جامعة السلابــــ (المنصورة )

[Blood]

السلام عليكم ورحمة الله وبركاته ..

حبيت أسالكم عن جامعة السلاب الى فى المنصورة هى هيا معترف بيها ولا لأ ؟ وهل لو هيا معترف بيها يمكن الواحد

يشتغل بالشهادة بتاعتها برى مصر ولا ايه ؟ يعنى هيا معترف بيها فى بلاد تانية ؟

اتمنى حد يفيدنى ..

وشكرا ..

تحياتى ..

[Blood]

ياريت ياجماعة حد يفيدنى ..

[احمدنجاح المنسى]

ايوه يا عم معترف بيها على فكره انا طالب بهندسه السلاب بالفرقه التانيه قسم الهندسه المدنى وياريت نتعرف لو كنت حابب انك تدخلها وياريت نكون اصدقاء

[فرسان الحق]

نصيحه منى ما تدخلش الكليات الخاصه دى (سكة الندامه) كل العالم اللى فى الكليات الخاصه هيعرفوا كلامى ده لما يجوا يتخرجوا

[andrih]

ممكن توضح رايك لو سمحت ؟؟؟؟

دون ترك الحبل على الغارب !!!!!

[TAREK KEWAN]

ياباشا اعقلها بس لو انا مثلا عندى شركه وادامى مهندسين من هندسه حكوميه ومن هندسه خاصه اكيد يعنى هختار اللى فى هندسه حكوميه لان اللى هييجى فى دماغى انهم اكثر كفاءه وانت اصلا مش شايف ان المهندسين اللى فى جامعات حكوميه بيتشغوا عشان تقلى الخاصه ليها مستقبل

وده راى وراى الكثير يعنى وانت لك حرية الاختيار بس ياريت تركز بس وانت بتختار صدقنى ممكن تندم اوى لو لقيت نفسك مش عارف تشتغل

[andrih]

اسف ممكن توضح رايك اكتر ؟

[TAREK KEWAN]

يعنى مفيش حد بيشتغل فمن جامعه خاصه

على الاقل هيقولوك زى مادخلت جامعه خاصه ومعاك فلوس وظف نفسك

وانت شايف اللى فى جامعات حكوميه بيتشغلوا؟؟؟؟؟؟

ولا انت ايه رايك؟؟؟؟؟؟؟؟؟؟؟؟

[MoHaMeD ELsHeRbEnY]

المشاركة الأصلية كتبت بواسطة tarek kewan

يعنى مفيش حد بيشتغل فمن جامعه خاصه

على الاقل هيقولوك زى مادخلت جامعه خاصه ومعاك فلوس وظف نفسك

وانت شايف اللى فى جامعات حكوميه بيتشغلوا؟؟؟؟؟؟

ولا انت ايه رايك؟؟؟؟؟؟؟؟؟؟؟؟

انت كلامك صح 100/100 بس من ناحية انها معتمدة او لا هيا معتمدة فى اى مكان ويااخ طارق هوة انا لو جايب مجموع العام مكنت زمانى دخلت فدلوقتى خلاص هوة الى حصل مفيش قدامى مثلا غير خاص او معاهد يبقى اية ؟
السلاب جامعة كويسة بس لو قدامك اى حاجة عامة تبقى افضل
وشكرا جدا لحضرتك واتمنى ان ربنا يوفقك ويوفق الجميع

[hamada2m2]

يا جماعة متخدوش بكلام العيال اللي مش عارفين حاجة المهم الشهاده معترف بيها ولو رحت بلد تانية هتشتغل بيها احسن من مصر هو مين اللي لاقي شغل في مصر.

[midohika]

انا محتار بين كليتين السلا والاكاديميه البحريه بالاسكندريه ولو عملت مقارنه يبقى ظلمت المعهد خالص عشان مفيش مقارنه لا فى التعليم و لا فى المستقبل ولا فى البرستيج بعد التخرج
وتخيل موقفى لما حد يسالنى انت دخلت كليه ايه هقول (((((معهد السلاب هندسه))))))
ولا (((((( الاكاديميه البحريه فى الاسكندريه ))))))) هسيب ليك الرد
انا لو دخلت الاكاديميه هشتغل بعد سنتين وممكن اكمل الاربع سنين اما لو كملت فى المعهد همحط الخمس سنين ومش هلاقى نفسى بعد كده خالص
وانا كل اما اقابل حد واحكيله يقولى انت عبيط معهد ايه اللى بتقارنه بالاكاديميه البحريه ونا تقول اتعب اربعسنين واستريح بقيه عمر ولا تتعطول عمرك
انت بتدور على الاعتماد من الجامعات المصريه والاكاديميه العتماد هو اللى بيدور عليها لو

[محمدعماد]

للاسف محدش عارف الفرق بين معهد واكادمية وجامعة.....

