الي كل مدرسي المنتدي الكرام

[مستر محمد الشاذلي]

السلام عليكم و رحمة الله
اليوم عاوزين نعمل حاجه مفيده تفيدنا و تفيد طلابنا
عاوزين نتكلم مع بعض نتشارك الاراء و الافكار في تنميه نظام التعليم في مصر و تعديل اللي عاوز يتعدل
و محدش بقي يقولي المشكله في النظام اكيد فيه مشاكل
لكن تخيلوا لو بدانا بانفسنا كورثة للانبياء
اكيد هيكون في شكل تاني
و اكيد هيكون فيه مستوي تعليمي افضل باذن الله
انا عارف ان كلنا عندنا مشاكل و مش هنعرف نرتقي بحال التعليم الا لو مشاكلنا دي اتحلت
طيب ايه المشكله لما نقعد مع بعض نتحاور و نشوف مشاكلنا ايه و نحاول نلاقي ليها حلول مع بعض
انا مستني كل اقتراحتكم و شكوايكم و هنقعد مع بعض و هنشوف الدنيا ماشيه ازاي
انا عن نفسي هبدا في تنظيم عمل اجتماع كل اسبوع علي الغرفه الصويته لمناقشه مشاكل و اراء المدرسن الافاضل
و ده هيبقي اجتماع ثابت بميعاد ثابت بس ياريت تسعدوني و هنقاش كل اسبوع مشاكلكم و اقتراحاتكم اللي هتكتبوها هنا.
و طبعا عاوزين بعد كلوا نقوم برفعه هذا المنتدي و جعله قدوه يـُـحتزا بها و ده كلوا لمصلحة الطالب و اعلم ان اي عملك ليك تقوم بيه علي المنتدي ده هيكون في ميزان حسناتك و طبعا كلامي ده مش لمدرسي اللغة الانجليزيه فقط لكن ده لكل مدرسي المنتدي الكرام.
انا مستني ردودكم و اقتراحتكم و لازم نكون عارفين اننا لو معرفناش مشاكلنا و اقترحنا حلول ليها و حولنا بالفعل في حل هذه المشاكل لم نقوم بالقيام بعملنا علي اكمل وجه.

[صوت الحق]

على بركة الله وجب ان نلبى هذه الدعوة الكريمة التى أطلقها اخ كريم فاضل ويكون الكلام عقلانى وعلى اساس الجميع اسرة واحدة وهذا القسم لا يظهر الا للمدرسين فقط
عند طرح المشكلة والحلول المقترحة التى نناقشها اقل شيئ سوف نزيل العبء النفسى عن الفرد لكى يبدع فى الحياة العملية ويشعر بان الاصدقاء قريبين منه جدا
ننتظر المشاركة باجابية من الجميع لكى نوفر العامل النفسى المناسب للجميع
توكلنا على الله

[بهاء هاشم]

اكيد الحوار شئ هام لمعرفة المشاكل وسبل حلها والحوار مفيد جدا لتنمية صدقات ومعرفة وجهة نظر الاخر وانا موافق على هذا الاقتراح الجميل

[محمد الجبالى]

المهم ليس مناقشة المشاكل فقط ولكن القدرة على حلها اقتراح جميل بس المهم نقدر على حل المشاكل العامه اولاً ثم الخاصة

[عبقرينومان]

السلام عليكم

والله اطرحوا المشاكل كلها وبأذن الله هنحلها برضوا كلها بمشيئة الله تعالى

[hasna]

حد يقولي متي سيقبل طب اسكندرية أوراق الطلاب الناجحين في الثانوية العامة مش عارفة اقدم امتى كل الكليات فتحت أبوابها للتقديم ما عدا طب اسكندرية

[مستر رمضان عيسى]

جميل بس نبدا على بركة الله

[مستر محمد الشاذلي]

الكلام ده كلوا جميل يا جماعه بس ممكن بقي نبدا
انا مستني رودودكم و اقتراحاتكم و مشاكلكم اللي هنعوز نناقشها و نتكلم فيها

[دكتور محمود فتحي]

اولا اقتراح هايل من مشرف هايل واكثر من رائع وهذا ليس بجديد عليك وانا عارف يا مستر محمد ان عندك كتير اوى لخدمة هذا المنتدى وانا منتظر مفاجاتك القوية والجميلة فى نفس الوقت ربنا يعينك ويكرمك

[مستر محمد الشاذلي]

اصبر يا مستر محمود انت لسه شوفت حاجه ان شاء الله محدش هيقدر يغمض عنيه من المفاجئات الجميله اللي هتحصل قريب و الف شكر علي تعليقك الجميل يا مشرف يا جميل

[نورا ميلاد]

اقتراح هايل ربنا معاكم

[social_worker]

يا أساتذه أنا أخصائيه إجتماعيه وعندى مشكله تؤرقنى باستمرار ألا وهى كثره المطلوب عمله من سجلات إلى جانب العمل الفعلى للأخصائى أو دورى كأخصائيه داخل المدرسه والمشكله إن لايوجد أى أحد يعرف ماذا يفعل الأخصائى ونتيجه لهذا الجهل يبدأ الجميع برمى احمال عليه ليقوم بعملها لأنه من وجهة نظرهم قاعد فاضى مما يستهلك وقته ومجهوده إلى جانب أن أى جماعه جديده يبعثوها للأخصائى حتى لو لم تكن إجتماعيه .. هذا إلى جانب أن عمل الأخصائى يتصل ببعض المدرسين مثل الرواد مثلا الذين يرفضون تولى ريادة الفصول وعواقب ذلك من عدم تنفيذ إنتخابات الفصول كما ينبغى وتنفيذها على الورق وعدم تنفيذ سجلات الرياده مما يجعل حمل تنفيذ هذه السجلات على الإخصائى وبذلك تكون أيضا حبر على ورق وكذلك الجماعات التى تنشأ بقرار وزارى بدون أخذ رأى أحد . بصراحه أنا بدأت أمل وأشعر بأنه لانتيجه مما أعمل ولكنى أيضا أشعر بأننى أحصل على مرتب لكى أقوم بتنفيذ هذا العمل على أحسن وجه ولكن لاأستطيع تنفيذه

[مستر محمد الشاذلي]

اختي الفاضلة هذه المشكله ليست مشكلتك انت علي الاخ و لكنه سيناريو يحدث الي الاخصائي الاجتماعي تقريبا في جميع مدارس الجمهورية و لكن كما وعدنا ستكون هذه المشكله محل نقاش الساده المدرسين و انا في انتظار اقتراحات لحل هذه المشكله
و شكرا و كان الله في عون الجميع

[مس رانيا حسن]

اولا احيك مستر محمد على اقتراحك الرائع
ونتمنى بالفعل ان يستمر هذا الموضوع ويلقى
الاهتمام والجديه من الجميع
بالنسبه لمشكله الاخت الاخصائيه
فعليكى اولا باقناع مدير المدرسه وادراكه بواجباتك ومهامك الفعليه
لو كل انسان عرف واجباته وما له وما عليه
لكنا فى احسن حال
فى امان الله

[مستر محمد الشاذلي]

اشكرك اختي في الله استاذه رانيا
و طبعا احنا مش هنلاقي افضل من حضرتك للمشاركة في حل هذه المشاكل بحكم عمل حضرتك و دراستك
شكرا علي المرور و ارجوا متابعة الموضوع