|
|
|
#1
19-04-2015, 11:32 PM
|
|||
|
|||
قول مشكلتك ايه وان شاء الله هتتحل
الحمد لله اتخرجت من كلية الطب وأصبحت بفضل الله طبيب
وحابب انى أســاعد أى حد محتاج مساعدة بأى شكل من الأشكال حتى لو كانت ايه من فضلكم أى حد عنده مشكله فى حياته أو أسرته أو فى مذاكرته يتفضل يحكى أو يكلمنى خاص المهم إن حضرتك تتفرغ لمذاكرتك وتتفوق .... الأمل فى ربنا كبير وربناا قادر وكريم ورحيم أوعى تيأس مهما حصل مهما كان الموضوع مكتوب هنا لأنى مش عاوز طالب ثانوية عامة يضيع يارب يسعدكم كلكم ويفرحكم ويفرح أهليكم 
|
|
#2
20-04-2015, 01:38 AM
|
||||
|
||||
|
ربنا يباركلك
انا مشكلتي في الكيمياء العضوية بنساها بسرعة جدا جدا بطريقة فظيعة جدا
__________________
ورَّطت نفسك يا گرانتير... لو أنك بقيت نائمًا؛ لأبعدت عن نفسك الشبهة ونجوت 
|
|
#3
20-04-2015, 02:17 PM
|
||||
|
||||
|
وانا مشكلتى قى الحث التعليلات بتاعته داخله قى بعضها ومش عارق هلمه ازاى ومسائله برده
|
|
#4
20-04-2015, 07:11 PM
|
|||
|
|||
|
بصوا يا جماعة بالنسبة للكيمياء حاول تعرف فكرة كل فصل .....إزاى ؟
بالنسبة للكيمياء الكهربية هى مقسومة نصين : النص الأول : أى سؤال فيه بيعتمد على ترتيب الفلزات فى سلسلة الجهود الكهربية يعنى علل المادة أ تحل أو لا تحل محل المادة ب هتبقى الإجابة علشان أ تسبق أو لاتسبق المادة ب فى سلسلة الجهود أما النص التانى فبيعتمد على جهود الإختزال المواد بالنسبة للماء (الى هى التحليلية) نيجى بقى للعضوية لازم تعرف أن الألكانات كل تفاعلاتها بالإستبدال فتجمعهم فى ورقة ( بسبب الرابطة سيجما) أما الألكينات والألكاينات فكل تفاعلاتها بالإضافة فنجمعهم فى ورقة (بسبب الرابطة باى) يعنى اسم التفاعل متكرر لكن الناتج مختلف لكن البنزين فمرة بالإضافة ومرة بالإستبدال (الإحلال) يعنى اسماء التفاعلات مكررة تقريبا وبرضوا النتائج مختلفة واللى عنده مشكلة فى العضوية يذاكر من ليلة الإمتحان للسويفى روعة روعة خاصة أخر 5 ورقات فى المذكرة وبالنسبة لحل العربى من دليل التقويم : ده مش مهم خالص لأنه مش بيجى من الدليل خاااااالص ركز على مذكرة أ خالد منير للمراجعة النهائية |أو ليلة الإمتحان وهتقفل الإمتحان ان شاء الله لازم علشان تتفوق تغامر وتضحى بحاجة وان شاء الله برضوا هاسيب رقم تليفونى للى محتاج يكلمنى 01023130849
|
|
#5
21-04-2015, 06:50 PM
|
||||
|
||||
حاسه انى بضيع
 اهلى عندهم امل كبير فيا انى ادخل كليه الطب انا مش بعرف اشكى لاى حد يعرفنى وكل ما اقول لاى صديقه ليا تقولى وانا كمان  كدا انا وصلت لدرجه انى بندم لانى دخلت  علوم مع انى اول السنه كنت حباها بس مش عارفه ايه اللى بيحصل معايا دا وتعبت وحاسه بياس واحباط شديد ومش عارفه اعمل ايه  
