أنت وضميرك ... وثالثكما الشيطان

[حمادة الدماطي]

المشهد الأول
(داخل حجرتك ـ ساعة متأخرة من النهار، عودة للمنزل لقضاء ساعتين راحة ثم استئناف الخروج،
أنت: مستلقيا على سريرك، بعد نهار مفعم بالدروس، تحاول استعادة جزء من نشاطك في تلك الساعتين ، وفجأة.................. تسمع صوت غريب مش متعود عليه !!!! يقول: ...
أخيرا..... أخيرا.... عرفت أستفرد بيك لوحدك، من غير ما تكون في درس ولا قدَّام التليفزيون ولا قاعد على النت... ولا بتلعب كورة .. أخيرا.... حرام عليك يا أخي، دوختنييييييييي.
أنت: (وقد علمت مصدر الصوت واطمأننت)
يا ساتر يارب ... هو إنت يا عم ضميري ... خوفتني يا عم.. خير.. عايز إيه..!!!
ضميرك: عندي كلام مهم جدا... بس لازم تسمعني كويس
أنت: ماشي .. خلَّصني.. أرغ يا عم الأمور... ورايا اللي أهم منك..
ضميرك: اسمع بس.. ده أنا هقولك كلام بخصوص مستقبلك
أنت: ( يظهر عليك التلهف والشغف والاهتمام)
إإإنت زعلت ولا إيه.. ده أنت حبيبي ... كلام بخصوص الامتحانات صح؟ عندك أخبار مهمة..فيه إيه؟
ضميرك: براحة بس.. إديني فرصة.. وبعدين امتحانات إيه ودروس إيه.. إنت مفكرني مدرس من إياهم.. ده موضوع تاني خالص وأهم من امتحانات الثانوية العامة والتنسيق وكل ده...
أنت: ( تبتسم ضاحكا) …أهم من كل ده؟!!! هو فيه في الدنيا أهم من الثانوية العامة.. يا عم ضميري.. أهم حاجة أنجح وأجيب مجموع وأدخل الكلية اللي نفسي فيها.. وبعد كده أشتغل وأتجوز.. إستنى.. إستنى.. أوعى يكون قصدك على الجواااااز... فهمتك يا لئيم.. طاب مش تقول كده… بص يا عم.. هحكيلك عن البت بتاعتي.. السيكو سيكو... وأنا كنت فاكرك مؤدب......امبارح شوفـ…..
ضميرك: (عابسا وجهه مقاطعا لك ) خلَّصت كلامك.. قلت كل اللي عندك... هذرت وضحكت... ممكن لو سمحت تسيبني أخلص كلامي من غير ما تقاطعني.
أنت: طيب معلش .. إنت زعلت ولا إيه؟ مش هقطعك تاني. بس قول بسرعة عندي تسميع كلمات الوحدة التالتة في درس الانجليزي، والمدرس ما بيرحمش ..خير فيه إيه؟
ضميرك: هبدأ كلامي معاك بسؤال.. بس متردش بسرعة.. فكر الأول.
أنت: اتفضل.. ما هيا ناقصة أسئلة.
ضميرك: السؤال : إنت عندك احتمال إنك ممكن تخش النار؟؟؟؟؟؟؟؟؟
أنت: (لحظة صمت لوهلة قصيرة، ثم إجابة بتردد) احتمال ... بس ربنا إن شاء الله هيرحمني.. هو أنا بعمل حاجة حرام..
ضميرك: أولا: ربنا رحيم بس مش رقيق أو عطوف.. يعني لو إنت بتعمل حاجة حرام لازم هيحاسبك عليها وهيرحمك لو بتتقي الله وبتبعد عن الحرام..
أنت: الحمد لله طاب أنا ببعد على قد ما أقدر.
ضميرك: يعني إيه على قد ما تقدر... !! وإزاي بتسمع أغاني ليل ونهار.. وبتقول على قد ما أقدر!!
أنت: هو الأغاني حرام ولا إيه؟ إيه يا عم؟ ما تصلي على النبي كده.
ضميرك: الأغاني حرام جدا جدا..
أنت: جدا جدا!!!! إنت بتتكلم بجد؟
ضميرك: والله حرام جدا وعقوبتها عند الله شديدة، إنت ما تعرفش؟
