بالله عليكم كل واحد يشوف الموضوع يجوبني مهم جداااااااااااااااااااا

[ahmed eishah]

السلام عليكم ورحمة الله وبركاته

انا جبت في سنة ثانية 95.5% والله اتظلمت كتير وكان حلمي حتي لو كنت جايب 100 % اني اخش صيدلة بس قدر الله وما شاء فعل انا دلوقتي مصدوم بعد نتيحة التنسيق مش عارف اكمل احياء ولا احول رياضة بالله عليكم افيدوني وشكرررررررررررررررررررررررررررا

[أجمل زهرة]

بص انت لو هتخش احياء حتحفظ الكتاب لحد ما تقول يا بس

اما الرياضة ما اقدرش افيدك

[د . محمد حسن]

بص يا معلم
انا كنت جايب 97.8 ف تانية وكملت احياء ف تالتة وجبت ف سنة تالتة 99 والمجموع الكلي 98.4 ودخلت صيدلة

شوف انت حابب ايه
لو ليك ف الرياضة ومتقبل نفسك كمهندس كمل رياضة 2
لو مش حابب الرياضة وعاوز تكمل رياضة 2 عشان مجموعك يبقي كمل احياء
بس بشرط حاول تقفل الاحياء وتظبط نفسك بحيث انك تجيب 100 بالمستوي
انا قفلت الاحياء بس العربي ابن التيت ده اللي نزلني جامد السنادي ، كان زماني فوق الـ 100 % لولا العربي
فانت لو هتكمل احياء ظبط نفسك واعمل حسابك ان بنسبة كبيرة هتكون الامتحانات اصغب من السنادي

[dr besho]

بص يا صاحبي انت حتي لو كملت رياضة و طلعت مهندس او اي حاجة تاني هتبقي فاشل .. متزعلش بس دي الحقيقة ... خليك علي حلمك .. انا كنت جايب في تانية 98.3 و في تالتة جبت 99.8 بالمستوي الرفيع .. يعني متقلقش بس اعمل الي عليك و سيب الباقي علي ربنا و حوار التنسيق دة مش ثابت 2012 كان اسثنائي عشان ارتفاع المجاميع

[ahmed eishah]

المشكلة ان تنسيق السنادي الحد الادني صيدلة 98 وعدد الناس السنادي الي كانوا في 2 الي جيبين فوق 95% اكتر من عدد الناس الي كانو في 3 بــــ 5 الاف طالب يعني السنة الجاية تنسيقها نار برده

[babagamil]

على فكره محدش يقول حوار التنسيق ده استثنائى ماشى علشان محدش عارف التنسيق بيجى ازاى وبلاش فتى كتير

[maker freedom]

بسم الله الرحمن الرحيم

اول حاجة صلى صلاة الاستخارة

انا كنت فى نفس موقفك فى تانية ثانوية ، جبت فى تانية 96.5% واتوكلت على الله وصممت على الاجتهاد وجبت فى تالتة 100% بالمستوى يعنى المجموع الكلى 98.3% والحمد لله صيدلة

لو حتدخل احياء او رياضة 2 ، يبقى كل يوم على الاقل ساعتين مذاكرة احياء أو اكتر وكذلك الرياضة 2
وتحل كتاب الامتحان كله إن شاء الله بس ما يكونش على حساب المواد التانية طبعاً
يعنى تدى كل مادة حقها وزيادة ، علشان ماضيعش المواد التانية


واللى فيه الخير ربنا هيدهلك إن شاء الله .... صلى صلاة الاستخارة وادعى ربنا انه يوفقك وبعد كده صلى صلاة الحاجة وادعى ربنا انه يكرمك فى الفرع اللى هتختاره ( ابحث عنهما فى النت لو مش عارف صلاة الحاجة او الاستخارة ) ، وياريت تصلى بعد قيام الليل لأنه افضل وقت يستجيب فى الله للانسان ........... وتصمم ان انت تجيب 101% فى تالتة إن شاء الله ، وعلى قد ما تجتهد ربنا هيديك ، وما تنستاش تدعلى معاك بالتوفيق

إن الله غفور رحيــــــــــــم

[محمد السيد الحلم]

