|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#46
08-02-2011, 10:52 PM
|
||||
|
||||
حلم تحقق ** شعر عبد العزيز الشراكي
شكْرًا لكم يا من فتحتم معبرًا للضوء في قلبِ القبورِ المظلمةْ .... شكْرًا لكم يا من بنيتم ــ في ثباتٍ ــ بالعزيمة ملحمةْ ... شكْرًا لكم يا من أعدتم للهواء نقاءه شكْرًا لكم يا من أتيتم بالعلاج المستحيل لكل داء قد سرى في الأنظمَةْ .... أرواحنا كانت تعيش بلا حياةٍ في قيودٍ محكمةْ .... حتى غدتْ أرواحنا وردًا صناعيا يهاجم كل يومٍ من وحوشٍ مجرمةْ ... لا لم نعش فحياتنا كانت حياةً مبهمةْ ... شكْرًا لكم شكْرًا لكم شكْرًا لكم سنقبّلُ الأرضَ التي قد بوركت وتقدست حتى غدت للأرض أرضًا ملهمةْ ... ونحبكم حبا تخطَّى كل حب سابقٍ وقلوبنا تُهدى إليكم أوسمَةْ .... أنتم لنا حلمٌ تحقق فجأةً كنا نحاولُ دائمًا أن نكتمَهْ ... شعر عبد العزيز الشراكي 
|
|
#47
11-02-2011, 12:41 AM
|
||||
|
||||
|
قالي جاي ** سناء مصطفى
النهاردة ف عز نومى مال عليا وقالى " جاى " قالى " قومى اتزوقيلى والبسيلى عقد ضى " قلت : " احلف " قالى: " جاى " قلت : " فعلا ! " قالى : " فعلا .. أيوة جاى " قلت : " ياما حلفت ليا وخدت منك ألف وعد بس كنت بتخلى بيا وزاد بعادك عنى بعد " قالى " ما انتى كنتى نايمة وكنتى رافضة تقولى لأ كنتى شايفة الضلمة نور كنتى سامعة الكذب حق " بس فجأة صحيتى تانى بعلو صوتك قلتى " أى" كيدى يامصر الأعادى وقومى قولى " بكرة جاى " واحلفى بقومة ولادك اللى هبوا بقلب حى قالوا مش عايزين مبارك قالوا يسقط للى شارك ف المذابح والمجازر واللى قالوا بحس هادر " احنا فيها وانت لأ " واللى رافضين المهانة أو يكونوا سد خانة أو يموتوا أو يعيشوا زى أهل الكهف لأ قومى يامصر النهاردة وشدى حيلك واحلفى إنك انتى بإيد ولادك راح تكونى عالية دايما واهتفى " حرة حرة .. كنت حرة وعشت حرة " مهما حاولوا اللى برة واللى جوة يخلوا شمعك ينطفى قولى يامصر بعزيمة وهمة عالية وقلب حى إنى جايلك .. أيوة جايلك قومى قولى بكرة جاى سناء مصطفى
|
|
#48
11-02-2011, 03:51 AM
|
||||
|
||||
|
أنــــــــت الحـــــــب !!
أنــــــــت الحـــــــب !!
بحبك يامصر وحبك بيجرى فى دمى وفى صمتى وهمسى بناجيكِ انتِ ولو اتكلمت فكل حرف بينطق بحبك انتِ لو قدرتى تسمعى نبضى هاتلاقيه بيهتف باسمك وشريان نيلك فى دمى بيسرى .. ولو نظرتى فى عيونى مش هتلاقى غير صورتك انتِ طيفك دايما فى بالى وأبدا مابيقارق خيالى ******** ************ *********** مصر نبض القلب يهواكِ ان غبت يوماً عن ناظرى فالقلب باكِ ألا تشعرين بفيض حبى يملؤ سماكِ ؟؟ بأوتارِ القلبِ تعزف ألحانَ الشوق لرؤياكِ ؟؟ بدموع قلبٍ كم يشتاق لأن يحتضن ثراكِ؟؟ بفؤادٍ تملكتيه أنتِ واحتويتيه بهواكِ ؟؟ متملكهٌ أنتِ جوارى وفى أعماق القلبِ مرساكِ تغفو العين والقلب ساهر يهفو اليكِ أضناه الشوق لمحياكِ دايما ياحبيبتى بأدعيلك ورب العزه يرعاكِ ******** ************ *********** غزلت من حبكِ حُلهً ارتداها قلبى فهى أبهى ثيابى.. ونسجت من سحركِ قصهَ عشقٍ كانت ومازالت أروع أيامى وتوجتك ملكهً تعتلى عرش القلبِ فى يقظتى وأحلامى ومنامى رسمتك لوحهً يتعانق فيها صنوفُ الجمالِ فى نورى وظلامى أنشوده حبٍ تغنيت بها فى خواطرى وأشعارى وألحانى رفيقه دربٍ لن أفلت يداكِ حتى أخر أنفاسى وان ِمـتُ شهيده حبكِ ففداكِ فذاكَ مصدر فخرى واعزازى فهل لى من وصيهٍ حبيبتى وتلك أخر أمنياتى ؟؟ فليكن عطر ترابكِ هو دارى ولتحتوى أرضكِ رفاتى ولتذكرى أن هواكِ أبداً لم ولن يبارح أو يغيب برههً عن بالى وأن حبكِ يسرى فى العروق فيروى روحى ويبعث الدفء بأوصالى وان باعدت بينى وبينك دروبُ الحياهِ فاعلمى أنى بغير هواكِ لا أبالى ما هو أنتِ الحب وسيره الحب والحب كله لك وحدك ياحبيبتى ويا كل حياتى !! بقلم الأستاذة فاتن faten forever
