بلطجة فى جامعة الزقازيق والامن (ملناش دعوة)

[!DreAmeR!]

انهاردة فى جامعة الزقازيق الاحد 2/11/2008 حصل صدام عنيف بين طلبة الاتحاد وطلاب اسرة الفتح التابعة للاخوان المسلمين الحادث بدا عندما كان طلاب الاحوان يقوموا بنشر احدى ندواتها بعنوان رقى اخلاقى وكان يوجد مكبرات صوت وهكذا وكان اعضاء فرقة الجوالة التابعة للاتحاد يحتفلون بوصول النادى الاهلى الى نهائى بطولة افريقيا وبعد ذلك اذن اذان الظهر ولكن لم يعطى اعضاء الجوالة اى اهتمام بالاذان وظلوا يهتفون للنادى الاهلى العريق وهنا حدثت المشكلة فقد هما احد طلاب الاخوان بسب الجماعة مما ادى الى صدام عنيف بين الطلاب وعراك وهكذا وقام احد الطلاب العاديين بالاعتداء على مصور لموقع الاخوان بالضرب اصابتة وكل هذا والامن كأنة ليس موجودا اصلا فكان يوجد امن الدولة واكثر من ذلك ولكن لا حياة لمن تنادى كل هذا حدث اما م كلية التمريض والتجارة وتربية ولكنها ليست المرة الاولى التى يظهر فيها اتحاد الطلبة العداء للاخوان فقبل ذلك قام الدكتور طلعت الدمرداش فى بداية العام الدراسى الحالى بوقف نشاطهم وكل هذا مصور فيديو على موقع طلاب الاخوان انا بقى مش بتكلم على انى مع الاخوان المسلمين ولا حاجة انا اساسا مليش علاقة بيهم بس فين الحرية فين حرية التعبير عن الراى فين ده كلة ولا حبر على ورق وخلاص انا مش عارف هنفضل كده لغاية امتى امتى ؟؟؟؟؟؟؟؟؟؟؟؟؟؟؟؟؟؟؟ سؤال مش ليه ااى اجابات شكرا لكم جميعا اسف على التطويل خالد عبدالعال

[Nemo_92]

ده حصل فى كلية ايه يا خالد بالضبط

[!DreAmeR!]

قدام كلية التجارة والتمريض

[الرحمة حلوة]

بجد العراك سلوك غير حضرى وخاصة ان دول شباب جامعى المفروض يكونوا ايد وحدة وحتى وان اختلفوا فى وجهات النظر وده بيحسرنى على حال الشباب

[uoua]

اظهر انى مصر فعلان بتتقدم بينه جامد حتى الاذان مش عملين احترام
احنا بنتقدم انا وثقة من كده
تسلم ايدك يا خالد الموضوع الجميل ده

[بحر الاحزان]

للاسف هو ده اصبح حال شباب الجامعات

بس انت اكيد اكيد فى مصر


ربنا يستر وميحصلش اكتر من كده

[!DreAmeR!]

والله يا جماعة كان منظر محزن انا كنت واقف فى الدور الرايع فى تجارة انجلش وشايف الخنناقة شغالة والامن واقف

واقول لا اله الا الله هما دول واقفين ليه بيعملوا ايه و1ضرب بالحزمة والبنات تصوت ده كان يوم عجيب انهاردة

[!DreAmeR!]

ديه كانت خناقة وضرب بالحزمة وجزم بتترمى وبنات بتصوت وناس بتجرى ديه كانت ولا غزة ا و رفح

[aly almasry]

حسبنا الله ونعم الوكيل

الامن امن للنظام وفقط وليس للدولة

ممكن يحمى امن اسرائيل

يحمى امن امريكا
لكن لن يحمى فى يوم من الايام اعراضنا ولا شبابنا

سيحمى الكرسى حتى اخر جندى

لك الله يامصر

اشكر لك يا خالد غيرتك على احقاق الحق وابطال الباطل فى زمن عز فيه من يقول الحق
وفى زمن ستجد من يسيرون داخل الحيط اكثر ممن يمشون خارجه

[رونالدينهوو]

صحيح دى كانت خناقه جاااااامده وواحد من اللى كانوا بيهتفوا للاهلى واحد منهم كان معه كورة وبيلعب بيها جت فى واحد من اسرة الفتح
انا كنت شايف وواقف جنبهم وبعدين الضرب اشتغل ضرب بالخشب وبالحزمة
بس بصراحة كان منظر مؤسف جداااااااااااااااااااااا
وقاموا اعضاء اسرة الفتح بالاذان فى السماعات والخناقة قامت
حتى ان واحد من افراد الاسرة كان بيصور كان الشباب دول عايزين ياخدوا الكاميرا منه
وحاجات تانية بس كفاية كده لانه كان موقف ضرب فعلا
ومنظر مينفعش انه يكون فى اطار جامعى

بصوا يا جماعة انا هجيبلكم الموضوع كله بالصور فى المشاركة اللى بعديها

[رونالدينهوو]

هذه هى الحكاية من الاول الى الاخر


































































اللى قاعدين وتانى واحد على اليمين واقف دول كانوا من اللى
بيضربوا تبع الكورة


























الامن واقف بعيد ولا بيعملوا حاجة

لا حول ولا قوة الا بالله

[مروج البحر]

لا اله الا الله سيدنا محمد رسول الله

بجد مش قدره اعقب علي هول المنظر

[mR . mOstafa Fathi]

يا ساتر يارب
الصور بتتكلم

[ีundertaker_2000]

يا جدعان حرام عليكوا انتوا ظالمين بتوع الامن الظابط مش فاضى بيتكلم فى التلفون يعنى يسيب التليفون ويخش يهدى الخناقه او حتى يدى امر للعساكر ويمل تلفون دى اقل حاجه المروض كانت تتعمل لكن التلفون اهم

حسبى الله ونعم الوكيل ويبئه انت اكيد فى مصر

[الشفق الباكي]

سبحان الله انتو مستغربين ليه دا العادى فى بلدنا الامن فى خدمه قفى المواطن هو الامن فى بلدنا فايدته انه يحمينا او يحمى اى مواطن اكيد انتو مش عارفين حاجه الامن يدوب ياخدنا على قفانا
وبعدين ماعادى الحاجات دى بتحصل فى كل الجامعات انتو مستغربين ليه مش الزقازيق بس