|
حوارات ومسابقات ققسم خاص بالحوارت واللقاءات والموضوعات الخفيفة و المسابقات و الألغاز الهادفة |
![]() |
|
أدوات الموضوع | انواع عرض الموضوع |
#16
|
||||
|
||||
![]() لمى خد وقتك كلنا فى انتظارك والله انشا الله يبقى بكرة براحتك انا معاك
__________________
![]() ~Love your life ~ |
#18
|
|||
|
|||
![]()
فينك يا حلمى كلنا مستنيين يلا بقى
|
#19
|
||||
|
||||
![]() اقتباس:
![]() جارى الإنتظار.......... ومتطولش أكتر من كده ![]() لا الأسئله تحمض ولا حاجه ![]()
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
#20
|
||||
|
||||
![]() اقتباس:
ايوة الله حتحمض فعلا
__________________
|
#21
|
||||
|
||||
![]()
يالا يا حلمى فين مستنين من زمااااااااااان
هعزمك على سمك بس جاوب يالا |
#22
|
||||
|
||||
![]()
اشمعنا سمك ياعنى ؟
__________________
|
#23
|
||||
|
||||
![]()
هههههههههههههههههه خلاص يا جماعة انا هبدأ أكتب فى المشاركة أهو ...
بس لو فيها سمك يبقى أعملولى 20 حلقة ...هههههههههههههه شكرا يا شروق
__________________
C L O S E D
|
#24
|
||||
|
||||
![]()
ماشى ياعم
احنا مستنيينك على نااااااااااار
__________________
|
#25
|
||||
|
||||
![]()
اخيراً حلمي وصل
ربنا معاك و حاسب تفضل تكتب ساعة بعد كده تضيعها تاني حصلت معايا بس كانت في مقال في الفيزياء اتخنقت و قفلت الكمبيوتر يلا ربنا معاك
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
#26
|
||||
|
||||
![]()
اما نشوووووووووووووووووووووووووووووووووووووف
شكلة كده بيكتب فى الديوان
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~ |
#27
|
||||
|
||||
![]() بسم الله الرحمن الرحيم " السلام عليكم ورحمة الله وبركاته اعزائى المشاهدين اهلا ومرحبا بكم الحقيقة النهارده بيتى مش هيكون بيت عادى لا ده هيكون قفص اتهام لضيفنا اليوم ![]() ![]() ![]() , المثير للجدل .مثير للجدل ازاى ؟؟ فى الوسط دائما النشيط الحريص على عمله وعلى مهنة اشرافه المكلف بها فهو حلم لجماهيره وحلمهم ان يصلوا الى قلبه فمعى ومعكم النجم المحبوب محمد حلمى........................................ ميرسى على التقديمة الجميلة .. ![]() ![]() انا:حلمى نورتنى النهارده بجد وبشكرك على موافقتك انك تكون معايا اليوم وانا سعيدة جدا بالحلقة اليوم , وسعيده جدا جدا بهديتك للبرنامج بجد الف الف شكر وانت بجد كلامى يعجز عن شكرك ومدح موهبتك ميرسى ده بس من ذوقك ![]() لكن ده مش هيخلينى برضوه ارحمك ههههههه, ليه بس ... هو انا وحش أوى كده ؟ ![]() لكن فاصل وهنرجع مع اول غرفة انتظرونا مع قفص الاتهام!!!!! .................................................. (( نص البطـــيخة يا حـــاج ..