لو سمحتو مهم جدا لمستقبلي حد يرد عليا

[el senyorita]

انا في 3 ثانوى علمى رياضه كنت جايبه في 2 ثانوى 97% انا محتارة بين هندسة قسم حاسب الي وبين فنون جميلة ديكور انا كده كده ناوية جنب الدراسة اخد كورسات فوشوب وجرافيك وعمارة وديكور وكمبيوتر وانجلش عشان يكون مستوايا عالي في شغلي وانا عاوة يبقي معايا ماجستير ودكتوراه وياريت محدش يتريق ع الحاجات ديه . كل واحد بيبقي عنده طموح عاوز يحققها .... انا عاوزة اعرف انهى شغله احسن في مصر هندسه ديكور لا حاسب الي وانا عاوزة شغل في مصر وبمرتب كويس يعنى اتخرج الاقي شغل مش اقعد زي اي بنت مكملتش تعليم مش عاوزة اضيع تعبي في المذاكرة ع الفاضي وياريت الرد من غير ما اي واحد ينحاز لمجال دراسته .انا كتبت سؤالي هنا عشان لو كتبت في القسم هندسة كلهم هيتريقو ع ديكور عشان في ناس كتير معندهاش معلومات عن كليات فنون جميله وفاكرين انهم راسمين .وانا ميهمنيش ان الناس تقول ديه طالبة في هندسة انا يهمنى شغلي هيبقي كويس ولا لا ... اسفة انى طولت عليكم

[el senyorita]

ايه بقي يا بنيأدمين محدش هيرد عليا بقي ولا ايه؟؟
يعنى اروح اسال عند بتوع هندسه يعنى؟
والنبي حد يرد عليا والنبي

[bahaaeldeen]

المشاركة الأصلية كتبت بواسطة el senyorita

انا في 3 ثانوى علمى رياضه كنت جايبه في 2 ثانوى 97% انا محتارة بين هندسة قسم حاسب الي وبين فنون جميلة ديكور انا كده كده ناوية جنب الدراسة اخد كورسات فوشوب وجرافيك وعمارة وديكور وكمبيوتر وانجلش عشان يكون مستوايا عالي في شغلي وانا عاوة يبقي معايا ماجستير ودكتوراه وياريت محدش يتريق ع الحاجات ديه . كل واحد بيبقي عنده طموح عاوز يحققها .... انا عاوزة اعرف انهى شغله احسن في مصر هندسه ديكور لا حاسب الي وانا عاوزة شغل في مصر وبمرتب كويس يعنى اتخرج الاقي شغل مش اقعد زي اي بنت مكملتش تعليم مش عاوزة اضيع تعبي في المذاكرة ع الفاضي وياريت الرد من غير ما اي واحد ينحاز لمجال دراسته .انا كتبت سؤالي هنا عشان لو كتبت في القسم هندسة كلهم هيتريقو ع ديكور عشان في ناس كتير معندهاش معلومات عن كليات فنون جميله وفاكرين انهم راسمين .وانا ميهمنيش ان الناس تقول ديه طالبة في هندسة انا يهمنى شغلي هيبقي كويس ولا لا ... اسفة انى طولت عليكم

ماشاء الله ديكور احلى وفرص شغله اكتر
ومادام حابة الموضوع يبقى هتبقى فيه ناجحة ومتفوقة باذن الله
وسيبك من اللى يتريق يتريق احنا دولة فاشلة لا تقدر العلم والتعليم الصحيح
انا كتبت عن ديكور وبحسن الصورة فى المجتمع والحمد لله لاقيت نجاح كبير جدااااااااااااا

واسف بجد لو رد متاخر

[el senyorita]

ميرسي يا بهاء ع الرد

[دكتورة/نورهان]

بلاش ديكور هو حلو وكل حاجة بس مش مطلوب اوى وبتعدى فرصة كبيرة علشان تتشهرى هندسة افضل بكتير لو دخلتى هندسة اتصالات مثلا هتتخرجى تشتغلى علطول وبمرتبات جامدة نصيحتى ليكى بلاش اللهم ما بلغت اللهم فاشهد

[el senyorita]

