(((((((((((((((((( ما هى مهنة الصيدلة ؟؟؟؟؟؟؟؟؟؟؟)))))))))))))))))))

[Dr. Hoda Ahmed]

ا

لسلام عليكم ورحمة الله وبركاته

عايزين نتكلم عن مهنة الصيدلة وعايزاكوا تساعدوني اننا ندي فكرة للجيل القادم واللي محتار اليومين دول في اختيار الكلية من اجل التنسيق
ولما جيت ابحث عن موضوع شامل ومختصر ممتع يتكلم عن مهنة الصيدلة ملقتش
علشان كده حبيت نضيف مع بعض بعض النقاط عن مهنة الصيدلة وتكون قصيرة وموجزة علشان احنا عارفين الجيل الجديد مش بيحب يقرأ
عايزين نديهم مقدمة عن مهنة الصيدلة ونعرفهم مميزاتها وعيوبها ومجالات العمل

انا هحاول اعمل كام نقطة ومستنية اضافاتكم وتعديلاتكم عليا

المقدمة

تعرف مهنة الصيدلة في عصرنا الحاضر بأنها تلك المهنة التي تهتم بفن علوم تحضير الأدوية من مصادرها الطبيعية والمشيدة معمليا" ، وذلك لاستخدامها في علاج الأمراض والوقاية منها والمساعدة على تشخيصها وطرق التعرف على الأدوية واختيارها ودراسة تأثيرها الدوائي وتحليلها ومعايرة فاعليتها للتأكد من مطابقتها للمعايير الدستورية العالمية ، كما تشتمل على الطرق المناسبة والآمنة لتوزيع المستحضرات الصيدلانية واستعمالاتها .

مميزاتها

1- تعطيك وضع اجتماعي جميل ومحترم
2- تساعدك على التعامل مع كل الفئات في المجتمع مما يعطيك ثقة بالنفس ويكسبك الخبرة بتعامل مع الناس
3- تساعدك ان تتقرب من مجتمعك سواء كان الشارع اللي فيه الصيدلية او الحي او المدينة
4- تكسبك معلومات كثيرة ومتجددة عن الدواء وتأثيره
5- الصيدلي جزء من مثلث الصحة لا يكتمل الا بوجوده

وعايزة اضيف كام نقطة عن مجال الادوية بس الكلمات مش حاضرة في دماغي لاني عايزة اتكلم اكتر عن الجزء العلمي الخاص بالمهنة

عيوبها :

1- احيانا يُرى الصيدلي على انه بقال او بياع فقط ولذلك لان بعض الصيالدلة بيتعاملوا مع مجال الادوية على انه تجارة فقط ويهتمون بتجميع الاموال دون الاهتمام بأحوال مرضاهم واضافة معلومة لكل روشتة ببتصرف

ومش عارفة بقية العيوب لاني لسه متخرجة واعتقد حضراتكم هتكونوا ادرى مني واعلم مني خبرة

مجالات العمل :

لقد تنوعت مجالات عمل الصيدلي لتشمل عدة مجالات منها :

1- صيدليات المستشفيات الحكومية . (التكليف ) ... وهو يعني استلام العهدة والمسؤلية عن الادوية في الصيدلية وصرف الروشتات
وعايزة شخص يتكلم شوي عن موضوع التكليف ده وانواعه وايه مميزاته وعيوبه

2- صيدليات المستشفيات الخاصة .

3- الصيدلة الإكلينيكية . وده مجال بدأ في الانتشار وهو مجال جميل جدا
ومن اهم مهام الصيدلي الاكلينكي
- حضور المرور على المرضى مع الفريق الطبي المختص.

- حضور المرور الأسبوعي على المرضى أو الندوات والمحاضرات المتخصصة.

- عمل مقابلات شخصية مع المريض للحصول على التاريخ الدوائي أو مناصحته عن طرق استخدام الأدوية الموصوفة له قبل خروجه من المستشفى.

- متابعة المرضى حيث يتعين عليه التفاعل مع أعضاء الفريق الطبي الآخرين بناءً على المعلومات التي يقوم بتحصيلها من ملف المريض.

4- الصيدلة الصناعية .

5- المختبرات الطبية الجنائية . (الطب الشرعي )

6- مراكز معلومات الأدوية والسموم .

7- مركز مراقبة الجودة على المستحضرات الصيدلية .

