مواد اعدادى صيدلة القاهرة

Dr.Nobel · #1 13-08-2008, 03:38 PM

- المواد في الترم الأول من السنة الأولى كلها مثل مواد الثانوية العامة ولكن باللغة الانجليزية ..
مثلا عندنا في الترم الأول
1- مادة الـorganic chemistry بالظبط مثل فصل الكيمياء العضوية في الكيمياء في الثانوية العامة التي كنا ندرس فيها الألكان والألكين ..إلخ ....
2- مادة الـ physical chemistry مثل الفيزياء في الثانوية العامة بالظبط بنفس الفصول ....
3- مادة الـbotany أو مادة النباتات وهي مادة تعتمد على "الحفظ" في المقام الأول .......
4- مادة الـ math الرياضيات وهي يدرسها لنا دكاترة من كلية هندسة وهي مادة قد نجد فيها صعوبة لأننا لم ندرس رياضة 2 .... أهم حاجه الحضور الفهم الحل -- هنتكلم بالتفصيل في المشاركات القادمة
5- مادة الـ analytical chemistry أو الكيمياء التحليلية .... مادة أخذنا مثلها أيضا في الكيمياء في الثانوية العامه ولكن سنأخذها بتفاصيل أكثر
6- تاريخ ومدخل الصيدلة : المادة جزأين على كتابين
كتاب بالعربى عن تاريخ الصيدلة
الجزء ده سهل على الأقل عشان بالعربى
وكتاب بالإنجليزى عن مدخل الصيدلة
ومش صعب برضه إن شاء الله
وكلها معلومات بسيطة وسهلة

- تنقسم كليتنا إلى محاضرات + سكاشن ( المواد العملية زي العضوية او التحليلية او النباتات لها سكاشن عملي
- المحاضرات هامة جدا وبتكون في الغالب في مدرج إسمه رجب فهمي .. أهمية المحاضرات هي إن الدكاتره لا يلتزمون بالكتاب تماما وما يزودونه في المحاضرة حتما بيكون في الامتحان ... المحاضرات ليس عليها غياب

- السكاشن أو العملي بتكون عليها غياب وبتكون في معامل الكلية وبنحضرها بالبالطو .... وممكن نشتري لها أدوات .. كل ماده هتطلب أدوات معينة في الغالب مش بنشتريها وبناخدها من معامل الكلية

- المفروض ان الطلبة يحضروا المحاضرات ويكتبوها ويذاكروا منها او يكملوا الكتاب منها ويزاكروا من الكتاب المهم ميفوتش منهم حاجه من اللي بتتقال في المحاضرات خالص

- فيه مكتبات جنب الكلية بعض الطلبه اللي اكبر منكم بيقعدوا معاكم في نفس المدرج ويكتبوهالكم وينزلوها في المكتبات دي ... مثلا زي مكتبه الدرة او زيروكس او برنت

التقديرات فى الكلية كالآتى :

من 85 % فيما فوق ...... ممتاز
من 75 % فيما فوق ...... جيد جدآ
من 65 % فيما فوق ...... جيد
من 60 % فيما فوق ...... مقبول
من 30 % فيما فوق ...... ضعيف
أقل من 30 % فى التحريرى .... ضعيف جدآ