المعهد: يعنى سنتين وده بيبقى للدبلومات الفنية والصناعية واحيانا لطلبة الثانوية العامة ....لكن فى حاجة تانية اسمها معهد عالى وياريت تركز على عالى دى يعنى معنى شهادتها التخرج نفس شهادة الكلية الحكومية بالضبط يعنى هيا والكلية الحكومية وجهين لعملة واحدة لكن الفرق فقط هوا المجموع يعنى بتدى فرصة للى كان نفسهم يدرسوا حاجة معينة دى بتسمح بكده وفرق تانى كمان هوا المصاريف دى ثمن للمعادلة اللى هتتعمل عشان تحول الشهادة من خاص لحكومى .

الاكادمية: هى مجموعة من المعاهد العليا واذا زادت عن عدد معين تطلق عليها جامعة او بيبقى فيه حاجات معينة لو اضيفت للاكادمية قلب اسمها لجامعة وبالنسبة للشهادة مجرد تغير اسماء فقط ولكن كل حاجة زى ماهيا.

الجامعة : زى ماقلت فوق انها مجموعة من الكليات ولكنها حكومية لانها تابعة للحكومة المصرية مباشرة ولاتحتاج لمعادلة .

ياريت ياجماعة محدش يفتى ويقول معهد ومش معهد وبعدين اسمها معهد عالى ياريت تقرأو الاسم صح

وبرا فى الشغل محدش بيقول انت خريج منين لكن انت عندك خبرات ايه شهادات ايه بتعرف تعمل كذا كده يعنى

وربنا يوفق الجميع واللى عاوز يعرف اى حاجة عن الاكادمية الايميلات فى الملف الشخصى وهكون تحت امره ان شاء الله.

[mr_tafysasa]

على فكره ياجماعه انا واحد من طلبة اكاديمية السلاب وسيبك من الكلام الى الناس بتقوله ومش عارفه بتقول ايه زى ماقال الاخ ركز على كلمة معهد عالى دى حاجة تانية طبعا غير معهد وغير كدا يابرنس لو حبيت تقدم قدم وانتا مستريح لان قرار المعادله جاى جاى بس بيجى لما الاكاديمية تخرج دفعه وتاخد قرار المعادله غير كدا التعليم فيها فوق الممتاز والله غير اى جامعه + واخد راحتك وانتا اعد فىالمحاضره والسيكشن يعنى مزاجكك تمام وانتا اعد والاحسن انك اعد فاهم ودكاتره زى الفل غير اى دكتور موجود فى اى جامعه تانية - باشا ادخل معانا وعلى ضمانتى

[eng_meshmesh]

انا طالبة فى أكاديمية السلاب وفى الفرقه الثالثة فى حاسبات ومعلومات شعبة علوم حاسب
اولا انا رأيى ذى الأخ محمد عماد ... فعلا فى فرق بين المعهد والمعهد العالى وبجد أكاديمية السلاب الدراسه فيها كويسه جدا وبالنسبة لنا بندرس نفس المواد ال بيدرسوها طلبه حاسبات ومعلومات جامعه المنصورة بس ممكن يكون فى اختلاف فى السنه ال بندرس فيها الماده ... وفى الأخر لما تيجى تشتغل ال بيفرق معاك هى خبرتك والشهادات ال بتحصل عليها من الخبرات و الدورات ال بتجتزها وفى الأخر ال عاوز يبقى حاجه ويثبت نفسه هيكون مش شرط خاص او حكومه
ثانيا على فكره الأكاديمية مش بتعتمد الا مع اول دفعه بتتخرج وبعد كده بيتعمل معادله علشان تكون حاصل على بكلريوس فى التخصص ال أخدته معادل للجامعه الحكوميه ال انت تابع ليها
وربنا يوفق الجميع .............

[طارق القصبى]

السلام عليكم ورحمه الله وبركاته
انا طارق عطا القصبى
من شربين
برحب بكل الموجودين وكل اللى فى اكاديمه السلااااااااااااااب
انااولى تجارة شعبه محاسبه
وحاب اتعرف على الرجاله الوجوده