للاسف انا من اسكندريه هندسه عندنا مفهاش قسم اتصالات
الاقسام كهربا وميكانيكا ومدنى وحاجات ولاد كلها مفيش غير حاسب الي وعمارة تنفع للبنات
انا بحب ديكور بصراحة اكتر والحاسب مش هعرف اتفوق فيه بس المشكله خايفه ميكنش في شغل

[دكتورة/نورهان]

مش هتلاقى شغل غير كل فين وفين اخويا هندسة وزمايلة خريجين فنون جميلة وتطبيقية ومش بيشتغلوا غير كل فين وفين ومرتباتهم قليلة وعلفكرة قسم عمارة شغال وكهربا حلو لوى بلتوفيق

[el senyorita]

انا الاول كنت عاوزة عمارة بس عرفت انها اسهل حاجة في هندسه وكله بيعدي فيها وكل البنات بتدخل هندسه عمارة
بس ياريت تكونى بتجاوبي من غير انحياز لكليه هندسه عشان اخوكى فيها
لان في ناس كتير ميعرفوش معلومات عن كليه الفنون الجميله
بس استاذ بهاء قالي انه في سنة اولي واتعرض عليه 4 وظايف
كلامكم متناقض .ياريت حد يساعدنى بجد عشان مش عارفه احدد

[دكتورة/نورهان]

والله العظيم مش علشان اخويا خالص انا بقولك بس من واقع زمايلة الواقع العام مش علشان واحد جالة 4 وظايف بصى ربنا يعلم انى مش منحازة صدقينى هندسة افضل وعمارة وكهربا وميكانيكا عادى البنات بتتدخلها صلى استخارة افضل شئ وربنا هيرشدك للى فية الخير

[..: Pink rose :..]

الرزق بيد الله وحده ..مش معنى انك هتروحي كلية قمة يبقى هتلاقي شغل و العكس
بس نصيحة ادخلي الكلية اللي تناسب ميولك و تحسي انك هتتفوقي فيها و خدي رأي طلاب مخلصين الكلية او حد كبير يفيدك
لانه هيكون عنده خبرة و معرفة بالكلية و دارسها مش بينصحك على اساس اللي حواليه او اللي بيسمعه من الناس .
و بالتوفيق ..

[el senyorita]

ميرسي للرد
انا ميولي لديكور بس انا اهلي مش موافقين لو دخلتها وصرفو عليا في ثانوى كتير ومصاريف كليه والكورسات وفي الاخر مشتغلتش هيبقي الموضوع مش حلو قدامهم وحرام انى ادخل كليه 5 سنين واخد كورسات وفي الاخر يبقي كلها ملهاش لزمة واقعد في البيت
او ادخل كليه عارفه ان ليها شغل بس افشل فيها عشان مش بحبها
انا محتاجة حد عارف كويس الفرق بين الكليتين وشغلهم ويرد عليا

[دكتورة/نورهان]

بصى لو عايزوة ديكور ودى رغبتك خلاص بس بقى خليكى ذكية الهندسة بيبقى بعديها فنون تطبيقية ودى كلية قمة بردوا ادخليها افضل وفيها قسم تصميم داخلى واساس الى هو ديكور ودول اكيد فرص شغلهم اكبر واسم الكلية والوجهة الاجتماعية لو هتفكرى فدة اقوى بكتير ومتزعليش منى فنون جميلة من حاجة وتمنين وديكور كمان منها فى ادبى علشان كدة شغلهم صعب لكن فنون تطبيقية علمى بس وبتاخد من 93 فى المية فاكيد كلية قمة وهى بعد الهندسة اساسا دى نصيحتى بلتوفيق

[bahaaeldeen]

المشاركة الأصلية كتبت بواسطة دكتورة/نورهان

بصى لو عايزوة ديكور ودى رغبتك خلاص بس بقى خليكى ذكية الهندسة بيبقى بعديها فنون تطبيقية ودى كلية قمة بردوا ادخليها افضل وفيها قسم تصميم داخلى واساس الى هو ديكور ودول اكيد فرص شغلهم اكبر واسم الكلية والوجهة الاجتماعية لو هتفكرى فدة اقوى بكتير ومتزعليش منى فنون جميلة من حاجة وتمنين وديكور كمان منها فى ادبى علشان كدة شغلهم صعب لكن فنون تطبيقية علمى بس وبتاخد من 93 فى المية فاكيد كلية قمة وهى بعد الهندسة اساسا دى نصيحتى بلتوفيق

