نقاش حول كلية تجارة

[aacahmed]

بالنسبة للمقارنة بين الكليات
================

كلامى سوف يكون فى حدود كلية تجارة

كلية تجارة من الكليات الممتازة على الوجة العام حيث تعتبر البنية الاساسية للاقتصاد الوطنى او بصفة اكثر هى اساس الاقتصاد الوطنى

سيبك من الى بيقولك الدراسة فيها سهلة و الكلام الغريب دة

لان كلية تجارة بتدرس فيها مادة من اداب لها علاقة بكيفية تطوير الاقتصاد و مادتين من حقوق ( القانون التجارى و القانون العام )

معدل المذاكرة الطبيعى فى كلية التجارة تبدأ بخمس ساعات قبل الامتحان بشهرين و تزيد معدل المذاكرة من 10 الى 15 ساعة يوميا و دة المعدل العادى الى ماشين علية انا و زملائى من سنة اولى مع العلم انى فى سنة رابعة و مع ذلك تقديرى كان فى اولى مقبول و بعد كدة تراوح بين جيد و جيد جدا

بناء على الكلام دة و الى عايز اوضحوا ان المذاكرة فى كلية التجارة صعبة جدا و تعادل كلية طب فى معدل المذاكرة و يمكن تجارة اذيد بسبب ان طب فيها عملى و غير كدة المواد العلمية شديدة جدا و تحتاج الى التركيز الشديد

الدراسة عملى و نظرى و لكن معدل المواد العملى اكبر بكثير و المواد النظرى قليلة نسبة الى المواد العملى و بيكون المواد النظرى تمهيدا الى المواد العملى لذلك نحن فى الكلية نطلق على كلية تجارة كلية عملية و ليست نظرية

و غير ذلك تتفق الجامعة مع العديد من البنوك و الشركات لتدريب الطلاب و لكن للاسف مش كل الطلاب بيدربوا النسبة الى تقديرها امتياز و جيد جدا و دية طبعا قليلة جدا جدا لصعوبة المادة العلمية

و سيبوكوا من الكلام الشائع بين الناس ان الى بتدرسوا حاجة و الى هطبقوا فى الشغل حاجة تانية خالص دة طبعا كلام مفهوش اساس من الصحة لان نفس الى بتدرسوا هطبقوا فى مجال العمل علشان كدة فهمك للمواد الدراسية بتئهلك لسوق العمل بطريقة سريعة

اما بالنسبة للمرتبات فى مصر يتراوح من مكان لاخر فى مكان مرتب حديث التخرج فيه يبدا من 4500 و 5000 و انتا حديث التخرج و فى اماكن تانية بيبدا من 600 و 800 جنية

علشان كدة دية رسالة الى حابب يدخل كلية تجارة يضع فى حسبانة انة هيتعب جامد فى الكلية و الكلام دة بالنسبة لجامعة الجامعة و ما نراة فية وعلشان كدة فكر كتيير ابل متدخلها و للعلم الكلية دية ممتازة جدا هتفيدك جدا فى حياتك سواء المالية او النفسية او السلوكية لانك بتدرس فى سنة اولى مادة اسمها السلوكية و دية مادة علم نفس و دية من المواد الى اعداد كبيرة اوى بتعديد السنة بسببها

================================================== ===

اما بالنسبة للناس الى بتقول ادخل كلية تجارة ام حقوق ام اثار ام هندسة ام اداب

كلية تجارة تم شرحها سابقا و لكن احب اضيف انك لازم تكون عندك موهبة الفهم و الحفظ و لكن الفهم اكثر من الحفظ

كلية الحقوق :: طبعا من الكليات المرموقة و الى بحترمها جدا و لكن الى بيقارن بين كلية تجارة اصعب ام كلية حقوق من وجهة نظرى مفيش مقارنة ولاكن الى احب اوضحوا ان مادة القانون التجارى و القانون العام الى درسناها فى كلية التجارة كانت بنزبلنا سهلة جدا بالنسة لباقى المواد و المادة دية قرأناها ابل الامتحان و فمناها و دخلنا جبت فيها امتياز

