه .. و كنت محتار بين صيدلة و أسنان.. و رسيت على اسنان .. انا عايز اسأل سؤال غريب شوية ويمكن يكون ساذج بس انا بدور على اي امل .. هو ممكن بعد ما ادخل أسنان اقدم طلب عشان احول بشري؟؟؟ (على اساس في ناس بتحول من بشري لـ أسنان , فأدخل بدلهم) ولا مافيش حاجة اسمها كدة؟ .. معلش طولت عليكي يا دكتور

لا مفيش حاجة اسمها كدا طبعا .... بس متقلقش بكرا اما تكمل فى اسنان هتحبها جدا ومش هتندم ابدا انك دخلتها

[Mohamed Nada*]

ايه رايك في كلية طب الفم والاسنان جامعة الدلتا

[medoash]

المشاركة الأصلية كتبت بواسطة mohamed nada*

ايه رايك في كلية طب الفم والاسنان جامعة الدلتا

الصراحه معرفش معلومات عنها بس للعلم فى قرار ان اى كلية طب اسنان اتعملت السنادى النقابة مش هتعترف بيها وسمعت والله اعلم ان اسنان الدلتا منهم "بس مش متأكد انها منهم "


كمان النقابة منزلة قرار ان اى حد الفرق بين مجموعه وبين الحد الادنى لكليات طب الاسنان اكتر من 5 فى المية النقابة مش هتعترف بيه

[Dr HaSheM JaCoB]

شكرا لمجهودك العظيم ده يا دكتور ........
بس كنت عايز اسأل .... المواد المشتركة بين الطب البشري وطب الاسنان يتم دراستها بنفس الاستفاضة
في الاسنان ولا باختصار ... وما هي هذه المواد؟؟؟

[succeed student]

دلوقتى انا جايلى اسنان الاسماعيلية وعاوز احول القاهرة ومعايا ورق يثبت الاقامة ف القاهرة وكل حاجة تمام ... ولكن فى دلوقتى تنسيق الكترونى اكيد هيجيبلى اقرب توزيع جغرافى ليا وهو طنطا .. وانا عاوز القاهرة ... هل بعد الالكترونى ده هعرف اعمل تحويل ورقى للقاهرة ولا ايه ؟

[succeed student]

سؤال ضرورى جدا .... هل اسنان الاسماعيلية اول سنة فيها اعدادى ولا مش فيها نظام اعدادى زى القاهرة وعين شمس

[medoash]

المشاركة الأصلية كتبت بواسطة dr hashem jacob

شكرا لمجهودك العظيم ده يا دكتور ........
بس كنت عايز اسأل .... المواد المشتركة بين الطب البشري وطب الاسنان يتم دراستها بنفس الاستفاضة
في الاسنان ولا باختصار ... وما هي هذه المواد؟؟؟

المواد المشتركة هى : الفسيولوجى "علم وظائف الاعضاء" .... الهستولوجى "علم الانسجة" ......... البيوكمسترى " الكيميا الحيوية" ... الاناتومى "علم التشريح " ..... الميكروبيولجى " الكائنات الدقيقة " ..... الفارما " علم الادوية " ....... الباثولوجى " علم الامراض " .... الباطنة ..... الجراحة

والمواد دى بيتم دراستها باختصاااار عن طب طبعا

[medoash]

المشاركة الأصلية كتبت بواسطة succeed student

دلوقتى انا جايلى اسنان الاسماعيلية وعاوز احول القاهرة ومعايا ورق يثبت الاقامة ف القاهرة وكل حاجة تمام ... ولكن فى دلوقتى تنسيق الكترونى اكيد هيجيبلى اقرب توزيع جغرافى ليا وهو طنطا .. وانا عاوز القاهرة ... هل بعد الالكترونى ده هعرف اعمل تحويل ورقى للقاهرة ولا ايه ؟

انت كدا هتضطر انك متقدمش فى التحويل الالكترونى وتستنى التحويل الورقى بس التحويل الورقى دا مش اكيد يعنى ممكن تحول للقاهرة وممكن التحويل يترفض ودا يتوقف على جامعه القاهرة والكلية بس معظم التحويلات بتتقبل

[RENISTA]

طب لو سمحت هي اسنان القاهرة فيها اعدادي؟؟

[د. مرعى]

انا دلوقتى جلى فى التنسيق اسنان الاسماعيليه وانا من طنطا انا عاوز النصيحه احول طنطا ولا اروح اسماعيليه واقعد سنه واحول عين شمس
وهل الكليات الى يبقى فيها سنه اعدادى زى طنطا تبقى احسن ولا الى مفهاش
انا متحير بصراحه ياريت حد ينصحنى قبل ما التحويل بفتح
مع العلم انا مش هتفرق معايا اقعد فى اسماعيليه