|
|
#49
11-02-2011, 03:56 AM
|
||||
|
||||
صراخ مصر
 دعني وشأني قتلتني وذبحت فرحي دمرتني وسكبت دمى جئت إلّى مٌلبى فليحيا همى لا يا مٌبارك انحنى وتخلى عنى لا أستطيع بأن أٌدارى نكبتي فالشعب منى ثلاثون عام قهرتني أسقط حملي جاء النزيف بداخلي فتوارى لونى غيرت لون طبيعتي الإسم ابنى ثكلتك أٌمك يا مٌثير كأبتي خيبت ظني أرحل بعيداً وأحتمى من هول شعبي أنسيت يوماً أن هذا الجيش جيشي يحمى ترابي وعزتى فيصير فخرى ابنى شهيد مؤمن تحميه بطني يستصلح الأرض التي أعياها سقمي لا لن يكون القاتل من أصل أرضى هذا عدو غاشم ويريد حرقى إن كان ابنى ... لن يٌخرب منزلى ليسيل دمعى ابنى حنون طيب ويريد نصرى لم يقتل النفس التي حرمها ربى ابنى حنون طيب والإسم مصري كلمات | ضياء الدين سعيد
|
|
#50
11-02-2011, 07:19 PM
|
||||
|
||||
|
هو إحنا عبيد
ليه ؟ هوه أحنا عبيد؟
شعر \ سمير الأمير ليه؟ هوه احنا عبيد هوه عرابى لسه مجاش ولاقالشى الظلم مايورثناش؟ ولا قال ياخديو متهددناش محناش ناقصين تهديد محناش ناقصين.. إلزم حدك محناش قيراطين من قراريط جدك والا بيت مامتك وباباك يا غزّيل احنا الشعب اللى ساعات بينام و يقّيل لكن لما بيصحى عاديك يطلعلك فى ماسورة الميه مهما تقفل فى الشبايبك. من باب الدم يخش عليك. ** اعقل ولايمها الله يهديك خليك جنب البيزنيس زى التانى حافظ ع القرشين ياحويط ابعد عن كانى وعن مانى نطاط الوهم ونطاط الحيط النسل النمرود موصول الخيط من عند معاويه لغاية بشار ومن الحجاج لما لعلى عبد الله افهم بقى متاخدش كلامى هزار البحر الأحمر مش حله و الأبيض مش طشت غسيل وبلدنا مش حتة أرضيه مكتوبه باسمك ف وصيه بلدنا.. بلدنا.. لكل ولادنا من عند قنالنا للسد هبة الفلاح والنيل مش ورث لحد اسمعنى المره دى بجد.. خليك عاقل وكفايةعليك قوى تبقى مدير شركة تصدير الجرجير أو بنك الصحراء و التعمير إلزم حدك شيل على قدك واوعى الغولة تزغلل ف عينيك و تشدك تبنيك علشان تتفرج على هدك وتلم الدنيا عليك بعد ماكانت ليك يا حزين تصبح غلبان مسكين تتمنى ترجع تانى مجرد ابن زيك زى ابن الفرعون القاتل وابن الفرعون المقتول وابن الفرعون ال... الله يخرب بيت الظلم ولاده كتير... بس ولوّ بس ولوّ مهما تغيب الثورة فى عنينا بتغلى وتحلوّ ادعيلها ربنا يهديها سبيل الحق وادعيلنا المولى يقدرنا ونقولك لأ
|
|
#51
16-02-2011, 11:09 PM
|
||||
|
||||
|
جزاكما الله خيرا **** "فإنى أحبها" أحبها وأكتب لها ... كل أشواقى والحنان بلادى وأذوب بها ... وإن مال عليها الزمان فهى أبقى منى ولها ... روحى وبحبيبتى الأمان إن كان عشقى لها ذهبا ... لصرت أغنى إنسان إن كان حبها ماءا ... لصار بقلبى فيضان عذرا حبيبتى فقد ... أغفلنا عن حقك نسيان قصدوكى هجاءا خسة ً ... فهل يا مصر غفران؟ يا من هجوتم بلادكم ... فماذا بعده نقصان؟؟! إن عاق الطفل أمه ... فأين سيجد الحنان؟ لا أم بديلة لها ... لا بعد مصر بلدان ستظل حبيبتى عظيمة ... ولا ننسى منها ما كان فقد سطر التاريخ قصة ً ... من روائع قصص الزمان لبلدٍ تدعى مصرٌ ... قد من عليها الرحمن بخير جنود الأرض ... فبلَّغنا رسول المنان إن كنت عشت في بلادى ... فبقلبى لحبيبتى أوطان لست مادحة بل عاشقة ... بلاد ترابها ريح الريحان فلنعيد لها مجدها هيا ... يا أبناءها الوقت قد آن حفظ الله حبيبتى وأبعـ ... ـد عنها حاكم به طغيان  كتبت قبل الثورة By:Alaa El Masrawya El Treikawya
|
|
#52
17-02-2011, 05:21 PM
|
||||
|
||||
|
قصيدة يا بلدى-شعر إلهام صلاح لما نقول بلدنا قلوبنا تقول كمان لما نقول عيالنا تبنى وتقول سلام لما نقول تعبنا يعنى هنقدر ننام؟!! ********** يا بلدى إنت الأصيلة شعرمليون جديلة كل جديلة شبابك إيديهم شابكة ف إيديكى وسمارك لوهحكى عنه ما تكفى مليون قصيدة ********* يا بلدى منك كانت بدايتى وفيكى بداية ولادى دمك أقصد ده دمى يجرى يروى يخضر بحر تتوه فيه سفينة ********* يا بلدى سفنك يا غالية هتوصل بر الأمان أمان جبناه بتعبنا وعملنا له بيبان لو يوم الريح تعربد يحفظ ذرات ترابك سعد ,محمد,وجرجس مسلم مسيحى يضحى يجمع بينهم ميدان رفعوا رايتك بإيدهم دابوا ف حبك سيان ********** وتفضل قلوعك تبحر توصل بر الأمان لبلدى مليون تحية لبلدى مليون سلام
|
|
#53
17-02-2011, 06:17 PM
|
|||
|
|||
( ارحل ولاتعد )
ارحل وعارك في يديك ارحل غير مأسوف عليك ارحل لعنات قومك آهات شعبك كلها تدعو عليك ارحل ولا تطلب من الشعب السماح كم من شهيد قد مات بلا ذنب وراح كم أسرة دمرتها .... سفاح أنت - مبارك - سفاح كم مرة قد ذُل شعب بعدما بعت العراق وقد قبضت له الثمن من بعدها القدس الأسير وشعبك ما جنى ؟ حتى تحول أرضه قبرا لتدفنه ؟ لا لن يموت شعبنا بل أنت من سوف يموت ولن تُغطى جثتك بتراب مصر الطاهر ألا تستحي ؟ ! كيف تطلب أن تموت بأرض في كل شبر منها شاب عُذِّب ..... أرملة ....... يتيم من عذّب ؟ من رمّل؟ من يتّم ؟ كيف تدفن في أرض أنت بعتها ويا بخس الثمــــــــن ؟ كيف تدفن في أرض لم تر في عهدك غير قطع الألسن ؟ ارحل مبارك عن أرضنا يكفي العذاب والأنين ارحل ولا تسعي لتدفن ههنا فلن يكون أبدا لن يكون ارحل واطلب الغفران من ملايين البشرمن أهل مصر ارحل وسوف نكسّر خلفك الآلاف من الآنية حتى لا تعود ارحل فسوف نحطّم بعدما ترحل آلاف القيود وسوف نعيد لمصر عزتها وماضيها المجيد ارحل فلست أهلا لأن تكون لمصر ابنا ولن تكون فالابن لا يسرق أمه ولا يملأ بإخوته السجون ارحل وإلا انت تعلم ما يكون لمن يخون ارحل ويكفي ما فعلت بمصر وأهلها أضعتها أهنتها وجعلت مصر ذليلة وأهلها فارحل عن مصر ولا تفكر أن تعود لأرضها أو إن كنت حرا مثل باقي شعبها وكل أهلها أعد ما قد أخذت من النقود وانتظر منها حكمها بالله يا فرعون هل سيسعدك أن تنعم بمال شعبها وكيف يكون مذاق لقمة مسروقة في فيك من خيراتها ؟ فارحل فقد طوينا صفحة مُلئت بدماءٍ سفكتها ارحل ولا تنسى القيامة فقيامة الرؤساء ليس مثلها ارحل ولا تطلب من الشعب السماح ارحل ولا تطلب من الشعب السماح
|
|
#55
19-02-2011, 04:39 PM
|
|||
|
|||
|
