انا داخل تالتة ثانوي و جيبت في تانية 91.2 و عايز اعرف رأيكو اكمل رياضة ولا ادبي

[eng--zako]

[هالة محمد احمد الوزيرى]

بص انتا ممكن تكمل رياضة بس تنتحر فى المذاكرة بجد وسيبك من اللى جيبتوا ونصيحة بجد مهمة قوى جمد اعصابك قوى قوى وادخل اى امتحان مهما كانت درجة صعوبته ببرود كانك بتتفرج على اغنية لتامر حسنى ولا تتاثر بحد ومتثقش فى كلام حد قوى وعلى فكرة الثانوية خداعة بطريقة بشعة انا كنت جايبة 96,5 فى 2 ثانوى ودخلت رياضة والحمد لله جبت الاتنين مع بعض 89,27 شايف الفرق بس الحمد لله بالمستوى 90,48 المهم ملكش دعوة دلوقتى بتنسيق ولا 3 ولا زفت ومتحتش المجموع فى بالك وياما ناس رفعوا فى 3 وياما ناس ذاكروا وتعبوا وقلوا قوى لاسباب ملهاش علاقة بالمذاكرة منهم الاصحاب والرعب واولهم انا على اى حال ربنا يوفقك وخليك بارد ونصيحة اخيرة ذاكر لوحدك مش مع حد وبلاش مذاكرة التليفونات واسال مجرب

[eng--zako]

متشكر جدا علي النصيحة الجميلة دي وانشاء الله ربنا حيكرمك و تخشي هندسة او حاسبات و معلومات علي الاقل علي تنسيق السنة دي

[هالة محمد احمد الوزيرى]

ادادعيلى بجد التظلم اللى انا عملته فى الفيزياء والرياضة بعد 4 ساعات ونص وانا قلقانة اكتر من قلقى ساعة الامتحانات بجد ادعيلى بجد وربنا يوفقك ولو عايز تسال على حاجة فى 3 غير التنسيق انا تحت امرك ومتخافش من 3 ابدا وانا موجودة فى اى وقت اذا عوزت حاجة تعرفها وربنا يوفقك يارب ويوفقنىىىىىىىىىىىىىىى يارب

[a_2007]

والله انا رايى ان ده حسب قدراتك لو حاسس انك هتفدر تجيب اكتر كمل رياضه لو مقلق ومحتار حول ادبى افضل ليك وخليك واقعى انا برضه زى هاله حصلى نفس الموقف وربنا يوفقك

[eng--zako]

متشكر علي النصايح الجميلة دي بس ممكن اقلكوا اني الحمد لله بعد توفيق ربنا اني جايب الدرجة دي من غير مذاكرة اكتر فترة كت باعد فيها علي المذاكرة كانت ساعتين و كانت قليل جدا اصلا لما بذاكر ده كان في ايام ما فتحتش فيها كتاب و انا واثق ان درجتي دي من الصلاة في المسجد ويارب يقدرنا علي طاعته انا بس كنت بركز في حصص المدرسين الخصوصين و انا لغايت شهر 3 كنت مضيع في الكيمياء عند مدرس كبير و له شهرة في بلدي دمنهور لكن الحمد لله واحد صحبي دلني علي مدرس جامد بقل المقاييس خلاني اجيب 46.5 في الكيمياء و الحمد لله بس انا كنت عاوز منكم استفسار صغير ازاي اطول وقت مذاكرتي و انظمها؟؟ (و يارب التوفيق لكل من اجتهد لتحصيل درجاته و بعد عن الغش و الحرام)

[loverboy]

انا كان عندى مشكلة كبيرة اوى فى المذاكرة بس بعد كده لقيت الحل ( حب المذاكرة كأنها حبيبتك خليها هى الكيف بتاعك اللى لما بتزهق من حاجة بتعملوه ) صدقنى هى دى الطريقة الوحيدة اللى هتعرف تذاكر بيها انا رايح 3 ثانوى و جبت فى تانية 93.7 و ان شاء الله هكمل علمى رياضة

أؤلك على حاجة تعرف تحل بيها الرياضة لما يكون فى مسألة واقفة ادامك ما تسبهاش خليك وراها بصلها على كأنها حد بينفسك و انت هتنتصر عليه فى النهاية

و يارب يوفقنا جميعا







تحياتى

lover boy

[ندي عاصم]

انا هكمل علم رياضة بس خايفة وانا جايبة مجموع زبالة

[mena1990]

انا من رأى تكمل وللعلم ده نفس مجموعى وان شاء الله تدخل هندسه لان المجاميع السنه دى هابطه وبعدين اعمل
استخارة وربنا يوفقك......اختك فى الله منة

[Dr.taz l0gic]

علمي رياضة بإذن الله يا / باش مهندس

[رانيا محمد حسن]

علي فكرة انا برض جبت مجموع زيك بس انا جايبة 91,4 وهكمل علمي رياضة ان شاء اللة بس انا بديت دروس من دلوقتي ورياضة 2 مش سهلةانا مش عارفة احل اوي فيه ومعلش ابقي اولي انت هتختار علم نفواجتماع ولا اقتصاد واحصاء انا بديت درس في الاقتصاد والاحصاء بس اانا حسة ان الاحصاء صعبة شوية

[harrypotter]

iiiههههههههههههههههههههههههههههههههههههههههههههههه هههههههههههههههههه
كلام فاضى المفروض هضرتك اللى تقرر ومش تسأل على الامتحانات بتعتنا لانها زفت على الكل بس الحمد لله التنسيق نزل معها
فقرر انت تدخل ايه وطبعا رياضة افضل لان الرياضة 2 سهلة والفيزياء كذلك بأستثناء امتحانات 2008
وانا الحمدلله عملت اللى عليا ونزلت من 96ال96%
بس الحمدلله على كل شيى
"كل لن يصيبنا الا ماكتب الله لنا "
وشكرا

[harrypotter]

من 96 ال 93 %

[Dr.love ferdos paradise]

انا فى رائى تكمل بس تشد حيلك وانشاء الله حتحقق حاجه وتبقى باشمهندس
المهم تحقق رغبتك ولازم تتعب عشان تحققها

وربنا يوفقك

[الله أعلم]

أنا نفس المشكلة بس أنا جايبة 87 دة بس عشان مذكرتى فى الأول لكن فى الأخر حسيت بزهق وملل لدرجة الأحباط كنت بذاكر بس مش عارفة ليه للأسف فهمت اللعبة بعد فوات الأوان بس قررت أحول أدبى وأستحمل شوية علشان أحقق هدفى اللى حددته من قريب