قرار خصم 25% لأبناء العاملين بالتربية والتعليم هل اتلغى؟

sayedsamy · #1 10-09-2013, 01:39 PM

أنا مدرس يعمل بأحد مدارس القاهرة وأبنائي في أحد المدارس الخاصة بمحافظة الجيزة وعندما طالبتهم بخصم 25% من مصروفات المدرسة طبقا لقرار الوزير بالخصم قالوا إن القرار لم يطبق واتلغى فهل هذا صحيح ؟

smsm101179 · #2 10-09-2013, 01:58 PM

القرار اتنفذ يا باشا وانا لسة دافع المصاريف لابنائى بعد خصم 25%
رقم القرار 274
كل المدارس الخاصة ملتزمة بتنفيذ القرار ....... متسبش حقك

عبير يارا · #3 10-09-2013, 03:17 PM

انا مدرسة و عملت ورقة مختومة بختم النسر تفيد باننى مدرسة و صورة من القرار وذهبت لمدرسة الاولاد المدير قال لى مافيش حاجة بتقول كدة فذهبت الى التعليم الخاص قالو لى ده مش اختصاصنا ده تبع المدير المالى و الادارى بالادارة فذهبت الية قالى ما فيش حاجة جاءت لنا وشكرا

mohnnad · #4 11-09-2013, 02:52 AM

اقتباس:

المشاركة الأصلية كتبت بواسطة smsm101179

القرار اتنفذ يا باشا وانا لسة دافع المصاريف لابنائى بعد خصم 25%
رقم القرار 274
كل المدارس الخاصة ملتزمة بتنفيذ القرار ....... متسبش حقك

طب قول لنا عملت اية لان المدرسة رفضت تنفيذ القرار 274 .. بخصم 25 %

smsm101179 · #5 11-09-2013, 12:42 PM

اقتباس:

المشاركة الأصلية كتبت بواسطة mohnnad

طب قول لنا عملت اية لان المدرسة رفضت تنفيذ القرار 274 .. بخصم 25 %

خدت افادة من مدرستى انى على قيد العمل وطلعت صحيفة احوال وختمتها بختم النسر وصورة البطاقة وقدمتهم للمدرسة الخاصة ..... وتم عمل الخصم
القرار رقمة 274

فيرو · #6 10-09-2013, 09:03 PM

المفروض ان القرار ده وصل لكل الادارات بس للاسف المدارس الخاصة مش هتعمله
مش عارفة ايه الحل ؟؟؟

alsawy2 · #7 11-09-2013, 12:29 AM

ذهبت اليوم لدفع مصاريف ابني في المدرسه الخاصة رفص صاحب المدارس تخفيض نسبه ال 25 في المئه وقالي احنا رفعنا قضية علي الوزير وهنكسبها قلتله طب هات رقم المحضر اللي عملته في الوزير مارديش بيضحك على يعني . ياعني مانبنا من قرار الوزير ده غير الحسد والقر علي الفاضى . المدرسه في مايو . قولولي اعمل ايه . اه نسيت اقولكم انه كمان زود القسط الاول تقريبا ده عقاب لولى الامر اللي يتكلم في حقه

mohnnad · #8 11-09-2013, 02:48 AM

فعلاً المدارس الخاصة بمحافظة الجيزة رفضا تنفيذ القرار .
الحل اية ازاي الوزير يعرف ان قراراته فى الهوا .... حبر على ورق
شو اعلامى وخلاص ...
وشكل المدرس امام المدرسة الخاصة وهما بيقول فيش حاجة اسمها تخفيض انت مصدق....................

sayedsamy · #9 13-09-2013, 01:41 PM

ذهبت للمدرسة الخاصة ولم تنفذ القرار فذهبت للتوجيه المالي والإداري بالإدارة التعليمية - أولادي تبع إدارة أوسيم بالجيزة - بصورة القرار وبصورة البطاقة وقدمت شكوى في المدرسة الخاصة بحقي في الخصم وطلبوا مني الصبر عليهم أسبوعين حتى يتسنى لهم الحصول على القرار من المديرية والتعليم بالجيزة .