|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
03-03-2014, 02:16 PM
|
||||
|
||||
بنوتة مش عادية
ان شاء الله تعجبكم
بنوتة مش عادية الحلقة الاولي بداية حياة (صعبة ) ************** وبداية القصة مع زوجين اتجوزوا وعاشوا حياتهم وكانت الزوجة طيبة جدا حلم حياتها في بنوتة حلوة اما الزوج بقي كان مستهتر جدا كان عايش حياته بين الشغل واقعداته مع صحابه وكان بيروح شغله يوم ويغيب عشرة وزوجته مكنش يعرف عنها حاجة --------------------وفي يوم ---------------- وتعبت الزوجة ولما كشفت عرفت ان اخير حلمها هيتحقق وتجيب بنوتة جميلة بس للاسف مش ديما الفرحة بتكمل عرفت انها عندها مرض خطير وانها لازم تقرر حياتها ولا حياة البنوتة ؟؟؟؟؟ لكنها قررت تتحدي وتجيب حلمها للدنيا وخبت ع الكل مرضها وجه اليوم المنتظر والبنوتة بطلت قصتنا جات لحياتنا لكن للاسف في اليوم ده والدتها فرقت الحياة ومن البداية الصعبة دي تبدا بطلتنا حياتها بس ياتري بقي ازاي هتكون الدنيا لبنوتة بديتها كانت صعبة ؟؟؟؟؟؟؟ وياتري بقي والدها هيفضل كده مستهتر ولا هيفوق ويعيش للبنوتة ؟؟؟؟؟ كل ده هنعرفة الحلقة الجايه ان شاء الله ********** استنوووووووووونا *********** بنات انا عايزة رايكم بجد بالله عليكم كلموني بصراحة عشان انا حاسه انها زوبالة وانا مش نشرتها غير هنا عشان عارفة صراحتكم
__________________
|
|
#2
03-03-2014, 02:18 PM
|
||||
|
||||
بنوتة مش عادية
ان شاء الله تعجبكم
بنوتة مش عادية الحلقة التانية ومشيت الحياة ********** وفي وسط الجو المشحون من اسرة البنوتة قررت اسرتها انها تبعتها لخالتها في الريف الي لسه ربنا رزقها بنونو صغير تربيهم وتعتني بيهم زي الاخوات لفترة صغيرة وعدت الايام والبنوتة صاحبتنا جويرية عايشة في الريف مع خالتها وعدت 3 سنين من عمرها وجه الوقت الي هترجع فيه لحضن والدها ورجعت جويرية لحضن والدها وكانت بالنسبة له حياته كلها وكان بيعتني بيها جدا وبيلعب معها ديما وكبرت جويرية وبقيت في 4 ابتدائي في الوقت ده كان والدها بدأ يصلي في المسجد ويحضر دروس كمان وبدأيربيها زي الاب المسلم بجد ويعرفها دينها ويعلمها كل العلوم الشرعية وكبرت جويرية اكتر ووصلت ل6 ابتدائي وكانت فرحانة اوووووي انها هتوصل للاعدادية وخلصت 6 ابتدائي وبدأت الاجازة وعاشت جويرية اجازة جميييييييلة مع والدها وكانت متعلقة بيه جدا وعد الوقت الجميل بينهم وهما اصحاب ووالدها ديما معرفها اننا مش اتنين احنا تلاتة انا وانتي وربنا ربنا معنا ديما ومباقش فاضل ع الدراسة الا اسبوع ******* وفي يوم ******** جويرية استنت والدها يوصل من شغله واستنت تتغدي معه بس والدها اتأخر ع معاده ياتري بقي والد جويرية اتأخر ليييييييييييه ؟؟؟؟؟ وهتكمل جويرية حياتها مع والدها بنفس الصداقة والحب ولا جويرية هتبعد عنه والدها ؟؟؟؟؟ ووالدها هيفضل ملتزم ولا هيبعد ويرجع تاني لحياته ؟؟؟؟؟؟ كل ده هنعرفه بكره (ان شاء الله ) استنوووووووووونا
__________________
|
|
#3
03-03-2014, 02:19 PM
|
||||
|
||||
|
بنوتة مش عادية
ان شاء الله تعجبكم