8- المكاتب العلمية لشركات الأدوية .
مش عارفة هنا يقصد بيها .. ميدكال ريب ولا ايه
وكمان عايزة انواع الشغل بخلاف الميدكال ريب في الشركات الادوية

آداب واخلاقيات مهنة الصيدله
http://www.jrms.gov.jo/Default.aspx?...********=ar-JO

لذا لاتنسوا زملائي الصيادله مدى اهميتكم في الحياة

ودي بعض المواقع التي تساعدك في فهم وتطوير نفسك في مجال الصيدلة

موقع الصيادلة اليوم
http://www.sayadla.com/vb/index.php
وبجد بحمد ربنا ان اني اتعرفت على موقع ده اول مادخلت صيدلة واتعلمت منه حاجات كتيييييير جدا في حياتي الدينة والعلمية والثقافية والاجتماعية

صيدلية الملاك ادوية بالعربي
http://www.elmalakrx.com/Arabic/for_...ts/secrets.htm
elkomykomy

[Dr\3beer]

عندى استفسار بسيط
التكليف فى الصيدله لسه موجود ؟ اظن انه موجود فى طب بشرى واسنان واتلغى من صيدله فارجو التوضيح
وليا عوده باذن الله للمشاركه فى موضوع التوبيك

[dr.agwa]

اولا شكرا يا دكتورة ع التوبيك اللى اتشال .. ثانيا شكرا ع زوقك وانا سايب المنتدى خااالص عشان خاطر حضرتك .. وشكرا د.عبير وابقى اعملى الجروب مع محبة اللغة .. السلام عليكم

[Dr. Hoda Ahmed]

يا دكتور انا لست بحاجة لاى جروب اتفضل نفذ فكرتك معاها براحتك لكن بدون جرح او تجاوز ف الحوار معى

حضرتك ف المنتدى لتستفيد انا ليس لى علاقة بأحد

[Dr. Hoda Ahmed]

ارجو الا يتحول الموضوع لفض نزاع

[aah2006]

شكرا يا دكتور على الموضوع الحلو ده
انا الحمدلله اتقبلت فى صيدلة القاهرة وعايز ادرس اكلينكال بس قالولى ب 13 الف فى السنة وانا ما قدرش اتحمل المبلغ ده وعلشان كده عايز الكم شوية اسئلة هل ممكن التحق بالبرنامج ده من سنة 2 فى عين شمس ؟
وهل لو انا اتخرجت من القاهرة عادى وخدت دبلومة كلينكال من عين شمس حيبقى كافى للالتحاق بسوق العمل ولا لازم اكون درسها جوه الكلية ؟
وهل فى اى فرصة للالتحاق بكلية صيدلة عين شمس الان عن طريق التحويل المباشر مع العلم ان مجموعى مش جايبها

انا اسف انى طولت عليكو يا دكانرة بس ياريت اى حد يعرف حاجة يكتبها.........وشكرا

[diaaly]

شكرااااا والله موضوع حلو اوى وكنا مستنينن موضوع زى ده
بس ياريت لو تشرحلينا اكتر الكلينكال ده لانى مش لاقى اى معلومات عنه على النت
وكمان حضرتك متخرجة فعايزين نعرف هنعمل ايه فى اعدادى يعنى نصائح او كده علشان كلنا نستفيد ومعلش طولت عليكوا

[ضوء الشمس]

المشاركة الأصلية كتبت بواسطة dr\3beer

عندى استفسار بسيط
التكليف فى الصيدله لسه موجود ؟ اظن انه موجود فى طب بشرى واسنان واتلغى من صيدله فارجو التوضيح
وليا عوده باذن الله للمشاركه فى موضوع التوبيك

ايوة يا دكتورة لسه موجود. اختي اخدت تكليفها السنه اللي فاتت تقريبا

[Dr. Hoda Ahmed]

اولا ان لسه ف أولى زيكم لكن ببذل قصارى جهدى ف الاجابة ع اسئلة الجميع


للعضوة التى تبحث عن كلينكال ساحضر لحضرتك التفاصيل الان



شوف كده المقال ده

بسم الله الرحمن الرحيم

السلام عليكم ورحمة الله وبركاته


في ناس كتير بتسال ايه هى

CLINICAL PHARMACY

الكليات اللي بتدرسو ببلاش صيدله عين شمس وصيدله حلوان
لقيت اسئله كتير من الصيادلة تستفسر عن المجال ده وملقتش اجابه وافية.
بس دلوقتي في دفعات كتير اتخرجت وطبعا تم تطبيق المجال ده في مستشفيات خاصه كتير ولكن لم يعترف بيه حتي الان في وزاره الصحه
واللي بقتصر علي الصيدلي الاكلينيكي في مستشفيات الحكومه لو تم تعينه هوا الجانب التحضيري
طب ايه هوا بقه المجال ده بالتفصيل


