ارجو المساعدة :(

[مريمية.]

السلام عليكم ورحمة الله وبركاتة

يارب تكونو ف افضل حال

انا كنت داخلة المنتدى محتاجة مساعدة منكم لو سمحتم

انا خريجة تربية انجليزى معنديش خبرة فى موضوع الدورس ولكن عايزة اشتغل عشان ميبقاش الواحد خد الشهادة والاربع سنين راحو هدر وحتى لو ربنا كرمنى بشغل بعد كدة يكون عندى خلفية


فارجو المساعدة ازاى ابدء ادى دروس واية الكتب اللى ممكن استعين بيها وكمان ادرس اية بالظبط ف المنهج اية النقاط الهامة اللى اركز عليها مع الاطفال

واديهم اية اساسا
وابدء معاهم ازاى
وهل هم ف السن دة بيحفظو كلمات طيب انا دورى معاهم كمدرسة اية انى اشرح فقط ولا احفظهم كمان
اشرح الدرس ع كام حصة الوحدة يعنى (( دة بالنسبة لسنة اولى وتانية ابتدائى خلينا نبدا وحدة وحدة ))

ارجووووووووووو المساعدة وهنيالك يافاعل الخير

[crystalahmed2008]

ربنا يكرمك اولا ,, ثانيا انا زيي زيك لسه مبتدأ ,,, بس دورك بسيط جدا مع بتوع اولى وتانيه .. هتشترى كتاب بت باى بت ,, هو مقسم المنهج على اكتر من درس وكل درس بيكون ف حصه واحده ,,, انا مش عارف لسه المنهج الجديد بتاع اولى وتانيه شكله ايه .. بس ابدأى دالوقتى ف الحروف ,, كل يوم حرفين كابتال واسمول ,, اقرايه معاهم كذا مره واكتبى ف الكراسه بتاعت كل واحد الحرف مرتين جمب بع

[crystalahmed2008]

مرتين جمب بعض .. وتعملى سطر فاصل بينهم .. وهو يكتب الحرف الواحد لاخر الصفحه ويقوله ف سره ولما يخلص شوفيه حفظه ولا لآ ,, طلعيه عالسبوره او ف ورف خارجيه كدا وقوليله اكتب خرف ال a مثلا كابتل واسمول ,, والواجب بتاعه يكتب الحرفين اللى اخدهم ف الدرس ف البيت كذا مره ورا بعض ويسمعهم المره الجايه

[crystalahmed2008]

وبتاع سنه تانيه ,, لو هو عارف الحروف ,, يبقى هتراجعيها معاهم ف حصه والحصه التانيه يحفظوا 5 كلمات ,, كل حرف عليه كلمه ,,,, ونفس طريقة تعليم الحروف مع اولى هتعمليها مع بتوع تانيه ف الكلمات ,, تكتبى الكلمه وهو يتكبها تحت بعضها كذا مره وترسميله شكل الكلمه ,, (قطه يبقى هترسميها ) هيحب الموضوع دا ,,, ولحد ما الكتاب ينزل هيكون حفظله 26 كلمه مختلفين مع الحروف وطريقة نطق الحرف مع كل كلمه ,, وتخشى معاه ف المنهج

[crystalahmed2008]

ولو فيه اى اضافه من الساده المعلمين مايبخلش علينا الله يخليه

[MR.abdelslam]

السلام عليكم انا شغال في مركز التقوي التعليمي (جابر)
في منطقة الأمرية
ممكن تيجي تكتبي بيناتك عند صاحب المركز وان شاء الله خير انا رقمي 01013939147