|
|
#6
21-04-2015, 08:07 PM
|
||||
|
||||
|
اقتباس:
|
|
#7
21-04-2015, 07:56 PM
|
|||
|
|||
|
بصى ياamal alamir
أولا الله يكون فى عونك على اللى انتى فيه انا حاسس بيكى انك بتفكرى فى حلم حياتك وازاى تفرحى أهلك فى البيت وان ما فيش وقت ومش عارفة تعملى ايه وحاسه انك تايهه وكل اللى بتعمليه انك تعيطى ثانيا من كلامك معناه انك طيبة جدا ودايما بتفضلى غيرك على نفسك ومش بتعرفى تقولى لأ وبتساعدى كل الناس ومش فى حد بيساعدك ومن كتر طيبتك بيفكروا انك (خبيثة وبتدارى على مذاكرتك) وماحدش حاسس بيكى وبرضوا معناه انك ذكية ومخك نضيف بس فى إكتئاب واعراضه: كسل وخمول عدم وضوح الرؤية والهدف قلة العزيمة والإرادة عدم الرغبة فى أى مجهود مع إن من جواكى بتتقطعى ونفسك تذاكرى وتقعدى على الكتاب لكن انتى نشيطة فى أى حاجة ماعدا المذاكرة وده غصب عنك وللأسف انتى سريعة الزعل من أقل كلمة (مرهفة الحس) ودى مشكلة بتفضلى الموود على المجهود يعنى علشان تعملى حاجة لازم تكونى مقتنعة بيها ومزاجك رايق... طيب دى المشكلة .... ايه هو الحل ؟ بكل بساطة ومن غير تعقيد ومن غير كلام فلسفى الأول : انا متأكد انك زى أسد بيستريح من معركة كبيرة لكن لو فاق ماحدش يقدر يقف أدامه ثانياً: لازم تبعدى عن وهم حاجة اسمها الثقة بالنفس مافيش حاجة اسمها أنا ماعنديش ثقة بنفسى الثقة تكون بربنا بس ثالثاً: انتى محتاجة حد جنبك يهتم بيكى ويشجعك على طول وللأسف مش لاقيه الحد ده وده يمكن علشان مش بتحبى حد يعرف عنك حاجة ومش لاقية حد يحترم نفسيتك وقدراتك ويكون أعلى من مستوى تفكيرك حد مثل أعلى لكن ده وقت انك تقومى تقفى على رجليكى وترفعى عينك للسما بشموخ وانتى بتنفضى هدومك من التراب وبتقولى يارب أنا راجعة ساعدنى والناس كلها بتسقفلك وتنادى عليكى فرحانين بيكى بيفكروكى بمجدك الشخصى وانتصاراتك أيام زمان السباق لسه مخلصش وخط النهاية لسه ماحدش وصله ماتقفيش سابقى سيبى كل حاجة ورا ضهرك اجرى ارفعى راسك وحطى عينك على خط النهاية وان شاء الله هتوصلى وهتفوزى المهم مهما وقعتى قومى واقفى وقولى بأعلى صوتك أنا البطلة أنا اللى هافوز ان شاء الله ماتخافيش ماتبصيش وراكى حفزى نفسك قومى تانى وتالت ومليون الدنيا لسه مانتهتش وانتى مش ضعيفة وافتكرى لو خاتم ماس وقع فى التراب مابيفقدش قيمته لكن مابيتعرفش الا لما التراب يتشال من عليه قومى وقولى يارب انت سندى وعليك توكلى وماليش غيرك يارب ماتسبنيش يارب يارب وابدأى مرة واتنين وتلاتة ومليون وماتقفيش مهما حصل وان شاء الله أنا معاكى لحد النتيجة كل يوم ,كل لحظة بس ابدأى قومى رتبى نفسك من الأول وجديد مش الثانوية اللى هاتهزمك مش الثانوية اللى هاتقضى عليكى بالعكس انتى اللى هتديها القاضية وافتكرى أهم حاجة توفيق ربنا مش المذاكرة والله واسألينى أنا وخلى مامتك تدعيلك وبالتوفيق