اولاً clinical pharmacy
فرع كبير جدا في عالم الصيدله والجديد اللي نزل وبقه احدث هوا
pharmacy practice
وده القسم الام للصيدله الاكلينيكيه
وخارج مصر هناك كليه للصيدله العاديه اللي كلنا نعرفها اللي توهلك للتصنيع واعطاء الدواء وتركيبات الادويه وما اللي ذلك
وهناك كليه متخصصه للصيدله الاكلينيكيه
طب ايه هيا الصيدله الاكلينيكيه
معنا كلمه كلينيكال هي سريري ... وهيا ان الصيدلي بقه ليه علاقه بالسرير واحد يضحك عليا ويقول ايه المجنون ده
اقولو لا السرير ده مش هوا اللي المريض بينام عليه يبقي الصيدلي الاكلينيكي بقه ليه علاقه وطيده بالمريض وخدمته في العنابر زي الطبيب بالظبط
ازاي...يعني بمعني اصح ايه المجالات بتاعت الصيدلي الاكلينيكي:::::::::::

لو هيشتغل في مستشفي يبقي هيعمل الاتي:

1-متابعه المريض في المستشفي من الناحيه الدوائيه فقط ...عشان محدش يقولي انتو هتبقو اطباء ولا ايه..انا عارف في ناس بتتكلم وهيا مش فاهمه .يعني ازاي أقولك مهامو في المستشفي هى:

1- اولا حساب الجرعه المظبوطه اللي المفروض المريض ياخدها ودي مش سهله زي ما اى حد ممكن يفتكر وده بيدرس في كورس
hospital pharmacy & pharmaceutical care

2- اهم حاجه في الدراسه وهيا drug drug interaction وهيا الوظيفه الاساسيه ليه انو يتجنب اي تفاعل دوائي دوائي وده يدرس بالتفصيل في كورس
drug drug interaction&clinical pharmacokinetics

3- تجنب حدوث مايسمي بــ adverse drug reaction ودي تاني وظيفه اساسيه بعد تجنب تفاعلات الادويه وده بيدرس في كورس
adverse drug reaction

4- تحويل الصيدلي من وجهته كصانع للدواء الي عالم بكل مايحيط بالدواء من الناحيه الاكلينيكيه يعني ازاي الجسم بيتعامل مع الدوا ده دي حاجه والحاجه التانيه دراسه جميع الامراض دراسه تفصيليه من الناحيه اللي تفيدنا فقط وده بندرسو في كورس therapeutics

5- وطبعا اهم حاجه عشان تعمل ده كلو انك تدرس بقه ازاي تتعامل مع المريض بعد ماكنت في علاقه غير مباشره معاه سواء بالتصنيع او بصرف الدوا وده بيدرس في كورس
pharmaceutical care & psychology

طب في مجالات تانيه ....اكيد
هو قسم
TPN = TOTAL PARENTRAL NUTRITION
IV ADMIXTURE ROOM

يعني ايه:

يعني احنا مكنش عندنا بني ادم بيعمل TPN او IV MIXTURE
وده مش سهل لانو بيعتمد اعتماد كلي علي تفاعلات الادويه وكيفيه تجنبها عشان لو حته في تفاعل بين دوايين وانا عايز اعمل mixture معين ازاي اتفاداه واعملو
وكانت اول IV ADMIXUTRE ROOM تتعمل في مصر هيا في مستشفي 57357 وعينو منها خريجي صيدله اكلينكيه عين شمس وحلوان والقاهره
اخيرا الصيدلي الاكلينيكي ممكن يعمل في قسم

CHEMOTHERAPY

وده موجود في معظم المستشفيات ولكن كان مفيش كلينيكال فيه ولكن دلوقتي اهم واحد في القصر العيني طبعا كلو كلينيكال شغالين فيه

يارب اكون نقلت المعلومه بطريقه مبسطه وياريت تفيدكم المعلومات
__________________

[Dr. Hoda Ahmed]

الصيدلي هو خبير الأدوية و هو الأدري بالأمور الدقيقة الخاصة بها مثل: كيفية حساب الجرعات, تعديل الجرعات، تداخلات الأدوية مع بعضها, كيفية تحضير أدوية الحقن و كيفية حفظها... إلخ.

