اجمع صيدلة المنصورة

[شمس محمد]

بسم الله الرحمن الرحيم

السلام عليكم يا دفعة محظوظة
أيوا محظوظين فى تنسيقكم و فى النظام الجديد إللى هيتطبق عليكم كمان
دى كل إللى لازم تعرفوها فى الفترة الحالية و هنواليكم بتفاصيل كل جديد إن شاء الله :


* بداية كدا الأعداد اللى إتقبلت السنة دى 883 طالب و طالبة منهم 586 طالب و طالبة من أبناء محافظة الدقهلية و دا مش العدد النهائى لأن لسه فيه تحويلات , بس الأعداد دى قليلة جداً بالنسبة للى إتقبلوا السنة إللى فاتت (دفعة 2017 يعنى )


* التقديم إن شاء الله هيكون بعد 20/8 لأن كشوفات الأسماء مش هتوصل الكلية إلا يوم 20/8


* المستندات المطلوبة للتقديم : 1. إستمارة النجاح فى الثانوية العامة 2. شهادة ميلاد الرقم القومى 3. نموذج 2 جند للطلاب الذكور 4. عدد 6 صور شخصية حديثة للطالب مدون عليها اسم الطالب من الخلف 5. صورة من بطاقة الطالب إن وجدت 6. صورة من بطاقة ولى الأمر 7. صورة من بطاقة الترشيح 8. إستمارة الحافز الرياضى إن وجدت 9. سداد الرسوم الدراسية
و للتواصل مع الكلية: ت/050/2246253 داخلى/25079-25069


* دفعتكم إن شاء الله هيطبق عليها نظام جديد و مختلف و هو نظام المستويات بدءاً من المستوى الأول حتى الخامس يعنى معدش فى حاجة إسمها إعدادى صيدلة خالص .. هيبقى ( مستوى أول و بعدين السنة الجاية تبقوا مستوى تانى و هكذا )
و إحنا هيبقى اسمنا طلاب الفرقة الاولى و إنتم طلاب المستوى الأول كمان هيطبق عليكم نظام الساعات المعتمدة إللى بيطبق فى عدد من الكليات الأخرى زى علوم


* النظام الجديد ده لسه محدش يعرف عنه حاجة و لسه اللايحة بتاعته مانزلتش و أول ماتنزل إن شاء الله الكلية هتعملها فى كتيب و هتنزلها على الصفحة الرسمية للكلية
و الكلام ده إحتمال يبقى فى الأسبوع الأول من شهر 9 على أن يوزع على الطلاب الجدد

الكتيب فى اليوم الأول من الدراسة إللى حتى الآن هو21/9


* النظام ده مطبق فى عدد من الجامعات زى القاهرة و كمان الأزهر ماشى بيه و هيبقى عبارة عن إلغاء المواد إللى مابتفدناش أو إللى ملهاش لازمة فى دراستنا زى مواد كلية علوم
فبناءاً عليه المواد اللى كنا بناخدها فى إعدادى هتتغير مسمياتها و ممكن المناهج تتعدل بالزيادة أو النقصان.. و كل ده هيبان فى الأئحة لما تنزل إن شاء الله زى ماقلتلكم دى كلها

توقعات محدش يعرف حاجة لسه تنورونا علي الجروب هنا هنفيدكم ان شاء الله https://www.facebook.com/groups/onehand2018/

ONE HAND TEAM