ازيكم يا جماعه معلش اختكم يميميم عاوزه تفضفض شويه

[ymymym]

السلام عليكم يا شباب عاملين ايه ؟ وحشني بجد

امممممممممم انا كان نفسي اقعد افضفض شويه اصلي نتيجتي قربت تظهر وانا خلاص تعبت وخايفه من النتيجه حاجه تزهق فعلا كل كليات الجامعه بتاعتي ظهرت ما عدا احنا او بمعني اصح كمان عربي ظهرت وانجليش لسه فيهم غباء رهيب
زهقت بجد
يلا غير كده عندنا دكتور فعلا اقل ما يوصف بانه سايكوا يقولنا ايه if any body understand me or not understand me no body will succed
ههههههههههههه
فعلا هم يبكي وهم يضحك يلا بقي نعمل ايه وبنت راحت تقوله يا دكتور طب مادام حضرتك بتقولنا كده يبقي ليه نذاكر وليه حضرتك تشرخ من الاول اساسا وتتعب نفسك تخيلوا قالها ايه
انا بس عاوزاكم تتخيلوا
قال ايه الطلبه مع الفرق في التشبيه طبعا زي القاتل
فيه قاتل محترف يستاهل الاعدام
وفيه قاتل اول مره يقتل ومكنش قصده يقتل فبالنسبه له حكم الاعدام صعب بس انسان محترم وطيب هو بقي مشبه الطالب اللي بيذاكر واللي بيعمل اللي عليه بالقاتل الطيب اللي اول مره يقتل هههههههههههههههه
والطالب الفاشل بالقاتل المحترف قال ايه يعني اعملوا اللي عليكم وارضوا ربنا وبعد كده الامتحان ييجي زي ما ييجي
يلا ربنا يشفي
لأ كمان ايه بقي بقوله يا دكتور طب افرض اني مثلا قدرت احل الامتحان كله قاللي حليه لو حليتيه كله صح الاتصحيح هيخليكي زيك زي غيرك طالما عاطف بيصحح اصل اسمه عاطف بعيد عنكم اياكم حد يسمي ابنه عاطف هخاصمه
لأ وكفايه نظره عينيه انا ببقي قاعده زي الكرسي اللي قاعده عليه
هف بجد تعبانه زهقت ومش طايقاه حاجه قرف وخايفه خايفه قوي ده لدرجه اني قلت اخد درس في الماده بتاعته فلقيت اللي كنت هاخد عنده درس بيقولي ايه تخيلوا برضه قاللي حرام تدفعي فلوس في الحصه لان برضه حتي لو فهمتي مبيجيش في الامتحان خاااالص قلتله ربنا يبشرك بالخير بس اقنعته فضلت لمده اسبوع وراه لغايه ما اقنعته فقالي خلاص هديلك الحصه ااااااااااااااااه بجد تعبت ونفسي اعيط نفسي بجد بس زهقت من العياط زهقت قوي اعمل ايه طيب وامتحاني الله يامحهم يوم 5 ابريل زهقت يا شباب انا كنت جايه اقعد علي الكومبيوتر اذاكر الاكونت اصلي حاطه الحلول علي الكومبيوتر وبراجعها باللي بحله بس مش قادره تعبت خلاااااااااااااص فعلا زهقت عارفه انكم نفسكم تكسروا الكومبيوتر بعد ما تقرأوا موضوعي بس اختكم بقي ولما رحت لصحبتي عشان اقعد معاها واقعد افضفضلها لقيتها زيي غير كده الصراحه انا مزاجي مش رايق خالص من ساعه امبارح لاني وانا رايحه لبني سويف وراجعه منها كانت في حادثه بعيد عننا يارب حادثه بشعه ميكروباس بتاع السفر فيهم يا عيني طلبه جامعه لبني سويف وقع في الميه هما وقعوا يوم التلات بليل ولغايه دلوقتي مطلعوش حد منهم حبايبي اكتئبت و ومن ومنظر الاهالي فظيع يا جماعه معرفش بقي انا تعبت بجد يا عيني ماتوا ومطلعوش شفتوا انتوا كده انتوا مشفتوش منظر الاهل فعلا والست قاعده علي الرمل علي الجنب وهي قاعده تعيط انا امبارح معرفتش انام غيربليل خالص ونايمه مش مستريحه
انا اسفه بجد يا جماعه اني بزهقكم وبكئبكم بس غصب عني بجد انا تعبانه ومخنوقه انا اسفه بجد لو لزعجتكم بس معلش استحملوني لغايه ما الفتره دي تعدي وهتلاقوني عاديه انا حتي مع اصحابي مش طبيعيه مبقتش بجد زي الاول معرفش ليه الايام دي اتغيرت مبقتش طايقه حد وامبارح اتخانقت مع اختي واتنرفذت عليها خايفه بجد معرفش بقي سلام

[*ساسُّو*]

معاكى ربنا حبيبة قلبى
ربنا يوفقك يارب
الدكتور بتاعكم ده محتاج يتموت ويريحكوا
ومش كل الى اسمهم عاطف وحشين فيه ناس كويسة*اى اسم يضايقك موتيه على طول ومش تكرهى الاسم*
حاولى شوية هدوء مع نفسك وابعدى عن اى حاجة تجيب أكتئاب وركزى فى مذاكرتك عشان تجيبى أمتياز
والشباب دول رحمة الله عليهم ربنا ان شاء هيعوضهم شبابهم فى الجنة
وان شاء الله اكيد مستحيل نزهق منك يا قمر
هستنى اسمع انك أعلى تقدير على الدفعة

