ـ إيه دخل الدين بس ؟؟ ـ

[T!to]

السلام عليكم و رحمة الله و بركاته ,


النهاردة إن شاء الله عاوزين نتكلم عن عادة مشهورة عند ( الإسلاميين ) ,
و هي إن كل ما حد يتكلم في موضوع يقولوا له :
" قال الله و قال الرسول " , " أصل الإسلام بيقول كذا " , " أصل الدين بيقول كده "

حتى لو الموضوع مش ديني خالص ,
كأن يكون في السياسة مثلا أو الاقتصاد أو أي حاجة تانية عادية في الدنيا
يعني بيحاولوا يدخلوا الإسلام في كل حاجة ,


لكن بعد الفحص و التمحيص ,
اتضح إن دي مش حاجة في الإسلاميين ,
لأ
دي حاجة في الإسلام نفسه !!
و بيسموها في الكتب : شمولية الإسلام
يعني إن ( الإسلام شامل كل حاجة )

زي ما ربنا بيقول :
{ قُلْ إِنَّ صَلاَتِي وَنُسُكِي وَمَحْيَايَوَمَمَاتِي لِلّهِ رَبِّ الْعَالَمِينَ } [ الأنعام : 162 ]


يعني الإسلام بينظم كل حاجة في الحياة ,
سواء كانت دينية : { صلاتي و نسكي } , أو دنيوية : { محياي }
على عكس الأديان التانية اللي بتنظم أمور العبادة فقط ,

تظبيط مدونة تظبيط
و على فكرة حكاية شمولية الإسلام دي كانت غايظة غير المسلمين من أيام زمااااان برضو
فالمشركين مرة جاءوا لسيدنا سلمان الفارسي يقولوا له هو محمد ده عمال يكلمكم على كل كبيرة و صغيرة ؟
حتى آداب دخول الخلاء ؟؟

" قد علمكم نبيكم صلى الله عليه وسلم كل شيء ؟ حتى الخراءة ؟
فقال : أجل , لقد نهانا أن نستقبل القبلة لغائط أو بول ,
أو أن نستنجي باليمين ,
أو أن نستنجي بأقل من ثلاثة أحجار ,
أو أن نستنجي برجيع أو بعظم ."

[ الراوي: سلمان الفارسي -المحدث: مسلم -
المصدر: صحيح مسلم - الصفحة أو الرقم: 262
خلاصة حكم المحدث: صحيح ]

يعني صلى الله عليه و سلم كان بيعلمهم كل حاجة ,
لدرجة تعليمهم آداب دخول الخلاء ,

علشان كده سيدنا أبو ذر لما يقول :
" تركنا رسول الله صلى الله عليه وسلم وما طائر يقلب جناحيه في الهواء إلا وهو يذكرنا منه علما "
لما يقول إن مافيش حاجة إلا و الرسول صلى الله عليه و سلم كلمنا عليها ,
حتى الطير اللي بيطير في الجو
يبقى مش بيبالغ ,



و موضوع شمولية الإسلام ده عامل أزمة عند العلمانيين و الليبراليين و أصحاب الأفكار الغربية ,
هم عاوزين يخلوا الدين يختص بالعبادة فقط و مالوش دعوة بالحكم و لا السياسة و لا الأحوال الشخصية و غيرها ,
لأن في أوروبا - منشأ الأفكار دي - الدين في الكنائس بس , و مالوش دعوة بباقي مناحي الحياة ,
لكن الحاجة اللي ما أخدوش بالهم منها إن الإسلام مش زي النصرانية ,

هم لما يخلوا دينهم في الكنائس بس , يبقوا مش بيخالفوا دينهم
إنما احنا لو خليناه جوه المساجد بس يبقى خالفنا ديننا اللي بيقول لنا لازم يبقى في جميع مناحي الحياة ,



هم لما يألفوا قوانين من دماغهم يحكموا نفسهم بيها , يبقوا مش بيخالفوا دينهم ,
لأن دينهم لم يعطِ لهم قوانين ليحكموا نفسهم بيها
إنما إحنا لما نألف قوانين وضعية نحكم نفسنا بيها ,
نبقى بنخالف ديننا , لأن ديننا عامل لنا قوانين نمشي عليها

فإحنا بنقول للجماعة أصحاب الأفكار الغربية : يا جماعة افهموووونا ,


احنا لو طبقنا العلمانية بتاعتكم و فصلنا الدين عن الحياة نبقى بنخالف ديننا و بنرتكب محرم
إنما الأديان الأخرى لو فصلتها عن الحياة مافيش فيها أي مشكلة

و لو طبقنا الليبرالية بتاعتكم و خلينا حرية الفرد مطلقة و غير مقيدة بشرع أو دين نبقى بنخالف ديننا
إنما الأديان الأخرى مش فارقة معاها

لأن ديننا زي ما قلنا مختلف عن الأديان التانية في إنه ( داخل في كل حاجة ) ....
شاااااااااااااامل .

{ قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ }

م د و ن ة ت ظ ب ي ط

[maths city teacher]

موضوع جميل ... ومش شايف اى تعارض ع الاقل معايا ...... بس لما تيجى تمارس سياسه مش شرط بقى تكون مسلم وبس لازم مهارات تانيه ولا انت مش معايا
يعنى انا تعبان وعايز اروح لدكتور يعالجنى مش حاروح للشيخ يعالجنى لازم اروح لمختص

الشىء لزوم الشىء والليبراليه تختلف من شخص لاخر انا ليبراليتى تتوقف عند الاسلام اى حاجه اعملها وانا حر مالم تتعارض مع نص ثابت فى القرأن او السنه ( فى مشكله فى دى )
لازم نتفق ان المفروض ماحدش يتشدد برايه لان حتى النصوص القرأنيه ليها تأويلات متعدده ومادام مش بتعمل اى حاجه حرااام او تضر بنفسك او غيرك ايه المشكله
المشكله فى المنتدى ده او بمعنى اصح فى السلفيين تحديدا انهم مش بيحاولوا او يحاولوا يسمعوا لحد دول عالم كانت عايشه فى كوكب المريخ وربنا كرمهم ونزلوا كوكب الارض ما حدش كان بيعارضهم ولا بيقولهم بم اللى عايزينه بيعملوه مش واخدين على مناقشه ( لا تناقش ولا تجادل يا اخ على ) فالمعامله معاهم صعبه شويه انا التمس ليهم العذر جدا عكس الاخوان الحريفه

المنتدى بيلف ويدور فى حلقه مفرغه فرقتين ولازم حد يكسب والمشكله ان مفيش مكسب دى حتبقى خساره للاتنين
دمتم بخير

[T!to]

المشاركة الأصلية كتبت بواسطة maths city teacher

موضوع جميل ... ومش شايف اى تعارض ع الاقل معايا ...... بس لما تيجى تمارس سياسه مش شرط بقى تكون مسلم وبس لازم مهارات تانيه ولا انت مش معايا
يعنى انا تعبان وعايز اروح لدكتور يعالجنى مش حاروح للشيخ يعالجنى لازم اروح لمختص

الشىء لزوم الشىء والليبراليه تختلف من شخص لاخر انا ليبراليتى تتوقف عند الاسلام اى حاجه اعملها وانا حر مالم تتعارض مع نص ثابت فى القرأن او السنه ( فى مشكله فى دى )
لازم نتفق ان المفروض ماحدش يتشدد برايه لان حتى النصوص القرأنيه ليها تأويلات متعدده ومادام مش بتعمل اى حاجه حرااام او تضر بنفسك او غيرك ايه المشكله
المشكله فى المنتدى ده او بمعنى اصح فى السلفيين تحديدا انهم مش بيحاولوا او يحاولوا يسمعوا لحد دول عالم كانت عايشه فى كوكب المريخ وربنا كرمهم ونزلوا كوكب الارض ما حدش كان بيعارضهم ولا بيقولهم بم اللى عايزينه بيعملوه مش واخدين على مناقشه ( لا تناقش ولا تجادل يا اخ على ) فالمعامله معاهم صعبه شويه انا التمس ليهم العذر جدا عكس الاخوان الحريفه

المنتدى بيلف ويدور فى حلقه مفرغه فرقتين ولازم حد يكسب والمشكله ان مفيش مكسب دى حتبقى خساره للاتنين
دمتم بخير

حبيبى ماث اهدى بس اولا انته عاجبنى من ساعت مارجعت ردودك منطقية وهادئة لكن حاسس ان بدات تبقى زى الاول وتضايق ومش هفهم منك حاجة !! وانا بقولك لو تعبان روح لشيخ !! وانا اعلم جيدا ان الليبرالية بتختلف من شخص لاخر واذا كانت ليراليتك انت حر مادام لم تخالف القران والسنة فانا ليبرالى مثلك xd لكن اللى شايفينوا عكس كده خالص مابالك لسه لم تقنن رسمى !! والسلفيين كانوا فى المريخ يعنى ناس متقدمة هههههههه لا هماكانوا فى المريخ اللى تحت الارض والصورة بتاعت لاتناقش ولا تجادل رسمها التلفزيون والاعلام للاسف حاطين نفسنا فى حاجز مع الناس ده بسبب التشويه ليهم ! وحتى اللى بيعرض وجهة نظره على المنتدى تحس انه داخل بيهاجم ويتخانق ولما يترد عليه .. يقولك اهم التكفريين ههههههه عاوزين حوار من اجل الاستفادة شكرا لمرورك الكريم فكر فى مرة تتعرف عليهم وتناقشهم ونقرب وجهات النظر ..

