|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
|||
|
|||
![]() السلام عليكم عنوان غريب لموضوع اغرب بس مهم جداا و الغريب ان محدش بيتكلم فيه دلوقتى هناكل منين ؟!! اه و الله زى ما بقول كده !! هناكل و نشرب منين ؟؟ زى ما الكل او المعظم عارف و سامع عن سد النهضه العظيم السد الجميل ده هيشتغل السنه دى !! محدش بقي يسأل جابوا فلوس منين عشان يبنوه و ازاى ف وقت قياسي و بتاع لان السد بالفعل اوشك بناؤه ع الانتهاء .. لا و هيشتغل كمان !! محدش بقي يطلع و يقول '' طب و انا مالى ؟!! ده هما بعيد عناا '' ا(اه و الله زى ما بقولكم بيقولوا كده ) حضرتك يا استاذ يا فاضل دى دوله منبع و هى اللى بتوصلك الميه و الرغى ده كله ! واحد تانى يرد '' طب مهو السد موجود و هنفتحه و بتاع و بحيره ناصر موجود '' ايوا و بعدين يا استاذنا .. مش هيكفوا مصر سنه ع بعضها حسب توقع الاغلبيه .. لو زادت يعنى هتبقي سنه . سنه و نص !! واحد يكمل '' طب هما ازاى عملوا السد ؟'' حضرتك انا شخصيا معرفش ... حسب القوانين الدوليه ممنوع بناء سد الا ف دول المصب و ليس المنبع .. !! واحد يطلع ف النص و يزعق ''' لاااا .. احنا نشتكيهم ف المحكمه الدوليه !!'' ايوا .. هتشتكى ازاى ؟؟؟ يا عم القاضي جاى اقدم شكوى فيكم ؟؟ طب نعقلها طيب ! احنا دافعين حصه مصر ف الميه لفتره طويله قدام تقريبا واحد من احفاد محمد على .. مش متذكره الاسم صراحه .. ما علينا السد اتبني و هيشتغل و الفاس وقعت ف الراس احنا كدوله اعتمادها الاول و الاخير ع الزراعه .. هنشغل اامصانع ازاااى ؟؟ طب هناكل و نشرب ازاى ؟ البحيرات الموجوده ف مصر .. ؟؟ اغلبها بقي مصارف للصرف الصحى و الزباله و قربوا يتسدوا طب وميه البحر ؟؟ مهو احنا عندنا بحرين احنا و بلا فخر معندناش الامكانيات دول و الميه الجوفيه معندناش معدات كافيه لاستخراجها ع الرغم من ان مصر عايمه بحيره ميه حسب وصف دكتور الباز يبقي هناكل و نشرب منين ؟؟ المشكله مش مشكله عسكر او اخوان بس ! دى مشكله مصر كلها .. الموضوع حيادى مش تبع اى طرف لااننا كلنا ف مركب واحدة تناقشوا و طلعوا حل ! |
#2
|
||||
|
||||
![]() شكرا لك ابنتى الغالية على هذا الموضوع
بالفعل المشكلة ليست مشكلة النظام الحالى ولكنها نتاج لعصر ماض مع استغلال لحالة عدم الاستقرار فى مصر بعد قيام ثورة25 يناير و يظل السؤال مطروحا " حناكل و نشرب منين " جزاك الله خيرا وبارك الله فيك |
#3
|
|||
|
|||
![]() اقتباس:
اولا .. شكرا لحضرتك على المرور الكريم و لكم بمثله ان شاء الله مع حضرتك حق .. دى مش مشكله فئه معينه دى مشكله الكل بس الكل عامل زى ما بيقولوا .. من بنها !! شكرا للمرور الكريم
__________________
Im faded |
#4
|
|||
|
|||
![]()
جزاك الله كل خير
|
#5
|
||||
|
||||
![]() امممممممممممم
اذا المشكلة عند مين؟ عند النظام القديم مبارك ؟؟ ولا عند النظام الجديد اللى هو مرسى ؟؟ ولا عند النظام الحالى !! ايا كان هو من المتسبب ودة فى وجهة نظرى موش الحل المهم ان المشكلة قائمة حاليا ولازم ليها حل وفى تصورى ان النظام الحالى لا يقدم ولا يؤخر فى الموضوع ولا يستطيع اصلا ان يتعامل مع المشكلة مع كبر حجمها لان المفاوضات كلها فشلت حتى الان ودة استخفاف بعقولنا والجانب الاخر ماذال يمضى فى بناءة وبيخدنا على قد عقلنا .. المشكلة ان الخيارات محدودة وصعبة لكن لازم من تصعيد عندنا التصعيد الدولى ضد اثيوبيا واعتقد ان دة وقتة والحشد الدولى للضغط عليها ... وخلينا نكون واضحين مينفعش الخيار العسكرى ودة اصلا عمرة ما يتم وكمان هى موش هتتراجع عن بناء السد ..لكن على الاقل نستطيع نضمن حصتنا زى مهيا ..ويكون فى ضمانات كافية لكدة .. لكن على الوضع الحالى واجابة على سؤالك احنا بينضحك علينا وشكرا على طرح الموضوع