ماجد الكدوانى )) .. ( فاصل بقى ..) هههههههههههه .................................................. .......... الغرفة الاولى:- طالب ثانوى ( الصف الثالث ) انا: حلمى رجعنا تانى وانا عارفة انك قلقان لان فى توصية جامده جدا من جمهورك ليك والكل عايز ياخد حقه منك وانا اولهم هههههههههههه انتوا بتكرهونى ليه أوى كده ... هههههههه , هبدأ معاك زى اى ضيف وبأسئلتى التقليدية...... - الاسم محمد حلمى .. -السن 17 سنة -الوظيفة ![]() ![]() -حلمى بداية كنت عايزاك تعرف ضيوفى فى الحلقات السابقة قالوا ايه عنك:- النجمه سؤئة الطيوبة:حلمى دائما متألق باعماله ![]() ![]() والفنان زيكا ستار:بيهديلك اول نسخة من كتابه وهو على فكرة بيعزك جدا وطبعا الوسط كله عارف ده وبيقول برضوة عنك دايما متالق زيكا صحبى الانتيم ولازم يقولى كده .. وكمان لو ماخدتش منه الكتاب .. هــ .. .. ![]() ![]() " طبعا هما مشكورين جدا" بلا أدنى شك .. ![]() - حلمى هل انت واخد الرسم هواية ولا نفسك تشتغل فى المجال ده فعلا؟! هى هواية .. لان عيلتى كلها بتعرف ترسم وقرايبى كلهم .. لان خالى كان رسام مشهور .. و أخويا الكبير خريج فنون جميلة و أختى الكبيرة خريجة تربية فنية .. وانا ان شاء الله أدخل فنون جميلة .. ![]() - اى موهوب بعد لما بيبدع بيبقى عنده حد كده اول واحد يحب ياخد رايه , مين اول حد بتاخد رأيه وبتثق فيه فى البيت؟! بصراحة أنا اى حد بقابله فى البيت باخد رأيه .. لكن دلوقتى .. انا بعرف بعد مابرسم الرسمة أذا كانت حلوة ولا وحشة و بقدر أقيّم نفسى .. واعرف غلطات الرسمة اللى وقعت فيها وبحاول أحسن شوية الحمد لله .. - حلمى عرفت انك بتخاف جدا من الغدر والخيانة , صح, هل حصلك من قبل غدر او خيانة؟! لا الحمد لله محصليش موقف زى ده قبل كده .. بس أعرف ناس حصلها كده وبتحكيلى ... ![]() ![]() - اى انسان فى الدنيا بيبقى مخطط لحياته انت حاسس لحد دلوقتى حياتك ماشية حسب تخطيطك ولا القدر اللى بيفرض عليك حاجات؟! الحمد لله أنا بؤمن بالقدر .. و انا بعمل اللى عليا و اللى عاوزه ربنا هيكون و أكيد خير ليا .. لكن انا حاسس انى الحمد لله الى حد ما قربت للاهداف بنسبة 60 % . وربنا يزيدنا... - مين اول حد قال لحلمى انت فنان واتمنى اشوفك فنان كبير ولازم تسعى ورا موهبتك دى؟! مش متذكر بصراحة .. أصل برسم من وانا صغير .. وكتير قالولى كده ... بس أكيد قرايبى أول ناس ... حلمى زى ما قولت انت فعلا حلم جمهورك دايما انهم يوصلوا الى قلبك وبجد ما شاء الله عليك اسمك دايما لامع فى الوسط الفنى وبقوة بحييك بجد على نشاطك بس انت حابب يبقى اسمك اكبر من كده ولا يكفيك القدر ده من المعجبين؟! أكيد حابب أزيد عن كده .. لانى الحمد لله طموح .. ولكن أسم وكده مش بتفرق معايا .. المهم انى أوصل للى أنا عاوزه بما يرضى الله.. وانا مش شايف ان فى معجبين .. لان دول أخواتى و أصحابى كلهم بصراحة برة المنتدى او الاعضاء اللى فى المنتدى ... يعنى زيي زيهم .. وربنا يخليكم ليا ... ![]() ![]() " حلمى انا كل ده بخدك واحده واحده لكن انت الحقيقة داخل قفص الاتهام بس معايا فى تانى غرفة خليكوا معانا بعد الفاصل................" طيب بس فى أسئلة ملهاش مصدر ... يعنى اتهامات وخلاص .. بس أنا معاك للاخر .. .................................................. ...................................... الغرفة الثانية:- " ورجعنا تانى والحقيقة ربنا يستر فى الغرفة دى ومش عايزاك تضايق يا حلمى او اسألتى تكون مستفزة بس انت رديت عليا بالموافقة ولازم ترد زى اى ضيف رد على اسالتى.....