شبكة معلمي مصر

[khgyu]

بيان «شبكة معلمي مصر» يطالب بإلغاء اختبارات المرحلة الثانية للكادر والتركيز علي تدريب المعلمين
أعلنت شبكة معلمي مصر في أول بيان لها عن رفضها اختبارات الكادر وشهادة الصلاحية التي فرضتها الدولة في قانون الكادر، وأكدت في بيانها أن المعلمين قد انتظروا طويلاً لكي يتراجع وزير التعليم عن إصراره غير المبرر ـ علي حد وصف البيان ـ علي أن يتخذ اجراءات عملية من شأنها أن تنتقص من حقوق المعلمين المهنية، تتمثل في إصراره علي إجراء اختبارات للمعلمين عبر كيان افتراضي غير معروف أعضاؤه ولا يستطيع المعلمون التواصل معه إلا عبر الواقع الافتراضي في الإنترنت وذلك رغم أنه تم اقتطاع 80 مليون جنيه من ميزانية التغذية المدرسية لصالح هذا الكيان الافتراضي المسمي الأكاديمية المهنية للمعلم.




كما استنكر البيان وضع الوزير هذه الاختبارات كشرط لتسكين المعلمين في المرحلة الثانية للكادر الخاص، واعتمادهم في الدرجات المسكنون عليها بالفعل بما يشكل انتقاصاً لحقوق المعلمين.

كما ندد البيان بالمواقف المتخاذلة لنقابة المهن التعليمية والتي لا تتوقف أبداً عن تأييد القرارات الوزارية مهما كان أثرها السلبي علي المعلمين ومهما كان اعتراض المعلمين، وأشار البيان إلي أن المعلمين هم أعضاء النقابة وممولوها بالشراكة مع المجتمع وبالتالي يجب أن تعبر النقابة عنهم وليس عن الحكومة.

كما طالبت شبكة معلمي مصر في بيانها بإلغاء الاختبارات الخاصة بالتسكين والتسكين الفوري لجميع المعلمين في المرحلة الثانية علي أساس سنوات الخبرة وتقارير الكفاءة السنوية، كما طالبت بالعمل علي تدريب جميع المعملين تدريباً مستمراً عبر كليات التربية وتفعيل وحدات التدريب بالمدارس وجعل الاختبارات تابعة للدورات التدريبية كأساس للترقي من درجة لأخري، وأن تكون عضوية نقابة المهن التعليمية هي الشهادة الوحيدة علي الصلاحية لمزاولة المهنة وقصر دور أكاديمية المعلمين علي التدريب بعد دمجها في كليات التربية بالشراكة مع النقابة وأن تكون الأكاديمية مساعدة ومعاونة للنقابة.

هذا وقد أعلنت الشبكة في بيانها عن تنظيمها وقفة احتجاجية بجميع المحافظات يوم الخميس المقبل الموافق 14 أغسطس من الساعة الواحدة ظهراً إلي الساعة الثالثة، فضلاً عن تنظيم وقفة احتجاجية أخري جامعة للمعلمين المصريين أمام نقابة المهن التعليمية بالقاهرة الخميس 21 أغسطس، وتقديم طلبات لأعضاء لجنة التعليم بمجلس الشعب للتدخل.

يذكر أن شبكة معلمي مصر تضم عدة حركات مستقلة للمعلمين منها: مركز الحق في التعليم ورابطة الرعاية والتنمية للعاملين بالتعليم بالدقهلية ورابطة معلمي المستقبل «القاهرة» ورابطة أمان للعاملين بالتعليم «العريش» واتحاد المعلمين «الجيزة» ورابطة معلمي المنوفية ومعلمون بلا نقابة «الإسكندرية» ورابطة معلمي بني سويف.

[ledo2005]

مفيش فايدة
سعد زغلول

[رضا على2]

الكل رافض وفى نفس الوقت يلهث لتسجيل اسمه ويلهث وراء أى معلومه عن الكادر (وعجبى)

[د/ عمرو]

المشاركة الأصلية كتبت بواسطة رضا على2

الكل رافض وفى نفس الوقت يلهث لتسجيل اسمه ويلهث وراء أى معلومه عن الكادر (وعجبى)

اشاركك الرأى وبقول معاك

"وعحبى"

[yehia aladly]

المشاركة الأصلية كتبت بواسطة رضا على2

الكل رافض وفى نفس الوقت يلهث لتسجيل اسمه ويلهث وراء أى معلومه عن الكادر (وعجبى)

معك فيما تقوله وهذا مايجعل وزيرنا الهمام يصمم على إجراء هذه الامتحانات المهينة ومن الواجب علينا جميعا أن نقاطع هذه المهزلة المسماه بالامتحانات وكما قلت من قبل وليكن مايكون .