أنت: والله ما أعرف... طاب إزاي.. ده الناس كلها بتسمع أغاني!!!!!!!
ضميرك: هو معنى إن المعصية كترت معنى كده إنها بقت حلال، أو ربنا هيلغي عقابها
إنت: لأ طبعا بس مين اللي قال إنها حرام؟؟؟؟؟؟؟؟
ضميرك: لو قلتلك إنه الرسول صلى الله عليه وسلم هتصدق؟
إنت: طبعا.. قال إيه سيدنا محمد عليه الصلاة والسلام؟
ضميرك: قال رسول الله صلى الله عليه وسلم: "ليكونن في هذه الأمة خسف، وقذف، ومسخ، وذلك إذا شربوا الخمور،واتخذوا القينات، وضربوا بالمعازف" (صحيح )، وعن رسول الله صلى الله عليهوسلم أنه قال "ليكونن من أمتيأقوام يستحلون الحر و الحرير و الخمر و المعازف، فيبيتهم الله، ويضعالعلم، ويمسخ آخرين قردة وخنازير إلى يوم القيامة" (رواه البخاري ، وقال صلى الله عليه و سلم: "صوتان ملعونان، صوت مزمار عند نعمة، و صوتويل عند مصيبة" إسناده حسن، وقال صلى الله عليه وسلم: "إن الله حرَّم على أمتي الخمر، والميسر، والمزر،والكوبة، والقنين، وزادني صلاة الوتر" (صحيح). الكوبة هي الطبل،أما القنين هو الطنبور بالحبشية.
وروى أبو داوود في سننه عن نافعأنه قال: "سمع ابن عمر مزماراً، فوضع أصبعيه على أذنيه، وابتعد عن الطريق، وقاللي: يا نافع هل تسمع شيئاً؟ قال: فقلت: لا! قال: فرفع أصبعيه من أذنيه، وقال: كنتمع النبي صلى الله عليه وسلم، فسمع مثل هذا! فصنع مثل هذا" (حديث صحيح)
إنت: معقوووووول ............ ياااااااااااه
ضميرك: مصدق سيدنا محمد ؟ بتحبه ؟ نفسك يشفعلك يوم القيامة ؟ ولا بتحب المطربين أكتر؟
إنت: لأ والله طبعا بحب سيدنا محمد؟ بس ...... بس أنا طلعت لقيت الناس كلها بتسمع أغاني وموسيقى وكمان قريت إن الموسيقى ده بتهذب الروح.
ضميرك: بتهذب الروح؟؟؟ والله كل ده كلام اللي عايزين تشيع الفاحشة في المسلمين هتلاقيهم بيقولوا إنها ترقق القلوب والشعور، وتنمي العاطفة، وده طبعا خداع وكدب، لأنها مثيرة للشهوات والأهواء، ولو كانت الموسيقى بتعمل الكلام اللي بيقولوا عليه لرققت قلوبالموسيقيين وهذبت أخلاقهم، وأكثرهم وإنت عارف انحرافهم وسوء سلوكهم.
إنت: يعني إيه الموسيقى كمان حرام؟؟؟
ضميرك: طبعا إنت ما سمعتش الأحاديث اللي قلتهالك؟ ولا مش مصدق؟ مش الرسول قال (إذا ضربوا المعازف)..
إنت: مظبوط.. وبعدين طاب ده الأغاني بقت في كل حتة... التليفزيون والراديو وحتى الموبايل,,,,, طاب وبعدين..... هبعد إزااااااي؟؟؟؟
ضميرك: أولا: لازم تتوب لربنا عن المعصية ده.. يعنى تحس بالندم لأنك كنت بتعصاه الفترة ده كلها وسبحانه وتعالى ما كانش بيعاقبك.. ثانيا تنوي بجد إنك هتتخلص من كل الأغاني اللي على الكمبيوتر بتاعك وعلى الموبايل وإنك ما مش هتسمع بعد كده
إنت : يعني إيه...
ضميرك: يعني ربنا إن شاء الله مش هيحاسبك لو كنت ماشي وبعدين حد مشغل أغنية في الشارع.. لكن هيحاسبك لو إنت اللي مشغلها أو على موبايلك
