"ملتقى طلاب 3 ثانوي"

[AHMED 00]

انا خدت الباب الثانى فى الاستاتيكا وفعلا فيه مسائل رخمة واضطريت انزل قوانين بتاعت اعدادى وهيا فى المرفقات للى عايزها

أنا شايف أصعب حاجة فى الmechanics كلها .. Chapter 2 فى statics ... باقى الاستاتيكس لووز

كل المدرسين بيقولوا كده
هو فعلا افكاره جامدة

طب تماااااااااام طمنتونى على الباقى

بالمناسبة حد خد خواااااص المحددات فى الجبر ؟؟؟؟
اعتقد ان السؤال بتاعها بيبقى ارخم سؤال فى الجبر .. ملهاش خطوات ثابتة تمشى عليها انتا بتقعد تجررررب مع نفسك وبتعتمد على قوة الملاحظة ..

[ahmed doula]

welcome back + like

[karimadel7]

المشاركة الأصلية كتبت بواسطة ahmed 00

انا خدت الباب الثانى فى الاستاتيكا وفعلا فيه مسائل رخمة واضطريت انزل قوانين بتاعت اعدادى وهيا فى المرفقات للى عايزها

طب تماااااااااام طمنتونى على الباقى

بالمناسبة حد خد خواااااص المحددات فى الجبر ؟؟؟؟
اعتقد ان السؤال بتاعها بيبقى ارخم سؤال فى الجبر .. ملهاش خطوات ثابتة تمشى عليها انتا بتقعد تجررررب مع نفسك وبتعتمد على قوة الملاحظة ..

بص الدرس ده زي ما بتقول بالظبط
انا عندي كتاب لامي فيه 60 مسأله عليه
انا حليتهم كلهم و الافكار اللي كانت مضايقاني شوفت حلولها
من ساعتها و الدرس ده زي الفل معايا و بقيت اتوقع طريقة الحل قبل ما ابدأ
و مبقتش اضايق منه
و علي فكرة ديه اصعب مسأله في الجبر بصفة عامة

[ahmed doula]

المشاركة الأصلية كتبت بواسطة Karamullah

أنا شايف أصعب حاجة فى الmechanics كلها .. chapter 2 فى statics ... باقى الاستاتيكس لووز

المشاركة الأصلية كتبت بواسطة karimadel7

كل المدرسين بيقولوا كده
هو فعلا افكاره جامدة

طب كويس انا خلصته اصلا وقفت معايا 3 او 4 افكار بس والله لو جم فى الامتحان مانا حاللهم بس هه هو اصلا فى سوال اختيارى عادى بقى عرفته عرفته معرفتوش مش هحاول

لكن لو على كلامكو الباقى سهل يبقى خلاص مفيش مشكله الواحد هيذاكر كده وهو مبسوط

المشاركة الأصلية كتبت بواسطة AHMED 00

انا خدت الباب الثانى فى الاستاتيكا وفعلا فيه مسائل رخمة واضطريت انزل قوانين بتاعت اعدادى وهيا فى المرفقات للى عايزها

طب تماااااااااام طمنتونى على الباقى

بالمناسبة حد خد خواااااص المحددات فى الجبر ؟؟؟؟
اعتقد ان السؤال بتاعها بيبقى ارخم سؤال فى الجبر .. ملهاش خطوات ثابتة تمشى عليها انتا بتقعد تجررررب مع نفسك وبتعتمد على قوة الملاحظة ..

شكرا ع الملف يا برنس

ولسه اعتقد كده هاخد الباب ده بعد ماخلص الهندسه والتفاضل يعنى لسه بدرى اوى عليا ههههه

[ahmed doula]

المشاركة الأصلية كتبت بواسطة karimadel7

بص الدرس ده زي ما بتقول بالظبط
انا عندي كتاب لامي فيه 60 مسأله عليه
انا حليتهم كلهم و الافكار اللي كانت مضايقاني شوفت حلولها
من ساعتها و الدرس ده زي الفل معايا و بقيت اتوقع طريقة الحل قبل ما ابدأ
و مبقتش اضايق منه
و علي فكرة ديه اصعب مسأله في الجبر بصفة عامة