نبدأ.... " الحقيقة يا حلمى ملفك فى الوسط الفنى نظيف جدا ولم المسه بقلمى و اضع على اى شىء احمر بالخط العريض لكن اعمالك دايما مثيرة للجدل برضه مثيرة للجدل ؟؟ .. هى الكلمة دى معلقة معايا ليه .. بعدين أعمالى كله تصميمات ورسومات عادية جدا ... هوريك حاجات قيلت عن لسانك بس مالكش حق النفى, التبرير فقط , ومش عايزة كلمة لا تعليق , نبدا:- -وكمان المواضيع اللى بعملها بتكون مفيدة جدا ووالله ببقى تعبان فيها ومحدش بيبدى اهتمام غير بمواضيع البنــات ... " "هنا فى اتهام من الصحافة ان محمد بيتهم الجمهور انه مش بيفضل غير الاعمال النسائية وهذا يدل على غيرة حاده من الاعمال النسائية ردك ايه؟! انا مش قصدى كده ... والكلام واضح لأى حد هيقراه .. انا قصدى انى بتعب كتير فى الموضوع و ببقى كاتبه بأيدى و مش بلاقى أهتمام .. وانا مش بقصد بكده كمية الردود .. بس أنا عاوز رد واحد للحفاظ على الموضوع فى الصفحة الاولى و تقديرا لتعبى مش أكتر .. وانا لو على مواضيع الردود ممكن أعمل موضوع يجميع 50 رد فى الدقيقة ... بس هايبقى موضوع فاضى وملوش هدف ... ودلوقتى بنشوف مواضيع رائعة جدا والله أنا بفرح جدا لما أقراها وبتبقى برضه من أخوات فاضلات ..(( سؤئة . التائبة الى ربها .. سمر سعد .. Ragya )) وعضوات كتير والله بس مش عاوز أنسى حد .. طيب والله العظيم كتير هنا بيعملوا كده ... وبيدخلوا مواضيع تافهة جدا مجرد ان اللى عاملها اسم بنت .... وكله بيجــامل كله .... خلاص بقى هاقول ايه ولا ايه ..... -"هنا محمد حلمى بيتهم الاعمال النسائية بالتفاهه , وحتى اللى بيرد على اى عمل نسائى اهى مجرد مجاملة او جبر خاطر عشان دى بنت , اشمعنا البنات دايما اللى انت بتتكلم عنها فى الصحف ودايما مطهد اعمالها؟! ياريت تركزى فى الكلام كويس ...انا بقول (( مواضيع تافهة )) مش (( مواضيع بنات تافهة )) ... يعنى معنى كده ان في أولاد وبنات بيعملوا مواضيع تافهة .. وكلنا بنشوف ده خاصة فى القسم العام ... بس أنا كان قصدى ان فى مواضيع بنات زى مواضيع الاولاد .. وبيترد على موضوع البنات أكتر ... وده شئ ملحوظ وعارفينه كلنا ... وكمان الرد ده قديم .. أيام ماكنت هاسيب المنتدى وموضوع و خلص ومكنتش لسه اتعرفت عليكم أكتر ... لو اللى بيدخلو مواضيع تافهة ومواضيع البنات ... فدول عشان هما هايفين واظن انك في غنى عنهم انت اثبت نفسك وملكش دعوة بكمية الردود لو انت عايز ردود وخلاص بغض النظر عن الإفادة ممكن تنضم لجماعة (التافهين) وحتلاقي تافهين كتير برده لكن زيادة الهايفين عمرها ماكانت سبب تخليك تمشي ففي المقابل حتلاقي كتير مهتمين " مش هقول مين اللى رد عليك فى نفس الصحيفة قال كده لكن انت بعد كده قولت عنه هكذا وبدون انكار يا حلمى "صحفية سالتك مين اكتر عضو بيقهرك بتصرفاته , بدون اى تردد قولت " بانزر" ليه؟! طيب الرد الاخضر ده ... ايه المطلوب منى فيه ؟؟ عموما .. نيجى لموضوع بانزر .. أولا بقوله كل سنة وانت طيب ورمضان مبارك عليك .. ثانيا : انا كنت عامل موضوع فى قسم صوت الاعضاء وكنت كاتب فيه تجاوزات عليا وتريقة على مواضيعى من عضو ما .. ولقيت بانزر بيدافع عن العضو ده من غير حتى مايقرأ الموضوع كويس ولا يعرف مين على مين .. وكل اللى دخلوا الموضوع قالولى أن أنا على حق الحمد لله .. بس قالولى المسامح كريم ... وانا قولت ماشى .. لكن بانزر كان بيدافع عن العضو ده رغم كل التجاوزات عليا ... علشان كده أتضايقت وقتها .. بس خلاص أنا وبانزر دلوقتى أخوات لكن وقتها حصل بينّا سوء تفاهم .. - جرأءة جبارة واتهام فظيع من الرجال فى الوسط الفنى على النساء والاعمال النسائية وانتم تشاركوهم فى جميع الاعمال وثم تقولوا انا ارفض صداقة الولد والبنت , قولى ازاى دى تعقل الصحف مالهاش سيرة غير الموضوع ده وانت شاركت قبل كده برأيك وعايزة الناس كلها تعرفه بوضوح دلوقتى؟! بس أنا شايف ان ممكن يبقى في زمالة بين الولد والبنت .. لكن صداقة أنا شايف انها ماتنفعش .. لان كلمة صداقة دى كبيرة أوى .. لكن ممكن يكون زمالة بين ولد وبنت .. وده عادى جدا ... - اشمعنا حلمى اللى اخد فى العمل الفنى كنز الحياة للكاتب الموهوب زيكا اكبر دور ده انت واخد دور اكبر من صاحب العمل نفسه ايه السر؟! - ايه حكايتك مع الناس بتوع العمل الفنى المليون رد للفنان الجميل محمد ببعتله الف تحية , واشمعنا كل يوم وقبل الفجر كلكم بتتجمعوا؟! انا مش فاهم أول جزء من السؤال... لكن أنا بفتح فى الفجر لانى بتسحر وبعدين أقعد ع المنتدى وبعدين بقوم أصلى الفجر فى الجامع .. وبعدين أرجع تانى بقعد للساعة 7 كده او 8 الصبح و أقفل ... وغالبا مش بيبقى حد فاتح كتير ... - عملت دعاية جامده جدا جدا لعمل فنى اسمه " فنك امانة" شايف انه احتل مكانة على الساحه فى رمضان ولا لا؟! الحمد لله واعماله كلها جميلة جدا .. وكمان أى عمل فنى بينزلى فى رمضان بيبقى تحت رعاية الجروب .. وكمان الصورة بتاعة برنامجك اللى عملتهالك هدية ... دى كمان هدية منى ومن الجروب .. وياريت تشرفونا فى قسم الفنون التشكيلية هتلاقوا موضوع مثبت فيه أعمال الجروب ... ![]() - حلمى اعلن انه هيعتزل عن الوسط الفنى وبعديها بأيام قليلة الحقوا حلمى بقى منتج"مشرف يعنى" ازاى دى حصلت مش بقولك انت مثير للجدل بجد؟! انا قولت انى هعتزل بس شوفت الناس قد ايه بتحبنى فقررت البقاء .. والاشراف . انا رشحت نفسى ولقيت تووتة رشحت نفسها بعدى على نفس القسم (( الفنون التشكيلية )) و كانت كاتبه عدد الساعات اللى بتبقى متواجدة فيها أكتر منى . وكانت بتعدل المشاركة علشان تبقى هى المشرفة .. فأنا اتضايقت بصراحة وقررت الانسحاب وهى أول ماشفتنى أنسحبت أنسحبت هى كمان وأعتذرت .. بس اتفاجأت .. لما لقيت أسمى فى المشرفين ..بس الحمد لله .. وكمان تووتة ربنا يخليها باركتلى على الاشراف بكل روح رياضية وعملتلى موضوع كمان فى قسم الاهداءات و انا مش زعلان منها على الاطلاق .... يا جماعة لو كل واحد بص للى هايعمله علشان الناس تقول او ماتقولش يبقى مش هيخلص .... وبعدين الناس اللى هتقول كده او كده ... الناس دى عندها بلاوى كتير ومصايب أكبر من كده ومحدش فاضى لحد .... انا بتفق معاك فى رأيك بالنسبة للناس , لكن حبيت اعلق على رايك بالنسبة للجواز انت شايف ان الست هتكون اقوى فعلا لو كانت اكبر منك؟! لا طبعا ... بس انا ليه أديلها فرصه