سمك سقعان

[بكري راشد يحيا]

جوايا بحر
وبحري مليان سمك
بس سمكي سقعان
جوايا سما
والسما مليانة سحاب
لكن مطري كسلان
جوايا عصفور
وعصفوري مليان غُنى
لكن غناة هذيان
جوايا طفل
وطفلي ماسك ريشة
لكن لساه مبقاش فنان
جوايا ورد
ووردي أحمر مدهش
لكن أوان ربيعة لم يبان
جوايا برضوا أمل
وأملي لسة جوايا
وجوايا فرص وجوايا العنوان

[مريم السباعى.]

افكارك مميزة ب ساظن انك محتاج تكتب كتير بس فى موهبة حلوة جواك وافكار مميزة ان شاء الله دام ابداعك

[فاروق ابوعيانه]

جوايا إحساس أنك ستكون شاعر عظيم من شعراء العامية .
جوايا إحساس أنك ستكون بيرم جديد وربما أبنودى أو جاهين أو نجم .
فقط لا تتعجل فى إخراج القصيدة ونشرها وإنما عد إليها بعد الكتابة مرة وأكثر حتى يكتمل بريقها .
بالمناسبة انت بتكتب بخط صغير قوى ياريت تكبر حجم الخط من الاعدادات علشان مش كل مرة اكبره أنا ( بضحك معاك ) .
فى انتظار جديدك