[H.H.KH]

ايه القلق والتوتر ده كله.....ولا تقلقى نفسك خالص يا قمرى وهدى اعصابك خالص ان شاء الله النتيجة هتطلع وتجيبى تقدير حلو اوى....قومى بس انتى صلى ركعتين كدة ادعى فيهم لربنا انه يوفقك فى النتيجة ويرحم الشباب اللى ماتو فى الحادثة اللى شوفتيها ((انا بعمل كدة لما اكون مضايقة او قلقانة.....انا عارفة هتقولى انى عاملة فيها شيخة بس والله فعلا بيريحونى اوى)).....ياريت تتقبلى مرورى يا قمرى

[ymymym]

انا مش عارفه اقول ايه بجد ليكم كلكم بس ساسو مستنيه امتياز السنه دي معتقدش
قوي يعني يعني لو جبت تبقي جيد جدا ده لو جبتها انا احساسي جيد
والله اعلم بقي غير كده الحادثه جت النهارده في الجرنان بعد ما سبتكم طلعوا سته احياء وتلات جثث والباقي لسه مطلعوش باقي 8 هما كلهم 17 ربنا يستر بقي ميرسي ليكم قوي قوي انا عاديه دلوقتي اهو هذاكر ان شاء الله دلوقتي

ميرسي علي مروركم وردكم العسل

[sunsero2000]

قبل ما اتكلم
هو انتى فى المنصوره
اصل المنصوره مشهوره بالدكاتره والامتحانات بتاعتها وحاجه كمان انتو عارفينها
المهم انا بردو فى تجاره بس عربى واحب اقولك ان الدكاتره اللى بتقول هتسقطو وكده وبيهددو بيجيبو اسهل امتحانات ولو سالتى على الدكتور اللى بيقول كده هتصدقى
انما اللى بيخش يتمسكن ويقول انتو حبيبى زى ماحصل معانا فى الاداره
الدكتور طول التيرم انتو ولادى هتنجو وكلام من والامتحان ماشاء الله عليه
وانتى اعملى اللى عليكى وان الله لايضيع اجر من احسن عملا
وبعدين الدكاتره مرتبطين بنسبه نجاح لازم يعدوها

انا بالنسبه لحكايه الحادثه اللى بتقول عليها
انا كنت فى حادثه من حوالى شهر بس الحمد لله مش حصلى حاجه بس للاسف فيه ناس ماتت
وانا ليه عمر عشان اجى ارخم عليكم ههههههههههههههه
كفايه كده لفه عشان اروح اتعشى

[ymymym]

الف حمداا لله علي سلامتك يارب تكون بخير

لأ بني سويف بعيد عنك لأ فعلا بيجيب امتحانات صعبه لان كل اللي قبلنا قالولنا الامتحانات صعبه ومتعرفوش هو بيجيب المسائل من فين يعني هو كده بس ربنا يسهل ويستر انا اللي مضايقني الحادثه وحصلت برضه كمان عندي هنا في البيت يعني هو ابوس باين من اوله ميه ميه يلا الحمد لله علي كل حال

وحمدا لله علي سلامتك

[sunsero2000]

المشاركة الأصلية كتبت بواسطة ymymym

الف حمداا لله علي سلامتك يارب تكون بخير

لأ بني سويف بعيد عنك لأ فعلا بيجيب امتحانات صعبه لان كل اللي قبلنا قالولنا الامتحانات صعبه ومتعرفوش هو بيجيب المسائل من فين يعني هو كده بس ربنا يسهل ويستر انا اللي مضايقني الحادثه وحصلت برضه كمان عندي هنا في البيت يعني هو ابوس باين من اوله ميه ميه يلا الحمد لله علي كل حال

وحمدا لله علي سلامتك

الله يسلمك اولا
ثانيا بالنسبه لحكايه الامتحانات صعبه
وايه فى الدنيا اللى بقى سهل اليومين دول


اه على فكره الروايه بتاع رجل المستحيل حطيتها عشان تعرفو ان طلباتكو اوامر

وربنا يوفقك وينولك اللى بالك

[الاء_الرحمن]

ربنا يكون فى عونكم جميعا يا اختى
وان شاء الله كلكم امتياز
ابقى طمنينا عليكى

[JASSY]

يا قمر ولا تقلقي نفسك ولا تخافي من النتيجة انت مش عملتي اللي عليكي خلاص بقى سيبيها على ربنا
ومتتعبيش نفسك.
اما بالنسبة للحادثة اكيد موقف صعب اوي برده انا مرة شفت حادثة وقعدت مكتئبة لفترة طويلة .....
حاولي تفوقي واعملي اي حاجة جديدة مثلا اخرجي غيري جو شوية.....
سلام بقى كفاية كده طولت عليكي بس ابقى طمنيني ع النتيجة بجد اوعي تنسي... اوكي بااااااي

[ymymym]

انا جبت جيد يا جاسي والحمد لله

اسكت يا سانسيرو مش الدكتور اللي انا قلت عليه جابلنا امتحان سهل وقفلته الحمد لله بجد مبهزرش

اما الدكتور بقي واحد تاني اسمه دكتور غريب سقط سبعين من الدفعه بتاعه سنه رابعه والله صعبوا عليا وناس عارفاها وممتازه بس شالوها ربنا يسترها معانا يارب