خريجى التربية والعاملون بالحصة التربويون

[أ/محمد رجب1]

السلام عليكم ورحمة الله وبركاته المشكلة الاساسية لمدرسى الحصة هى عدم التوحد وهذا التوحد يعنى من حيث المؤهل وعدد سنين العمل بالاجر والاقدمية فى التخرج كل هذة اختلافات تمنع توحدهم وعدم السماع ليهم من قبل الدولة ولذلك يجب وضع مطالب خاصة وليس عامة تصعب الامور وهى شرط تعيين المعلم بالاجر ان يكون 1- تربوى 2- حصل على دبلومة تربوى +مؤهل تربوى و اى مؤهل عالى+ مر عليه ثلاث سنوات كاملة ومن هم غير ذلك فلايطمع فى العمل فى التربية والتعليم لانه ليس من حقه ونأتى للاهم طلاب كلية التربية الذين تخرجوا ولم يعملو بلاجر يتم التعاقد مع من يستحق بعمل مسابقة لهم حسب التقدير وسنة التخرج عقد مميز وذلك حسب الحاجة كل عام وهذا لكى نضع كل شىء فى نصابه الحقيقى ونمنع هذا التخبط الذى نحن فيه لذلك ارجو رفع هذة المطالب لان هذه هى الحق المشروع اما من ليس لهم حق ويتسلقوت على اكتافكم هم من يعوقوكم من تحقيق التعيين والعمل فى التعليم والسلام عليكم ورحمة الله وبركاته

[amira habiba]

و عليكم السلام و رحمة الله و بركاته
ايه لازمة دبلومة التربوى لو هو خريج تربية اصلا ؟

[أ/محمد رجب1]

بقول للى مش مؤهلة تربيه يعنى اداب دارعلوم علوم تجارة ومعاة سنة تربوى

[nabhab2]

معانا ناس شغالة بقالها 6 سنين وعايزين منهم تربوى ويروحوا كلية التربية ياخدوا رغى فى التربية وكلام ليس له علاقة بالعمل لأن احنا بندرس شيئ والواقع شيئ تانى وهما عايزين يشغلوا كليات التربية ويعقدوا الشباب وحسبى الله ونعم الوكيل

[mr mahmoud]

المشاركة الأصلية كتبت بواسطة nabhab2

معانا ناس شغالة بقالها 6 سنين وعايزين منهم تربوى ويروحوا كلية التربية ياخدوا رغى فى التربية وكلام ليس له علاقة بالعمل لأن احنا بندرس شيئ والواقع شيئ تانى وهما عايزين يشغلوا كليات التربية ويعقدوا الشباب وحسبى الله ونعم الوكيل

عمر التعليم ما هيتقدم طول ما فيه ناس لسه بتفكر بالطريقة دي
يعني الناس اللي خدت ماجستير ودكتوراه دول هبل يعني ولا ايه
ان كان فيه قصور ففي المدرس نفسه مش في العلوم التربوية

[أ/محمد رجب1]

بعيدا يا جماعة على اللى يشتغل ولا لا ربنا يوفق الجميع ودى ارزاق ولكن كلامى على النظام اللى مفروض يبقى متبع عشان اللى احنا فيه دلوقتى ميحصلص تانى و بعد كده ميشتغلش فى التربية والتعليم الا الموهل ليه ومنظلمش حد دخل غلط وتعب ونفسه يشتغل وبعدين يارب الكل يشتغل بس عايز حد يرد عليا هو الدكتور بيدرس فى كلية الحقوق والمحامى بيبقى كلية تجارة ولا المحاسب بيبقى صيدلى كله حسب مؤهلة اشمعن المدرس هو بس اللى تنفعله كل الؤهلات ويقلك الدراسة حاجة والشغل حاجة ياارب الخير للجميع

[mona bahr]

ياعم نظام ايه هي بلدك فيها نظام وكم مدرسي ليس خريج تربية واحسن من خريج التربية