تولي الصيدلي هذه المهام يوفر علي الطبيب عمل كثير و يجعله يتفرغ أكثر للأستماع إلي المرضي و التركيز علي مهامه الأصليه فى تشخيص المرض.

وجود الصيدلي ضمن الفريق الطبي يتيح وجود خط دفاع ضد الأخطاء الطبية و خاصة تفاعلات الأدوية و الجرعات الزائدة و التي غالباً ما تكون أكبر من أن يتولاها فريق التمريض. و بالتالي يحمي المريض و كذلك الطبيب.

يشكل الصيدلي مصدر معلومات غني و قريب لفريق التمريض يتيح لهم المعلومات عن كيفية إعطاء الأدوية المختلفة و ترتيبها و مواعيدها و علاقة ذلك بالطعام.

يتيح الصيدلي الإكلينيكى توفير معلومات عن الأدوية المختلفة و بدائلها مما يساعد إدارة المستشفيات علي إتخاذ قرارات شراء الأدوية و المفاضلة فيما بينها علي أساس علمي و بدون تحيز.

يكون الصيدلي مصدر معلومات سهل الوصول إليه بالنسبة للمريض للإجابة علي استفساراته عن جرعة الدواء و ميعاد أخذه و غيرها من تساؤلات المرضى.

تعظيم الفائدة من استخدام الادوية عن طريق إعطاء انسب جرعة لكل مريض فى الوقت المناسب وبالطريقة المناسبة.

تقليل المخاطر الناتجة عن استعمال الأدوية مثل الآثار الجانبية أو الأخطاء فى وصف أو تناول الأدوية.

تقليل الإنفاق على الأدوية عن طريق ضمان الاستخدام الأمثل للدواء فى كل حالة مرضية.



بعض صور التدخل الايجابي الذى يمكن أن يحققه الصيدلي

المشاركة فى وضع السياسات الدوائية التى تحقق الاستعمال الامثل لكل نوع من الأدوية والبروتوكولات العلاجية المختلفة.

توفير المعلومات للمرضى والأطباء والممرضين : وهذه نقطه مهمة للغاية من عمل الصيدلى الإكلينيكى حيث يحرص على توافر المعلومات عن الأدوية لكل فئة بالصور التى تتناسب معها وتحقق أفضل استفادة من المعلومة.

التعاون مع الطبيب المعالج فى اختيار الدواء الامثل وحساب الجرعة المناسبة له ، كذلك التأكد من عدم وجود أى تداخلات أو تفاعل بين الادوية وبعضها البعض.

إعطاء الدواء للمرضى : وفيها يتعاون الصيدلى مع الممرض فى كيفية إعطاء الدواء للمريض وزمن الإعطاء فى حالة الحقن أو توقيته بالنسبة للطعام فى حالة الأقراص.

تحضير الدواء وخاصة أدوية الحقن او تلك الأدوية التى تحتاج إلى ضبط الجرعات بدقه أو تتطلب طرق خاصة للتحضير مثل العلاج الكيماوى لأمراض السرطان ، وغالباً ما يتم هذا فى أماكن مخصصة لذلك تعرف بغرفة التحضير والتى تكون معقمة.

متابعة انتظام المريض فى أخذ الدواء وشرح الطريقة المثلى للاستعمال له أو تحضير الجرعات الخاصة بالمريض فى حالة الأدوية التى تؤخذ عن طريق الحقن الوريدى.





برنامج الصيدلة الإكلينيكية بصيدلة المنصورة

الرسالة والاهداف:

برنامج الصيدلة الإكلينية برنامج مرن يتلاءم مع ميول الطلاب ورغباتهم ويبرز طاقتهم ويهدف الى تخريج صيدلى ملم بكافة متطلبات المهنه واحدث فروع علم الصيدلة وكل التقنيات الحديثة والتى تجعل منه صيدليا متميزا وتؤهله للعمل بالصيدليات العامة والخاصة ومصانع وشركات الادوية ومعامل الرقابة الدوائية وتحليل الأغذية بالإضافة الى العمل فى مجال الإعلام والتسويق الدوائى ومراكز البحوث والجامعات .