الحلم المستحيل هو حلم كبير علينا نعيش زي أي انسان من سنين دقنا الهوان لما حد جاه و قالنا يلا بينا يبقى عميل الأمريكان يبقى خاين أو جاسوس أو جبان لما سمعنا عن فلوس كتير متهربة سألتني أمي يعني كام يشتروا كم رغيف هي الفلوس دي تكفي حق الغطا و لا الدوا أو كسوة مرة كل كم سنة قلتلها ياما دي فلوس كتير مالهاش عدد ممكن تكفي شعب كافح من زمان شعب جاع سنين طويلة شعب حفر قناة و رجع عبرها شعب حارب أعداء كتير شعب شال فاس و قلم و بندقية شعب سافر بلاد كتير و ساب ولاده شعب طاطا راسه في بلاد غريبة علشان بلاده ضاقت عليه مع انها بلاد كبيرة تكفي اللي فيها بس اللي يحكم فكر انه لوحده و ان الخلايق كلهم دول ملك ايده هو حلم كبير علينا ؟؟؟؟؟؟؟ لما نسأل فين ولادنا ؟ اللي غرق و اللي اتحرق و اللي اعتقل و اللي اتسرق يبقى لما ييجي حد منا يقولنا يلا بينا يبقى عميل الأمريكان يبقى رخيص ينضرب يترجم يتحبس يتهان هو حلم كبير علينا ؟؟؟؟؟؟؟ هو لسة الشعب عايش ؟؟؟ لسة فيه شباب يطالب ؟؟؟ لسة فيه الحق غالب ؟؟!!! لسة يعرف يعني ايه كلمة كرامة ؟؟ لسة بيفكر يخطط أو يطالب لسة ما شافوش العلامة ؟!!! اني وحدي فوق اي حد أو أي حق شعب عايز و عايز و عايز شعب عايز مكان ما عـنده المكان طوابير كتير مالهاش عدد طوابير كتير في كل شارع و لكل حاجة للعيش طابور و الجاز طابور حتى العجايز ليهم طابور في كل شهر لمرتباتهم واقفين طابور شعب جاحد نسي عملت ايه ؟ رشوة و حرايق جوع و فقر شوف أد ايه يبقى حلم كتير علينا ؟!!!!!!! ان الشعب عرف الطريق صوته علي شق السكوت راح الميدان طالب و عامل مسلم مسيحي كبير صغير راجل و ست أحمد و سلوى شوقي و منال و محمد و بطرس كمان كل دول انا شفتهم واقفين هناك و شفت ايه فيهم عمل النظام سلط عليهم كلابه و خيله و جماله سلط عليهم نيرانه بقسوة مالهاش مثيل مات محمد على كتف مايكل و شفت عادل شايل ميشيل كل دول كان حلمهم في يوم يلاقوا لقمة و هدمة و سقف يستر عرضهم كان حلمهم في شغل فيه يلاقوا رزقهم بس اللي بيحلم عندنا ده جزاءه ضرب و إهانة و معتقل و كمان إبادة داس على حلمهم تحت البيادة يبقى بجد كتير علينا نحلم في يوم من عبيد نتحول لسادة الطــــــــــــــــــــــــــــــــــــوارئ كلمة كانت زمان بتعدي علينا في كتب المطالعة و التاريخ أو قصيدة عن الوطن كلمة موجودة في معجم أو قاموس كلمة اتنست من زمن كلمة ضاعت من حياتنا بأبخس تمن كلمة اتمحت و انداس عليها لما قالوا فيه قانون اسمه الطوارئ يعني إيه كلمة طوارئ دي مرادف كلمة مهانة أو للزعيم هي الحصانة يعني اسمه قانون الإهانة اللي خلانا نطاطي راسنا و ندمن الاستكانة اللي سلح كل جاهل ببندقية وضهره لعدوه بندقية متوجهة لوش صاحبه أو جيرانه كل حاجة و اي حاجة مسموحة لحفظ النظام احتقار ، اعتقال ، زنزانة باردة في عز الشتا لقمة ناشفة تترمي من تحت باب و مافيش غطا هو ده قانون الطوارئ سنين طويلة على قلبنا كاتم نفسنا كل ده لحفظ النظام يبقى لازم القانون يتفصل تمام تلاتين سنة و يا عالم هيزيدوا كام خلى المبادئ حطام كسر القلم كتف ايدينا و لجم اللسان عرفت ايه معنى الطوارئ كل ده لحفظ النظام طيب ايه هو النظام ؟ النظام ده شخص واحد مش دولة كاملة يعني الطوارئ و الإهانة لشخص واحد ؟ مش أي واحد ، ده رمز كامل ضاعت في عهده المسئولية و الاحترام خلى المواطن ملطشة لكل عابر خلى الشوارع مزبلة و حفر و ركام خلى العساكر مدة ايدها عيني عينك و اللي يعدي لازم يراضي اللي قاعد باعوا البلاد و العباد و شوف بكام خلوا الخلايق شوية ورق وسط الزحام قطورات تولع ، بواخر بتغرق و الباشا نايم كل اللي الحاصل ان الكبير في الكرسي لازق دساتير نصلح قوانين نفصل حتى القذارة في البرلمان زور و نقي كل اللي يعرف يقول آمين رافض يسلم لحد تاني كل اللي شاغله انه يسلم الكرسي لابنه ابنه و صاحبه فاكرينها سايبة فاكرينها عزبة أو تكية ما يعرفوش ان الشعب ثاير راحوا و رفعوا صوتهم بكل المظالم نادوا و هتفوا انه يرحل كل ظالم يارب نصرك انت اللي عالم ان الغلابة مالهومش غيرك و امحي اللي منعوا عن الخلق خيرك عويس والي - بني سويف