يبدو لديكى جهلا بالامور
ديكور لا ياخذ من ادبى الا فى اسكندرية للاسف وبمجموع يفوق التسعين
وباقى الكلياتت تأخذ من علمى
ديكور يدرس كل اسس التصميم الداخلى

[دكتورة/نورهان]

المشاركة الأصلية كتبت بواسطة bahaaeldeen

يبدو لديكى جهلا بالامور
ديكور لا ياخذ من ادبى الا فى اسكندرية للاسف وبمجموع يفوق التسعين
وباقى الكلياتت تأخذ من علمى
ديكور يدرس كل اسس التصميم الداخلى

لا حضرتك انا لا يبدو عندى جهلا بالامور انا قلت ان بتاخد من ادبى مقلتش كل المحافظات ولو مش عارفة توضحلى بادب لانى متكلمتش بعدم احترام مسمحلكش تقولى كدة فاهم لانى مقلتلكش حاجة تجرحك فكلمنى باحترام لوسمحت انا مقدرة المهنة بتاعتكوا ومقلتش حاجة لكن انت عندك لبس بس ومرة تانية متكلمش بالاسلوب دة معايا لانى مسمحش واظن قوانين المنتدى بتمنع الكلام دة سلام يا يا استاذ

[el senyorita]

المشاركة الأصلية كتبت بواسطة دكتورة/نورهان

لا حضرتك انا لا يبدو عندى جهلا بالامور انا قلت ان بتاخد من ادبى مقلتش كل المحافظات ولو مش عارفة توضحلى بادب لانى متكلمتش بعدم احترام مسمحلكش تقولى كدة فاهم لانى مقلتلكش حاجة تجرحك فكلمنى باحترام لوسمحت انا مقدرة المهنة بتاعتكوا ومقلتش حاجة لكن انت عندك لبس بس ومرة تانية متكلمش بالاسلوب دة معايا لانى مسمحش واظن قوانين المنتدى بتمنع الكلام دة سلام يا يا استاذ

حضرتك يا دكتورة نورهان محدش غلط فيكي
انتى اللي اتكلمتى غلط وقللتى من شان الكليه
واحنا نقصد ان المجتمع بتاعنا جاهل في معرفته بكليه فنون جميله لانها مش منتشرة لو كانت موجوده في كل محافظة زي باقي الكليات وبتاخد كل كليه الاااااااااف من الطلاب كانت الناس عرفت ايه هى الكليه
واستاذ بهاء مش جاهل لانه يقصد بجهل المعرفه عن الكليه ولو انتى تقصدي انه جاهل في النطاق اللي احنا بنتكلم فيه فهو عارف كويس كل حاجة عن الكليه بجميع اقسامها وعارف فنون تطبيقيه كويس وهندسه وعارف الفرق بنهم
فنون تطبيقيه اللي حضرتك بتقولي انها قمه وداخله مع الهندسه والكلام الي قولتيه فهى مفهاش غير قسمين نقابه مهندسين وبالباقي لا
الدراسه في فنون تطبيقيه سنة اعدادى بتدرسي كل اللي في الاقسام بعدها تدرسي 4 سنين ديكور وبتندرسي فرعين الديكور
لكن فنون جميله 5 سنين بتدرسي ديكور وبتخصصي في الحاجة اللي تطلبيها وانا مش عاوزة ادرس حاجة زياده ومش محتاجاها
وانا طلبت الراي بين كليتين ومدخلتش فيهم فنون تطبيقيه
لان معنديش فنون تطبيقيه في اسكندريه
ولو قريتي كلامى كويس هتعرفي انى موجهة كلامى للناس اللي عارفه الكليه كويس مش لحد جاهل عن الكليه
ياريت تكونى فهمتى
ومتغلطيش في حد لان محدش غلط فيكي