بص هما 6 مسائل فى الجبر هيجى منهم 2 على كل باب تحل منهم 4 بس بطريقه تبادليه بحيث لازم تحل مساله على الاقل على كل باب هههههه

اما لو المسائل سايحه على بعضها كان الواحد ساب الباب الاخير ده مزاكروش وحل ال 4 بتوع اول بابين وخلاص

نقول ايه بقى اللى حاطط الامتحان بياخد فلوس عشان يحط علينا

[einstien]

هو دة صراع الحضارات

[karimadel7]

المشاركة الأصلية كتبت بواسطة ahmed doula

بص هما 6 مسائل فى الجبر هيجى منهم 2 على كل باب تحل منهم 4 بس بطريقه تبادليه بحيث لازم تحل مساله على الاقل على كل باب هههههه

اما لو المسائل سايحه على بعضها كان الواحد ساب الباب الاخير ده مزاكروش وحل ال 4 بتوع اول بابين وخلاص

نقول ايه بقى اللى حاطط الامتحان بياخد فلوس عشان يحط علينا

بص اخر فصل في الجبر بيجي عليه مسالتين
و الغريب ان واحدة هي اسهل مساله في الامتحان و واحدة اصعب مساله في الامتحان
بس فعلا المساله الصعبة بتحتاج تفكير ملهاش خطوات ثابتة

[zamalek1]

الاحسن
لامى ولا المعاصر فى الرياضة

[THE CodeR]

بصوا يا جماعة انا هقولكم العبارة اللي في المنهج كله
بالنسبة للتفاضل : ده اهم فرع يعتبر عندنا السنة دي من حيث الاستخدامات بعد كده
التفاضل ده تطبيقاته مش كتير لكن بيستعمل بعد كده في دلالات مختلفة شوية عن اللي متعودين عليها ، أما التكامل ده بقي فتطبيقاته كتييييييييييييييييييييييييييييييييير جداً جداً في الكلية و بعد كده
يمكن اول تطبيق تحسوا بيه في التفاضل هو المعدلات الزمنية المرتبطة و الدرس التاني بتاع التطبيقات
بصوا يا جماعة تطبيقات التفاضل بشكل عام اربعة :
1- ايجاد قيم تقريبية للدوال (و ده في شغل متسلسلات و هو اللي بيتجيب الالة من خلاله الدوال المتسامية زي الجا و الجتا و اللوغاريتم و الدالة هـ او e )
2- ايجاد قيمة تقريبية للدالة عند نقطة و دي فيها شغل
3- حساب الفيم العظمي و الصغري للدالة (و دي تطبيقاتها بالعبيط في الفيزياء والرياضيات حتي في تجارة )
4- البحث عن جزور المعادلات يعني حل المعادلات
و برضه في فرع اسمه التفاضل الجزئي اللي هو بيدرس تفاضل دالة ذات اكثر من متغير مستقل ... مش عندنا في الثانوية خالص ده
اما بالنسبة للتكامل هتكلم عن مباحث هذا العلم :
1- في ايجاد مساحات الاشكال المستوية
2- في ايجاد القيمة المتوسطة لدالة عند منطقة او نقطة
3- في الاحجام
4- في اطوال المنحنيات المستوية
5- في مساحات السطوح الدورانية
6- في حساب مركز الثقل (موجود في المستوي الرفيع لكن مبسط )
7- في ايجاد عزم القصور الذاتي لجسم
8- في حساب ضغط السوائل علي السطوح المستوية
9- قانون الربح المركب (تجارة )
10- في الميكانيكا
بالاضافة الي معادلات الانحلال الاشعاعي و الانقسام النووي و امتصاص الضوء و نظرية التذبذبات و في نظرية الحركة للغازات و الدوائر الكهربية و اخيراً في المعادلات التفاضلية اللي هي تعتبر احد اكبر و اصعب فروع الرياضيات (دي بتاعت الكبار بقي )
و زي ما في تفاضل جزئي في معادلات تفاضلية جزئية ... و دي بقي للناس اللي شرخت بقي في الرياضة عقبالنا كده
ده بالنسبة للتفاضل و التكامل
اما بالنسبة للجبر
التباديل و التوافيق استعمالها عشان ذات الحدين في اغلب الاوقات
و ذات الحدين بقي اللي هي تعتبر فرع كبير اوي من الجبر العالي و النظريات اللي اتحطت فيها و ايجاد جذورها
يعني مثلاً هتعرفوا بعد كده ان في عالم اسمه آبل اثبت من خلال المتسلسلات استحالة وجود قانون عام لحل المعادلات لدرجة اكبر من اربعة
ااما بالنسبة للمعادلات الثلاثية و الرباعية فليها حلول يعني
اما الاعداد المركبة فتطبيقاتها مش كتير بصراحة و اللي احنا درسناه منه يعتبر جزء كبير يعني لا بأس به
اما بالنسبة للمحددات فتطبيقاتها كتير
مش من ناحية المباحث بس مستعملة كتير قدام في الفيزياء و في شغل التجاريين برضه
بالنسبة للميكانيكا بقي
الميكانيكا في الاصل 3 فروع : استاتيكا و كينماتيكا و ديناميكا
الاستاتيكا : دراسة الاجسام الثابتة و المتوازنة
الكينماتيكا : في دراسة هندسة حركة الاجسام المتحركة
الديناميكا : في دراسة خصائص الاجسام المتحركة
الاستاتيكا بقي يا سيدي
اللي احنا اخدناه منه يعتبر حوالي 60 صفحة من الاستاتيكا (كان عندي مرجع حوالي 600 صفحة فيها و كانوا دول يادوب 60 بس )
شغل المتجهات مهم مهم مهم جداً يا جماعة دلوقت و بعد كده
المتجهات حاجة اساسية زيها زي ذات الحدين و التفاضل
و مش هتكلم عن كل باب في الميكانيكا عشان مطولش عليكم ولو اني طولت فعلاً
اما الديناميكا فمسلية اوي يا جماعة بحسها شوية لعب في المعادلات يعني الحمد لله
اما الهندسة الفراغية .... فمعرفش عنها اي حاجة
ركزوا اكتر علي مسائل كتاب المدرسة عشان هي اصعب من التقويم .... و بإذن الله ربنا هيكرمنا كلنا إن شاء الله