والجديد الذى يضيفة هذا البرنامج هو التركيز على دور الصيدلى فى تقديم الرعاية الصحية المناسبة للمريض بداخل المستشفيات وخارجها وذلك من خلال متابعة النظام الدوائى له ودراسة مبادئ حركية الدواء الإكلينيكية وتطبيقاتها فى العلاج للحالات المرضية المختلفة وإيجاد الأنظمة العلاجية المناسبة وذلك بالتعاون مع الطبيب المعالج.

الدرجة العلمية التى تمنح للخريج:

يمنح مجلس الجامعة بناءعلى طلب مجلس كلية الصيدلة درجة البكالوريوس فى العلوم الصيدلية(صيدلة إكلينيكية بنظام الساعات المعتمدة ).







نظام الدراسة

مدة الدراسة بالبرنامج خمس سنوات وفق نظام الساعات المعتمدة .ينقسم كل عام دراسى الى فصلين دراسيين ومدة كل فصل خمسة عشر أسبوعا.

كما يجوز طرح بعض المقررات فى فصل دراسى صيفى مدتة من ستة الى ثمانية أسابيع من الدراسة المكثفة .

والساعة المعتمدة هى وحدة قياس دراسية وتعادل ساعة دراسية وتعادل ساعة أسبوعية نظرية أودرساً عملياًلايقل عن ساعتين أسبوعيا لمدة خمسة عشرأسبوعا وتدرس على مدى فصل دراسى واحد.

تصميم البرنامج الدراسى:

صمم البرنامج الدراسى بحيث يتم التعلم عن طريق المحاضرات والدروس العملية وحلقات النقاش وايضا اجراء بحوث بالإضافة الى التعاون مع المجتمع المحيط بالجامعة.

التســجيل:

تحدد الكلية لكل مجموعة من الطلاب مرشدا أكاديميا من أعضاء هيئة التدريس يقوم بمهام الرعاية والإرشاد العلمى ويكون مسئولا عن الطالب فى الشئون العلمية والاجتماعية والنفسية وتوجيهه فى كل مايتعلق بحياته الجامعية ويقوم بمساعدة الطلاب فى إختيار المقررات من قائمة المقررات التى تطرحها الكلية فى كل فصل دراسى.

على كل طالب ان يقوم شخصيا بتسجيل المقررات التى يرغب فى دراستها فى كل فصل دراسى مع ضرورة أن يتم اختيار المقررات وعدد الساعات بالتشاور والإتفاق مع المرشد الأكاديمى.

يشترط لتسجيل المقرر أن يكون الطالب قد إجتاز بنجاح متطلب هذا المقرر.

ينبغى أن يملأ الطالب نموذج تسجيل المقررات فى الأوقات المحددة حسب التقويم الجامعى ولا يجوز الإنتظام فى الدراسة الا بعد انتهاء عملية التسجيل.

لا يسمح للطالب بالتسجيل المتأخر إلا بموافقة عميد الكلية على ألا تزيد مدة التأخير عن أسبوع من نهاية فترة التسجيل.

العبء الدراسى:

هو عدد الساعات المعتمدة التى يقوم الطالب بتسجيلها فى الفصل الدراسى.

يجب مراعاة ألا يقل العبء الدراسى المسجل لطالب فى أى فصل دراسى عن 12 ساعة معتمدة والا يزيد عن 22 ساعة.

العبء الدراسى خلال الفصل الصيفى يتراوح بين 4 - 10 ساعات معتمدة.

المــواظبـــة:

على الطالب أن يواظب على حضور المحاضرات النظرية والدراسات العملية ولمجلس الكلية بناء على طلب الأقسام المختصة أن يحرم الطالب من التقدم للإمتحان التحريرى إذا تجاوزت نسبة غيابة 25% من إجمالى الساعات المقررة للدروس العملية.

الإضافة والحذف والإنسحاب:

يجوز للطالب بعد إكمال إجراءات التسجيل أن يحذف أو يضيف الى ساعاته المعتمدة مقررا أو أكثر على أن يكون ذلك فى خلال الفترات المحددة للحذف والإضافة فى كل فصل مع مراعاة الحد الأدنى والحد الأقصى للعبء الدراسى.

يجوز للطالب بعد تسجيله الإنسحاب من مقرر أو أكثر فى أى فصل دراسى دون أن يعتبر راسبا فى هذا المقرر وذلك إذا قدم طلب الإنسحاب خلال الفترة المسموح بها والتى يعلن عنها فى الجدول الدراسى لكل فصل.

ومن ينسحب بعد المدة المقررة يعتبر راسبا.

لغة الدراسـة:

الدراسة فى الكلية باللغة الإنجليزية .