[شمس بياض]

هانعمل ايه قولىبس بجد اعظم فائده من امتحانات الكادر وموضوعه ده جعل المعلمين يد واحده وكلهم ككيان واحد واللى عنده معلومه لا يبخل بها عن الاخرين -----تصدق-----منهى العطاء

[شمس بياض]

هانعمل ايه قولىبس بجد اعظم فائده من امتحانات الكادر وموضوعه ده جعل المعلمين يد واحده وكلهم ككيان واحد واللى عنده معلومه لا يبخل بها عن الاخرين -----تصدق-----منهى العطاء

[ام مريم من مصر]

ااالسلام عليكم
شكرا للمجهود الرائع

ولكن ماباليد حيله

[رمضان كريم]

مهازل امتحانات الكادر فى تربية المنصورة المدرج مغلق والمفاتيح ضاعت يمتحننونا فين
السلام عليكم جميعا والله ياحماعة الكلام ده حصل بتانى يوم امتحانات الكادر فى تربية المنصورة
ذهبت انا واصدقائى المدرسين لامتحان الكادر وكان الامتحان فى كلية التربية جامعة المنصورة بتااريخ25/8/2008
وذهبنا بدرى علشان منضمنش المواصلات ،وندخل الكلية نلاقى جميع المدرسين والمدرسات متجمعين على سبورة مكتوب عليها الاسماء وارقام اللجان ود يشد فى ده ودى تضرب دى المهم خدت الرقم ،وذهبت الى مكان الاختبار وكان مكانه مدرج(22) نستنا يفتحوا المدرج والمدرج ميفتحش لغايه الساعة 11.45،المهم ينادوا على العامل العال مش لاقى المفاتيح المهم كسروا باب المدرج ودخلنه ويارتنا ما دخلنا ،اهمال وفوضى ولا سوق السمك فى زمانه وارقام جلوس مش مترتبه وارقام مش موجوده ومفيش نظام وسوء معاملة المهم جه الدكتور المسئول عن اللجنه فى مدرج(22) وكان اسمه( عادل منصور) ومقلكوش ياجماعة عن الدكتور ده ايه قمه فى سوء الادب والاخلاق وبكررها لحد يفتكرها حاجه تانيه (قمه فى سوء الادب والاخلاق ) تحس كده انه مش دكتور فى جامعهة تحس انه خريج محو اميه جايز بتاع غرز جايز وده معروف من ايام الجامعه عنه
المهم نبدا الامتحان الساعة كام 11.55بدا المنكوب اللى اسمه (عادل منصور )فى الصراخ والشتيمه للكبير والصغير افتكرنا نفسنا ان احنا فى سوق خضار مش فى جامعه وبدأ يملى علينا التعليمات من غير مايوزعوا علينا اى اوراق المهم سلمونا الاوراق اللى يلحق ياخد خد واللى مايلحقشى عوضه على الله
والمدرسين طلبوا ورق ليهم مسألوش عنهم واللى كان بيكلم منهم هددوه انه هيخرجوه بره المدرج وفين بعد ساعة جابلهم الورق .
وفتحنا كتاب الاسئلة ويارتنا مافتحناه - مش ورقة الأسئلة - الكتاب عبارة عن 38 صفحه تذكر جيدا الكتاب كام (38صفحة ثمانى وثلاثون صفحة دى علشان تذاكر الاعداد) نلاقى أول الاسئلة التربوى وعينك ماتشوف الا النور مش عارفين اى حاجة فى الاسئلة و( عادل منصور) طول ساعة وزياده ضوضاء وهيصه فى الميكروفون لغايه مربنا هده وسكت شويه طلعتلنا دكتورة استلمت مكانه وهمها كله ان محدش يطلب حاجه لان كانوا بيقولو ان فيه ناس هتصور فى المدرج
احنا دلوقتى الساعة 1.30 ولسه محلناش نصف الاسئلة واللى كان بيسأل اننا داخلين متاخرين كان مصيره التهديد بالخروج من المدرج وامر من كده كان فى لجنتنا من ضمن الناس اللى بيرقبوا بتاعت الكانتين بتاع الجامعه وبكرر ( مين اللى كان بيراقب بتاعت الكانتين بتاع الجامعه وكأن جاتلها الفرصه لغاية عندها المرمته اللى شفتها طول حياتها جالها وقت تطلعها تطلعها على مين على الغلابه المدرسن وهات ياشخط وزعيق فى اى مدرس يتكلم كان ناقص تضربه اى واحد بالقلم ، المهم جات الساعة 2 وكأن مدفع الافطار ضرب الكل من المراقبين هجم عاى اوراق الاجابه وهاتك ياشد وجذب والى كان بيعترض اننا دخلين متاخرين لازم ناخد وقت كمان شويه مصيره ان تشد ورقته هوه وحظه لغاية متقطعت اكثر من ورقة المهم .
وفى النهايه الحمد لله إن خلصنا الكابوس الكبير اللى اسمه امتحان الكادر الله لايرجعه هوه ولا يسرىالجمل ولا عادل منصور ربنا يخدهم كلهم آمييييييييييييييييييييييييييييييييين
وفى النهايه باكد وبقول توبه ان كنت امتحن تانى كدر المعلمين لو هشتغل بتاع فجل وجرجير

[ام مريم من مصر]

ه اولا كل عام وانتم بخير بمناسبه الشهر الكريم