المشاركة الأصلية كتبت بواسطة einstien

هو دة صراع الحضارات

تعال بقي ياعم صراع الحضارات انتا
خد بالك معايا يا أينشتاين
من اللي قلته فوق هتركز علي التفاضل و التكامل بزيادة
و تركز علي شغل المتجهات اوي لان التنسورات في النسبية العامة عبارة عن مصفوفة من المتجهات و كذلك التنسورات الفائقة
و تاخد بالك من المحددات لانها مستعملة بكثرة في نظرية الكم لو حبيت تخوض فيها
ولو ربنا كرمك و اخدت مستوي رفيع رياضة افضل لان فيه حتة التكامل بالتعويض دي و بصراحة مفيدة جداً جداً
و ربنا يوفقك و يوفقنا

[بقايا قلب]

يااااااااااااااه بقالى فترة مدخلتش هنا....
يلا شوية بقى........
واحد رخم شاف واحده حلوه أووووووي ...
.
قالها: على فكره إنتي ربنا إداكي كل حاجه ما عدا حاجه واحده

قالتله إيه ؟؟
...
.
.
.
.
قالها : رقم موبايلي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

مره مدير مدرسة ومساعده لبسوا قناع وسألوا طالب كيف المدير والمساعد معك؟؟؟؟؟

قالهم : الاثنين زفت .
.
.
... ... ... ... ... ... ... .
.
كشفوا عن وجوههم !!!!!!!