|
|
#56
22-02-2011, 02:15 AM
|
|||
|
|||
مصر راجعة
(مصر راجعة )
بيقولو شبابك سيس مشغول بالانترنت ليل و نهار قاعد عمال يعجن ويلت أو يلعب أو يتسلي أو يتفرج علي صورة أو حتي يشيت حبة أو يتكلم مع بنت ظلموك يا مصر ياما وظلموا كتير شبابك سجنوكي في أوضة ضلمة وطال كتير غيابك كدبواعلي الكل وقالوا تعالوا شوفوا هي دي مصر كسل ملل ناس بيقبضوا بلا عمل دوول صحابك والكل صدق كدبهم طول ما المصلحة ماشية والسلطة خانت شعبها والفضل للحاشية والناس مش لاقية تاكل ويقولك منتجعات مغربي بالعدل بيغرف والعز بالألوفات آه يا شوية حرامية قسمتوا الإرادات عبيتوا المعدة بالدولارات بعتوا البلد وقبضتوا لاكن تمن رخيص دلوقتي جه دوركم في الغم والتنغيص الشعب قال كلمته وطلعتي من الضلمة والخونة كلك بانوا اطمني يامه الحق فاز وانتصر وخرجتي من الغمة اطمني يا غالية اطمني يامه دلوقتي جت ساعة العمار الكل يخدم ويصونك شباب بنات كبار صغار نبني ونزرع لعيونك زرعتنا نسمة ضحكتنا رسمة متقسمة علي شفايفك يا حبيبتي متبسمة ضحكة شهيد صرخة وليد لاكن أكيد راجعة يا بلدي من جديد راجعة بالخير يا حرة لشعبك السعيد مبروك علينا رجوعك دي فرحة وأحلي عيد دي فرحة وأحلي عيـــــــــــــــــــــــــــــــــــــــــــــــد مدرس لغة عربية/إبراهيم النجار_الشهداء منوفية
|
|
#57
22-02-2011, 10:13 PM
|
|||
|
|||
|
( حكاية على بابا)
النهار ده ها احكى لكم حكاية سعيدة الاسم قديم بس الاحداث جديدة على بابا كان حطاب غلبان و فقير فجأة اصبح من الاعيان غنى وكمان امير عنده دهب كتير وياقوت وبيلبس حرير فى حرير منين كل ده ياعم على دا قاسم اخوك بقى غلبان هاقول لقاسم على الحقيقة وهااوصف له الزمان و المكان الحقيقة حزب قريب جدا من الميدان مليان حديد واسمنت واراضى ومص دم الغلبان ماالكل معانا داحنا الاغلبية والنتيجة طبعا دايما مية مية ما تشغلش بالك ياعم جمال خليها على الله وعليا بسمارك حكم بالحديد والنار وانا هاحكمها بالرشاوى والبلطجية وطول ماالشعب غلبان سلطة المال عفية وقوية والكل هنا وبارك وانتشرت الفرحة والتلفزيون بقى عروسة للحزب ولبسوها الطرحة قول ياعم عز كمان وكمان ماانت رجل الزمن ده بس مش كل الازمان مانت بقيت رئيس الفرقة الماسية بعد ايام الغلب وسلم لى على الصحبجية وانتشر يافساد انتشر يافساد وحطم احلام الشباب خير البلد ليكو وهم لهم الفقر والعذاب حتى الاراضى استوليتوا عليها واسالوا الكلاب غاز بلدى بيدفى اليهودى وانا عودى بينطفى خالتى عزيزة بتقول لكوا مش هااسامح على اد فهمى ولا ايه رايك ياوزير يارياضى يامرتشى وفى يوم التلات اتولد فجر جديد زى كل يوم ماحدش كان فرحان وسعيد قالو قلة قليلة وشوية عيال وماتخافش ياعم مفيد هانلمهم فى بوكسين ونرميهم فى مكان بعيد وهناك يمر عليهم عيد ورا عيد واهاليهم يشربوا الذل ويدوقوا العذاب الشديد ويقولوا ياريت ماخلفناهم وياريت ماكان جيل جديد