الفرق بين الطبيب والدكتور...لقبه الحقيقي ( طـبـيـب ) و لـيـس دكـتـور ! ! ! ! ! !

[همس الرومانسيه]

الموضوع ده علشان نعرف الفرق بين كلمة " طبيب " او " صيدلي " او " طبيب اسنان " اللقب الفعلي لوصف المهنة ... وبين الحاصل على الدكتوراه في احد هذه التخصصات وهو اللقب العلمي ..لان العادة جرت اننا نقول لكل من هو متخرج من الكليات الطبية "دكتور "

مبدئيا تعالوا نعرف اصل كلمة دكتور ايه ؟؟؟
اصل كلمة دكتور هي كلمة لاتينية ومعناها أو معلم أو ذو خبرة أو مهندس ، وأول جامعة منحت هذا اللقب هي جامعة بولونية إيطالية حيث منحت لقب دكتور لخريج في القانون...

اما وفقا للسائد عالميا والقوانين واللوائح بين الطبيب والدكتور هو مايلي :
تعريف الطبيب هو : المتخرج من كلية الطب وقضى عدة سنوات اضافية في التكليف او النيابة او الممارسة العامة سواء حصل على الماجستير او لم يحصل عليها بيظل في الحالة دي يطلق عليه " طبييييب " ولايحق له مطلقا باي حال من الاحوال ان يطلق على نفسه دكتور او يضيف حرف " د " ده غير طبعا انه لو كتب دكتور على اليافطة بتاعة العيادة ده مش صحيح و بيعاقب عليها كمان وفقا للقوانين واللوائح النقابية ولو حط دكتور لازم يحط هو واخدها منين لو فعلا حصل عليها ....
الدكتوراه بقى: انه لو بعد المرحلة دي حصل على الدكتوراه في الطب باحد تخصصاتها او الصيدلة او الاسنان او اي مجال من مجالات العلوم الهندسية او الانسانية عموما ... بيحصل على دكتوراه في مجال تخصصه سواء كان : بيشتغل في المجال الاكاديمي كمدرس او استاذ في الجامعة او كان بيشتغل في المجال العملي ...
والكلام ده على كل مستوى دول العالم ودول كتير طبقت معايير صارمة بخصوص القضية دي تحديدا زي بريطانيا والمانيا وهولندا واليابان
وده جزء من تعريف كلمة دكتور عالميا :
Doctor, as a title, originates from the Latin word of the same spelling and meaning.[1] The word is originally an agentive noun of the Latin verb docēre [dɔˈkeːrɛ] 'to teach'. It has been used as an honored academic title for over a millennium in Europe, where it dates back to the rise of the first universities. This use spread to the Americas, former European colonies, and is now prevalent in most of the world. Abbreviated "Dr" or "Dr.", it is used as a designation for a person who has obtained a doctorate-level degree.

يلاحظ في المستشفيات و المراكز الصحية الحكومية و الأهلية وجود ألقاب للأطباء غير صحيحة و تخدع المريض و توهموه أن داخل على شخص قضى عمره في دراسة مهنه الطب في أي تخصص ! ! ! بينما الحقيقة أن المريض يدخل على شخص أنهى دراسته الجامعية ( البكالوريوس ) في مجال الطب في أي تخصص حتى أصبح ( طبيبا ) لديه العلم الفعلي لحاجه المريض و لا يجب أن نسميه ( دكتور ) و يوضع قبل اسمه حرف ( الدال ) و هو بعيد كل البعد عن هذه الصفة ! ! ! !

إن تسميتنا للطبيب بـــ ( دكتور ) إنما هو إنقاصا لمن يحمل شهادة الدكتوراه في الطب و في كل المجالات الأخرى و لمن امضي عده سنوات من عمره – بعد إنهائه الجامعة – لتكملة مشواره التعليمي في الطب و غيره حتى حصل على هذا اللقب المستحق ..

إذا كيف يتم السماح للأطباء بوضع لقب ( دكتور ) في عيادته أو ختمه الرسمي أو البروشرات التي توزعها المستوصفات الأهلية أو التي يتم الإعلان عنها في الصحف ؟؟؟

أليس هذا يدخل في نطاق ( التزوير ) المحرم شرعا و الممنوع نظاما ؟؟؟ متى يتم تصحيح هذا اللقب و إعطائه لمن يستحقه فعلا و ممن حصل على شهادة الدكتوراه فعليا ؟؟؟
أليس هذا يعتبر ( انقاصا ) للدكاترة الفعليين ؟؟؟

[همس الرومانسيه]

على فكرة ايه ده كل دي مشاهدات ومحدش بيشاركنا .... بلاش بقى نبعد عن الحقيقة ونرفض ديما كده لازم نقر ونعترف اننا فعلا غلطانين في النقطة دي ولا ايييه ؟؟؟
وبالصدفة من كام يوم لقيت مكتوب في الكلية على ورق اعتماد لمعيدين حصلوا على الماجستير مكتوب
حصل ط / فلان الفلاني على درجة الماجستير لكن طبييييييييييييييييييب واختصاره ط
يعني حتى اعضاء هيئة تدريس وعلى وشك التسجيل للدكتوراه ويمكن سجلوا فعلا وكل ده ومش من حقهم لقب الدكتور
لكن فعلا لما يتقال للواحد دكتور وهو محصلش على الدكتوراه لما ياخد الدكتوراه هيحس بااااااااااااااااااايه ؟؟؟؟ ايه الفرق يعني بقى في اللحظة دي ؟؟!!!!!!
المهم بقى انا قولت الناس تشاركنا في الموضوع ده ونخلي روحنا ريااااااااااضية

[brave st]

يا عم فكك من كل دا

[babagamil]

على فكره انا معاك تماما بس ياهمس احنا فى مصر هههههههههه ومصر دى امى وكل سنه وانتى طيبه ياست الحبايب

[mimido2000]

شكلك تعب شويه

[mac gyver]

معاكي يا همس ،