سؤال حول عدد المتقدمين وفرصة القبول بالمنحة

**Mr.Ahmed Fadel** · #1 31-05-2013, 11:46 PM

بالطبع السؤال الذى يتبادر الى اذهانكم جميعا
هو ان عدد المتقدمين سيكون بالالاف لذلك ففرصتك صعبة جدا للحصول على المنحة
وهذا غير حقيقى بالمرة
المنحة موجوده فى مصر منذ عام 2010
فهل سمع عنها اى من ابنائى الطلاب من قبل؟؟
للاسف لا
طيب تم ارسال عدد 500 استمارة الى الادارات التعليمية لتوصيلها للمدارس فى كل انحاء الجمهورية
فهل وصلت حضراتكم اخبار بخصوص هذه المنحة ؟؟
للاسف لا
( هى استمارات تصل الى المدارس
بعدد 4 او 5 استمارات لكل ادارة تعليمية
وكانت تصبح من نصيب اصحاب الوسايط والمحاسيب )
لذلك قرر المنتدى ان يكون هناك اتفاق مع المنحة
لنشر الموضوع على نطاق اوسع لخدمة ابنائنا الطلاب
وحتى يكون لاعضاء المنتدى فرصة فى مثل هذه المنحة
ولى تجربة شخصية بخصوص هذه المنحة
فى عام 2010 تقدم من طلابى 6 طلاب اولاد وبنات لهذه المنحة
فاز منهم 5 من ضمن الخمسين طالب
2 طب اسنان
1 صيدلة
1 اعلام
1 تكنولوجيا حيوية
( ولكن الاخير رفض المنحة لان التنسيق الحكومى جابله طب )
أرى ان الفرصة كبيرة
وارجو من الله ان يكون الخمسين من اعضاء المنتدى الكرام

heoba · #2 31-05-2013, 11:51 PM

جزاكم الله كل خير
يعني احنا نطبعها و نطبع نتيجة الثانوي من على النت
بس ممكن حضرتك تجاوب على أولوية الاختيار في الحالة المادية ؟
يعني بيبقى للحالة المادية الأقل ؟
خصوصا ان غالبا مادام عندنا نت في بيوتنا و كدا فحالتنا المادية أكيد كويسة يبقى احنا من غير المستحقين ؟

**Mr.Ahmed Fadel** · #3 01-06-2013, 12:35 AM

اقتباس:

المشاركة الأصلية كتبت بواسطة heoba

جزاكم الله كل خير
يعني احنا نطبعها و نطبع نتيجة الثانوي من على النت
بس ممكن حضرتك تجاوب على أولوية الاختيار في الحالة المادية ؟
يعني بيبقى للحالة المادية الأقل ؟
خصوصا ان غالبا مادام عندنا نت في بيوتنا و كدا فحالتنا المادية أكيد كويسة يبقى احنا من غير المستحقين ؟

للعلم المنحة دى مش معمولة عشان الطلاب الفقراء
انا اعرف طلبة اتقبلوا فيها وهم متيسرين

EyadError · #4 01-06-2013, 01:44 AM

معلش حضرتك اخر سؤال ...
دلوقتى بالنسبه للاسئله الموجوده بالاستماره , نكتب باللغه العربيه الفصحى ؟
و هو لازم لما تتطلع نتيجة الثالث الثانوى نبعت النتيجه كمان ؟
اخر حاجة , بالنسبه للاسئله فى طريقه معينه نجاوب بيها ؟ يعنى من خلال الطلاب اللى فازوا بيها كانوا بيكتبوا بطريقه معينه فى الافكار و الكلام و لا ايه ؟؟؟؟

**Mr.Ahmed Fadel** · #5 01-06-2013, 01:56 AM

اقتباس:

المشاركة الأصلية كتبت بواسطة eyaderror

معلش حضرتك اخر سؤال ...

وليه معلش احنا هنا تحت امرك ... وموجودين عشان نرد على استفسارتكم

اقتباس:

المشاركة الأصلية كتبت بواسطة eyaderror

دلوقتى بالنسبه للاسئله الموجوده بالاستماره , نكتب باللغه العربيه الفصحى ؟

اه عادى

اقتباس:

المشاركة الأصلية كتبت بواسطة eyaderror

و هو لازم لما تتطلع نتيجة الثالث الثانوى نبعت النتيجه كمان ؟

لا بتبعتى نتيجة تانيه بس اما بالنسبة لنتيجة تالته حتحطيها فى اوراق القبول فى حالة قبولك ان شاء الله
[/quote]

اقتباس:

المشاركة الأصلية كتبت بواسطة eyaderror

اقتباس:

المشاركة الأصلية كتبت بواسطة eyaderror

اخر حاجة , بالنسبه للاسئله فى طريقه معينه نجاوب بيها ؟ يعنى من خلال الطلاب اللى فازوا بيها كانوا بيكتبوا بطريقه معينه فى الافكار و الكلام و لا ايه ؟؟؟؟

جاوبى بأسلوبك الشخصى
عشان ميتمش استبعاد استمارتك
ولا نقل من النت ولا اى شخص يكتبلك
عشان لو رحت المقابلة الشخصية ممكن يبان اختلاف فى الاسلوب ويترفض طلبك للمنحة

محمد محمود بدر · #6 01-06-2013, 07:58 AM

جزاااااااااااااااكم الله خيرا مستر احمد على هذا المجهود
جعله الله فى ميزان حسناتكم

**Mr.Ahmed Fadel** · #7 01-06-2013, 03:23 PM

اقتباس:

المشاركة الأصلية كتبت بواسطة محمد محمود بدر

جزاااااااااااااااكم الله خيرا مستر احمد على هذا المجهود

جعله الله فى ميزان حسناتكم

اشكرك شكرا جزيلا
استاذ محمد

EyadError · #8 01-06-2013, 06:33 PM

السلام عليكم و رحمة الله و بركاته ممكن سؤال ...
بالنسبه للجزء الخاص باولياء الامور و الجزء المالى , ده يتكتب بخطى انا ام بخط اولياء الامور ؟؟ سؤال اخير ,كان مكتوب انه يجب ارسال خطاب من جهة العمل يبين الراتب الشهرى و كدا .. دلوقتى لو الاب متقاعد ميبعتش حاجه صح ؟؟ يعنى ده لازم للوالد الى لسه بيشتغل .
أرجو الايضاح و شكرا جزيلا

**Mr.Ahmed Fadel** · #9 02-06-2013, 12:20 AM

اقتباس:

المشاركة الأصلية كتبت بواسطة eyaderror

السلام عليكم و رحمة الله و بركاته ممكن سؤال ...

بالنسبه للجزء الخاص باولياء الامور و الجزء المالى , ده يتكتب بخطى انا ام بخط اولياء الامور ؟؟

مش حيفرق ... عادى

اقتباس:

المشاركة الأصلية كتبت بواسطة eyaderror

سؤال اخير ,كان مكتوب انه يجب ارسال خطاب من جهة العمل يبين الراتب الشهرى و كدا .. دلوقتى لو الاب متقاعد ميبعتش حاجه صح ؟؟ يعنى ده لازم للوالد الى لسه بيشتغل .
أرجو الايضاح و شكرا جزيلا

اقتباس:

المشاركة الأصلية كتبت بواسطة eyaderror

اللى طلع على المعاش بيقدر يجيب من التأمينات مفردات المعاش