أ أعوذ بالله من الشيطان الرجيم
بسم الله الرحمن الرحيم
الحمد لله رب العالمين على كل شئ
قدر الله وما شاء فعل
انا يا عم جبت في تانية والحمد لله وربنا يحفظنا 96.8
في تالتة كان شغل جامد والحمد لله وربنا يحفظنا جبت 100.4
زكان المجموع الكلي والجمد لله وربنا يحفظنا 98.6 صيدلة يعني الموضوع محتاج ارادة من حديد
و على فكرة انا كنت شاطر في الاحياء بس جبت 49
صلي استخارة وادعي ربنا في سجودك فالعبد قريب من ربه
وعلى فكرة الامتحانات بتاعتنا كانت عايزة حد مذاكر مذاكر حلو
يعني وانت بتذاكر تخلي بالك من الكبيرة والصغيرة
وبالتوفيق
والرياضة محتاج شغل برده ومحتاجة حل
صلي استخارة وخليها على الله و ركز في اختيارك وتأكد ان الله سيضعك في المكان الناسب حيث الخير

[ahmed eishah]

شكرا لكم كلكم وربنا يكرمكم
انا هصلي صلاة استخارة وربنا يوفقني ..........
انا هتوكل علي الله وربنا يسهل

[اية العشري]

انا كنت فى سنة تانية ثانوى هذا العام كنت احياء وجبت 95.6 هل لو اجتهدت العام القادم ممكن ادخل صيدلة ممكن حد يطمنى لانى مرعوبة

[ahmed eishah]

انتي كمان زيي بقلك ايه صلي صلاة استخارة وان شاء الله ربنا يهديني ويهديكي

[احبكـ ربى]

المشاركة الأصلية كتبت بواسطة ahmed eishah

السلام عليكم ورحمة الله وبركاته

انا جبت في سنة ثانية 95.5% والله اتظلمت كتير وكان حلمي حتي لو كنت جايب 100 % اني اخش صيدلة بس قدر الله وما شاء فعل انا دلوقتي مصدوم بعد نتيحة التنسيق مش عارف اكمل احياء ولا احول رياضة بالله عليكم افيدوني وشكرررررررررررررررررررررررررررا

وعليكم السلام ورحمة الله وبركاته ...
أخى الفاضل ممكن حضرتك تشوف ميولكـ أيه وتكمل فيه ...
ده أفضل حل ..
وبصراحة انا كنت أزهر ...
وعندنا مفيش حاجة اسمها علمى علوم او رياضة ..
كناا بناخد القسمين مع بعض ...
وياريت لو حضرتك اخى الفاضل تستخير المولى عزوجل ..
وتأكد ان ربنا كاتبلك كل خير ..
مهما كان وف أى كلية وف أى طريق ان شاء الله ..
موفق بإذن الله ,,

[dalia_x]

بص هو إن شاء الله تنسيق السنة دى ميتكررش تانى بس ممكن اى حاجة تحصل فلو عايز تكمل علوم لازم تشد حيلك جامد عشان تجيب مجموع عالى عشان زى ما انت شايف تنسيق كليات علمى علوم بيبقى عالى بس لو ممكن متجيبش مجموع صيدلة (بعد الشر) فادخل رياضة عشان تنسيقها بيبقى اقل

[mahy.truefriends]

اهم حاجه ميولك
و شوف انت هتقدر تكمل علوم و يبقي عندك فرصه تدخل الكليه الي انت عايزها اوتستحمل لوبعد الشر مجتلكش الكليه الي انت عايزها
ولا تكمل رياضه وو تدخل كليه هندسه او برده متدخلهاش
كل حاجه بإيد ربنا اهم حاجه تدرس حاجه بتحبها و ان شاء الله ربنا يوفقك وانا رأيي انك ما تتنازلش عن حلمك بإنك تكمل علوم

[PrinCeSs MeRaMar]

بص طلاما انت ليك هدف اسعى اليه و هيبقي عندك اراده و عظيمه قويه
فهتقدر تحققه باذن الله
و قدم تظلم للمواد الي مظلوم فيها مش هتخسر اي حاجه في التظلم ده
و اسعي في سنة تالته انك تجيب 99% انا هقولك حسبه بسيطه
انت لو جبت في تالته 99%
هيبقي مجموع في السنتين 97.2%
عندك مستوى رفيع لازم تذاكره كويس بقي ده بيديك 1.25%
هنقول انك هتاخد 1% منه بس
يبقي جبت في السنتين 98.2%
وقول يارب بقي