كوسه الثانويه العامه

[بروف انس]

مش عارف ان كان حظكم حلو وتعرضتم لنفس مشكلتي انا اعاني من مشكله نفسيه خطيره من المجموع اللذي حصلت عليه وهو 94 في الميه مجموع من وجهه نظري مجموع ردئ الي اقص الحدود فبعد مذاكره طاحنه وتركيز وانعدام الاخطاء احصل علي مثل ذللك المجموع فلقد وحدت من هم اقل مني استذكارا واقل مني فهما يجنون المجاميع المرتفعه ومافسر لي ذلك هو اني وجدت الذين كنت اغششهم اعلي مني مجموعا سبحان الله وايضا شئ اخر اني وجدت المواد التي كنت متاكد اني ساحصل فيها علي درجات طيبه ترضيني اذ تفاجئني الصدمه واحصل علي درجات دنيا واما المواد التي كنت متاكد من الحصول علي درجات غير طيبه اذ باني اجني درجات جيدهفسبحان الله

[Dr.taz l0gic]

أنا عندي استفسار صغير
انا ليه علي طول بسمع مصطلح كوسة مع أن في خضروات كتير في البلد
وكمان مندل عمل تجاربه علي البسلة وكل طلبة الاحياء عارفة ليه
ليه الكوسة بالذات اللي دايما بتشيل العبأ ؟؟؟؟؟؟

بالنسبة للرد علي موضوعك : " لو أطلعتم علي الغيب لرضيتم بالواقع "
لعل ده فيه خير لك احسن من اللي غشوا " من غشنا فليس منا "
ربنا يلهمك الصبر
كل الاحترام والتقدير

[uoua]

هى فعلا كوسة كل حاجة كوسة حسبى الله نعم الوكيل

[thesailor]

that's right

[Bent 3bdo]

احمد ربنا
واكيد ربنا عملك اللى فيه الخير

[Moky]

فعلا المجموع ده بيبقى نصيب
ومش معنى ان حد جايب اكتر منك انه احسن منك
او ان مستواه ومذاكرتة كانت اكتر منك
مش ضروري مش ضروري خالص
اصلا التصحيح بتحصل فيه حجات عجيبة
يعنى اعرف واحدة كانت عندها غلطة في الاحياء وجايبة الدرجة النهائية
وواحدة تانية كان عندها غلطتين في الكيمياء و الاخطاء في حاجة واضحة مينفعش فيها غير اجابة واحدة وجايبة الدرجة النهائية برضه في الكيمياء
ده غير اللي كانوا حالين في مواد كويس جدا وحالين الامتحان كله صح وناقصين كتير
وناس كتير راحت كشفت على ورقها ولقوا من حقهم درجات ومأخدهاش
ليه اصل ده تقدير مصحح

هو اني وجدت الذين كنت اغششهم اعلي مني مجموعا

علشان كده انا مكنتش بغشش حد خالص اولا لان الغش حرام وانا مكنتش عارفة ازاي اغش في المتحان وبعدين اخرج واقعد ادعي ربنا اني اجيب مجموع حلو برغم ان كل اللي حوليا شيفين ان الغش ده عادي بل والبعض شايف انك لما متغشش تبقى اتظلمت لان الناس كلها بتغش بس انا برضه مش متقبلة الفكرة دي فعلشان كده مكنليش دعوة بحد في الامتحان حتى زمايلي في اللجنة كانوا بيبصولي اني كائن غريب

مش عارف ان كان حظكم حلو وتعرضتم لنفس مشكلتي انا اعاني من مشكله نفسيه خطيره من المجموع اللذي حصلت عليه وهو 94 في الميه

انا مقدرة حالتك النفسية وشعور انك بذلت مجهود ومالقيتش نتيجة وعارفة انه شعور صعب اوي والاصعب انك تلاقي ناس اقل منك في المسوى وجايبين اعلى منك في المجموع عارفة انها بتوجع اوي اصلي جربت الشعور ده لكن في الآخر مش بايدك حاجة تعملها ومش بايدك انك تغير المجموع مهما زعلت عليه فادعي ربنا انه يعوضك خير ويوفقك في الكلية اللي حتدخلها .
كان في واحد جايب 65% في ثانوية عامة وجتن سنتها في محافظته كانوا اول سنة يفتحوا كلية تربية رياضية فدخلها وتفوق فيها ودلوقتي ما شاء الله اتعين في الكلية وبقى احسن من اللي دخلوا كليات قمة ومش لقيين شغل برغم انه لما جاب المجموع اللي جابه ده في ثانوية عامة كان الكل شايفه فاشل ومش حينجح في اي حاجة في حياته بس في الآخر ربنا وفقه وطلع ده الخير ليه انا ذكرت القصة دي بالذات عشان تعرف ان فيه ناس جايبين اقل منك بكتير وبينجحوا برضه ويتفوقوا لان ربنا يرزق من يشاء بغير حساب ومش بيرزق الناس حسب المجموع بتاعهم.

حاول تخرج من حالتك النفسية دي وفكر في انك احسن من كتير من اللي جايبين مجاميع اكتر منك وحاول كمان تنمي مواهبك او تروح تتعلم لغة او كمبيوتر او اي حاجة ممكن تفيدك في حياتك او حتى تحفظ قرآن لان احسن سن لحفظ القرآن من 5-25سنة .

اللي عايزة اقوله ان في حاجات كتير غير الكلية والتعليم الحياة واسعة اوي وكبيرة اوي فمتحصرهاش في التعليم بس وحط في دماغك انك مش معنى انك مجبتش المجموع اللي انت كنت عايزه انك فاشل او انك مش حتنجح في حاجة لا ابدا الغي الفكرة دي تماما ووقرب لربنا وان شاء الله ربنا حيوفقك في حياتك وحتحقق نجاح عظيم ان شاء الله وسعتها ابقى افتكر حزنك على مجموع الثانوية العامة واقعد اضحك.

[abdelRhman772007]

إن شاء الله تدخل هندسة و بس و صدقنى الحكاية توفيق من الدرجة الأولى
بحس إنى بحل و الدرجات بتتحط على امتحانات تانية
بس برده بقول فيه حاجة اسمها إجابة صح و حاجة اسمها الأصح
حاول بقدر الإمكان تكتب بالأصح عشان المدرس إذا لقى طالب بيجاوب بيها علطول و غلط غلطة صغيرة بيفوتها له
لأن ده غفوة أو سهو و جل من لا يسهو

و إن شاء الله تدخل الهندسة و هبقى آجى إن شاء الله أزورك فى الكلية كمان


و للى بيسأل اشمعنا الكوسة أقوله ما البطيخ بيشيل العبء معاه ^ ! ^

و على رأى اللى قال

يا بلدنا فيكى حاجة محيرانى ^ نزرع القمح فى سنين تطلع الكوسة فى ثوانى

[MoHammed Youssef]

بتحصل مع كتير من الناس مش انت بس والله يا اخى
غيرك وغيرك وغيرك