|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
06-08-2012, 06:45 PM
|
||||
|
||||
دق ناقوس الخطر>>........
[size="4"][center] دق ناقوس الخطر على الابوب
دق بيقول افتحو افتحو مش وقت عتاب كل شئ خالص غير قابل للهذار ولا ناس بتموت وتحيا ولا اسعار قايدة نار الا احنا فى دة من رب البشر انذار اصحو اصحو كفاية حرام ماتت كلمة سلام راحت كلمة امان لما روح الشهيد تبقى ارخص من الرصاصة ولما اول درس يتعلمو الاوطان هو الشحاته ولما سمعتنا فىكل بلد تتهان وتتسب ويعنى ايه اجيب 99 فى وملحقش طب والتفوق هو بس للفلوس يعنى ايه اعنس كل يوم ميت الف عروس يعنى ايه الثورة تضيع يعنى ايه اشترى الغالى وبرخيص ابيع ابيع اغلى ما فى حياتى عيالى واهل بلدى وسمعتى وناسى مستنين ايه بس تانى دة الدرس خلاص اتشرح وتقالت كل المعانى ودورو مين فينا الجانى دورو مين فيكو انانى مين الى على وشه لابس الف وش ومين الى من الحق يخاف ويكش ولو عارفينه وساكتين عليه يبقى عوض الله على زمانى عوض الله على زمانى مريم السباعى
__________________
ودعاً وارجو ان ذكرتونى فاذكرونى بخير ,دعواتكم ........... افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/ 
|
|
#2
06-08-2012, 07:53 PM
|
||||
|
||||
|
اختي الرائعه مريم
كلماتك رائعه لا مست قلبي وذكرتني بكلمات الشاعر هشام الجخ شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه بتكرهينى عيونك السودة وأيامى اللى فاتت مانتيش حبيبيتى من النهاردة حبيبنتى ماتت علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة كل الكلام اتقال والشعر بقى ماسخ والصبر علو جبال والظلم شىء راسخ وطن وغرقان فى النطاعة كل شىء ريحته نطاعة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
|
|
#3
06-08-2012, 08:30 PM
|
|||
|
|||
|
الله عليك يا أستاذه مريم .. الحس الوطنى واضح والشعور المتأثر والقلب الجريح والحسره من الواقع وعليه كانت هى كلماتك .. أحييكى .. وكفايه انك بتتكلمى بلسان الملايين من المصريين . بارك الله فيكى .. وربنا يزيد من أمثالك .
|
|
#4
06-08-2012, 08:40 PM
|
||||
|
||||
|
اقتباس:
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#5
06-08-2012, 08:41 PM
|
||||
|
||||
|
اقتباس:
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#6
07-08-2012, 02:20 AM
|
||||
|
||||
|
مبــدعة المنتدى مريم السباعى
كلماتك هى كلمات شخص حاسس بالمسئؤلية التى عليه تجاه بلده كلمات انسان يعرف التحديات التى تعيشها بلاده من الاخر هو احساس قلب بنبض وطنه سلمت يداكى ودام لنا قلمك فياضا باذن الله
|
|
#7
07-08-2012, 02:29 AM
|
|||
|
|||
|
اقتباس:
|
|
#8
07-08-2012, 02:58 AM
|
||||
|
||||
|
جزاكم الله على مروك الرائع وكلماتكم الطيبة التى دوما تشجعنى ان ابدع المزيد
حقاجزاكم الله كل خير ا اشكركم
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
#9
07-08-2012, 03:21 AM
|
||||
|
||||
|
كلمات روعة
تؤثر فينا بقوة ولامست الحزن الذى يطغو على قلوبنا جميعا دمتى مبدعة تقبلى مرورى
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#10
07-08-2012, 03:05 PM
|
||||
|
||||
|
اقتباس:
__________________
ودعاً وارجو ان ذكرتونى فاذكرونى بخير ,دعواتكم ...........افضل مواضيع قسم اجتماعيات طالب لطلاب الثانوية العامه NTER]
http://www.thanwya.com/vb/showthread.php?t=471761 http://www.thanwya.com/vb/showthread.php?t=510594 [/
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 08:40 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
