من ادمى قلب النساء والاطفال......؟

[lologeo]

حقيقى انا باكتب دلوقتى وعارفه ان انا مقصره فى حق غزه
فعلا كلنا قصرنا فى حق غزه
المجزره اللى حصلت دى فعلا تدمى قلوبنا جميعا
لكن نسال ونقول فين الرد
غزه مش محتاجه دموعنا ومش محتاجه مواساتنا
غزه بعزة اهلها وكرامتهم بتنداس برجلينا قبل ما تنداس برجل الصهاينه
مفيش دوله عربيه وقفت جنب غزه بجد
اكتفينا بالتنديدات فى حين كان الاجانب اول من تحركوا بسفن كسر الحصار
وليفنى جات تهدد فى مصر انها هتعمل المجزره والرئيس المبجل ماقدرش يرد عليها
لكن اكيد قال لها نعم القرار قرارك "القرار الصائب طبعا" ومش كده وبس
ده مصر كانت على علم بكل المخططات دى وبتدبر معاها كمان
لدرجة انها طلبت من اسرائيل ابادة بعض قيادات حماس
انا حاسه بالعار ان انا مصريه مش عايزه اقول ان انا من مصر خالص
مصر واللى كان عشم الغزاويين فيها كبير خزلتهم وساعدت فى حصارهم
ونسيت العروبه والاسلام اللى بيننا وبينهم
ده اللى حبست قطه دخلت النار فما بالكم باللى حبسوا 2مليون انسان
ربنا اهون عنده هدم الكعبه وما ي***ش مسلم
فما بالكم بالمئات اللى ماتوا فى دقائق معدوده
يكفى ان اكنا نحس بالذنب
ونسمع صرخات الاطفال اللى لسه بتحكى بابا
نسمع الامهات اللى بتربى اليتامى
نسمع آهات النساء و الاطفال والرجال والشباب اللى فقدوا عائلاتهم مره واحده
نسمع صدى صوت الشباب المعتقل فى السجون من صغره
اعتقد ان احنا السبب فى كل ده احنا اللى رضينا بالذل احنا اللى اخدنا رؤسائنا على كده
لكن اعتقد انم كفايه نكون مكتوفين الايدى ونحاول ولو مره ان احنا نحس بيهم نحس ان اللى مات ده اخونا
وابونا نقف كلنا ونقول رغباتنا ولو مره واحده نحاول نعلى صوت الحريه ونخليه يدوى ارجوكم كفايه سكوت
كفايه سكوت لان احنا هنتحاسب على كده يوم القيامه
الاقصى والقدس لينا كلنا ومطلوب مننا كلنا ندافع عنها
ومش الفلسطينيين بس اللى مطلوب منهم كده
ونفتكر ان الاقصى فى يوم كان قبله لينا كان مجتمع فيه الانبياء كان فيه سيدنا محمد
فمش معقول بعد ماكان فيه رجل الحبيب نسيبه للصهاينه الملاعين يدنسوه

[Last Fantasy]

كلامك فعلا مؤثر والله حرام اللي بيحصل بس أكيد فيه حاجه نعملها لازام نعمل حاجه مش حنفضل واقفين

منك لله يا مبارك إنتا السبب حسبنا الله ونعم الوكيل