تحس بكده ... انا مش بعارض ده .. بس مدام فيه أتفاق فكرى خلاص عادى صحفية مرة سالتك تدى لمين شهادة تقدير انت جاوبت وبدون تردد الفنانه الجميلة اللى بوجهلها الف تحية يارا عطية ليه؟! يارا طبعا أختى الصغيرة .. وهى عارفة كده ... وانا أديتها شهادة تقدير لانها ساعدتنى فى نشر التوقيع الموحد فى أقسام المنتدى .. وكمان لما كنت هعتزل وقفت جنبى وساعدتنى كتير ... واكيد نشاطها المميز ده يخلينى برضه أديها شهادة تقدير .. مش تستحقها ولا ايه ؟؟ (( حقها ولا مش حقها ..هههه)) - " حلمى لو فضلت فى قفص الاتهام يبقى هحكم للاسف عليك بالاعدام ههههههههههه لا بس بجد انت مثير للجدل دايما , وبشكرك على صراحتك معايا , فاصل ومع تالت غرفة واسمها علبة الوان انتظرونى...." اوكى شكرا لحوارك .. هاتولى أعلان حلو فى الفاصل .. غير بتاع ماجد الكدوانى علشان جبناه فى أول فاصل .. .................................................. .................................................. ........ الغرفة التالتة:- " ورجعنا تانى مع حلمى النجم الموهوب بجد , خلاص بقى يا حلمى انا مش هقلقك تانى فى الغرفة دى هنهدا شوية ونتكلم عن فنك اتفقنا , وعلى فكرة انا بحب الرسم جدا وكان نفسى يكون رسمى حلو بس للاسف ما علينا نبدأ......................... - حلمى بيقولوا دايما ان الرسم بيريح الاعصاب ده صحيح فعلا؟! اه جدا والله بجد .... -بما اننا يا حلمى فى علبة الوان اختارلى لون بتحبه اووووووووى وبيوصفك؟! انا شايف ان كل الالوان بتكمل بعض ... يعنى كلها بتتجمع مع بعض علشان تدى منظر جميل .. ولون لوحده ماينفعش .. بس يعنى الى حد ما بفضل الازرق والاخضر والاصفر و الاحمر ..ههههههههه(( انا جبت كل الالوان )) - رسام حلمى بيقول يارتنى اكون فى شهرته بجد فى يوم من الايام؟! ممممم..الحـــــاج ديزنـــى ...هههههههههههههه لا بجد انا بحب شغل شركة والت ديزنى جدا .. لكن مش نفسى أطلع زى فنان معين أو فى شهرته ... كل واحد وليه سكته.. - لو قولتلك اهدى البرنامج بتاعى حاجه من اعمالك هتهديه ايه؟! صورة البرنامج ... ايه رأيك فيها ؟؟ حلوة ولا ؟؟؟؟؟؟؟؟؟؟ ![]() - حلمى فى مقولة بتقول " القلب الذى لا يؤمن بالحب قلب بارد" , انت قلبك بارد ولا بتؤمن بالحب؟! اه طبعا لازم الانسان يحب واما هايبقى جماد ... -ومقولة تانية بتقول " ضعف المرأءة فى الحب سر قوة الرجل" بتوافق ان المراءة لازم فعلا تكون ضعيقة ولا يكون فى تساوى فى القوة بما اننا بقى بنكلم مزعج النساء دائما فى الوسط الفنى ههههههههه؟! ههههههههه..لا طبعا مش لازم المرأة تكون ضعيفة .. بس المفروض تكون رقيفة و هادية وولطيفة كده .. و ده مش بيقلل من قوة المرأة طبعا ... -حلمى من وجهة نظر فنك ورسمك وابداعك الدنيا لوحه كبيرة عاملة ازاى؟! انا شايف الرسمة : ان كل مابتديها ألوان و تحديدات أكتر .. كل ماهتديك منظر جمالى أكتر .. والدنيا كذلك الامر : يعنى كل ماتتعب وتعمل مجهود وتساعد الناس .. ربنا هيوفقك فى حياتك على قد تعبك و خدمتك للناس و تدينك ... - حلمى تختار حياة عاطفية ام حياة علمية افضل؟! عملية علمية عاطفية ![]() " حلمى احنا اخدنا راحه شوية فى الغرفة الهادئة دى لكن انت عارفنى مش دايما بريح كده فاصل وهنروح لغرفة مع او ضد انتظرونا...................." .................................................. ............................................ الغرفة الرابعة:- " ورجعتلكم تانى ومعايا حلمى اللى منورنى النهارده جاهز يا حلمى نكمل الحوار .............. على خيرة الله نكمل .................." -حلمى مع او ضد:- -عمل منهج دراسى جديد لكل سنة دراسية مع ..بس من أول 1 ابتدائى . - جواز البنت تحت سن ال18 سنة الوقت الحالى ... ضــد.. - عمل كليات خاصة للبنات وكليات للولد انا مروحتش الجامعة لسه ..فمش عارف النظام .. ولكن أقول ضد .. علشان لازم يحصل زمالة ... - توفر الدولة فرص عمل للشاب حتى اوقات الدراسة أكييييييد مع .. لان فى ناس مش بتتعلم .. و أكيد الناس دى محتاجة شغل ... - وزير التربية والتعليم مع وزير التربية والتعليم .. لكن ضد بعض القرارات .. - عمل المراءة حتى لو كانت فى حاجه الى المال مع .. لان المرأة بتعمل علشان وضعها الاجتماعى و ثقافتها و الفلوس آخر حاجة .. - الصداقة بين البنت والولد "وحطالك مليون خط احمر على النقطة دى وعايزة اجابة مقنعه يا حلمى" انا وضحت النقطة دى ... انا بقول زمالة لكن صداقة من وجهة نظرى خطأ ... - التدريس على الانترنت بدل ما الطلاب يروحوا المدارس ضد ... فى الوقت الحالى ... " حلمى فاصل وهنرجع لاخر غرفة معانا انتظرونا........" .................................................. .................................................. ........... الغرفة الخامسة:- " ورجعنا تانى وللاسف دى اخر غرفة يا حلمى وطبعا مش هسيبك تمشى كده من غير اسالة برضوة بتثير الجدل , نبدأ.......................... - حلمى احد الصحف قالت" تعجبنى ردود حلمى على الموضوعات فهو بارع فى جذب حب الناس اليه"ردك ايه؟! والله مش عارف مين اللى قال عليا كده .. بس دى شهادة أعتز بها .. ويمكن لان كل الناس هنا اخواتى فهما حاسين كده ... - فى نظرك مين فى الوسط الفنى اعماله دايما بتثير الناس؟! مش عارف بصراحة ... بس كتير .... -موهبة فنية بجد محدش واخد باله منها؟! Wafaa_2010 - حلمى طبعا واضح ان ما شاء الله علاقاتك مع الناس فى الوسط كويسة جدا لكن مين اكتر تلاتة دائم الاتصال بيهم؟! الامير محمد / زيكا ستار / يارا عطية ... وطبعا النجم الجديد محمود جمال 7ooda gamal لانه صاحبى شخصيا ... وجيرانى .. - يوم لما قررت الاعتزال مين اول حد , انا عارفة ناس كتير بعتتلك بس مين اول من بعت ليك ايميل " رسالة خاصة يعنى" وانت فرحت اووووووووووى؟! مش فاكر بصراحة ... انا أساسا مقدرتش أقرأ كل الرسائل للأسف .. لانهم كانوا كتير جدا .. الحمد لله ... - انت كنت دائم الشكوى من المنتجين "المشرفين يعنى" انا عمرى ماعترضت على مشرف على فكرة ... ياريت متقوليش كلام وخلاص .. لانى بجد والله بحترم كل المشرفين .. يوم لما انت اخدت المهمة دى حسيت انك افضل من ناس كتير , وهل حسيت انهم بيتعبوا بجد عشان يحافظوا على مستوى الوسط احكلنا عن التجربة يا حلمى؟! الحمد لله بحاول أنى اتواجد كتير فى القسم و أعمل