بالله عليكم حد يلحقنى لاحسن هسقط (تجاره المنصوره)

[sunsero2000]

بسم الله الرحمن الرحيم

السلام عليكم يا رجاله تجاره المنصوره
انا زميلكم ايمن ومحتاج منكم شويه خدمات كده
انا لحد الان مش عارف ولا فاهم ولا كلمه فى اى ماده من اللى علينا مش عارف انا كده لوحدى ولا فى حد غيرى مش فاهم ولا اعرف احضر او انقل المحاضرات عشان مش عارف حد خالص فى الكليه ياريت اللى يعرف يرفع الممحاضرات لينا نكون مشكورين اوى وياربيت حد يقولى اذاكر من الكتب ولا من المحاضرات ولا اخد دروس وريح دماغى ولا اعمل ايه
ومتشكرين مقدما ونخدمك فى حاجه ان شاء الله وياريت تاخدو الموضوع بجد

[!DreAmeR!]

ربنا معاك والله انا لو فى ايدى حاجة كنت عملتهالك مش كنت هتاخر بس بجد انت مش بتنزل ليه وتحضضر بنفسك

انا تجارة الزقازيق

[sunsero2000]

انا سايب ايميلى فى البروفيل الياهو بس عشان انا مس بفتح الهوتميل كتير

[vampire1188]

ايه ياعم البؤس اللي انتا فيه دا ؟!

اهدي بس كدا وخليك كوول ..

عايز الصراحة .. انا كنت زيك كدا بالظبط والله

بص امشي بالاستراتيجية اللي هاقولهالك دي .. بس تنفذها بالحرف ..

احضر كل المحاضرات .. وماتسيبش ولا محاضرة ..

وحاول تكتب ملاحظات المحاضرات اللي في النص دي .. عشان الدكاترة ساعات بتقول حتت حلوة في النص

بس اذا لاقيت نفسك مش قادر تجمع مابين الفهم والكتابة .. ارمي القلم على طول وركز في الكلام

والكلام دا منطبق على المحاسبة والرياضة وجميع المواد النظري

وأظن انك استلمت الكتب اخيرا ..

اما تروح البيت بقي .. شوف اللي انتا خدته في المحاضرة ايه .. وقارنه باللي في الكتاب ..

بحيث ان محاضراتك تكون ماشية موازية للكتاب .. عشان ماتجيش في الاخر وتتسوح !!

الملازم اللي بره في المكتبات .. هيا عبارة عن عناصر مكملة ..

ومش هاقولك انها مش مفيدة .. هيا مفيدة بس للي يعرف يستخدمها صح ..

بمعني ان مايكونش اعتمادك الكلي عليها .. عشان فيه بعض المكتبات بتكتب حاجات غلط

وخاصة في المحاسبة .. والغلط بيبقي في القيود اليومية غالباً ..

هاتفضل انتا بقي ماشي بالنظام دا طوال الترم .. معا التركيز الشديد على المحاسبة والرياضة

وهاتيجي في اخر الترم .. قبل الامتحانات باسبوعين كدا ..

تبدأ تمسك التطبيقات اللي هاتنزلك في المواد اللي عندك .. وتطحنها ..

تطحنها بمعني الكلمة .. وماتسيبش سؤال فيها انتا مش عارفه ..

بعد كدا .. تبدأ تراجع المواد واحده واحده .. بحيث انك تكون داخل الامتحان مراجع المادة مش اقل من مرتين

وبكدا تكون عملت اللي عليك ..

انتا كل اللي هاتعمله ايه .. مذاكرة يومية ساعتين عمي كل يوم وخلاص ..

وصدقني لو مشيت بالطريقة دي هاتبقي راجل ميه ميه ..

ربنا معاك بقي

[sunsero2000]

ربنا يخليكو لمصر ولشبابها بس المشكله انا مش بعرف اكتب ورا الدكتور من الزحمه وببقى حاسس انى مش فاهم الدكتور بيقول ايه

[vampire1188]

انا مش بعرف اكتب ورا الدكتور من الزحمه وببقى حاسس انى مش فاهم الدكتور بيقول ايه

شئ طبيعي .. عشان بس انتا تلاقيك لسه ماخدتش على الوضع

بس معا نهاية الترم دا .. من المفترض انك هاتكون خدت على انك تكتب وتفهم في نفس الوقت

[sunsero2000]

ربنا يطمنك يارب ولو نجحت السنه الدى ليك الحلاوه

[totyaat2020]

انا تجارة المنصورة بس ثالثه المهم اولا علشان تريح نفسك لخص الكتاب وزاكر التلخيص بتاعك
وسيبك من الدروس الدرس الوحيد اللي ممكن تا خده هو المحاسبه لو مش قادر تفهمها بس احضر السكاشن بتعتها احسن

[hend ere]

ربنا معاك يا ايمن
انا لسه برده اولى علشان كده مش هقدر افيدك فى حاجه
لانى ابتديت اتشل من الجامعه كلها
ربنا يسترها معانا جميعا

[محمد لطفي ريحان]

في مدرس ممتا ز محاسبه اسمه محمد لطفي

[m.hazz]

ايه يا ايمن
انا زيك يا عم لا بحضر ولا حاجة بس باخد درس محاسبة بس
وربنا يسترها السنادى

[sunsero2000]

المشاركة الأصلية كتبت بواسطة m.hazz

ايه يا ايمن
انا زيك يا عم لا بحضر ولا حاجة بس باخد درس محاسبة بس
وربنا يسترها السنادى

انت معانا فى جامعه المنصوره ولا ايه

[sseess]

انا كمان سنة اولى المنصورة

[TAREK KEWAN]

ههههههههههههههههه ايه العالم الضايعه دى

والله ياشباب الكليه سهله والمذاكره اسهل بس متعقدوش نفسكم بس

شدوا حيلكم وذاكروا لان معدتش حاجه على الامتحان وربنا يوفقكم

[baya3 el7ob]

يا جماعه انا كمان مش فاهم حاجه ف الاقتصاد خصوصا وخايف منه اوى اوى اوى