قال :
.
.
.
والثلاثاء ملل.
.
.
.
والأربعاء تعب.
.
.
.
والخميس إرهاق.
.
.
.
والجمعة والسبت ما بصدق يخلصوا عشان اشوف المدير والمساعد! الله يطول عمرهم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

للأسف فى ناس كتييييير اوى ميعرفوش مين هو ابن سينا ؟؟
.
.
.
.
... .
.
.
.
.
.
.
.
اكيد جون سينا يا مثقفين يا بتوع المدارس

واحد راح يقدم لوظيفة في شركة فلما دخل عندهم سألوه

متى يكون حاصل ضرب 3 × 3 = 10؟؟
... ... فقال: عندما تكون الإجابة خاطئة

... ... ... قالوا: ما هو الشيء الذي له أكثر من جناح ولا يطير؟
قال: الفندق
قالوا: ما هو الشئ إذا أكلت نصفه تموت ، وإذا أكلته كله ما يضرك شي؟
قال: سمسم
قالوا: من هو الرجل الذي يستطيع أن يقف على الأرض ورأسه فوق النجوم ؟
قال: الضابط

قالوا : ما هو الشيء الذي بدونه لا تستطيع أن تحصل على الوظيفة في مصر ؟
قال: الواسطة

قالوا: و هل هي عندك ؟
قال : لا

قالوا : طيب، اقفل الباب وراك
وإنت طالع!!!

ــــــــــــــــــــــــــــــــــــــــــــــــــ ــــــــــــــــــــــــــــــــــــ

طالب كتب في ورقة الامتحان :
.
.
.
.
... ... .
.
.
.
(( صمتي لا يعني جهلي .. و لكن ما يدور حولي لا يستحق الكلام ))

فذهب ليرى نتيجته فوجد عبارة بجانب اسمه :
.
.
.
.

(( رسوبك لا يعني فشلك , و لكن خفة دم أهلك .. هي اللي جابت أجلَك ))

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

-> لا يهمني من يتكلم
^ من وراء ظهري ^

^~ فيكفيني ~^
... ... ....
... .
.
.
.
.

أنه يخرس عندما يلمح قدمي

علم الغيب

ذهب رجلٌ إلى إحدى المنجِّمات
فقالت له: إذا وهبتني عشرة آلاف أطلعتك على الحوادث التي تنتظرك
في المستقبل.
فأجابها الرجل: لو كنتِ بارعةً في علم التنجيم لعرفتِ
أنني لا أملك في جيبي إلا جنيهًا واحدًا!.

ــــــــــــــــــــــــــــــــــــــــــــــــــ ــــــــــــــــــــــــــــــــ


الصداقه هي
:

.
.
... ... ... ... ... لو كنت مهموم ... انا معاك
.
لو كنت مجروح ... انا معاك
.
لو كنت مخنوق ... انا معاك
.
لو كنت قرفان ... انا معاك
.
لو كنت حزين ... انا معاك
.
.
.
.
.
.
.
.
لو عايز فلوس ... ربنا معاك

عوده قويه يا كتوره

[نرجس 1]

شكررررررررررررررررررررا

[ahmed doula]

المشاركة الأصلية كتبت بواسطة نرجس 1

شكررررررررررررررررررررا

لالالالالالالالالالالالا

[ahmed doula]

مبروك للأهلى الخسارة بالماتش أمام بايرن


انتوا فاكرين ان الاهلى خسر !!..لا بالعكس..أبسلوتلي
الاهلى جاب جونين "واحد بقدم أحمد السيد و التاني بقدم محمد بركـات"

[TheMobiler]

المشاركة الأصلية كتبت بواسطة ahmed doula

مبروك للأهلى الخسارة بالماتش أمام بايرن


انتوا فاكرين ان الاهلى خسر !!..لا بالعكس..أبسلوتلي
الاهلى جاب جونين "واحد بقدم أحمد السيد و التاني بقدم محمد بركـات"

أحمد السيد فى أخر تصريحاته :

الحقيقة أنا كان نفسى ألعب فى نادى البايرن من زمان !

والحمد لله أمنيتى إتحققت

[karimadel7]

مفيش حاجة اتغيرت بعد الثورة

احمد السيد لسه بيجيب اجوان في نفسه

انا نازل يوم 25 يناير
مين معايا ؟؟؟