93.4 ادخل ايه

[محمود شقرون]

انا جايب 93.4 ادخل هندسة خاصة الشروق ولا حاسبات و معلومات ولا تجارة انجلش ودرجتي في الانجليزي 48 والمستوى 8.5

ارجو الرد سريعا قبل المرحلة التانية تبدأ

[ehabelsapa]

حاسبات ومعلومات

[محمود شقرون]

انا عايز اعرف ايه افضلهم في المستقبل و الشغل وكده

[Lyonenyo]

كلهم حلوين شوف انت بتميل لايه اكتر

[محمود شقرون]

انا بحب الرياضة اوي يعني همشي في هندسة ان شاء الله لو دخلتها بس عايز اعرف المستقبل عشان بس الهندسة الخاصة هتبقى مشوار في اكاديمية الشروق

[mahdekhaled]

المشاركة الأصلية كتبت بواسطة محمود شقرون

انا بحب الرياضة اوي يعني همشي في هندسة ان شاء الله لو دخلتها بس عايز اعرف المستقبل عشان بس الهندسة الخاصة هتبقى مشوار في اكاديمية الشروق

لو انت يتحب هندسة ادخلها عشان هندسة العاشر و الشروق زيها زى الهندسة الحكومة و يمكن احسن فا نصيحة منى اكتبهم الاول انت يتحب الهندسة

[Ahmed M. Fayez]

حاسبات ومعلومات هي المستقبل.

لو بتحب الرياضة + الكمبيوتر + البرمجة

[Hossam Devo]

حاسبات افضل
+استخير ربنا واسأل ناس اكبر منك دخلوها

[زياد الشافعى]

المشاركة الأصلية كتبت بواسطة hossam devo

حاسبات افضل
+استخير ربنا واسأل ناس اكبر منك دخلوها

ودى عايزة كلام حاسبات ومعلومات افضل كمان من هندسة

[Hossam Devo]

المشاركة الأصلية كتبت بواسطة زياد الشافعى

ودى عايزة كلام حاسبات ومعلومات افضل كمان من هندسة

انا شايف كدة فعلا
بس الناس بتميل لهندسة عشان الاسم بس

[almohtady]

المشاركة الأصلية كتبت بواسطة hossam devo

انا شايف كدة فعلا
بس الناس بتميل لهندسة عشان الاسم بس

لا يابرنس طبعا هندسه افضل مليووووووووووووووووووووووووون مره من حاسبات

بالنسبه لي ولاى حد لان فيها مجالات كتير

وهو انت عشان الناس بتدخل هندسه يبقى عشان الاسم

لا حول ولا قوة الا بالله

هو انتو بتحسسونى ان المهندس ده ملهوش اى لازمه ولا بيلقى فرصه عمل ولا اى حاجه

وبتاع حاسبات ده مستقبل مضمون 100% وكمان ليه سسمعه ف سوق العمل

ياجماعه بطلو هرى وبطلو تفتو كتير الله يرضى عنكم

[le jasm!n]

حضرتك دي حاجة ترجع ليك لو حابب هندسه ومصمم عليها فانصحك بالشروووووق انا اخويا متخرج منها وبامتياز ! ولو حابب حاسبات فهي حاجة تانيه خالص واسمع ان مجالها كويس بردو بس اكيد مجالات الهندسه اوسع !
وبالتوفيق ان ش الله

[Mustafa Raafat AboNar]

على ما أظن ان الحاسبات احسن من هندسة الشروق لانها مهما كانت هندسة وبتاع بس فى الاول والاخر اسمها هندسة خـــــــــــــــــــــــــــــــــــــاص ودى حاجة كبيرة اوى وممكن تجيلك هندسة اقاليم.

[CoLD BLooDeD]

المشاركة الأصلية كتبت بواسطة mustafa raafat abonar

على ما أظن ان الحاسبات احسن من هندسة الشروق لانها مهما كانت هندسة وبتاع بس فى الاول والاخر اسمها هندسة خـــــــــــــــــــــــــــــــــــــاص ودى حاجة كبيرة اوى وممكن تجيلك هندسة اقاليم.

لا يا معلم مفيش حاجه اسمها هندسه خــــــــــــــــــــــاص .. لان شهادتها هى هى شهاده هندسه حكـــــــــــــــــــــــــومه ومعتمده وبتاخد كارنيه النقابه زيك زى الحكومه

[محمود شقرون]

يعني هندسة خاص وطالع بامتياز وبفهم في مجالي وممكن تحضر ماجستير وكل ده مش هيشغلوني ليه وكمان معايا كارنيه النقابة وكمان انا في الرياضة 2 جايب 45من 50 وكان مككن اجيب اكتر من كده بس غباء بقى الامتحان والتوتر و اعرف عيال جايبة 41 رياضة وداخلة هندسة يعني مش احسن مني انا ضيعني مواد تانية منها لله وشوية اهمال مني الصراحة انا السنة اللي فاتت كنت جايب 97.8 وربنا عايز كده وخلاني انزل كل ده بس انا عارف نفسي احسن من اي حد دخل هندسة حكومة يعني مش كل اللي دخل خاص فاشل اعرفوها دي بقى واخيرا قدر الله وماشاء فعل