بنوتة مش عادية الحلقة التالتة مخبي اييييييييه ؟؟؟؟؟ **************** ومن بعيييد لقيت جويرية والدها جاي ومعه عم محمد جارهم وصاحب والدها اووووي وتجري جويرية بسرررررعة وتفتح الباب لوالدها جويرية :اييه يا بابا ؟؟؟؟؟ اتأخرت لييييييييييه انا كنت قلقانة اوووي وكنت مستناك تتغدي معايا والدها :معلشي ياحببتي حصلت ظروف في المصنع جويرية:طيب خلاص بقي مش تتأخر تاني عشان انا بقلق والدها:لا متقلقيش خلاص مفيش شغل في المصنع تاني جويرية :لييييييه !!!!!!!! والدها :خلاص ياجويرية مش رايح المصنع تاني جويرية :يعني ازاي يابابا !!!!! طيب هنجيب فلوس منين ؟؟؟ والدها:هشتغل اي شغل تاني جويرية :شغل اييه بس يابابا هو في حد لاقي شغل حتي الي معهم شهادات عالية والدها بنرفزة :حلوة ياهانم ما هو اصل انا ربيتك عشان تستقلي بيه وخرج والدها بسرعة من غير حتي مايسمعها وهي بدافع عن نفسها وخرج يقعد مع جارهم عم محمد جويرية اقعدت تعيط وكانت متأكدة ان والدها مخبي عليها حاجة وشوية ولقيت جويرية الباب بيخبط فتحت لقيتها روضة بنت عم محمد جارهم وصاحبتها في المدرسة روضة :ايه ياجويرية مالك ؟؟؟؟ جويرية :بابا زعق لي روضة :معلشي تلقيه زعلان عشان ساب الشغل وكماااااااا ن (وهنا حاست روضة انها وقعت بلسانها ) اكيد زعلان جويرية :كمان اييييه !!!! انتي مكملتيش ليه يا روضة روضة بتوتر :لالا مفيش بقولك انا هروح الدرس اصلي حبيت ابدا بدري عشان انا ضعيفة في الانجليزي اوي سلام مشيت روضة وجويرية حاسة اني روضة سمعت كلام والدها ووالدتها عن والدها وعارفين والد جويرية مخبي عليها اييييه ولسه والدها بيدخل الشقة جويرية :بابا انا اسفة انا مقدرش ع زعلك انت كل حاجة في حياتي وانا مكنش قصدي والله انا كنت بفكر في الواقع زي ما حضرتك مربيني انا اسفة والدها بيقرب منها : يا حببتي انا الي اسف بصي ياجويرية انا قولتلك كتير وده كان منهجي في تربيتك انك مش بنوتة عادية والدتك ضحت بحياتها عشانك يعني لازم تكوني قد التضحية دي وكمان انتي مسلمة يعني مش زي اي بنوتة لازم تكوني متقدمة حتي رغم ظروفنا ولو انا خذلتك يوم سامحيني ياحببتي لانك اكيد احسن مني لاني ظروفك مش زي ظروفي جويرية بتعجب :بابا حضرتك ع طول بتقولي اني سابقة سني وبفهم بسرعة بس انا فعلا مش فاهمة حاجة والدها :مش مهم المهم انك تصدقيني وتعرفي اني غيرت كل حياتي عشانك انتي وعشان ارضي ربنا في تربيتك وعشان كده عايزيك مش تخيبي املي فيكي زاد اندهاش جويرية واضطرت تسكت لان والدها كان حزين وهي مش قادرة تفهمه وبدأت تفكر مع نفسها هو بابا ممكن يرجع تاني زي ما كان زمان ومستهتر ومش فارقة معه حاجة لا اصله كلامه واضح جدا وكمان بيحبني اوووي وكمان التزم وبيحب ربنا لالا مش معقول طب هو مخبي عني اييييه ؟؟؟ وروضة وكلهم عارفين الا انا ليييه !!! وهنجيب فلوس منين لما دي تخلص وهو مش بيشتغل ؟؟؟؟ والدراسة ع الابواب اعمل ايييه ياربي ؟؟؟؟؟ وبين كل الافكار دي رجعت جويرية زي ما والدها معلمها جابت ورقة وقلم وبدأت تكتب اهم مشكلة عندي دلوقتي المدرسة واكيد الفلوس هتخلص ولازم نشوف حل وفي الحظة دي جه في دماغها فكرة وجريت بسرعة ع والدها تقولها فكرتها ياتري بقي هيقبلها ولا لا ؟؟؟؟ وايه هي اصلا ؟؟؟؟ وياتري والدها مخبي اييييه ؟؟؟؟ وهتعرفه ولا لا ؟؟؟ كل ده هنعرفة (ان شاء الله ) الحلقة الجاية =d استنووووووووووووونا 3 
__________________
|
|
#4
03-03-2014, 02:20 PM
|
||||
|
||||
|
بنوتة مش عادية
ان شاء الله تعجبكم