[T!to]

الجهاز فيه مشكلة عشان كده الرد اتلخبط بس هتفهم ان شاء الله ههههه

[maths city teacher]

المشاركة الأصلية كتبت بواسطة t!to

الجهاز فيه مشكلة عشان كده الرد اتلخبط بس هتفهم ان شاء الله ههههه

يا سيدى على قدنا بنفهم برضه ......... بكره بقى بعد المدرسه نقراه ونرد بروقااااااان .... انا اصلا لا حاتعصب ولا انرفز نفسى انا فقط امارس حقى الدستورى وحقى كانسان حر انى اعبر عن رأيى بكل حريه ما دمت لا اسب او اتجاوز فى حق احد
شاكرين الرد وعلى فكره برضه انا اسمى مستر حماده وكلمه ماثز دى معناها رياضيات مش حاجه وحشه اهههههههههه

[maths city teacher]

ده انا تكويت منهم كتير تعرف ان ايميلى ماثز سيتى الاصلى اتوقف 3 مراات من غير اى سبب رايى مش على هواهم ... واخر مره دخلت بكل ادب واتكلمت عادى وقف لمده عااااااااااااااااااااااااااااااااااااااااااام تعرفش انت بقى مين اللى بيتعصب وبيعمل حاجات غريبه

[aymaan noor]

جزاك الله خيرا و بارك الله فيك على هذا الموضوع الرائع

[mahmouedr]

أنت أستاذ ترفع لك القبعة
بس هم اللى مش عايزين يفهموا

[T!to]

المشاركة الأصلية كتبت بواسطة maths city teacher

يا سيدى على قدنا بنفهم برضه ......... بكره بقى بعد المدرسه نقراه ونرد بروقااااااان .... انا اصلا لا حاتعصب ولا انرفز نفسى انا فقط امارس حقى الدستورى وحقى كانسان حر انى اعبر عن رأيى بكل حريه ما دمت لا اسب او اتجاوز فى حق احد
شاكرين الرد وعلى فكره برضه انا اسمى مستر حماده وكلمه ماثز دى معناها رياضيات مش حاجه وحشه اهههههههههه

انا اقصد على الكلام
مش عليك انته ياجميل
انته ابو المفهومية

[NazeeH]

لافض فوك

عفارم عليك


ولمن لا يعرف معنى كلمة «عفارم»
أقول إنها لفظ تركي كنت أسمعه زمان من أبي وأعمامي
.. وتعني طيب .. أو جيد .. أو برافـــو.. إلى آخره.

[لوجين20]

الله عليك
سنك كام عشان تعلمنا الكلام ده ؟
بجد
نرفعلك القبعه
احلى تحيه لصاحب احلى توبيك

[جهاد2000]

سلمت يداك وسدد رب الكون خطاك .

وربنا يحميك ويحفظك ياطاهر .

[T!to]

المشاركة الأصلية كتبت بواسطة لوجين20

الله عليك
سنك كام عشان تعلمنا الكلام ده ؟
بجد
نرفعلك القبعه
احلى تحيه لصاحب احلى توبيك

تسلمى من كل سوء على كلامك
جزاكم الله خيرا على المرور
+
التوبيك مش كتابتى
نرجو الدعاء لصاحبه
+
السن مش مقياس
بس انا عايش بقالى كتير

[T!to]

المشاركة الأصلية كتبت بواسطة mahmouedr

أنت أستاذ ترفع لك القبعة
بس هم اللى مش عايزين يفهموا

سلمتم من كل سوء
وبراك الله فيكم على المرور

[T!to]

المشاركة الأصلية كتبت بواسطة جهاد2000

سلمت يداك وسدد رب الكون خطاك .

وربنا يحميك ويحفظك ياطاهر .

حفظكم الله وسدد خطاكم
سلمتم من كل سوء
وبارك الله فيكم على المرور استاذة جهاد