إنت: يعني الأغاني كلها حرام؟؟ كلها؟؟
ضميرك : بص .. وحدة وحدة... أولا: المسلم اللي عايز يدخل الجنة ما يسألش هي ده حرام ليه؟ وإيه السبب؟.. المفروض أول ما يعرف إن الحاجة ده حرام علطول يستغفر ربنا يمكن ربنا يغفر له ويبعد عن الحاجة ده.
ثانيا وده الأهم الأغاني اللي إنت بتسمعها كلها بتتكلم عن العشق والغرام والشوق والأحضان وقلة الأدب وأكيد إنت عارف...وبعدين أي حاجة بتقولها أو بتسمعها بتتكتب على شمالك في كتاب السيئات أو على يمينك في كتاب الحسنات... تخيل بقى الأغاني هتتكتب فين؟؟؟؟؟... وأكيد إن الناس اللي بتتطلع ترقص والبنات اللي .....
سيكو سيكو على رأيك ... تخيل ربنا هيرحمهم ليه؟؟ أنا مش بمنع رحمة ربنا عن حد لكن لو ربنا هيرحم كل الناس، هيبقى ليه فيه جنة ونار؟؟ وإزاي ربنا هيساوي بين حد بيعمل خير وبيسمع قرآن وبيصلي وحد تاني بيرقص وبيغني وجسمه عريان؟؟؟؟؟
إنت: عندك حق... بس أنا بسمع ساعات أغاني دينية حرام ده؟
ضميرك: لو بموسيقى تبقى حرام.
إنت: كله حرام.. حرام . طاب هسمع إيه؟؟
ضميرك: لأ، طبعا مش كله حرام، لو أناشيد وأذكار ومعهاش موسيقى تبقى حلال وهتاخد كمان حسنات...
إنت: بس أنا مش بستمتع بالأناشيد ده..
ضميرك: تاااااني!!!! ........يا عم حُفت النار بالشهوات ... واستمتاعك ده ممكن يدخلك النار والعياذ بالله وبعدين والله لو سبت سماع الأغاني لله، هيعوضك زي ما قال سيدنا محمد :" من ترك شيئا لله أبدله خيرا منه"....
وبعدين المستقبل ده بتاع ربنا وفي إيد ربنا يبقى لازم تطيعه عشان توصل للي إنت عايزه
إنت: ((تسمع صوت غريب في همس يقول لك)): الدنيا هتبقى من غير طعم لو مفهاش أغاني وزمايلك هيتريقوا عليك لو قلتلهم إنك بطلت تسمع أغاني........
ضميرك: مالك ساكت كده ليه فيه إيه؟
إنت : مفيش بس زمايلي هـ..............
ضميرك: هو اتكلم معاك؟
إنت: مين؟
ضميرك: الشيطان... خللي بالك ده سامع كلامنا كله ومش هيسيبك...... ولو ناوي تعمل خير هيحاول يمنعك ويجملك طريق الشر... لأنه طبعا عايزك معاه في النار... أنا بلغتك وإنت حر... يا تختار سيدنا محمد والجنة أو الشيطان والنار.
إنت: استغفر الله العظيم... سامحني يارب...
((ثم بسرعة تقوم إلى جهاز الكمبيوتر وتحذف كل الأغاني والكليبات اللي عليه))
ضميرك: اللهم لا تزغ قلوبنا بعد إذ هديتنا........ ربنا يهديك ويثبتك.

بعد الاطلاع على المشهد الأول ...و بعد قراءة الموضوع
أرجو أن يكون نهاية التعليق اختيار من ثلاثة:


أولا: طبعا اقتنعت وهمسح كل الأغاني فورا

ثانيا: اقتنعت... وهحاول

ثالثا: ربنا يسهل................

[حمادة الدماطي]

لا أفهم معنى لعدم وجود رد!! هل بسبب رداءة الموضوع وسماجته أم بسبب أنه معروض بشكل سيء هناك مشاهد كثيرة صورت فيها السلبيات التي يقع فيها معظم الشباب عن جهل أو قلة علم.. ولكن معنى عدم وجود ردود أنني بالطبع لن أستكمل عملا لم يقتنع به أحد.