اتصال من عمان والأختبار غدا للسنه الثانيه علي التوالي

[saed12]

انا في حيرة ومحتار ومش عارف اعمل اه ظروفي وحظي كده انا معلم مساعد بالأزهر مسابقة 2008 واعمل حتي الأن طرقت العقد وذهبت الي السعوديه وعملت بمدرسه وكان الراتب كويس وانقطعت 7 شهور وعندما جاءت الثورة طرقت السعوديه لمدة 6 شهور ورجعت الي مصر ورجعت الي العمل مرة اخري وكان مدة الأنقطاع 7 شهور ولم يتم تثبيتي وقررت العودة الي السعوديه وتجديد الأقامه والتجديد وفعلا عملت كده وايضا لم يتم تثبيتي قدمت السنه الماضيه علي مسابقة عمان وقابلت ولكني لم اذهب حتي لا اضحي بالوظيفه واليوم يتكرر معي نفس كل مرة وجائني اتصال من عمان بتحديد موعد المقابله غدا ولم يتم تثبيتي حتي الأن والباقي عدة ايام بسيطه علي مرور الثلاث سنوات الأخري المتصله بالله عليك لو في احد مكاني ماذا تفعل ولو عندك اي حل ارجو الأتصال وايضا جائني اليوم عقد من السعوديه براتب 3الاف ريال ماذا افعل ولو في اجازة او اي حل سيد راضي احمد

[Mr Mostafa Goda]

طبعا الافضل انك تنتظر حتى التثبيت وبعدين خد اجازة بدون مرتب وسافر لاى مكان براحتك .. لكن تضحى بالوظيفة وتسافر ويحصل اى ظرق او مترتحش هناك وترجع تبقى خسرت كل حاجة .. ده وجهة نظرى

[احمدابامهند]

عليك الانتظار التثبيت اولا اولا اولا
التثبييييييييييييييييييييييييت افضل
انت تخصص ايه

[saed12]

تخصص مكتبات

[سالم السوهاجي]

التثبيت ثم السفر

[الكلاوى]

استخير ربنا والافضل انتظار التثبيت ولو قررت تسافر يبقى عمان افضل لك

[لبيد لبيد]

التثبيت ثم التثبيت ثم التثبيت وبعد كده براحتك والله المستعان

[مثبت حديثا]

الله يسهلك ياعم ماشية معاك حلاوة لكن استني التثبيت احسن واعلم ان رزقك لن ياخذه غيرك

[gebreel]

نصيحه التثبيت اولاً ؛ اما من جهة السفر فهو متاح فى اى وقت بعد سنه بعد اثنين

[مستر / طاهر أبو خزيم]

هل عمان السنه دى طالبه مدرسين انجليزى علشان يوم ما فتح التقديم فيه ناس قالت انهم مش عايزين انجليزى ولو طالبين اعمل ايه علشان اعمل مقابله مع انى لم اقدم من قبل
ارجو الرد لوسمحت يا استاذ سيد وياريت بسرعه

[saed12]

أسف للتأخير هما طلبوا في الدفعه الأولي قبل العيد وبعدين في ناس راحة في الملحق وفي طريق ثاني انشاء الله هاقولك عليه

[مصطفى إسماعيل أحمد]

أستاذ/ سيد
السلام عليكم ورحمة الله وبركاته
انا سمعت ان مسابقة عمان طالبة مدرسين تربية اسلامية بكثرة وفى الحقيقة انا لم اقدم لان الرابط كان غير متاح ومش بيحمل ولم يتح لى الذهاب الى الملحق فلو تكرمت تقولنا على الطريق الثانى ايلى انت قلت عليه
وجزاكم الله عنا خير الجزاء

[mr monir]

الرجاء يا استاذ سيد ان ترسل لى رقم تليفونك لانى اريد ان اكلمكوتليفونى هو01002066176

[المعذب]

اللام عليكم
اذهب اخي الفاضل للمقابلة لانها فرصة ودي اول مرة عمان تطلب مكتبات ومرتب عمان يعادل 1000 دولار ويتبقى مصاريفك الله يبارك في الرزق لكل انسان ولو لك اسرة تعمل لها استقدام وربنا يوفقك وتمكث هناك فترة طويلة وساعتها لا تحتاج للتعيين في مصر ربنا يوفقك

[yasay]

انا مقدمتش على الموقع ممكن أروح ويختبرونى. تخصص شرعى
أرجو الرد سريعا