ماالعادلى بيحمى الظالم وبينصر الجبار العنيد بس الاحرار اتحملوا مرفوعين الروس والجباه ذخيرة حيةورصاص مطاطى وقنابل حرمها حتى الطغاة ويوم ورا يوم وشهيد ورا شهيد انهزم الظلم وسجد الكل لله الله اكبر عليكم ياثوار خمسة وعشرين علمتوا العالم ازاى تحافظ على الوطن وعلى الشرف والدين دى ثورتكم هايدرسوها للعالم فى كتاب مبين واسالو اوباما وكاميرون عن الخبر اليقين اليقين ان ثورتكم احترمها العالم حتى المعارضين خواطر / احمد ناصر السيد
|
|
#58
26-02-2011, 10:11 PM
|
||||
|
||||
حصرى : قصيدة : ثورة 25 يناير (مصر الحرة) انتفاضة الغضب فى بلاد العرب
ثورة 25 يناير 2011 (الشعب المصرى ) مـــــــــــــــــــــرحى يا أبطـــــــــــــــــــال البـــــــــــــــــــــــــــــلاد مـــــــــــــــــــــرحى يا أشبــــــــــــــــــال الاســــــــــــــــــــــــــــاد مـــــــــــــــــــــرحى يا مجــــــــــــــــــــد الاجـــــــــــــــــــــــــــداد مـــــــــــــــــــــرحى يا فخـــــــــــــــــــــر الاحفـــــــــــــــــــــــــــاد اليـــــــــــــــــــوم .. تحطمــــــــــــــــــت الأوتــــــــــــــــــــــــــــاد سقطــــــــــــــــت اقنعــــــــــــــــــــــــــة الفســــــــــــــــــــــــــــاد تهــــــــــــــــاوت قـــــــــــــــــــــــــــلاع الإستبــــــــــــــــــــــــداد تصـــــــــــــدعت صـــــــــــــــــــــــروح الجـــــــــــــــــــــــــــــلاد رفـــــــــــــــرفت رايـــــــــــــــــــــــــات الإستشهـــــــــــــــــــــــاد تعــــــــــــــــــلن قـــــــــــدوم الاعيـــــــــــــــــاد و الجهــــــــــــــاد لتسعـــــــــــــــد الــــــــــروح والعقــــــــــــــل والفـــــــــــــــــــؤاد يا مسئــــــــــــولا.. عــــــــــــــن الحــــــــــق قـــد حـــــــــــــــــــاد وظلــــــــــــــــم كثيرا نفســـــــــــه والعبـــــــــــــــــــــــــــــــــــــاد أيـــــــــــن انت مـــــــــــن نخـــــــــــــــوة شــــــــــــــــــــــــداد؟! وعـــــــــــــــــــدالة عمــــــــــــر واحـــــــــــة الامجــــــــــــــاد؟! مـــــن الفيســـــــــــــــــبوك شبــــــــــــابنا ثار واتحـــــــــــــــــــد وفـــــى شــــــــــــوارع مصــــــــــــــر تجمع و احتشــــــــــــــــــد وعلـــــــــــى شــــــــــرعية الحـــــــــــــــرية استنــــــــــــــــــــــد فلتعلــــــــــــم يا مـــــــــن يحكــــــــــــــم فينا ويستعبــــــــــــــــــد بـــــــــــأن غضبنا بركـــــــــــــــــــــان لا يبــــــــــــــــــــــــــــــرد بأن قلـــــــــــــــــــــوبنا .. لـــــم تمـــــــــــــت بعـــــــــــــــــــــــــد شبـــــــــــــــــابنا كلـــــــــــــــه بــــــــــــــرق و رعــــــــــــــــــــد اليـــــــــــوم .. زمجـــــــــــــر الشعــــــــــــــب وتوعــــــــــــــــــد و مــــن الخــــــــــوف والإذعــــــــــــــان تجــــــــــــــــــــــــــــرد وعلـــــى كـــــل فاســــــــــد مفســـــــــد تمـــــــــــــــــــــــــــــــرد فمنهـــــم من يناضــــــــــل .. ومنهـــــم مــــن استشهــــــــــــــــد أيــــــها