يجوز مع ذلك تدريس بعض المقررات باللغة العربية بناء على توصية القسم المختص وموافقة مجلس الكلية ومجلس الجامعة .

التدريب الصيفي:

على الطالب أن يكمل فترة تدريب عملى لا يقل عن 200 ساعة تدريب ( 100 ساعة معتمدة ) تحت إشراف عضو هيئة تدريس متخصص وذلك فى إحدى المؤسسات الصيدلية التى يقرها مجلس الكلية. بالإضافة الى عدد 100 ساعة معتمدة تدريب إكلينيكى فى إحدى المستشفيات التعليمية.

شروط القبول:

يشترط فى من يتقدم للإلتحاق بالبرنامج أن يستوفى الشروط التى يحددها المجلس الأعلى للجامعات.

[Dr. Hoda Ahmed]

كل اسئلتكم عن كلينكال هتلاقوا الرد ف المعلومات دى والله كل اللى قدرت اجمعه عن كلينكال

يا ريت لو ف استفسار تتفضلوا

[Dr. Hoda Ahmed]

المشاركة الأصلية كتبت بواسطة aah2006

شكرا يا دكتور على الموضوع الحلو ده
انا الحمدلله اتقبلت فى صيدلة القاهرة وعايز ادرس اكلينكال بس قالولى ب 13 الف فى السنة وانا ما قدرش اتحمل المبلغ ده وعلشان كده عايز الكم شوية اسئلة هل ممكن التحق بالبرنامج ده من سنة 2 فى عين شمس ؟
وهل لو انا اتخرجت من القاهرة عادى وخدت دبلومة كلينكال من عين شمس حيبقى كافى للالتحاق بسوق العمل ولا لازم اكون درسها جوه الكلية ؟
وهل فى اى فرصة للالتحاق بكلية صيدلة عين شمس الان عن طريق التحويل المباشر مع العلم ان مجموعى مش جايبها

انا اسف انى طولت عليكو يا دكانرة بس ياريت اى حد يعرف حاجة يكتبها.........وشكرا

اه تقريبا ممكن بس من الافضل لو تحول عين شمس وهى مجانى افضل وف جامعات اخرى زى حلوان مجانى برضه كلينكال

دبلومة كلينكال ف طلبة قالت لى ف صيدلة اكبر منى مش ليها اى لازمة لانها مجرد عناوين ليست كافية بالخبرة اللى تؤهلك للعمل ف المجال ده الدراسه نفسها احلى وافضل

[Dr. Hoda Ahmed]

المشاركة الأصلية كتبت بواسطة diaaly

شكرااااا والله موضوع حلو اوى وكنا مستنينن موضوع زى ده
بس ياريت لو تشرحلينا اكتر الكلينكال ده لانى مش لاقى اى معلومات عنه على النت
وكمان حضرتك متخرجة فعايزين نعرف هنعمل ايه فى اعدادى يعنى نصائح او كده علشان كلنا نستفيد ومعلش طولت عليكوا

العفو يا دكتور


وانا جبت لحضرتك كل حاجة عن كلينكال بالتوفيق ان شاء الله

[zidan2011]

الصيدلة مهنة محترمة وعريقة ومفيدة ولكن في مصر يتحول إلى بياع أو بقال بشهادة وغالبا مع مرور السنين ما يتحول إلى بقال فعلاً ناهيك عن دبلومات التجارة والزراعة و000الخ من يصبحون صيادلة بالفحلة وطبعا اللى عملهم كده هم الصيادلة الحقيقين

[Dr. Hoda Ahmed]

المشاركة الأصلية كتبت بواسطة zidan2011

الصيدلة مهنة محترمة وعريقة ومفيدة ولكن في مصر يتحول إلى بياع أو بقال بشهادة وغالبا مع مرور السنين ما يتحول إلى بقال فعلاً ناهيك عن دبلومات التجارة والزراعة و000الخ من يصبحون صيادلة بالفحلة وطبعا اللى عملهم كده هم الصيادلة الحقيقين

شكرا لرأى حضرتك ومهنة الصيدلة ستظل عاليه ومحترمة مهما قال عنها بياعين او الخ ممن يجهلوا بقيمة كلية صيدلة

بس المشكلة فعلا ف الطلبة اللى بتدخلها كرها دى بداية المشكلة وان مجموعها اقل من طب هذا فقط

والتفكير القديم لدى البعض والغير علمى