مواضيع و أنشط القسم و أرد على الاستفسارات و أحدذف الردود الغير لاقة و حاجات كتير صعبة .. وربنا يقدرنا ويزيدنا ... -اكتر التجاوزات اللى ضايقتك جدا فى الوسط ولايمكن تنساها؟! لا الحمد لله .. ربنا مايجيب تجاوزات ... أحنا هنا كلنا أخوات والموضوع مش مستاهل تجاوزات ولا حاجة الحمد لله .. -امتى حلمى هيقول انا هسيب الاشراف؟! لما أحس أنى مش هقدر أفيد القسم وان في حد أفضل و أقدر منى على القسم ... - 3 انت شايفهم دايما على الساحه ونفسك تحتل معاهم القمة منافسة شريفة طبعا؟! هما مش 3 دول 300 و عضو وعضوة .. لانهم كلهم ماشاء الله نشيطين جدا و كلهم بصراحة مميزين ... ربنا يحميهم - رأيك بجد فى العمل الفنى لزيكا ستار, وشايف فعلا هو احسن اختيار الابطال؟! زيكا مبدع جدا جدا .. ماشاء الله عليه .. وانا شايف أنه أحسن أختيار الابطال ... - اسم دايما مقترن بأسمك فى اى موضوع ؟! آية كمال . يارا عطية .. ![]() - حلمى هل عجبك بيتى فعلا بيت جميل جدا .. (( بس أن ما شفنا أزازة حاجة ساقعة ولا حتى كباية مية ![]() , وانا بعتذر لو كانت اسألتى مستفزة شوية بس انت عارف دى طبيعة البرنامج هههههههههههه.. لا ولا يهمك معلش طولت عليكم .. وزى اى ضيف حابه انك تقول كلمة للبرنامج ولقناة بوابة الثانوية العامة الراعى الرسمى لبرنامج سمر سعد؟! أوجه رسالة من موقعى هذا ... الى كل اعضاء الثانوية العامة ... هههههه .. بجد انتوا أكتر من اخوات وانا بحبكم جدا .. والبوابة هى بيتى الثانى ... وأحسن منتدى شفته بصراحة .. "اعزائى المشاهدين انا بشركم من كل قلبى على ايميلتكم الجميلة اللى بترسلوها يوميا للبرنامج وبشكر نجومى اللى بينورونى دايما وهما اللى صنعوا البرنامج مش انا وبوجه ليهم الف تحية من بيتى ويارب بيتى يفضل دايما مفتوح لكل فنان موهوب , فشعارى دائما اسعد القلوب كى تنبض للاخرين, فهؤلاء النجوم قلوبهم تحتاج الى من يسعدها كى يأتوا الينا بأجمل الابداع , انا بشكرم جدا على حسن متابعتكم والى اللقاء فى الحلقة القادمه والسلام عليكم ورحمة الله وبركاته فى رعاية الله , احبائى........................ وانتظرونى فى الحلقة الاكثر جرأءة على الاطلاق مع النجم وجدان حنفى ......................" معلش يا جماعة انا أتأخرت فى الرد ... بس أكيد انتوا عرفته السبب .. والحمد لله عدت على خير. ومستنيين حلقة وجدان ... والسلام عليكم ورحمة الله وبركاته ... (( حد ينزل بالتتر و يقفل الكاميرات دى ))هههههه
__________________
C L O S E D
|
#28
|
||||
|
||||
![]()
الحوار طويل قوى ... حرام عليكى يا سمر ... هههههههههههههههههههه
__________________
C L O S E D
|
#29
|
||||
|
||||
![]()
هههههههههههههههه
اخيرا يامحمد بجد ردودك كلها جميله وسمور العسوله متالقه ياقمر
__________________
![]() ![]() |
#30
|
||||
|
||||
![]()
ميرسى يا شمياء ... بس شوفى بهدلتنى ازاى ... ده لو لقاء تلفزيونى مش هايبقى بالطول ده ...هههههههههههههههههههه
بس بجد مذيعة هايلة يا سمر ... ماشاء الله عليكى ...
__________________
C L O S E D
|
![]() |
العلامات المرجعية |
أدوات الموضوع | |
انواع عرض الموضوع | |
|
|