المغيــــــــــــب ! عــــــــــــــــــــــذرا لا تتنهــــــــــــــــــــد فجحـــــــــــافل الشعــــــــــب بــــــــــدأت تحشــــــــــــــــــــــــــــد لتقضـــــى علـــــى العــــــــــــــــــــــار الأســــــــــــــــــــــــــــــود تهتــــــــــــــــــــف.. أيـــــــــــها العـــــــــــالم اشهــــــــــــــــــــــد انا سنثـــــــــــــــأر ممـــــن طغـــــــــى وعـــــــــــــــــــــــــــــــربد قــــــــــــــد زرع حقـــــــــــــــــــــدا الان يحصـــــــــــــــــــــــــــــد عروشـــــــــــــــــــــكم ليست ملكـــــــــــــــا مخلــــــــــــــــــــــــــد بل تكليــــــــــــف دومـــــــــــــــــــــــــــا يجــــــــــــــــــــــــــــــــدد انتـــــــــــــــــم لستـــــــــــــــــــم الـــــــــهة تعبــــــــــــــــــــــــــــد ولستــــــــــــم قصيـــــــــــــــدة عــــــــــــــدل تنشـــــــــــــــــــــــــد بـــــــــل شياطيـــــــــــــــــــن غـــــــــــــــــدا تصفـــــــــــــــــــــــــد فلمــــــاذا فتــــــــــــــــــــرات الحــــــــــــــكم تمـــــــــــــــــــــــدد؟! ولمــــاذا اصــــــــــوات الــــــــزور للتوريث تحشـــــــــــــــــــــد ؟! فهــــــــــا هــــــــــى الجمـــــــــــــــــــــوع تحــــــــــــــــــــــــــــــدد مطـــــــــــــــــــالبها .. ولتنفيــــــــــــــذها ترصــــــــــــــــــــــــــــد وانـــــها بعـــــــــــون اللــــــــــــــــه ستصمـــــــــــــــــــــــــــــــــد حتــــــى تتحــــــــــــقق.. بــــــــــــــــلا تـــــــــــــــــــــــــــــــــــردد خـــــــــــــــــــــــــداعكم لنــــــــــــــــا زاد وتعـــــــــــــــــــــــــــــدد ومللـــــــــــنا قمعـــــــــــا وتعــــــــــــذيبا تشـــــــــــــــــــــــــــــدد وسئمنــــا ترويعــا وتجـــويعا لأطفالنا يهــــــــــــــــــــــــــــــــــدد و ألما بكينا لإغلاق قنوات .. تهدى و ترشــــــــــــــــــــــــــــــــــد الرحمــــــــة والنـــــاس وكــــــــذا قنــاة للأمـل تجــــــــــــــــــــدد وتركتم قنـــــــــــــوات العهـــــر والدعــــــــــارة تعربـــــــــــــــــد شعــــــوبكم سلبتم.. وجباهكم لاعداءنا تسجــــــــــــــــــــــــــــــــد فلمـــــــــا هويتم بـــدأ العـــــــــــــــدا لاموالنـــــــا يجمـــــــــــــــد وهـــــــــا هـــــــــى بعنادكم الامـــــــــــــــور تتعقــــــــــــــــــــــــد وليـــــــس معنــــــــــــا ســــــــــــــوى دعـــــــــاء يــــــــــــــــردد يــــــــــــــارب لخطـــــــــــــــــــــــواتنا ســــــــــــــــــــــــــــــــــدد وعلــــــــــــى دروب الأمـــــــــن والامان مــــــــــــــــــــــــــــــــدد نصـــــــــــــــــــــرا لاحفـــــــــــــــــادنا يسعــــــــــــــــــــــــــــــــد ولإعــــــــــــــــــــــداء ديننـــــــــــــــا ينكــــــــــــــــــــــــــــــــــــد أيهـــــــــــــا العــــــــــــــــالم المتأرجــــــــــح اشهـــــــــــــــــــــد شـــــــــــعبا .. بســــــــــــوط الــــــــــــــذل يجلــــــــــــــــــــــــــد