لو عايز تعرف مرتبك بعد تطبيق الحد الادنى فى الدولة

[عماد ابو هانى]

بشرى سارة لكل موظفي جمهورية مصر العربية الان وبعج موافقة مجلس الشورى في جلسته المنعقده في 7/2/2013 وبعد الموافقة بالاجماع على البدء في تطبيق الحدين الادنى والاقصي للاجور للموظفين والعاملين بالدولة وقد قرر مجلس الشورى ان يكون الحد الادنى للاجور للعاملين بالدولة في جميع الشركات العامة والخاصة وايضا للعاملين بالجهاز الادارى للدولة وكذلك للعاملين في شركات قطاع الاعمال العام وايضا للعاملين بجميع الشركات القابضه وقد تقرر ان يكون الحد الادنى للعاملين هو 1200 جنيه وان يكون الحد الاقصي 50 الف جنية باستثناء العاملين في البنوك والعاملين بشركات البترول لان هذه الجهات ذات طبيعه خاصة والجدير بالذكر ان قرار تطبيق الحد الادنى والاقصي تم ذكره وتاكيده في الدستور المصرى الجديد الذى تم الاستفتاء عليه والموافقة منذ اشهر قليله وجارى الان بمجلس الشورى الانتهاء من المسوده الاخيرة لمشروع قانون تطبيق الحدين الادنى والاعلى للاجور بعد الموافقة في الجلسه العامه ومن المقرر بعد الانتهاء من صياغه مشروع القانون ان يطبق الحد الادنى للاجور خلال الاشهر القليله القادمة وبذلك يكون راتب الموظف او العامل عند التحاقه بالعمل لمرة الاولى هو 1200 جنيه للدرجه السادسة وتزيد بنسبة 500 جنيه لكل درجة وظيفية اخرى يعنى الدرجه الخامسة 1700 والدرجه الرابعه 2200 جنيه والدرجه الثالثه 2700 جنية وهكذا الى ان نصل للحد الاقصى للاجور والمقدر 50 الف جنيه ولكن سوف تكون الزيادة السنويه الجديدة في المرتبات العاليه والخاص بالحد الاقصي كل 3 سنوات وليس كل سنه في شهر يولو من كل عام اما بخصوص الحد الادنى فسوف يتم النر في تعديل الحد الادنى للاجور في بدايه كل سنه ماليه جديد كما هو المتبع حاليا في النظام القديم للاجور والمعمول به حاليا وفي الاخير نتمنى ان تصدق معنا الحكومه هذه المرة ويتم تطبيق الحد الادنى للاجور لاننا بجد موظفين غلابه .
مصدر الخبر جريدة اخبار اليوم

[رناورفا]

المشكلة ان ها الكلام يكون من مخططات الاخوان للسيطرة على الانتخابات القادمة .! وبعدين البلد ليس بها اقتصاد اساسا ؟عامة ربنا يخيب ظني ويتنفذ فعلا!

[مسترميدو]

نفسي نبطل سوء الظن الاخوان لحد دلوقتي لم نرى منهم الا كل خير واعمار للبلد بخلاف غيرهم زي جبهة الخراب والاعلام المأجور بتاعها

[ابوبسام222]

الحد الادنى والاعلى مش مخطط اخوان ده دستور (وعلى العموم أنا مش إخوان )

[النسر المصرى]

سمعنا الكلام ده كتييررر

[ايهاب22]

المشاركة الأصلية كتبت بواسطة النسر المصرى

سمعنا الكلام ده كتييررر

كلام مظبوط احنا فعلا سمعنا الكلام ده كتير اوى لو هتبص لمرتبك من عشر سنين مثلا هتلاقى الفرق كبير بس المرتب نفس القيمه اامل الا تزيد الاسعار بطريقه كبيره تبتلع الزياده ولا يشعر الانسان بالزياده ارجوا ان اكون مخطئا فى هذا الامر لكن الواقع يقول غير ذلك اللهم احفظ مصر من كل شر واهلك كل من اراد بها السوء

[حسام احمد طه]

كلام صحيح لكن الكلام نفسه صعب جدا يعني احنا الدرجه الثالثه هناخد 2700 يالهوي دا احنا مرتبنا وصل 700 بالعافيه يعني هيزيد 2000 جنيه مره واحده وبعدين دا هما الزياده 100 جنيه بتاعت ال 50% زقونا المرين ولسه مخدنهاش يبقي هيدونا 2000 جنيه بالسهوله دي وفي ظل ظروف الزفت البلد دي صعب صعب صعب وان اطبقت هيجي ويقول المعلمين ملهمش في الحد لادني علشان معرفش ا بصر ايه وكادر ايه ومكافئه ايئه وفي المشمش

[أ/مصطفى محمود]

قانون عديم النفع لأنه استثنى بعض مؤسسات الدولة من الحد الاقصى
و ما دام حدث الاستثناء فستظل الاجور متفاوتة و لن تحدث العدالة الاجتماعية
و الادهى من ذلك انه قد يحدث تضخم و يقل سعر الجنيه كما هو حدث الآن بزيادة سعر الدولار مقابل الجنيه
و بالتالي ترتفع اسعار كل شئ و لن ننتفع بهذه الزيادة المتوقعة
كل شئ يسير بطريقة خاطئة

[mohammed rehab]

الكلام ده لو جيت تطبقه على ارض الواقع هاتلاقيه احلام وردية وخيال في خيال ... انت مرتبك هايبقى 2700؟؟؟؟ طب بس خد 50% الاول اللي مطلعين روحنا عليها .... وبعدين المثل بيقول اللي ما يشوفش من الغربال يبقى اعمى ...هاتجيب منين الفلوس دي كلها؟؟؟ دا انت احتياطي النقد يادوب هايمشيك 3 او 4 شهور (13 مليار دولار ) عد غنمك يا جحا ؟؟؟ البلد على حافة الافلاس وتقولي تطبيق للحد الادنى دلوقت ...صعب جدا يا استاذنا

[faith33]

زملائى الاعزاء تطبيق الحد الادنى حل من الحلول الاقتصادية لن يكلف الدولة مليما واحدا كل ما فى الامر انها ستأخذ من اصحاب الدخول الخياليه لتصب فى خانة امثالنا من معدمى الدخل وبذلك تستغنى الدولة عن المستشارين الذين يتقاضون اجورا تفوق الخيال فتمنوا منى ان تقوم الدولة بهذه الخطوة الهامة فقد مللمنا من الوعود الكاذبة

[taha5555]

خيرا ان شاء الله

[زكريا مختار]

هههههههههههه يعني انا بعد ست سنوات خدت 650 بالعافية بعد ما كانو 310
اصحي كدا فجاة الاقي في 2000 زيادة

ههههههههه دي نكتة اكيد

[ميدو793]

أفلح إن صدق

[Mr...Ahmed]

هههههههههههههههههههههههههههههههههههههههههههههههههه ههههههههه اللى يصدق الكلام ده يبقى ولا مؤاخذة عقله على قده مع احترامى للجميع

[مدرس برنس]

ههههههههههههههههه مين اللى بيحلم ده