هّندعىِ بظَهر الغيب فى القيام من هيشاركنا

[جنان دعوية]

السلام عليكم ورحمه الله وبركاته

ازيكم جميعا اتمنى تكونوا بخير ان شاء الله

انا فكرت فى موضوع اننا ندعى لبعض بالتوفيق وربنا يرزقنا الكليه ال بنتمناها ان شاء الله

وفعلا بدأت انا وزميلاتى نعمل كده ..

انا حبيت اقول الفكره عشان ندعى لبعض بردوا فى صلاة القيام بليل حتى ولو هنصلى ركعتين

ومفيش مشاكل لو ندعى حتى فى غير القيام

الدعاء بظهر الغيب مجاب ان شاء الله

والدعاء م بين الاذان والاقامه لا يرد

والدعاء فى وقت السحر مستجاب ..

والمداومه ع الاستغفار "الاستغفار بنيه ان ربنا مثلا يرزقنا بكذااا " ان شاء الله مستجاب

وقلت استغفروا ربكم انه كان غفارا * يرسل السماء عليكم مدرارا

ان شاء الله عاوزين ننفذ الفكره دى من النهارده ,,

مين هيشاركنا ,,

مثلا وانا بصلى يارب وفق ساره , احمد , خالد , مريم ويدخلوا كليه يتمنوها ويجيبوا مجموع عآلى

وانت تدعى نفس الدعاء للمجموعه دى ..

ولو نسيت الاسماء مثلا او ....او .... تدعى وتقول مثلا يارب وفق الطلاب الى شاركوا فى موضوع ...... ويدخلوا كليه يتمنوها ؟؟ ربنا عالم بنيتك وانت بتدعى لمين لو مش عارف يعنى توصل الدعاء كويس

اتمنى تكون الفكره عجبتكوا ... ودى مجربه بفضل الله

وفعلا كان فى جروب مع بعضه ف الدروس دعوا لبعض كتير يوميا واقل واحد فيهم دخل هندسه ..

انشرها بين صحابك هتاخد ثواب ولعل الله يستجيب اخلص بس النيه لله والله ربنا كريم اوى وهيفرحنا

[اتعلمت ولسه بتعلم]

ايه الافكار الجميلة دي
جميلة جداً والله العظيم

[اتعلمت ولسه بتعلم]

هندعي لبعض ربنا يوفقنا وندخل الكلية اللي ربنا كاتبلنا فيها الخير
ربنا يوفقكم يارب

[omarhassan2009]

فكرة كويسة جدا معاكم ان شاء الله

[*Sara Ahmed*]

انا ان شاء الله هدعى
للى شارك او هيشارك فى الموضوع بدون ذكر اسماء
يـــــــــارب
ردنا اليك ردا جميلا ووفقنا واكتب لنا الخير حيث كان ثم ارضنا به
يارب لا تكتب علينا حرقة القلب بعدم نيل ما نتمنى
ولا تقدر لنا رؤية الحزن فى عيون والدينا
اللهم آمين