الحلقة الرابعة من قصة بنوتة مش عادية من خيال لواقع *********** جويرية :بابا بابا والدها:ايه يابنتي في اييييه !!!!! جويرية :عندي حتة فوكرة كده والدها:قولي ياستي جويرية :عندي فوكرة اولا هتشتغل ثانيا مش هنبعد عن بعض والدها :ازاي يا عبقرينو ؟؟؟؟ جويرية :اقولك دلوقتي احنا ساكنين في حي شعبي وفي الدور الارضي يعني كأننا في الشارع البلكونة قريبة من الشارع اوي والدها:اخلصي عايزة تقولي ايييه ؟؟؟؟؟ جويرة :حضرتك قولتلي الحاجة الي بكرها احاول استغلها وانا بكره الحي الشعبي والدور الارضي بس كمان ممكن استغلها والدها :ازاي ؟؟!!! جويرية :احنا هنا الناس مش محتاجة سوبر ماركت عشان تجيب حاجتها لانهم ناس بسيطة اوي احنا بقي نعمل البلكونة زي المحل وحضرتك تشتغل فيها وبكده محدش يتحكم فيك في الشغل ولا تضايق من حاجة والدها : يااااااااااه جبتي الفكرة دي ازاي !! فعلا انتي مش عادية وانا هجهز من بكره ان شاء الله بس تعالي الاول نشتري بقي الحجات لوازم الدراسة الكشاكيل والكتب الخارجي يالا بسررررررررررعة جويرية :حاضر بس توعدني انك هتنفذ والدها:طبعا هنفذ ان شاء الله وخرجت جويرية مع والدها وجابت كل حاجة محتاجها ورجعوا البيت والدها :يالا يا حببتي عشان تنامي وانا هقعد مع عمك محمد عشان اسأله علي العمال عشان المحل جويرية :بجد يا بابا والدها: ايووه طبعا يا بنتي انتي تؤمري جويرية : هيييييييييييييييييييييييا والدها:يالا بقي عشان اعرف اصحيكي للقيام ونامت جويرية ووالدها صحها للقيام وكمان صلت الفجر وبعد كده اتكلموا وعرفت جويرية ان والدها هيبدأ الشغل في المحل من بكره وهي كمان هتروح المدرسة بكره جويرية :ياااااااااااااااااااااه يا بابا انا هروح اعدادي والدها:ايوه كبرتي يا حببتي عقبال ثانوي وتكوني مهندسة زي ما بتمني وكمان داعية كبيييييييرة جويرية :ياااارب والدها :بصي يا حبيبة قلب بابا البنات هناك في منهم الي اخلاقها مش حلوة ياريت متتعمليش معهم ولا اتعملتي خليكي فاكرة انك مش بنوتة عادية غيري ومتتغيريش غيري في اخلاقهم لكن اخلاقك لا جويرية :حاضر يابابا انا فرحانة اووي كمان روضة هتكون معايا هيييييييييا وغلبت مشاعر الطفولة ع جويرية هي فعلا طفلة بس ظروفها خلتها بنوتة بعقل 100 راجل وبصبر 100 جبل وراحت الاعدادية بقي وشافت البنات طبعا دمها اتحرق بس ده مش مهم المهم ان فكرة جويرية اتحولت من الخيال للواقع وكانوا فرحانين اوي بالمحل وان والدها ديما معها ********* وفي يوم ******** والدها :جويرية جويرية :ايوه يا بابا والدها :عايز اقولك حاجة بس متزعليش (بسرررررررررعة دماغ جويرية راحت اكيد هيقول لي هو مخبي عني ايييه )  ويبدا والدها بالكلام بس مقالش مخبي ايييييييه ؟؟؟ بالعكس ده كان لغز جديد !!!!!!! ياتري ايييه هو اللغز ؟؟؟ ووالدها مخبي عليها اييييه ؟؟؟؟؟ كل ده هنعرفه الحلقة الجايه (ان شاء الله ) استنووووووونا
__________________
|
|
#5
04-03-2014, 10:46 AM
|
||||
|
||||
|
بنوتة مش عادية
ن شاء الله تعجبكم
قصة (بنوتة مش عادية ) الحلقة الخامسة علامات استفهام ************* والد جويرية :لالا مفيش خلاص جويرية :في ايه يابابا والدها :بصبي كنت عايز اقولك نروح نشوف خالتك في الريف دي زي والدتك برضه هي الي وقفت جنبك وكمان ربتك جويرية :اها ياريت بس ده هيزعلني في اييييييه !!! والدها : ها لالا اصلي كنت خايف تفتكري والدتك جويرية :بابا قولي بجد عايز تقول ايييييييه ؟؟ والدها :ما انا قولتلك جويرية :طيب هنروح امتي بقي ؟؟؟ تيجي نروح الخميس والجمعة والدها :والدروس ياهانم انتي ناسية ان تالتة شهادة جويرية : ايوه يا بابا ما انا الدروس عندي اجازة اليومين دول انت ناسي ان تالتة كلها دروس محدش بيروح المدرسة والدها :ما انا عايزيك تذاكري جويرية :عادي اذاكر هناك والدها :لالا خلاص بقي ياجويرية انا هروح اقعد في المحل شوية جويرية بتفكر : هفففففف ايه يا بابا مخبي ايييه بس هتجنن واعرف وراحت جويرية تكمل مذكرة وحكت جويرية لروضة صاحبتها بس روضة برضة مش قالت حاجة وبعد كام اسبوع والدها :جويرية جويرية :نعم والدها :انا هسافر جويرية :اييه ؟؟ ليه يا بابا ؟؟؟ وادها :خالتك تعبانة وهتعمل عملية لازم اكون جانبها ده واجب علينا جويرية :هتسبني لوحدي والدها :لازم اروح لازم نرد الجميل وبعدين انتي معاكي ربنا ديما وكمان روضة ووالدتها وعمك محمد جويرية :طيب ما هي عندها ابنها واهلها كتار يا بابا لكن انا لا والدها :لازم اقف جانبها وكمان عايزة فلوس للعملية لازم ابعتها جويرية :طيب اجي معاك والدها باضطراب :ها لالالا جويرية :ايه يا بابا مالك ليه مش اجي معاك !!!!! والدها :عشان الامتحانات فضلها 15 يوم جويرية :بص يابابا برحتك بس انا حاسة انك مخبي حاجة والدها :يابنتي اهدي بس جويرية :ماشي هتمشي امتي ؟؟؟ ؟؟؟ والدها :بكره الصبح جويرية :طيب استني شوية والدها :معلشي ياحببتي عشان الفلوس وطلع النهار وسلمت جويرية ع والدها ومشي وبعديها جويرية راحت لروضة جويرية :هتروحي الدرس بعد ساعتين روضة :لا اصلي هروح دلوقتي ع درس العلوم وانتي مش راضية تاخدي معايا جويرية :اصل انا كويسة ف العلوم روضة :انتي هتقوليلي ما انا عارفة جويرية :ماشي يا بيخة روضة :هستناكي هناك ومشيت روضة وعدي الوقت وراحت جويرية ع الدرس ومن بعييييد بنت شكلها مش تمام لبس ضيق وشعر من غير حجاب وغير البلوي الي في وشها وبتسلم ع روضة جويرية :مين دي !!!!!!!!!!!! روضة :وحدة عرفتها في درس العلوم جويرية :بتسلم عليكي ليييييه ؟؟؟؟ روضة :حاضر هقوم اضربها اعملها ايه يعني !!! جويرية :والله ما مطمنة روضة :طبعا خليكي انتي كده ع طول قلقانة من كل حاجة وخلص الدرس وروحت روضة وجويرية ولسه جويرية بتفكر في والدها مشيت ليه يا بابا ؟؟؟ مخبي ايييه ؟؟؟؟ خالتي تعبانة دي مش مصدقها وحتي لو تعبانة كنت روحت يوم ولا اتنين مش تقولي هطول وانتي يا ست روضة مخبية اييييه ؟؟؟؟ وصاحبتك الي مش مطمنة لها دي كمان ؟؟؟؟ وفي وسط كل علامات الاستفهام دي تشوف جويرية اعلان يشدها اوووووووووي وقررت انها تتفاعل معه ياتري ايه هو ؟؟؟؟ وهتتفاعل ولا لا ؟ وهيكون خير ولا شر ؟؟؟ كل ده نعرفة بكره (ان شاء الله ) استنووووووووونا
__________________
|
|
#6
04-03-2014, 10:54 AM
|
||||
|
||||
|
ايه ده لالالالالالالالا
كملى عالطول .... باباها مخبى ايه وصاحبتها كمان مالها مش بحب كده بقى ههههههههه
__________________
 |
|
#7
12-03-2014, 03:19 PM
|
||||
|
||||
|
رووووووووووووووووووووووووووووووووووووووووووووووووو ووووعة فين الباقى بسرعة مستنينك على نار
__________________
لاتعجز ضخامة الامنيات ....فربما بدعوة واحدة ترفعها الى الله
تجلب لك المستحيل .... فقط قل يارب Do not let failure affect your dreams  |
|
#8
12-03-2014, 11:02 PM
|
||||
|
||||
|
قصه رائعه منتظرين الباقي ياقمر ان شاء الله
__________________
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:46 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
