ما هى احسن كلية ادبية من حيث الشغل ؟؟؟

[creative1]

المشاركة الأصلية كتبت بواسطة salma tiger

دلوقتى يا جماعة انا الحمد لله جبت97% فى الثانوية وانا ادبى مش علمى فالكليات المتاحة ليا محدودة والفكرة انى كنت ناوية على السن او اعلام بس عندى مشكلة والدى رافض فكرة السفر لانى للاسف هاضطر اسافر للقاهة عشان انا من المنوفية فادلوقتى انا فى حيرة شديدة هل اتحدى وادخل الى انا عاوزاه ولا اتوكل على الله واختار كلية فى المحافظة عندى معلشوا طولت عليكم بس انا عندى استفسار لوقتى انا قررت انى هدخل تجارة انجلش لانى مش حابة الاداب ولا التربية فهل يا ترى دى مستقبلها حلو بالنسبة لى وايه المواد الى بندرسها فيها وهى بتبقى كلها رياضة نظرا لانى ضعيفة فيها شويا ولا عادى يعنى وتفتكروا ايه الاحسن ارجو الاهتمام بالموضوع واسفى على الاذعاج

اولا الف مليون مبروك ع مجموعك دا ماشاء الله كليات القمه بتاع ادبي ف ايدك

حكايه السفر دي انتي مش هتسافري كل يوم هتسكني ف المدينه الجامعيه وهيا كويسه الي حد ما
نصيحه ادخلي اللى اتي حباه وعاوزاه علشان بعد كدا مش تندمي واعتقد الفيوم مفهاش كليات قمه ادبيه فتوكلي ع الله وانتى قدامك سياسه واقتصاد واعلام والسن شوفي كليه من دول بس نصيحه سياسه واقتصاد انجلش جامده جدا لو جتلك مش تضيعيها وقدامك اعلام شغلها حلو للبنات والسن جمليه جدا
تجاره كلها حسابات وانتى بتقولي ضعيفه فيها فبلاش منها هيا مستقبله حلو .. بالتوفيق

[الكولونيل]

المشاركة الأصلية كتبت بواسطة Rambo_Uranium

من رأى المتواضع ان الاقتصاد والعلوم السياسيه اكتر كليه ادبيه فيها شغل
بعدها على طووووووووووووووووووووووووول
كليه السياحه والفنادق

طيب ايه هو طبيعة الشغل؟؟؟؟؟؟؟؟؟؟؟؟؟؟؟؟؟
:e xcl:

[دندون مصطفى]

يا جماعة صحيح التربية العام نازل فيها تكلفة يعنى اى حد يخرج من الكلية هيشتغل عالطول ولا الكلام ده مش صح

[المتفائله...]

المشاركة الأصلية كتبت بواسطة دندون مصطفى

يا جماعة صحيح التربية العام نازل فيها تكلفة يعنى اى حد يخرج من الكلية هيشتغل عالطول ولا الكلام ده مش صح

صحيح هذا الكلام

[منـ الله ــة]

اقتصاد وعلوم سياسية والله أعلم .. كله دلوقتي بالواسطة :\

[الـشـيـمـ ء ـا]

المشاركة الأصلية كتبت بواسطة عمرو الزيرو

السلام عليكم ايها القوم

موضوع لذيذ بس مفيش تفاعل او اب ديت

اولا انا خريج كليه الالسن قسم المانى ولغه تانيه انجلش

وطبعا نزلت سوق العمل وعرفت مين اللى مطلوب ومين اللى مش مطلوب

بصوا هجبلكم من الاخر

تجاره انجلش اول ناس بتشتغل فى الشركات والبنوك ولو الزمن يرجع بيا كنت هخشها

ثانيا السن باقسامها ولكن اللى يتخرج كويس فى اللغه هو ده اللى فرصته بتبقى جباره وبياخد مرتب مش اقل من 2800 جنيه وده اقل مرتب بس يكون كويس فى لغه تخصصه ومجاله
مش سياحه بس زى مشفت رد من عضو بتاع سياحه لسه نيو ميعرفش حاجه
بتوع لغات شغلهم مش قاصر على السياحه لالالا لان ده قصر فهم
بتوع لغات ليهم سياحه
او اتخن شركه
اتخن بنك
القريه الذكيه
اكسيد
فودافون
موبنيل
اتصالات
اى مكان الاولويه بيكون لبتاع لغات

اما اقتصاد وعلوم سياسيه فاللاسف كليا اسم فقط ومحدش منهم بيشتغل
اما حكايه ايه يتعين فى سفاره او يكون سفير فده ضرب من الاحلام

اما لو راح قدم فى بنك ولا حاجه فبيفضلوا بتاع تجاره انجلش
صراحه كليه فكسانه لان شفت الخريجين منها فى مجال شغلى معندهمش اى امكانيات

بتوع السن نصيحه... متتخرجش من الكليه الا وانت لغه التخصص بتاعتك 90% لسننج وسبكينج
تاخد بقه كورس
تروح تمارس
تعمل اى حاجه
ولو وصلت للمرحله دى هتروح تقدم فى اتخن شركه

عندنا فى القريه الذكيه فى بروجكتات المانى مثلا بيجروا وراء واحد بيتكلم المانى كويس ومرتب مش بيقل عن 3800

بس خلونا نقول اللى لينا واللى علينا
اغلبيه الناس بيتخرج من السن ضعيف فى تخصصه

ربنا معاكم

بجد ردك رائع حببتنى فى الكلية جدا و انا لسا هدخلها وا ن شاء الله اذاكر كويس
انا كنت زعلانه انى ملحقتش سياسة واقتصاد واعلام على حاجات بسيطة بس دلوقتى قلت الحمد لله من قلبى

[Ice Princess2020]

انا شايفة احسن حاجة السن واقتصاد وعلوم سياسية

[babel2013]

انا شايفه سياحه وفنادق لان هى بتطلب ناس كتييييير دايما

[smart5533]

انا بقى شايفه تربيه كله ده فى الاخر بيدور على مدرسه يشتغل فيها السن اثار هندسه كله كله بس بتفرق بقى طبعا خريج تربيه بيكون ليه الاولويه ولا ايه ؟

[البطل السيناوي]

التربية طبعا

[..: Pink rose :..]

كلية السن ..

[طارق أمين]

واللهي يا جماعة انا أتلغيط وماعارف اقول إيه غير إن الله هو الهادي وكل واحد مكتوب له حاجة هيخدها سواء كان فألسن أو سياسة وأقتصاد أو إعلام أو اي كلية تانية وربنا يوفقنا ويوفقكك يارب