كلية الاثار :: ليس لدى معلومات كافية عن مجال دراستها لاكن معرفتى عتها ان ليس لها مجال عمل فى مصر الا النابغين جدا فيها لذلك افضل كلية تجارة عنها


كلية الهندسة :: معدل المذاكرة فى الهندسة نسبة الى تجارة لا يذكر حيث ان معدل المذاكرة فى تجارة اكثر بكثير جدا

و الى يأكد كلامى كلية تجارة فيها شباب كتير محولين من كلية هندسة و الشباب دول بئلهم 10 سنين فى كلية تجارة مش عارفين يتخرجوا منها و قدرت اعرف منهم معدل الصعوبة و الى اتأكد منوا ان تجارة اصعب بكتيير جدا من هندسة



اما بالنسبة للعمل سواء خريج تجارة او هندسة او حقوق او غيرة غير متوافر

و هتلاقوا اعداد كبيرة خريجية من كل الكليات دية مش لاقيين شغل و سيبوكوا من الى بيقول اى مهندس بيتخرج بيشتغل دة كلام غير صحيح و لدى احد اقاربى خريج كلية هندسة جامعة القاهرة اشتغل بعد 10 سنين من تخرجوا

و انا جاهز لاى استفسار او نقاش حول هذا الموضوع

[Meroo.tarek]

هل فى فرق بين تجارة عربى او انجلش؟ من ناحية الشغل وكدا وهل ممكن طالب تجارة عربى ياخد كورسات وكل حاجة ويشتغل زى طالب تجارة انجلش ؟ وهل فى تجارة انجلش خاصة فى مصر

[aacahmed]

هجيبهالك وحدة وحدة
============
مبدئيا نفس المواد الى بتدرسها فى عربى بتدرسها فى انجليزى و لكن الفرق ان فى تجارة انجليزى بتدرس المواد بالانجليزى

تجارة عربى بتدرس المادة العملية كلها ولو الدكتور لغة حاجة بتكون حاجات بسيطة جدا

اما فى انجليزى الدكتور بيلغى كمية كبيرة من المادة العلمية بسبب ان الطلاب لغتهم الاساسية العربية علشان كدة هيعانوا جامد اوى فى مذاكر المادة بالانجليزى و مش هيقدروا يخلصوها و دة السبب ان بيتلغى فى تجارة انجليزى حاجات كتيرة

تعالى نشوف رأى الدكترة عن تجارة عربى و تجارة انجلزى :: معظم الدكاترة بيقولوا ان الفاشل فى تجارة عربى = المتميز فى تجارة انجليزى يعنى الى جايب امتياز فى تجارة انجليزى = الى جايب مقبول فى تجارة عربى من حيث فهم المادة العلمية

============================

من حيث الشغل :: اى وظيفة بتاخد المناسب ليها سواء من عربى او انجليزى يعنى شغل البنوك :: دة يفضل اللغة ملهوش و تقديرك فى الكلية دعوة انتا خريج عربى او انجليزى

شغل مكاتب المحاسبة يفضل ذو العلم يعنى الى فاهم المادة العلمية علشان كدة معظم مكاتب المحاسبة بيشتغلوا فيها خريج تجارة عربى

الملخص المفيد :: خريج تجارة انجليزى و عربى فى معظم الشركات بيشتغلوا فى مكان واحد و راتب واحد

على سبيل المثال بنك hsbc هتلاقى خريج تجارة عربى و خريج تجارة انجليزى شغالين ادام بعض و مرتبهم بيكون واحد

فى النهاية مفيش فرق فى الشغل بين تجارة عربى و تجارة انجليزى

ممكن طالب عربى يشتغل فى مكانة افضل من طالب انجليزى و ممكن العكس

==============================

بالنسبة للكورسات كدة كدة بيحتاجها بتاع تجارة عربى و تجارة انجليزى و الى فيهم بيكون معاة كورسات اقوى بيكون هوة الافضل


