العلاج بالتبريد Cryotherapy

[DPT-Blue Phoenix]

‫#‏العلاج_بالبرودة_او_التبريد‬
Cryotherapy
Cold Therapy

- هما فى منهج سنة اولى علاج طبيعى حاطين الجزء دا مع العلاج المائى انا بس عايز حضراتكم تاخدوا بالكم من حاجة مهمة اوى العلاج الطبيعى متسع جداااااا و لا يمكن حصر الوسائل كلها فى مسمى التمارين العلاجية و العلاج اليدوى و العلاج المائى و العلاج الكهربى لا هما بيضيفوا كمية مع بعض و يحطولها اسم بس زى ما شفنا فى الترم الاول علاج كهربى اسمه علاج كهربى و مفيهوش كهرباء خالص تمام كدا ..

- ايه حكاية العلاج بالبرودة او بدرجات الحرارة دا ؟! احنا شفنا ان الحرارة بتعالج و هنتكلم عنها تانى لكن هل البرودة بتعالج ؟! طيب لو بتعالج بنستفيد منها فى ايه يا ترى ؟! و ايه دورنا احنا بقى ؟! و الى اى مدى العلاج بالبرودة فعال ؟!
- ‫#‏العلاج_بالبرودة‬ : هو استخدام درجات الحرارة المنخفضة فى علاج الامراض المختلفة منها امراض جلدية او التهابات او غيرها ..
‫#‏البرودة‬ مميزة جدا فى علاج ‫#‏مراحل_الاصابات_الاولى‬ على عكس Heat يعنى البرودة بتكون معظم استخدامتها فى الاصابات او الامراض الى لسه حاصلة من فترة قريبة الى اسمها الحالات الحادة Acute ..
- طيب البرودة دى بتعمل ايه يا ترى !؟ ايه دورها يعنى بتعمل ايه فى الجسم عشان تعالج ؟!
- تعالوا نتسلى مع بعض كدا لما اعمل تبريد ايه الى هيحصل الاوعية الدموية قطرها هيقل بالتبريد يعنى هيحصل انقباض فى الاوعية الدموية Vasoconstriction
و بالتالى كمية الدم الى هتروح للمكان الى انا مطبق فيه البرودة هتقل مش بس كدا و عكس الحرارة هتقلل معدل التمثيل الغذائى او التحويل الغذائى او الايض Metabolism و بالتالى بيقل نشاط الخلية و دا معناه ايه !؟
نفترض ان فى دلوقت التهاب فى المراحل الاولى بتاعته Inflammation ايه الالتهاب دا ؟! هقولك الالتهاب دا بشكل مبسط هو خلل فى نشاط الخلية او زيادة فى نشاط الخلية عن المعدل الطبيعى بتاعها طيب لما انا اقلل كمية الدماء الى رايحة للمكان دا و اقلل نشاط الخلايا الى هناك هيقل او يقف نشاط الالتهاب دا ااااااااه تمام كدا و بالتالى يبدا الالتهاب دا يقل ؟!
مش بس كدا البرودة بتاثر على الاعصاب Nerves و خاصة الاعصاب الصغيرة لو افتكروا معايا درس الالم Small nerve fibers دى ايه ؟! بتاع نقل الالم Pain و خاصة انها بتاثر تاثير جامد على نقل الاعصاب الى فيها طبقة الميلينMyeline و بالتالى هتاثر جامد على اعصاب الالم الى اسمها A-dilta و بالتالى تقل سرعة نقل الاعصاب لاشارات الالم و بتالى يقل الشعور بالالم .. ااااااااااه كدا فهمنا يبقى بنقلل الالم و بنقلل الالتهابات كمان ..
و نفس الفكرة فى كتير من الحبوب و الامراض الجلدية و بعد الحروق بعد ما تطهر الجرح كدا و تظبطه ممكن تحط عليه Cold و نفس الفكرة فى الشد العضلى عشان اقلل الآلام الى بتكون موجودة فى العضلة عشان كدا تلاقوا لما لاعب يجيلوا شد يعملوله Cold
طيب فى حاجة كمان و ليكن مثلا تجمع السوائل لما بيحصل بعض الجروح او الكدمات او ايا كان السبب بيبدا يحصل ترسيب و تجمع لبعض السوائل فى تجاويف الجسم او ما يسمى ب Edema طيب دا فى المراحل الاولى لما يكون فى سوائل عمالة تتجمع فى مكان معين و انا اجى و اعمل Cold يبقى هيقل الدم و السوائل الى رايحة للمكان دا و لو فى ثقوب معينة هيقل قطرها و بالتالى تقل جدا كمية السوائل الى بتتجمع و بالتالى تجمع الايديما دى يقل ..
و ليها تاثيرات عامة على الجسم زى انها بتقلل معدل ضربات القلب و التنفس و تعمل رعشة فى الجسم و تزود معدل نشاط العضلات و دا كله ممكن نستعمله فى العلاج ..
-- من وسائل البرودة كتير جدا منها الكمادات الباردة او كمادات الثلج منها مساج الثلج منها بعض انواع الرش و منها اجهزة بتستعمل خصائص البرودة و الضغط كمان و ليه مجالات واسعة جداااااااااااا العلاج بالبرودة حتى فى الجراحة غير ان ممكن البرودة تموت انواع زى الاورام الخبيثة او الخلايا الى فيها مشاكل نتيجة التبريد متقدرش تعيش فى درجات الحرارة المنخفضة دى ..
مهم جدا نفهم ان البرودة بستعملها فى مراحل الاصابة الاولى او ما يسمى ب Acute الى هى الاصابة او المرض بيكون لسه لونه احمر كدا و فى الم شديد و وجع شديد لكن الحرارة Heat بستعملها فى المراحل الى بعد كدا او ما يسمى ب Subacute and chronic ...
--- و بالتالى من خلال معرفتك انت بخصائص القوى دى و فهمك للجسم تقدر تعالج امراض كتير جداااااااااا و من غير اى اثار جانية ..
علاج طبيعى علاج بالبرودة ..