وأقصــــــــــى أمــــــــــــــــــــامكم يهـــــــــــــــــــــــــــــــــــــــود وأعـــــــــــــــــــــــداء لجيوشــــــــــــــها توحــــــــــــــــــــــــــــد تخـــــــــــــطط لاستعمــــــــــــــــــــــــارنا وتمهــــــــــــــــــــــــــد ولثــــــــــــرواتنا تنهـــــــــــــــــــب وتبـــــــــــــــــــــــــــــــــــــدد فمـــــــــــــــــــن لجــــــــــــــــــروحنا يضمــــــــــــــــــــــــــــــد؟! ســـــــــــــــــوى ثــــــــــــــــــورة تبــــــــــرق وترعــــــــــــــــــد وأخــــــــــــيرا.. لعـــــــــــــل كلمـــــــــــــاتى ترشــــــــــــــــــــــد الأحـــــــــــــــــــــــــــــــــرار ولهـــــــــــــــم تفنـــــــــــــــــــــــــد مـــــــــــــــــن لنــــــــــــــــــــــــــــا يؤيـــــــــــــــــــــــــــــــــــد؟! ومــــــــــــــن علــــــــــــــــــــــــــــينا يحقـــــــــــــــــــــــــــــــد؟! وصــــــــــــــــلاة وســـــــــــــــلاما علـــــى "محمـــــــــــــــــــد" نبــــــــــــــــــــع الخــــــــــــــــير.. ونعــــــم المــــــــــــــــــــــورد بهـــــــــــــا دومــــــــــــــا نشـــــــــــــدو ونغــــــــــــــــــــــــــــرد خواطر عاشق مصر... مستر / إبراهيم إبراهيم حجـاج
__________________
 اللهم اجعل وفاتي في صلاتي * بين سجدة وتسبيح وركوع واجعل آخـر كلامي في حياتي * لفظ قول الشهادة في خشوع
|
|
#59
26-02-2011, 10:14 PM
|
||||
|
||||
|
قصيدة موقعة الجمل // بعد مناشدة الشيخ محمد حسان لعدم سفك دماء المصريين ف التحرير
مصر درع الأمة ****** يا وطنا أعيته الحدود يا نهرا اغتالته السدود يا معصما أرهقته القيود يا شعبا يخشاه اليهود ****** يا درعا أجهده الصمود فى وجه عدو لدود .. لا يفى بالوعود .. لا يكترث للعهود .. ****** يا رحما حوى خير الجنود يا فنارا للعلم أنار الوجود عزنا حتما سيعود .. وغدا فى الدنيا تسود .. ****** ويسمع زئيرك كما الاسود لترهب الخنازير والقرود يا وطن الاحفاد والجدود تقدم لا تخشى الاخدود ****** فوراءه جنان الخلود جاهد وارضى المعبود واحذر فتنة شيطان مطرود يبغى فسادا ممدود ****** يفرح للطم الخدود عليك بتلاليب الصدود لتنجو من أنياب الفهود فى زمن عذابه السمود ****** لا تلعن ألما مولود لا تبكى أملا موؤد ثورتك عيد مشهود زانته أكاليل الورود ****** لكنى ألعن اقتتال الأسود أبكى موت أشبالها بلا جدوى وأعداءنا فرحيين لنا شهود يصبوا الزيت على نار بلا خمود ****** فمتى يا ابناء وطنى الشهيد .. تعودوا للديار وتكيدوا الوفود؟ أهناك من القتل المزيد ؟! تالله إنه لشىء بليد !!!! ****** أليس بيننا رجل رشيد ؟؟! ينصحنا ولعقولنا يعيد ؟؟! لنقتل الشيطان العربيد ولنزرع الحب المجيد ****** لنحيا حياة القلب السعيد بعيدا عن النار والحديد عذرا يا وطنى المنشود.. فكل ذى نعمة محسود ****** خواطر مستر// إبراهيم إبراهيم حجاج عاشق مصر والامة الإسلامية
__________________
اللهم اجعل وفاتي في صلاتي * بين سجدة وتسبيح وركوع واجعل آخـر كلامي في حياتي * لفظ قول الشهادة في خشوع
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 06:57 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