اخيرا :: كلية تجارة انجليزى موجود فى معظم الجامعات الخاصة مثل جامعة 6 اكتوبر و جامعة مصر و جامعة msa ...... الخ

[Meroo.tarek]

شكرااااااااااااااااااااا ياكبير على الافادة دى بس استفسار كمان بعد اذنك ....ايه الكورسات اللى تعتبر اقوى تفضل ان اخدها مثلا؟

[aacahmed]

كورس انجليزى بيزنس و كورس انجليزى محادثة

كورس كومبيوتر و خاصة المتعلق ببرامج المحاسبة مثل beachtree

دى الكورسات الاساسية

بعد كدة كورسات التكنيكال مثل كورس فى المحاسبة و التسويق و الموارد البشرية وغيرة

دى بتحددها حسب الوظيفة الى حابب تشتغل فيها

يعنى لو حابب تشتغل محاسب :: كورسات المحاسبة و خاصة المحاسبة الالكترونية

و بعد متتخرج تدرس كورس سى ام اية CMA


يعنى بتحدد الكورسات حسب التخص الى حابوا

و يمكن الاستغناء عن جميع الكورسات و الاكتفاء بكورس الانجليزى المحاثة و كورس الكمبيوتر + الاهتمام الشديد بالمواد الدراسية دول يكفو لتأهيلك لافضل منصب

و لما تشتغل و تستقر فى تخصص معين تقدر تنمى نفس فى تخصص بالكورسات المتوافرة و ابضا الماجستير و الدكتوراة

[Meroo.tarek]

انا مش عارف اقولك ايه شكرااااااااااااااا ياباشا على الافادة دى ودا الاكونت بتاعى

http://www.facebook.com/Mero0o.Tarek?ref=tn_tnmn

ياريت لو تضفنى حضرتك عشان لو حبيت استفسر عن اى حاجة

[اسلام جابر عبد السلام]

لو سمحت كنت عايز اعرف التقديرات
المادة من 20 طبعا مقبول من كام وجيد من كام وكده يعني
وده ف كل الجامعات ولا يختلف من جامعة لأخري

[aacahmed]

التقديرات العامة
========
من صفر الى 30% ضعيف جدا

من 31% الى 49% ضعيف

من 50% الى 64% مقبول

من 65% الى 79 جيد

من 80% الى 89% جيد جدا

من 90% الى 100 % أمتياز


التقدير الخاص
=======
من صفر الى 6 ضعيف جدا

من 7 الى 9 ضعيف

من 10 الى 12 مقبول

من 13 الى 15 جيد

من 16 الى 17 جيد جدا

من 18 الى 20 امتياز

[bingo22]

نظرا لاني اعرف مشاكل طلبة كلية تجارة قسم اللغة الانجليزية والعربي من عدم اهتمام المدرسين ولصعوبة المواد و من خبرتي من خلال تعاملى وشرحي للمواد مع طلبة زملائكم ولظروف البلد قررت ان اقوم بشرحها بسعر رمزي مخفض 10 ج لكل محاضرة حتى يتمكن الجميع من الفهم التام للمواد بدون اي استغلال .

للحجز ياريت تبعوتلي رسالة على الفيس بالتليفون والسنة الدراسية وهاتصل بيكم عشان اتابع مع السنتر للحجز و هو موجود امام كلية تجارة ياريت سرعة الرد نظرا لان العدد محدود للمكان.

وان شاءالله تتفوقوا دائما

[LOve WaY]

طب ممكن اعرف اي قسم في كليه تجارة افضل قسم

محاسبة ولا اداره اعمال ولا قسم اقتصاد وتجارة خارجية

[Jung Ji-Hoon]

انا عندى مشكلة مش عارف ادخل كلية ايه انا ادبى