|
|
#8
22-04-2015, 03:56 PM
|
||||
|
||||
|
حضرتك دكتور نفسى ولا ايه
تحليل لشخصيتى رائع بس فعلا انا فى قمه اليأس وكدا [color="rgb(72, 209, 204)"]بس ان شاء الله هحاول وابدأ تانى [/color]احساسى ان الوقت خلاص بيضيع بيجننى انا بقيت بندم على حجات كتير جدا وعلى لوقت اللى كنت بضيعه فى الدروس والمواصلات وكدا والاحساس دا مش عارفه اتخلص منه الندم دا اصعب حاجه وكمان مش قادره استوعب انى خلاص بضيع وكدا ربنا يستر ان شاء الله من حق حلمى عليا احققه هو صعب بس ان شاء الله مش مستحيل
|
|
#10
21-04-2015, 10:49 PM
|
|||
|
|||
|
معلش عبد المقصود مصطفى
مش عارف أرد على رسالتك علشان حاجة إدارية بس هى وصلت بص مشكلة الكيمياء أنا اتكلمت عليها وملزمة المعمل هتوفر عليك حاجات كتير وبالنسبة لتعليلات الحث بص هتكتب كل جهاز وتحتيه فكرة عمله والتعليلات اللى عليه مثلاً المحرك - عزم الإزدواج - وكل التعليلات اللى عليه وبكده هتقارن بين كل تعليلات الحث وصلت والا لسه ؟؟ أو ممكن تكتب الإجابة المشتركة وتكتب الأسئلة العلل عليه يعنى.. -الملف ملفوف لفا مزدوجا : دى إجابة 5 أسئلة علل هم 1,2,3,4,5 واكتبهم -عندما يكون الملف عمودى على خطوط الفيض دى إجابة 3 أسئلة علل هم ...,......,.... واكتبهم -الملف موازى لخطوط الفيض دى إجابة 2 سؤال علل هم ...،..... واكتبهم ده اسمه مخطط لكل أسئلة علل ..... يارب أكون أفدتك وبالتوفيق ان شاء الله
|
|
#11
22-04-2015, 12:08 AM
|
||||
|
||||
|
اقتباس:
استقدت جدا
|
|
#12
21-04-2015, 11:32 PM
|
||||
|
||||
|
شكرا جزيلا ..
الدعاء ممكن يغير القدر للدرجة دي ؟ لدرجة ان واحد صاحبي كان في 3 ثانوي السنة اللي فاتت كان غلطان في سؤالين في امتحان الفيزياء + سؤال تالت مجاوبه اجابة ناقصة ومع ذلك قفلها .. ولما سألته ازاي يعني قالي الدعاء.
__________________
ورَّطت نفسك يا گرانتير... لو أنك بقيت نائمًا؛ لأبعدت عن نفسك الشبهة ونجوت
|
|
#13
21-04-2015, 11:56 PM
|
|||
|
|||
|
هههههههههههه هى القصة حلوة بس مش ده قصدى
قال رسول الله صلى الله عليه وسلم :"لايرد القضاء إلا الدعاء " وهو سبب من أسباب التوفيق يعنى ممكن تذاكر حاجة وتيجى فى الإمتحان وربنا يوفقك فيها وكنت هتنساها لولا الدعاء وكده يعنى سيدنا هود وهو نبى قال " وماتوفيقى الا بالله عليه توكلت وإليه أنيب "
|
|
#14
22-04-2015, 12:50 PM
|
||||
|
||||
|
طب انا محتاج مذكرة على الحث شاملة التعليلات وكل حاجة
|
|
#15
23-04-2015, 10:43 PM
|
||||
|
||||
|
اقتباس:
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:17 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
