الببلاوى: 1200 جنيه حد أدنى للعاملين بالحكومة بداية من يناير المقبل

[m.m.m.m]

قال الدكتور حازم الببلاوى، رئيس مجلس الوزراء، إن المجلس حدد الحد الأدنى للأجور للعاملين بالحكومة 1200 جنيه بداية من شهر يناير المقبل.

وفيما يتعلق بالقطاع الخاص، قال الببلاوى إن الأمر المتعلق برواتبهم، معروض على المجلس القومى للأجور، وإن هناك حاجة للمزيد من المناقشة بين رجال الأعمال والعمال وسيتم الانتهاء منه خلال الأسبوع للمقبل.

وأضاف فى مؤتمر صحفى بمقر هيئة الاستثمار: "أن الحكومة طالبت الوزراء بحصر المستشارين والمكافآت التى يحصلوا عليها لترشيد الإنفاق، وأن المجلس طالب من وزارة التنمية الإدارية متابعة مدى تنفيذ هذه القرارات".

ولفت إلى أنه تم تشكيل لجنة من التنمية المحلية والآثار والسياحة والإسكان لبحث حالة المساكن والكنائس والمساجد التى تضررت نتيجة الأعمال الإرهابية التى تمت مؤخرا.


http://www.youm7.com/News.asp?NewsID=1256127

[امير البحار2020]

بدايه خير بس ربنا يهدى الازهر ويعرف كيف يطبقه................. مش ياخذ سنه علشان يفهم ازاى وده حال الازهر دائما

[RAMADAN ALDANDYLE]

بدايه خيربدايه خير

[رمضان جمال نبيه]

منين والميزانية خربانة
افلح ان صدق

[رمضان جمال نبيه]

كلها مسكنات

[محمدومعاذ]

ان لم يصدر قانون بذلك من الان فلن يتم تطبيق شئ خصوصا وان الحكومة سترحل قبل شهر يناير دى حاجة والحاجة التانية ممكن الكلام يتم تطبيقه ويكون بلا جدوى وهو فى حالة عدم ضبط الاسعار لأن الاسعار لو استمرت فى نفس المعدل الحالى من الزيادة يبقا ال 1200 جنيه مش هتشترى 5 كيلو من اللحوم فى يناير القادم ................ لذا الحل الوحيد هو توزيع الاجور على كل العاملين بالدولة بالتساوى وفقا للدرجة المالية لكل موظف ويكون الاجر الثابت (الاساسى) 80 % من المرتب والاجر المتغير 20% فقط لا غير ........ انا مش رجل اقتصاد ولكن العدل لا يعنى الاشئ واحد وهو المساواة وبلاش الحكومة تلف وتدور كفاية استخفاف بعقولنا وظلم

[الأستاذ عبده السوهاجى]

المشاركة الأصلية كتبت بواسطة محمدومعاذ

ان لم يصدر قانون بذلك من الان فلن يتم تطبيق شئ خصوصا وان الحكومة سترحل قبل شهر يناير دى حاجة والحاجة التانية ممكن الكلام يتم تطبيقه ويكون بلا جدوى وهو فى حالة عدم ضبط الاسعار لأن الاسعار لو استمرت فى نفس المعدل الحالى من الزيادة يبقا ال 1200 جنيه مش هتشترى 5 كيلو من اللحوم فى يناير القادم ................ لذا الحل الوحيد هو توزيع الاجور على كل العاملين بالدولة بالتساوى وفقا للدرجة المالية لكل موظف ويكون الاجر الثابت (الاساسى) 80 % من المرتب والاجر المتغير 20% فقط لا غير ........ انا مش رجل اقتصاد ولكن العدل لا يعنى الاشئ واحد وهو المساواة وبلاش الحكومة تلف وتدور كفاية استخفاف بعقولنا وظلم

كلامك منطقى وعلمى.. بس معلهش اعزرنى انا عايز امسك الاول ال1200فى ايدى وبعدين نتكلم فى اللحوم والطماطم الكوسه بلاش نسبق الاحداث احنا مش ناقصين إحباط .

[حكيم المصري 2012]

افلح ان صدق

[محمـد الشيخ على]

كده احنا على المسار الصحيح العداله الاجتماعيه كانت من مطالب ثوره يناير

[Step By Step]

المشاركة الأصلية كتبت بواسطة mohamed elshikh ali

كده احنا على المسار الصحيح العداله الاجتماعيه كانت من مطالب ثوره يناير

العدالة الاجتماعية بتقول اننا نصدق ولا نكدب

1200 جنيه اساسي ولا شامل ؟؟؟

لو شامل يبقي هيصفي علي اللي بنقبضه حاليا

واين الحد الاقصي محدش اتكلم عليه ليه

وليه مصدرش قانون بكده والتنفيذ يبقي السنه الجايه

كلام ابن عم حديت = كدب وخداع اتعودنا عليه خلاص

[أزهرية وأفتخر]

الناس ده عارفه نفسها هتمشى فبيطلعه قرار يورطه بيه اللى هييجى بعدهم

[Mr...Ahmed]

كلمة واحدة

الله يخربيت الاخوان الملاعين ..لو الناس مطللعتش الحد الادنى يقولك شوف اهم كدبو عليكو

ولو الناس طلعت الحد الادنى يقولك شوف دول كدابين مفيش قانون


دانتو ملاعين ولاد ملاعين

[Ahmed el avatar]

برافو مستر أحمد والله الإخوان دول عايزينها خربانه .ربنا ينتقم منهم

[hosamtaha]

الحد الادنى1200 لحديثى التعيين ولن يفيد اى موطف تعدى راتيه 1200 جنية يعنى ابو 12 سنه حدمه زى تعيين احدث موطف

[Mr...Ahmed]

المشاركة الأصلية كتبت بواسطة hosamtaha

الحد الادنى1200 لحديثى التعيين ولن يفيد اى موطف تعدى راتيه 1200 جنية يعنى ابو 12 سنه حدمه زى تعيين احدث موطف

مين قالك الكلام ده .. الكلام ده غلط تماما
فكر ياخى بالعقل