__________________
وغريبة الدنيا يا صاحبى من غيرك
|
#6
|
|||
|
|||
![]()
و جزاكم بمثله ان شاء الله
اقتباس:
ده السؤال !! احنا بندور ف دايره مفرغه ... و كل الطرق بتؤدى الى روما ! اقصد ان السد كده كده هيتبنى و يشتغل و الميه هتتمنع . و احنا قاعدين ! شكرا للمرور الكريم
__________________
Im faded |
#7
|
|||
|
|||
![]() اقتباس:
صوت الأمة عاد ليغرد من جديد -- أهلا ومرحبا النظام القديم الأول والمعزول بإرادة أغلبية الشعب (مبارك ) مع أن بعض رجاله الحمقى باعوا الأفارقة الامتداد الطبيعى لنا واشتروا الغرب إلا أن الأفارقة ظلوا على عهد الوفاء لمصر الإفريقية والتى ظلت لها بقايا من جذورها وفروعها فى كل البلدان الإفريقية علميا وتنمويا ومعماريا حتى الأن ---- النظام القديم الثانى والمعزول بإرادة أغلبية الشعب (مرسى) منذ نفوذ رجاله وسط الثورة والثوار والبياع النقدى والتبادلى كان على المشاع لأن هذا النظام لايعنيه حدود ولا يرتسم مستقبل داخل حدود --- فوضحت الرؤية فى عهده - وتجرأ البانىء ورفع البناء فى عهده -- وساعد البناء بأن غطى المفاوض المصرى صاحب الحق بأخطاء وتهديدات وإن وضحت للبعض بأنها ألعاب بهلوانية فننشغل بالضحك عليها دون التعمق فى الهدف منها فى وقتها - لم يكن مجرد برنامج سرى مذاع ولكنه كان مبرر لأثيوبيا قدمتها لكل الدوائر الدولية على أنه تهديد مباشر لسيادتها !!!!! النظام الحالى والذى تولى بإرادة أغلبية الشعب (السيسى) شرب الشربة وشال الشيلة وربنا رزقه بساسة من قصار الأيدى والفكر --- وحولهم فشلة الأمس يغردون فحمقى النظام القديم الأول يدعون بأن قوتهم هى من منعت أثيوبيا البناء فى عهدهم وجهالى النظام القديم الثانى يبزغون علينا وكأنهم صرعى الأمن المائى المصرى وكأنهم من همنا لايناموا مع أن العكس يتربع على أقوالهم وأفعالهم أما دبدبة الحالى المتباطئون إذا لم يلوحوا بكل الحلول -- فستكون نهايتهم أمر وأصعب ممن سبقوهم فعلا ( احنا بينضحك علينا ) لو قدرنا نحدد منذ متى بدأ هذا الضحك فعليا؟؟؟؟!!!! هنعرف أصل الحكاية شكرا على الموضوع |
#8
|
|||
|
|||
![]() اقتباس:
معرفتنا لاصل الحكاية واضحه تقريبا للاغلبيه و المشكله مش ف اصلها و لا في اننا بيضحك علينا و لا لأ احنا نايمين ف العسل و مش بنعمل اى حاجه !
__________________
Im faded |
#9
|
|||
|
|||
![]() اقتباس:
مين قال إننا نايمين فى العسل وهل هذا واقع تراه أنت أم أمنية تتمناها ؟؟؟؟ وإيه الحاجة المطلوب عملها الأن أكتر من الطرق السلمية والقانونية أتنصح المفاوضين بتنفيذ ماجاء فى الاجتماع السرى المعلن أم بماذا ؟ حتى نحن ومن لايملك سوى سلطة الكلام لايدفع للأمام بل نحبط خلونا نتكلم وخلوهم يمارسوا دورهم وهم يعلمون أن الفشل معناه ليس مجرد خسارة مشروع ولا استثمار ولكنه فقد الحياة فلننتظر شكرا لك |
العلامات المرجعية |
|
|