الكل يجمع هنا

[moh_mad38]

السلام عليكم
دلوقتى يا جماعة انا عندى مشكلة كبيرة ومحتار وياريت تساعدونى علشان انا خلاص هتجنن
دلوقتى انا داخل على 3 ثانوى وقدامى علوم ورياضة
الناس كلها اهلى وقرايبى واصحابى وجيرانى مستنيين منى ادخل كلية طب
وانا مشكلتى دلوقتى مش ف الثانوى لا مشكلتى بعد الثانوى هعمل ايه
معظم الناس اللى دخلوا طب بيقولو انهم ندمانين
المواد صعبة و 7 سنين دراسة و فالاخر تطلع تشتغل ف مستشفى ب 700 جنيه
هو طبعا الدكاترة بيفتحوا عيادات ويشتغلوا ويتشهروا والدنيا بتحلو
بس ده بعد ما يكون عمرهم ضاع منهم بعد الاربيعينات والخمسينات كده
و انا كمان بحب الكمبيوتر والتكنولوجيا و شغل البرمجة بس الهندسة عندنا بقت حاجة زيها زى اى كلية
ومفيش شغل وانا حبى للكمبيوتر مجرد ترفيه وشغل شخصى مش وظيفة والكلام ده
طيب دلوقتى انا لو جبت مجموع ودخلت طب هل انا هقدر اعيش حياتى اثناء الدراسة وبعدها
ولا كل سنه وانا طيب (عليه العوض ومنو العوض ) ولا ايه
بتوع طب محسسينى انهم بينتحروا ف الكلية وانا اصلا بتخنق من المذاكرة الكتير
ف مفيش غير حضراتكم اللى اقدر استشيرهم ف الموضوع ده
كل واحد يقول رأيه ف الموضوع

[ahmedfezo]

أولا وعليكم السلام

مشكلة علمى ورياضة مشكلة أزلية للأسف
نصيحة خش للى تحبه وبس

لو أنت شاطر في الرياضة خش رياضة وخش حاسبات وبلاش هندسة (صدقنى مبتأكلش عيش)

لو عايز علمى خش أسنان وريح نفسك

مجال الطب زى الزفت
أما الناس فللأسف مخدوعة كل للى بيبصوا عليه الدكتور أبو عيادة للى بيقبض (بلاش نقول أحسن)

وميعرفوش أن الدكتور قد ايه تعب عشان يوصل للى وصل له

أنت ممكن تزعل لو مدخلتش طب بس لو دخلتها هتزعل أكتر

وحاجتين على السريع كده
مفيش حاجى اسمها كلية قمة أو قاع
كل كليات مصر كليات قاع
أنت وحدك بشطارتك تقدر تخلى الكلية للى دخلتها نجاح بعد نجاح
أو تودى نفسك لسابع أرض (على فكرة طب ينطبق عليها الكلام ده )

وبالنسبة لطب صدقنى مش هتعيش أصلا (هه قال الحياة الاجتماعية البسيطة قال)
أنا شخصيا الناس نسيتنى ومبقاش حد يفتكرنى خالص
واصبت باحباط وكئابة لدرجة انى لو سبت الكتاب (حتى لو في الاجازة ) ممكن أموت

لو عايز تريح نفسك خش أسنان
هي بص بهدلة ونفس كلام طب وكمان هتدفع فلوس كتير في دراستك بس لو أنت متمكن هتعدى فيها لأن أنت تقدر بعد التخرج منها تفتح عيادة على طول وقانونى كمان

أما طب فمش هتقدر تفتح عيادة إلا بعد تخرجك بحوالي 5 سنين (بفرض إذا مسقطوقش)

لو ملكش في كل ده

خش رياضة وخش حاسبات وصدقنى هتبدع فيها وهتنجح كمان (سيبك من هندسة)

[chalijaly]

بلاش طب انا دخلتها وندمان ندم عمري.صعبه ومشوارها طويل ودراستها رخمه

[secret.sea]

بلاش تقاطع بس م انت ممكن تخش علوم و لا قدر الله متجبش مجموع طب ... خش الى بتحبه